بنت الكاريان والمشهـور الوسيـم

البارت 37

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 37
_بقاو كيدوروا وهوما كياكلوا وطبعا نهيلة مسكتتش طول طريق وهيا تعاود ليها على مواقف لي طراو ليها فالحياتها وحتا هوا كان مسايرها ومخليها تهضر على راحتها وخا مرة مرة كينكدها عليها ولكن عارفها مغاديش تقلق وغادة تكمل....

_بعد مدة تاع طريق رجعوا للڤيلا وهونا عيانين تاع صح بسباب طريق...

يونس لي كان واقف وسط صالون غادي باغي يطلع للبيت تاعوا ويخلي حتا نهيلة دخل للبيتها... شاف فيها بإبتسامة : شكراا
نهيلة ضارت عندوا وهيا مستغربة : علاش كتشكرني...؟!
يونس : حيث عطيتيني من وقتك وخرجنا ومخليتينيش نحس بالوقت
نهيلة  صغرت فيه عينيها : العفو وخا هادي راه خدمتي ولا نفكرك
يونس تنهد : ايه معاك الحق يله تصبحي على خير

_ضار وهوا كيعير فراسوا حيث غلط وشكرها على واحد الحاجة لي أصلا هيا كتخلص عليها...

_فالبيت عند يونس لي كيحيد فالحويجوا باش يدخل يدوش...

يونس وهوا كيعير بالعصبية : علاش أصلا قلت ليها شكرا راه كتخلص على دكشي لي كدير على هيا غاجات ودارت هكاك... غاجات وخلتني نستمتع بوقتي راها غير كدير خدمتها وأي وحدة فالبلاصتها غادي دير بحالها... مكانش عليا نشكرها أصلا

_زفر بضيق ودخل باش يدوش وحاول يشتت أفكاروا وينساها...

_لتحت عند نهيلة لي كانت باركة قدام المراية وكتحيد فالشعر الإصطناعي وتمسح المكياج...

نهيلة : علاش شكرني بضبط... واش حيث خليتوا يخرج بلاما يعرفوا شي حد...؟! ولكن راه أصلا هادي خدمتي علاش غادي يشكرني على قبلها بديك طريقة.... (سكتت لمدة وهيا كتفكر) زعما يكون قصد بديك شكرا حاجة خرى...؟!

_وسط تفكيرها قاطعها صوت تاع تلفونها لي كان كيصوني ومحطوط فوق ناموسية...

نهيلة ناضت هزات تلفون وجوبت ورجعت قدام لمرايا... : ألو بابا
احمد بالغضب : علاش مكنتيش كتجوبينا خلعيتينا عليك انهيلة
نهيلة حيدت تلفون من على ودنها و دارت مكبر صوت ودخلت تقلب معاش صونا عليها : راه ابابا عير مشفتوش