🎵🌸بــنت الكريـــان والمشهـــور الوسيـــم🌸🎵
🎵🌸صــــفقــــة زواج🌸🎵
💜🌸أحــــبـبــــت بـــســـاطــتـــك النــــــادرة🌸💜
بقلمـــــي وأناملــــي :🎶أميــمـــة مــاريبــوســــا🎶
الـبــــــــــــارت : 82
يونس : ياك اجدة دابا انا باغيك تمشي بحالك
هدى : انا مقلت والو
يونس : دار دارك والى بغيتي تبقاي معانا كتر مرحبا بيك
نهيلة : كون غير بقيتي معانا اخالتي والله اش غادة تمشي ديري راسك
هدى : ولفت تم ابنتي وريحت المرحوم كينة تم وزيدون نتوما يله مزوجين خاصكم تبقاو راسكم وحتا ديروا وجيو عندي
يونس : ان شاء الله دابا نجيو عندك بجوجنا
هدى : ان شاء الله_دخلت عليهم المساعدة...
المساعدة : العشا واجد الى بغيتوا تجيو تاكلوا الآلة
نهيلة : وخا هحنا جايين
هدى ناضت غادة خارجة معا المساعدة : يله اجيو تاكلوا_مشات هدى باش تغسل يدها وخلاتهم وراها باش يتبعوها...
نهيلة وقفت وشافت فيه وهيا حاطة يديها على نصها : دابا نتا مكتحشمش علاش كنتي كدير هكاك قدامها دوي علاش كنتي كدير هكاك
يونس وقفت وهزها فوق كتفوا وتم غادي للحمام باش يغسلوا يديهم : بغيتها تيق دكشي علاش
نهيلة بدات كضرب ليه فضهروا باش يحطها : وزمر ولخرى حطني
يونس : لا مغاداش نحطك
نهيلة بالغوات : بغيت ليك ساكتة لمسكوتة لما حطني الله يعطيك لحكة وقلة ضفار_خرجت هدى من الحمام وهيا كتمسح يدها حتا شافت يونس لي هاز نهيلة وهيا كتغوت...
هدى شافت فيه وهيا مفاهمة والو : اويلي حطها عنداك طيحها
نهيلة بالغوات : يونس حطني باركة من لبسالة
يونس شاف فالهدى : مرتي وبغيت نهزها عندكم شي مانع بجوج
هدى : مكين حتا مانع ولكن عنداك طيحها
يونس : متخافيش نتأدى أنا ومنخليهاش تأدى هيا
هدى تمت غادة : غدا وصلني للمطار نمشي بحالي
نهيلة : وااا يونس حطني الله يعطيك لقرض فاليدين
يونس بلا مبالاة ليها شاف فالحاجة لي كانت غادة : علاش بغيتي تمشي...؟!
هدى ضارت عندوا وهيا كضحك : اوا نخليكم على راحتكم تعيشوا الحياة راني حابساكم هاد ساعة_قالت كلامها وهيا كضحك ومشات لطابلة تاع العشا وبركت كتسناهم باش يجيو ياكلوا معاها...
أنت تقرأ
بنت الكاريان والمشهـور الوسيـم
Humor🎵🌸بــنت الكريـــان والمشهـــور الوسيـــم🌸🎵 🎵🌸صــــفقــــة زواج🌸🎵 💜🌸أحــــبـبــــت بـــســـاطــتـــك النــــــادرة🌸💜 بقلمـــــي وأناملــــي :🎶 Azorita | أزوريتا 🎶 قصتنــــا كتحمـــل من كـــل فــ...