بنت الكاريان والمشهـور الوسيـم

البارت 98

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 98
يونس ناض هوا كيقاد فالحويجوا وراسوا : وشوفي كيف درتي ليا زعما راه ليوم عندي تصوير واش نمشي هما حالتي كاع مقمشة تقول ساكنة معايا مشة
نهيلة ناضت غادة خارجة : عادي خليهم نيت باش يتيقوا بلي راك مزوج (دارت عندوا وغمزتوا) ومرتك لي دارت ليك هكاك

_خرجت وخلاتوا مبتاسم... بتاسم لبزااف تاع الحويج وأخيرا ولا معاه واحد شهص لي معمر حياتوا لي كيجيه صعيب مينكدهاش عليه ويشوف الغضب تاعوا ولكن فالحظة تلاشات الإبتسامة تاعوا فاش تفكر بلي هادي فقط صفقة زواج.... دخل بدل حويجوا وهوا كيفكر فالهدشي وكيقول معا بالوا واش يقدر يتبدل هاد زواج من صفقة لحقيقة... بعدما كمل لبس نزل لتحت....

_نهيلة لي كانت بدلت حويجها حتا هيا دغيا بالكسوة بالكحل وساك بالنفس لون ووقفت قدام دروج كتسنا فيه....

يونس لي واقف فالأواخر درجات كيشوف فيها بالستغراب : مالك لابسة حويجك
نهيلة : ياك غادة نمشي معاك لبلاصة تاع تصوير
يونس : ماشي على صباح دابا انا غادي الشركة نشوفها حتال شوية عاد نجي ونديك معايا
نهيلة شاف فيه وعينيها لامعين : عفاك ديني معاك لشركة نشوفها كيف ديرة عفاك
يونس هبط كمل طريقوا باش يخرج : لا منديكش معايا هديك بلاصة تاع الخدمة ماشي لعب
نهيلة تبعتوا وهيا كزلب فيه : عفاك ديني معاك والله مندير ليك شي حاجة... وأصلا حتا بلاصة تاع تصوير بلاصة تاع الخدمة وغادي ديني معاك شنو الفرق
يونس دار عندها : لا منديكش وصافي واصلا شركة بلاصة لي هادئة ومكينش الحس تاع ذبانة كيدور إلى مشيتي معايا غادي تقلبي شركة كلها
نهيلة بدات كطلب وتهدر باليديها : هانتا شوف نمشي نبرك حدا منتململش من حداك (جرت كسوتها وهيا كدير فراسها بلي كتغبن) ودابا انا هاد الكسوة لي لبست ديع منخرجش بيها غير لبستها هكاك
يونس : بقاي بيها حتا نجي نديك معايا لبلاصة تاع تصوير ولا مغادي نديك لحتا بلاصة

_قال كلاموا ودار غادي حتا شدتوا نهيلة من يدوا موقفاه وهيا كطلب فيه باش يديها...

نهيلة شدت لي فيدوا : عفاك ديني معاك والله مندير ليك شي حاجة غادة ندير عقلي
يونس دار شاف فيها ببتسامة تاع شخص عندوا شي نصيب من هدشي لي غادي يدير : غادي نديك معايا
نهيلة غوتت من الفرحة : بصح... قول والله حتا غادي ديني معاك
يونس : عندي شرط باش تقدري تمشي معايا
نهيلة جرتوا من يدوا باش يخرجوا خيفة انه يبدل رأي تاعوا : موافقة عليه
يونس وقفها ودورها عندوا : لا سمعيه عاد وافقي ولا متوافقيش ديك ساعة