بنت الكاريان والمشهـور الوسيـم

البارت 46

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 46
يونس : لا حتال غدا ونصيفط ليك طيارة لي تجيبك باش بعد غدا نمشي انا وياك نخطبوها من عائلتها
جدة : ومالنا على هاد زربة غير حتا نوجدوا بعدا منديو معانا
يونس : كلشي موجود خاصنا غير نتي
جدة : اوا صافي اسيدي غدا تلقاني عندك اوا هاد لبنت شكون هيا شكون عائلتها كنعرفوهم ولا لا
جدة : حتا تجي وتعرفي عليها وزيدون أنا لي غادة نتزوج ماشي نتي
جدة : اسيدي انا كنتيق فيك وفالختيارك والى نتا عاجباك الله يكمل عليكم بالخير
يونس : امين يله تصبحي على خير
جدة : بسلامة اولدي

_قطع معاها وتاصل باليدوا ليمنى وعلموا باش غدا يصيفط طائرة لجدة تاعوا من بعد مشا تلاح فوق ناموسية وهوا كيفكر حتا نعس...

     ~~~~ أصبح الملك والملك الله ~~~~

_فاقت نهيلة وبدلات حويجها ومشات فطرت معا يونس وسلمت عليه من بعد مجمعت حويجها وركبت معا شيفور ومشاو...

_عند نهيلة فالطموبيل....

نهيلة شافت فالشيفور : نتا جديد ولا شنو فينوا لاخر
الشيفور 2 : لا أنا واحد أخر وخدام هنا وهوا لي قاليا نوصلك
نهيلة : علاش قالك وصلني نتا وموصلنيش هوا
الشيفور 2 : معرفتش قاليا بلي نتي كضريه فراسوا ومقدرش يستحملك
نهيلة خرجت فيه عينيها : أنا أنا كنضروا فراسوا اويلي اويلي على لكلب لي قالها ليه (ضارت عندوا ) شوف اخويا واش انا فيا صداع غاهدر
الشيفور 2 : انا مبان ليا والو صراحة
نهيلة : سير الله يرضي عليك نتا لي كتفهم أما هداك لاخر راه حتا سوقان معندوش معاه واش ديك المرة مقدرش حتا يوفق طموبيل فالجنب ومرة خرى مقدرش حتا يزيد طموبيل شوية حدايا باش نركب غاسكت راه مسكين يونس غامتاقي فيه وجه الله ومخدموا معاه وصافي عرفتي أنا لي معنديش لبيرمي كنسوق حسن منوا انا راه مكنشكرش راسي ولكن هوا راه بزااف وكنت فينما نركب معاه يبقا يتنفخ عليا وميسكتش من الهضرة وقالك دابا أنا لي مكنسكتش وكنضر فراس والله مكيحشم
الشيفور 2 شاف فيها وقال فخاطروا : كيبان ليا معاه الحق سعداتوا تفك منك
نهيلة : ياك معايا الحق
شيفور 2 هز راسوا بأه وخا هوا مفاهم والو : اه اه معاك الحق
نهيلة : سير الله يرضي عليك نتا لي كتفهمني