بنت الكاريان والمشهـور الوسيـم

البارت : 8

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 8
نهيلة : اوا هدشي متافقناش عليه
يونس : صافي الى موافقتيش عليه بلاما تخدمي معايا
نهيلة ضورتها فمخها بلي محتاجة لدوك الفلوس والى خداتهم ممكن تحقق لأحلام تاعها دغيا : يله قول شنو هوا شرط تاعك
يونس : شرط ديالي هوا خاصك تكوني ساكنة معايا فالقصر يعني حيت بعض المرات كنبغي نخرج بليل وديك ساعة انا فين غادة نلقاك فداك الوقت... يعني غادي تسكني فالقصر كيف لبنات لخرين وغادي يكون عندك نهار سيري فيه عند عائلتك
نهيلة صغرت فيه عينيها : هيا نتا مخدم معاك غالبنات زهواني معا راسك
يونس : لزمي حدودك انا مكنعرف حتا بنت منهم حيت هوا خدامين للأكل وتنضيف وانا كنعرف غير دادة
نهيلة سكتت شحال كتفكر فهاد العرض لي عمروا غادي يتكرر وحتا لفلوس مستحيل تخلص بيهم فشي قنت خرى : صافي انا مواقفة ولكن راه خاصني نمشي لدارنا ونقولها لعائلتي يعني من بعد يومين نجي عندكم للقصر
يونس : من بعد يومين نصيفط ليك شيفور حتال باب دار ويجيبك
نهيلة : اه وخا
يونس : نمرتك باش يقدر يتواصل معاك
نهيلة:  أه وخا قيد
يونس هز تلفون وحلوا ومدوا ليها : قيدي نتي نمرة انا سيق
نهيلة قيدت نمرتها : شنو نكتب عليها
يونس : سميتك اش.... غادة تكتبي عليها متلا
نهيلة : ومالك كتغوت عليا غابشوية... راني غير سولتك باش لبغيتي تدير شي اسم تبقى عاقل عليه وصافي
يونس بستفزاز : إيه معاك الحق.... (ضار شاف فيها) ديري... لبلبالة
نهيلة طلعت ونزلت حاجب فيه : يااك دابا أنا ولات فيا البلبالة
يونس : وراه مني عرفتك.... دابا شي سعتين مكاملاش هدرتي فيا الهضرة لي هضرت عمري كلو
نهيلة وهيا كتكتب فالتلفون سميتها : اوا صافي حتا نتا متزيدش فيه... موهيم هانا كتبت ليك فيها نهيلة
يونس : صافي
نهيلة مدت ليه تلفون : هكا شي حد كيصوني عليك
يونس خدا من عندها تلفون : حتال من بعد ونجوب
نهيلة : دابا فين غادي
يونس : كنتسنا حضرتك توريني داركم فين كينة
نهيلة : صافي وقف غير هنا باركة عليك
يونس : ساكنة فهاد العمارات
نهيلة شافت فيه : كون كنت ساكنة فيهم كعما تلقاني دابا حداك.... كون راني كنحفظ باش نقاد مستقبلي
يونس : وفين ساكنة خليني نوصلك
نهيلة : صافي باركة عليك غير هنا نكمل غير على رجليا... حيث الى وصلتي حتال درب كون مأكد غادي تخرج ولوطوا تاعك لي عاجباك مدقدقة.... وحتا نتي محل تخرج سالم بسباب بنات درب لي غادي يبغيو يطيروا بهاد الهمزة (وغمزتوا وخرجت ... ورجعت عندوا وقالت ليه من شرجم....) شوف قول لشيفور تاعك نلقاه هنا
يونس : قوليها ليه نتي مني يصوني عليك بعد يومين
نهيلة : لي عول عليك عول على الخلا... صافي وخا انا غادة نقولها ليه.... (تمات غادة وهيا ترجع عندوا فالشرجم...) شنو قلتي ليا سميتك ؟!