الـبــــــــــــارت : 69 يونس شاف فيها وهوا مبتاسم ابتسامة فخر وحب ليها : إمرأة بألف رجل... ماشي كلشي يقدر يدير بحالك... كون كانت شي بنت بلاصتك تقدر تلجأ لفلوس لحرام ومتعدبش بحال هكا باش تعيش بفلوس لحلال نهيلة : حمد الله وحنا درنا كاع دكشي غير باش نكونوا معا الله راضين على نفوسنا وحتا هوا يكون راضي علينا وصافي يونس : خليك بحال هكا حيت نتي هكا مزيان نهيلة : ان شاء الله
يونس : موهيم شوفي حنا غدا خاصنا نرجعوا للڤيلا يعني فالعشية غادة نجي عندكم باش نديكم لداركم جديدة نتي وعائلتك نهيلة : اويلي على فالعشية لا راه خوتي مزال مقاديتش ليهم الوراق باش نحولهم للمدرسة يونس : كوني هانية كلشي قاديتوا ليهم غير يمشيو نهار الإثنين يبداو القراية فالمدرسة جديدة لي غادين يلقاو فيها كتوبتهم وكلشي نهيلة ببتسامة : صافي شكرا ليك بزااف وفالعشية تلقانا واجدين
_ضارت حلات لباب باش تخرج ولكن لقاتوا مسدود...
نهيلة ضارت شافت فيه : حلي ليا لباب يونس قرب لحنكها وباسها : دابا تقدري تقدري تمشي (فتح ليها الباب) نهيلة بقات مسمرة فبلاصتها مكانتش متوقعة منوا هكا : اويلي واش تصطيتي يونس : تنزلي ولا بغيتي مكتر نهيلة بدات تعير وتغوت عليه : والله العظيم وباقي تعودها حتا شراوطك ميجمعهم حد يونس جرها وقرب لوذنها : ماشي حبا فيك بستك غير ماماك حاضيانا هذا علاش بغيت نبين ليها بلي راه حنا متفاهمين (بعد عليها وغمزها) بلاما ضوري دابا تفضحينا يله نزلي ونتي مبتاسمة الحب
_خنزرت فيه وضارت حلات لباب ونزلت وهيا مبتاسمة للأم تاعها لي واقفة قدام لباب... شير يونس لخديجة لي بدلاتوا نفس سلام وتحرك فالطموبيل تاعوا غادي للأوطيل لي فيه جداتوا...
_عند خديجة ونهيلة...
خديجة ببتسامة : مبروك عليكم ابنتي نهيلة بنفس الإبتسامة : الله يبارك... (خنزرت فيها) علاش خارج قدام لباب وواقفة...؟! خديجة : غير شفتك تعطلتي وخرجت نطل وصافي نهيلة دفعت لباب ودخلت وهيا كتهدر : دخلي دخلي ومتبقايش تخرجي... او غادخلي اصلا مبقا عندك فين تخرجي من هنا لقدام خديجة دخلت بعدما سدات لباب : علاش شنو واقع نهيلة مشات لصالون وبركت : فينوا بابا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
