بنت الكاريان والمشهـور الوسيـم

البارت : 5

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 5
_بقاو كيجريو لمدة حتا دخلتوا لواحد ضرب....

نهيلة وهيا كتنهج : صافي صافي وقف راني سخفت

_تكات على ركابيها كتلتاقط الانفاس تاعها.... شوية هزت فيه عينيها....

نهيلة : اجي نتا اش كنتي كدير تما.... بلاتي علاش كانوا مجموعين عليك لبنات..... (كانت كتهدر وتعبر بيديها) اويلي.... (وضربت على فخاضها) يكما ضرتي شي حاجة لشي بنت وضربوك.... لا لا واقيلا مية فالمية دخلتي لداك ريسطوا وشفرتي شي حاجة حيت راه ديك لبلاصة كيدخلوها غير ناس لبخ
شخص : واش ممكن تسكتي شوية (وجبد من جيبوا تليفون اخر موديل...)
نهيلة : ويلي على صكع شافر تليفون علا مزيناتوا..... شوف اخويا شفرة راها مموكلاش انا حاس بيك.... وعارفة كتشفر غير حيت محتاج ولكن شوف اخويا انا نضبر ليك على خدمة وخدمها حلالا طيبا اما هدشي لي نتا فيه عمروا يكمل عليك فيه الله..... شوف كنعرف واحد لميكانيك باغي شي واحد يخدم معاه.... اشنو تمشي تخدم عندوا...؟!
شخص : واش ممكن تسكتي شوية.... (هز تليفون وصونا على شي نمرة وقال....) نبغي دابا طموبيل توصلني.... (سكت وشاف فنهيلة....) شنو اسم هاذ لبلاصة..؟!
نهيلة : درب لمزاليط..... لا... بغيت نقول شارع لفلان لفلاني {عطاتوا لمعلومات}
شخص : بعد 10 دقائق نبغي لوطو تكون عندي.... (قطع الاتصال...)
نهيلة شدت على راسها : الله الله ياربي.... متقولش ليا نتا خدام معا المافيا محول كانوا مجموعين عليك.... (كانت كتهدر وتعبر بيديها...) قول كنتي باغي تفشر شي وحدة باش تبيعي أعضائها.... شوف اخويا عافاك البزيزيلة لما خليني نمشي.... شوف انا راه مزال باغا ندير دار لعائلتي وباغا نضمن مستقبل لخوتي.... راه انا متزوجتش على قبل هدشي.... فالعفااك... غير خليني حتا نجمع ونحقق هدشي.... ونتا عطيني لعنوان غير نسالي ونجي عندك وديك ساعة ق*تلني وبيع اعضائي.... الله يرحم بيها الوليدين اخويا 
شخص : واش من نيتك نتي اشمن مافيا واشمن اعضاء سكتي شوية.... (زفر...) ناري شحال فيك تاع لهدرة.... وبزااف
نهيلة : اوا شكون نتا راه بينة لبااس عليك وهدرتك تاع ناس لمافيا
شخص : واش مكتعرفينيش...؟!
نهيلة خيبت سيفتها فيه : معاك بالله وبالشرع حتا نعرف ناس بحالك
شخص : راني ماشي مفيوزي
نهيلة تنهدت : اوا لحمد الله.... وبلاتي مني ماشي مافيوزي اش كتكون...؟!
شخص : انا يونس لمصراوي
نهيلة : معرفتش سامعة هاذ الاسم ولكن معقلتش فين (صغرت عينيها فيه كتحاول تفكر....)