_كانت مغمضة عينيها وعيشة لحظة معاه وكتستنشق رائحة العطر تاعوا لي كانت قريبة منها حتا قاطعها من لحظاتها بإتعادوا عليها...
يونس جرها عندوا كتر من خصرها وحط جبهتوا على جبهتها : شنو كان إحساسك...؟!
_ولات حمرة وحاسة بلي باغا الأرض بغاتها تحل وتسرطها... نزلات عينيها كتحاول متشوفش فعينيه باش مضعفش ودفعتوا كتحاول تبعدوا عليها ولكن بدون جدوا...
يونس جرها عندوا كتر وهز يدوا وحطها على ذقنها ورفعوا ليها كيحاول يخليها تشوف فيه : بغيت نعرف احساسك... بغيت نعرف واش حتا نتي كتكني ليا نفس المشاعر ولا لا... بغيت حل لزواجنا... مبقيتش باغي نكملوا هكا نهيلة بدات كتنفس بالصعوبة وهيا كتشوف فيه : معرفتش كنحس بلي باغاك ولكن مقدراش نوصل ليك باغاك ولكن خيفة تكون معندكش نفس المشاعر ليا... خلاصة القول معنديش الحق نبغيك أنا ماشي من نفس طبقة تاعك ونتا أصلا تزوجتني على قبل صفقة يعني انا مخاصنيش نحلم بشي حويج فوق لقياس
_قالت كلمتها وهيا كتشوف ليه فعينيه... كان كيحس بكل كلمة كتخرج من فمها فاهمها وحاس بيها ولكن لحد الآن معارفش مشاعرها بالضبط....
يونس بسها بوسة خفيفة فمها ونطق وهوا مغمض عينيه بعدما حط جبهتوا على جبهتها : كنعشقك ماشي غير كنبغيك مكيهمنيش نتي بنت من وفين ساكنة لي كيهمني انك نتي نهيلة نتي شخص لي بغيت نتي هيا البساطة لي بغيت... نتي هيا كلشي فحياتي نتي هيا لي نورتي ليا حياتي وداري رغم العتمة لي كانت فيهم قدرتي ترجعي ليهم نور بالضحكة تاعك بهبالك بأي حاجة فيك... (فتح عينيه كيشوف ليها فالعينيها) كنعشق انهيلة
_بقات ساكتة بدون متهدر معارفاش شنو خاصها تقول بالضبط وشنو المطلوب منها... كانت كتحس بإحساس غريب... كان قرب منها موترها بزااف لدرجة مبقاتش قادرة حتا تجوبوا ولا تفكر شنو خاصها تقول...
_بعد عليها بعدما حس براسوا بحالا كيضغط عليها باش تقول شي حاجة متقدرش تقولها حيث مكتحسش بيها...
يونس بعد عليها وهضر بدون تعبير : قادي حالتك وغادي تلقايني برى كنتسناك...
_ضار غادي حتا وقفتوا بالكلمة لي كان كيتسناها من مدة تقولها ليه...
نهيلة وهيا كتفرك فيديها : كنبغيك
_ضار عندها وهوا كيحاول يتأكد واش بصح قالت شي حاجة ولا غير من كترت عشقوا ليها وانه باغي يسمع ديك الكلمة من فمها تخيلت ليه فمسامعوا...
يونس قرب ليها وشد ليها يدها وهوا كيحاول يتأكد من الكلمة لي سمع : واش قلتي كنبغيك...؟!
زدتكم بارت كيف كنتوا باغين درت فيها نهاية لي تقريبا نتوما باغينها بغيتوا تعرفوا واش غادة تعتارف ليه حتا هيا ولا لا... نتمنى هاد مرة تكون رضاتكم نهاية الأخيرة 🤍
في أمان الله❤ #رمضان_مبارك_سعيد🌙
درت ليكم نهاية ثانية للقصة على حسب طلب تاعكم... بالنسبة ليا نهاية لولة ماشي خيبة وحتا نهاية تانية ماشي خيبة ودابا بغيت رأيكم نتوما فكل نهاية❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تم تغيير إسمي الكبدات من [ oumaima mariposa | أميمة ماريبوسا ] إلى [ Azorita | أزوريتا ] 🍂
