بنت الكاريان والمشهـور الوسيـم

البارت 47

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 47
_طريق كلها وهيا كتهدر مسكتتش وشيفور غير مساعف معاها وكيعير فخاطروا وكره نهار لي وافق انه يوصلها فبلاصت صاحبوا لي طلبوا....

_نزلات من طموبيل بعدما سلمات عليه وخدات باليزتها وتحركت لدرب... كما العادة اول شخص تلاقات معاه هوا لمشربن...

سفيان بستغراب : مالك اش علاش جيتي ونتي يله مشيتي
نهيلة : اصاحبي الهدرة طويلة وسكات حسن
سفيان : واش ضار ليك شي حد غاوريه ليا أنا نمشي عندوا دابا
نهيلة : اريح ونتا باغي غير ضارب
سفيان : ومالك جيتي
نهيلة : راه غادة نتزوج
سفيان ببتسامة : وشكون هاد تعيس الحظ
نهيلة ضربتوا : قول سعيد الحظ على شكون يلقا بحالي
سفيان : غاطلقينا شكون يكون تعيس ولا سعيد صافي مشا لوقت وغادي يدخل للقفص الزوجي
نهيلة : سيد لي خدامة عندوا وهوا لي غادة نتزوج بيه
سفيان : ومبروك عليك والله حتا فرحت ليك (قرب عنقها وحك ليها راسها بيدوا ) مبروك عليك
نهيلة بادلتوا العناق : الله يبارك فيك العقوبة ليك نتا وسعاد يارب
سفيان بعد عليها : اودي خلي داك جمل راكد أنا كيبان ليا عمرنا غادين نتزوجوا
نهيلة : علاش كتقول هكا شنو وقع
سفيان : لبارح واحد ولد لحرام مشا خطب سعاد من عند باها وأنا مكنتش فالدرب ومشفتوش باش نمنعوا كيف لخرين ومشا هدر معا باها وهوا وافق ومشيت هدرت معا باها وقلت ليه شنو كين وقاليا منعطكش بنتي ونتا بزناز سير خدمة خدمة حلال وكون قد المسؤولية وجي مرحبا بيك
نهيلة : اوا هادي خبار مزيانة سير حيد من لحشيش وتبزنيز وخدم خدمة شريفة وسير خطبها
سفيان : شكون بغا يخدمنا حتا نتي راه عيت منقلب
نهيلة شدت ليه يدوا : سمع نقولك عندي فالبنكة 3 تاع لمليون ونص وشي صرف ندخل للدار نرتاح ونخرج معاك نخرجوهم كلهم ونعطيهم ليك وسير شري بيهم شي هوندا وسير للمارشي جيب ليمون ولا بطاطة ولا لي بان ليك مزيان وجي لسوق وبدا تبيع وهانتا عيش عيشة حلالا طيبا والى مشيتي تخطب باها مغاديش يرفض
سفيان حيد يدوا : لا غير سمحيليا ولكن منقدرش ناخد من عند شي فلوس والله
نهيلة : متاخدهمش اسيدي غير تسلفهم وفاش تكمل كلشي جمعهم ورضهم ليا
سفيان : لا أختي غير خلي فلوسك عنجك حتا نتي زيدين فيك وباغا تشري دار لعائلتك راه يله يله
نهيلة : انا مبقيتش محتاجاهم دكشي علاش بغيت نعطيهم ليك تنقد بيهم راسك وتنقد حتا لبنت لي كتبغي باش متزوجش شي حد وهيا مكتبغيهش
سفيان : بالله متزوجش شي حد غيري يا انا يا حتا واحد