بنت الكاريان والمشهـور الوسيـم

البارت 50

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 50
_مشات نهيلة لدارهم وخلات سفيان لي دا لفلوس ودخل لدارهم...

_عند نهيلة لي دخلت لدارهم....

خديجة : فين تعطلتي هدشي غير قلت ليك جي بكري
نهيلة : وراه كان عندي ميدار ولكن هنا جيت دابا
خديجة : زيدي راه خاصنا نخرجوا عندنا عرام ميدار خاصنا نجيبوا الحلوة ونجيبوا ليك شي قميص تلبسيه راه معندك والو
نهيلة بستغراب : هدشي كلوا لاش
خديجة : هدشي كلوا لغدا للناس لي غادين يجيو
نهيلة : اويلي مالنا على حالتنا حتا نديروا هدشي كلوا
خديجة : يكما باغا تجري على ناس ويكما باغا دخلي عليهم بهاد لحالة (وطلعتها ونزلتها)
نهيلة شافت فراسها ورجعت شافت فيها : ومال هاد الحالة على مزيناتها فنة
خديجة جرتها باش يخرجوا حيث كانت لابسة عليها جلابتها : زيدي معايا قوت الهدرة راه ممزياناش ليك
نهيلة : ودابا راه هدشي كلوا غادين نضيعوا فيه غير فالفلوس
خديجة : اوا الى مضيعناش لفلوس فهدشي فاش بغيتي نضيعوهم
نهيلة : هاد ولد الكلبة هدشي شتوا حسبوا عليا خاصني نتفاهم معاه حتا على المصاريف تاع هدشي
خديجة ضارت عندها بستغراب : كيفاش شكون هذا ثاني
نهيلة لي وعات على راسها وشنو قالت : لا قصدت زعما بلي يله نمشيو دغيا راه غادين نتعطلوا
خديجة شافت فيها بشك : زيدي نمشيو

_مشات نهيلة وخديجة كيضوروا ويقلبوا على شي قميص زوين لنهيلة باش تلبسوا غدا فالخطبة... من بعد مخداو كاع دكشي لي غادي يخص باش تلبسوا غدا من قميص بلغة ساك وشال خفيف مشاو لعند مولات لحلوى باش يختاروا شي أشكال زوينين لي يزوقوا بيهم غدا وخداو من عندها لمسمن تاع رفيسة ووساوها على لمسمن ولبطبوط ولبغير باش توجدوا ليهم لغدا....

_وصلوا لدار وهوا هازين لميكات تاع تقضية... دخلوا جراو على دراري وباها للقهوة وهيا وختها ومها بداو كيجمعوا فدار ويسيقوا وينقيوا فين يجيو ناس... غير كملوا وجمعوا حويجهم ومشاو للحمام لي كين حدا دار لي طبعا نهيلة مكتمشيش ليه باش ميشوفها حد تم ولكن كانت كتمشي لواحد بعيد باش ميعرفها حد ولكن معا الأم تاعها مقدرتش تبعد.... غير دخلت وحيدت حويجها ولعيالات ولبنات تاع ضرب كلهم تصدموا منها من كترت كين لي معرفهاش حتا شاف مها وختها... منقولوش تصدموا حيث هيا زوينة بزاااف ولكن حيث كانت كتبان ليهم فصورة خيبة ومزويناش ولكن تصدموا من طول شعرها وحتا بياض لحمها وعينيها لي لونهم مختالف.....