بنت الكاريان والمشهـور الوسيـم

البارت 88

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 88
_لبست نهيلة ونزلت عند يونس لي كان واقف فالدروج وشاد تلفون تاعوا كيخربق حتا سمع صوت خطواتها عاد هز عينوا فيها...

نهيلة قربت ليه : يله نمشي
يونس طلعها ونزلها بالتخنزيرة : غادة تمشي هكا

_كانت لابسة سروال جينز شوية مزير وتيشورط فالبيض وطلقات شعرها ودارت ساك فالكحل من نوع لي كان كيدار فالصدر...

نهيلة نزلت كتشوف فالحويجها : علاش مالهم حويجي
يونس : فينوا تخربيق لي كنتي كديري فالوجهك
نهيلة : راك قلتيها تخربيق وصافي مبقيتش محتاجة نديروا طالما انا معاك لاش غادة نديروا
يونس : من الأفضل ديريه حيث كيجيك حسن من هدشي... غير طلعي بدليه من الأفضل ولبسي لبسك لعادي تاع ديما
نهيلة شاف فيه شوفات كانها كتقول ليه واش من نيتك : كيجيني فضل واش نتا مسطي يكما تصحبني معنديش ذوق احنيني فاش كان الأب تاعي بخير ومكان حد يقدر يقرب مني راه كنت كنلبس غير حد لفخض وستيل لي كنت نلبس مكانت حتا وحدة من دربنا كتلبسوا راه غير مني تحولنا حيث بابا ولا عاجز على الخدمة درت هكاك يعني وياك تحكرني وتقول معندي ذوقك... (طلعتوا ونزلتوا) ومغاداش نطلع نبدلوا وغادة نمشي هكا

_مزادش معاها حتا كلمة خرج ومشا ركب فالطموبيل ومشا وخلاها واقفة كتشوف فيه....

_نهيلة لي باقا واقفة فالبلاصتها وهيا مصدومة من هدشي لي دار...

نهيلة بالصدمة : اويلي واش مشا وخلاني ولا غير تخايل ليا... (بدات كدور فالراسها وكتشوف فالمكان) واش بصح مشا وخلاني

_جبدت تلفونها من ساك وهيا معصبة وصونات عليه...

نهيلة بالغوات بعدما تفتح الخط : واش من نيتك الكلب واش بعقلك مشيتي وخليتيني ياك قلتي ليا غادي ديني معاك ليوم باش نشوف الخدمة تاعك
يونس ببرودة : قلت ليك بدلي حويجك مبغيتيش مشيت وخليتك
نهيلة لي زادت تعصبت من برودة تاعوا : واش منيتك اش فيهم حويجي على مزيناتهم
يونس : انا معجبونيش وصافي
نهيلة : بأشمن حق تقول عجبوني ولا لا انا لي لابساهم ماشي نتا
يونس : غادة معايا لبلاصة تاع الخدمة ومن لفوق بالصفة تاع انك مرتي يعني خاصك تكوني كيف انا باغيك
نهيلة : الى كنت غادة بالصفة تاع انني مرتك فخاصني نمشي بالحويج زوينين ماشي ديك شوهة لي كندير فالكمارتي ولا لا