بنت الكاريان والمشهـور الوسيـم

البارت 100

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 100
نهيلة مسحت وجهها من الما بيدها وشافت فيه وهيا كتغوت : واش منيتك واش بنادم كيفيق شي حد بهاد طريق
يونس : أولا نتي ماشي بنادم ثانيا عيت نفيق فيك ومبغيتيش تفيقي نهيلة وقفت فوق ناموسية ودارت يديها فالوسط تاعها وهيا مخنزرة فيه وكتغوت : كيفاش أنا ماشي بنادم... زعما قصدك أنا حيوان...؟!

_هزها من رجليها على كتافوا ووبدا غادي جيهت الحمام...

يونس : أنا مقلت والو نتي لي منعرف مالك
نهيلة وهيا كضرب ليه فالضهروا : حطني نوريك الحيوانات اش كيديروا
يونس زعزعها باش تحبس : زقاي من ترطيا دابا تقطعي ليا تيشورط ونطروا نتعطلوا على التصوير
نهيلة بالغوات : واا حطني باركة من البسالة تاع والو

_حطها قدام لباب تاع الحمام وشد ليها يديها باش متلاحش عليه...

يونس وهوا هاز ليها يديها لفوق : دخلي غسلي وخرجي بدلي حويجك بزربة وخرجي عندي باش نمشي راه هكا غادين نتعطلوا
نهيلة شافت ليه في يديه لي شادين ليها يديها وهزت راسها فيه وهيا مخنزرة : علاش شاد فيا
يونس : نخاف تلاحي عليا اللهم ندير الإحتياط من لول
نهيلة صغرت فيه عينيها وبتاسمت بتسامة شر : داير الإحتياط... اوك

_هزت رجلها وعطاتوا بين رجليه وغير طلق منها طيح  للأرض ودخلت كتجري للحمام وسدات عليها...

نهيلة من ورى الباب : ولي دير الإحتياط اكتر
يونس لي طيح فالأرض وشاد بلاصة فين ضربتوا : بغا تق*تليني نتي مفيهاش

_ هزت كتافها ومشات تغسل يديها وجهها... أما هوا فجمع الوقفة وهوا كيتحلف عليها فالخاطروا...

_خرجت من وهيا كدور فالعينيها فالغرفة خيفة ليكون مخبي مني تأكدت بلي مكينش دخلت بدلت حويجها ولبست سروال عريض معا تريكوا بالبيض ولاحت عليهم من لفوق تجاكيطة فالحكل ولبست سبرديلة عالية وحلت لباب وخرجت كتقلب على يونس...

_غير فاتت لباب تاع بيتها ودارت معا الكولوار وهيا تجيبها بأكبر ربحة... جات باركة على المسعودة... يونس خرج من لبيت لي كان مخبي فيه وهوا كيموت عليها بالضحك...

يونس شاف فيها وهوا كيضحك : مرة خرى ولي ديري احتياطاتك
نهيلة ناضت وهيا معصبة وكتحاول تشد فالحيط باش مطيحش : دابا كتردها ليا ياك