بنت الكاريان والمشهـور الوسيـم

البارت 17

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 17
       ~~~~أصبح الملك والملك الله~~~~

_فاقت نهيلة بكري وطيبت الفطور وفطرت خوتها وصيفطتهم للمدرسة وبدات هيا ومها كيخملوا دار... بغات تمشي وتخلي دار نقية باش متعدبش الأم تاعها.... بعدما جمعوا دار وسيقوها وخلاوها تشقشق طيبوا لغدا وتغداو من بعد دخلت نهيلة للبيت باش تجمع حويجها....

نهيلة وهيا كتقاد حويجها فواحد لباليزة : الله ياربي الله هدشي كلو فين غادي نديروا موحال يقدوا هاد الحويج كلهم هنا ومشاااكيل

_مشات جابت ساك خر وبدات كتجمع فيه لماكياج ولباروكات تاع شعر وصبيغ... بعدما جمعت فيه كلشي سداتوا وسدت لباليزا وحطتهم حدا لباب ورجعت كتقلب على تلفونها تشوف هدوا مالهم مصوناوش....

نهيلة هزت تلفون لي كان كيصوني ولكن حيث محيدة ليه صوت مسمعتوش : ويلي ويلي كيصوني (جوبات على المكالمة...) الو...
يونس : الخرى علاش مكتجوبيش سيد لي غادي يجيبك... واش مبقيتيش جايا...؟!
نهيلة : مالك كتغوت عليا راني ممسالياش راه عندي لمشاريع وتلفون مكنساليش ليه اسي
يونس : بينة على مك حالة تاع لمشاريع
نهيلة وهيا كتهدد فيه وهازة صبعها كأنه كيشوفها : لزم حدودك ومي خليها فتيقار أنا قلت ليك مكنتش مساليا ونتا راه يحسن ليك شرف نخدم معاك راه عليا ضوموند كون تشوف شحال من واحد صونا عليا من صباح ليوم باغيني نخدم معاه ورفضت على قبلك... حيث قلت حشومة نخوي بيه
يونس : غاخوي بيا لما نخوي ليك ركابي راني ماشي يونس
نهيلة :  سري انا لي كبرت بيك نستاهل
يونس : ممساليش نجمع معاك راني فالخدمة غادي يصوني عليك شيفور تجوبيه فالبلاصة متفوتيش حتا ثانية
نهيلة : ومالك كتغوت
يونس : على الله تعطلي

_قطع وخلاها كتغوت وتعيب فيه... مكملتش دقيقة حتا صوناا عليها نمرة جديدة لي بينة تاع شيفور...

نهيلة وهيا كتحسب بيديها : قالت متفوتيش ثانية أنا غادة ندير عشرة تاع ثواني كاع.... 1.... 2... 3... 4... 5... لا واقيلا كترت صافي نجوب دابا يقطع ونصدق راجعة مصونيا عليه ومضيعة تعبئة.... (جوبت على المكالمة...) الو...
شيفور : سلام امدام انا هوا شيفور تاعي موسيو لمصراوي لي غادي يوصلك للڤيلا تاع سي لمصراوي
نهيلة : اولا نتفاهموا على واحد الحاجة أنا ماشي مدام الله يخليك مدموزيل الله يرحم بيها الوليدين راني مزال مادة يديا للحنة (رجعت فكلامها...) ولكن دابا جمعت يديا حتا نكمل احلامي عاد نرجع نحل يديا ولكن وخا جامعة يديا رجال مقالونيش عليهم وخلاوني نحقق احلامي ومنهم داك سي تاعك يونس حتا هوا بغاني ولكن انا مقبلتش بيه