بنت الكاريان والمشهـور الوسيـم

البارت 76

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 76
_طلع يونس وتحرك لڤيلا... بقاو كيهدروا ويضحكوا ومرة مرة كيشد ليها فيدها باش ميبينوش للجدة تاعوا بلي راه غير زواج تاع بالعاني... بعد مدة طويلة وصلوا للڤيلا....

هدى : وأخيرا وصلنا
نهيلة ضارت شافت فيها : عيتي اخالتي
هدى ببتسامة : اه ابنتي ومرحبا بيك فدارك
نهيلة : ترحب بيك الجنة اخالتي
يونس وقف طموبيل : هحنا وصلنا يله نزلوا

_نزلات هدى ودخلت للڤيلا أما يونس فشد نهيلة باش يحفضها أش دير...

يونس : شوفي عنداك تبيني ليها شي حاجة وتعاملي معاها مزيان وقدامها خلينا نتعاملوا مزيان راه باقي ليها غير تلتيام وتمشي لفرنسا
نهيلة طلعتوا ونزلتوا : صافي ماشي مشكيل نصبر عليك ديك تلتيام
يونس خنزر فيها : قصدك انا لي نصبر عليك
نهيلة ضربتوا بكتفها وزادت داخلة : دخل معاك لباليزة تاعي خلاص
يونس : خدام عندك انا
نهيلة دارت شاف فيه وهيا هازة خنافرها لسما : من هنا حتا نطلقوا نتا خدام عندي ولا بغيتي نزيد ونخليك... (طلعتوا ونزلتوا بعينيها) الا بغيتي نرجع لدارنا هانية راه فلوسي وداري عندي الحمد الله ممحتاجاكش نهائيا
يونس لي مصدوم : دارك وفلوسك شكون دارهم ليك بسلامة 
نهيلة : مكيهمش موهيم عندي... دابا كلامك لخر شنو
يونس زفر بضيق : دخلي ولخدامة غادة توصل ليك الباليزة حتال لبيت

_لاحت شالها على كتافها وتمت داخلة وهيا كتمختر كأنها ضارت إنجاز... دخلات عند الحاجة لي كانت باركة فالصالون وبركت حداها...

نهيلة : عيتي اخالتي
هدى : شوية ابنتي (ضورت عينيها كتقلب على يونس) فينوا يونس باقي برى

_قبل متنطق تم داخل عندهم وهوا مباتسم عكس كيف خلاتوا هيا ودخلت...

يونس : هانا الحاجة
هدى : دخل برك حدانا

_دخل وهوا كيتحلف على نهيلة بعينيه وضحكتوا صفرة ليها... مشا برك حداها ولاح يدوا على كتفها وشاف فيها بضحكة صفرة...