بنت الكاريان والمشهـور الوسيـم

البارت 16

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 16
يونس : دابا نشوفوا
نهيلة : لاش معيط ليا ياك درنا بعد يومين يجي عنجي شيفور
يونس : صونيت عليك باش نأكد عليك واش غادة تجي ولا لا
نهيلة : أه غادة نجي
يونس : وافقت عائلتك
نهيلة : لبارح هدرت معاهم او وافقوا
يونس : اوك وغدا غادي يجي عندك شيفور باش يجيبك
نهيلة : صافي وخا

_قطعات معاه وتحركت لدارهم....

_مشات لدارهم وبدلات حويجها وطيبت لغدا وجمعت دار دغيا وبركت حدا ماماها وباباها... من بعد جاو خوتها وبركوا كيتغداو مجموعين....

نهيلة : غدا غادي نمشي للخدمة
أحمد : الله يسر ليك ابنتي
نهيلة : أمين
مراد : فين غادة
نهيلة : غادة نمشي لمدينة خرى ونخدم تما
مراد : علاش غادة تمشي لبلاصة خرى
نهيلة : وراه خاصنا لفلوس اخويا دكشي علاش خاصني نمشي لتم ونخدم باش نجمعهم
مراد حط دغمة تاع الخبز من يدوا : قلت ليك بركي فدار وأنا غادي نخرج من المدرسة ونخدم عليكم
نهيلة بالعصبية : أخر مرة تقول أنك غادي تخرج من المدرسة أنا ديرة هدشي كلوا على قبل باش تقراو ونشوفكم شي حاجة كبيرة فالبلاد وأنا عاجبني هدشي لي كندير فيه كلو
مراد : ولكن أنا مبغيتكش تعدبي على قبلها
نهيلة جرتوا معنقاه ر وشكون قالك أنا معدبة... انا ديرة هدشي وفرحانة بيه... أنا غير جيبوا ليا نقاط زوينين وغادين تنسوني فكلشي
مراد : الله يخليك ليا وأنا كنواعدك غادي نقرى ونخدم ونفرحك بكاع دكشي لي نتي بغيتي تشوفينا فيه
نهيلة : هذا هوا لكلام لي نبغي نسمع
أحمد بعجز : كون كنت نقدر منخليك لا نتي ولا هوما تعدبوا
نهيلة : متقولش هكا ابابا انا فرحانة وعاجبني هدشي لي كندير... أنا يكفيني نشوفكم معايا وحدايا ونكون مطمئنة عليكم
خديجة : الله يخلينا ديما مجموعين يارب
نهيلة : أمين يارب... يله قلبوا علينا هاد الموضوع وخليونا نشطوا ههه

_كملوا الماكلة تاعهم وسط ضحك وتقشاب... من بعد ناضوا دراري لبسوا ومشاو للمدرسة... اما نهيلة خرجت هيا وخديجة تقداو تقدية تاع سيمانة لي مغاداش تكون فيها وومن بعدرجعوا طيبوا لعشا وتعشاو تاني مجموعين وسط ضحك وتقشاب وفالأخير كل واحد منهم مشا ينعس...