بنت الكاريان والمشهـور الوسيـم

البارت 55

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 55
نهيلة : انا غادة نمشي نحل للباب
خديجة : غادة تكون غير سعاد
نهيلة : أه بينة

_مشات نهيلة باش تفتح للباب...

سعاد شافت فيها وهيا هازة ميكة فيها لقميص تاعها : سلام عليكم اختي
نهيلة : وعليكم دخلي (بعدت ليها من لباب باش دخل)
سعاد ستغربت من صوتها لي كيشبه لنهيلة : اه وخا اختي

_دخلت وهيا باقا مستغربة...

سعاد : فينها نهيلة أختي
نهيلة عطاتها لقفا وتمات غادة للكوزينة : وعلى هادي لي فدامك شكون جنية تاعها مثلا
سعاد هزت يدها كتحك بلاصة تاع ضربة : اويلي على نهيلة... وهيا صوتك بحالها ولكن نتي ماشي بحالها
نهيلة دخلت للكوزينة : سيري حطي لميكة فالبيت واجي لهنا تعونينا
خديجة : سلام ابنتي كيف ديرة لباس عليك
سعاد لي باقا فعز صدمة : لباس حمد الله اخالتي... (ضارت شاف فنهيلة) تي واش بصح هادي نتي
نهيلة خدات منها الميكة : لا أنا غير خيالها

_دات لميكة للبيت وخلات سعاد مصدومة... صوت نفسوا ولكن صورة مختلفة تماما... رجعات عندهم باش يتعاونوا مجموعين....

سعاد : واش ديرة لي لونتي ولا عينيك هادوا
نهيلة : كنت ديراهم دابا لا
سعاد ضربتها لكتفها وهيا كضحك : زينة ومخبية علينا زينك العفريتة
نهيلة : اودي راه غالوقت لي خلاتنا نخبيوه وسلام
سعاد : والله يصوب وهانتي حتا نتي غادة تهناي
نهيلة تنهدت : ايه غادة نتهنا
خديجة : اتوما حركوا يديكم باركة من تحتيت

_قادوا لمسمن ولبغرير فالطباسل وستفوا الحلوة حتا هيا وجبدوا سينية ولبراد ولكيسان جداد وقادوهم وحطوا كلشي فوق طبلة منغير سينية لي مزال معمروش فيه أتاي... وجدوا للبلول ديال رفيسة وجبدوا لمسمن تاع رفيسة وداروه يفور فورة وحدة باش يتطلق....

خديجة : صافي سيروا بدلوا وجدوا راسكم
نهيلة : غير نكملوا معاك ونمشيو
خديجة : لا غير سيروا أصلا مبقا والو
نهيلة : يله هحنا غادين

_دخلت نهيلة وسعاد للبيت باش يوجدوا راسهم....