بنت الكاريان والمشهـور الوسيـم

البارت 63

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 63
_دخلات نهيلة وسعاد للبيت وبدلوا حويجهم وجمعوا شعرهم وخرجوا لعند خديجة يعونوها...

_جمعوا دار والماكلة لي شاطت فالبلاصتها وعطاو لسعاد لي قسم الله باش تديه معاها لدارهم وبركوا كيحلوا فالكدوات ودكشي لي جاب يونس والجدة تاعوا معاهم...

سعاد وهيا هازة واحد طقم تاع ذهب فيدها : شوفي هذا انهيلة شحال زوين يجيك فن والله
نهيلة : بصحتك خوديه ولا تاعك
سعاد سدات العلبة وحطتها : لا اختي مبغيتوش هوا غالي وانا معندي مندير بيه انا غير قلت ليك راه يجيك زوين وصافي مقصدت والو
خديجة : وحتا هيا قالت ليك غاخوديه وصافي مقصدت والو
نهيلة هزت العلبة من حداها وعطاتها ليها : نتي يجي معاك حسن مني وراك تستاهليه
سعاد خداتوا من عندها : شكرا ليك اختي
نهيلة وهيا كتقلب فشي لاخر : مبيناتناش الكلبة

_بقاو كيقلبوا ويقيسوا لقفيطنات وصبابط وسيكان وفالخر عطات نهيلة لسعاد طقم تاع ذهب وجوج قفاطن وصباط تاع طالون بساكوا طبعا سعاد مبغاتش تاخدهم ولكن نهيلة صرت عليها باش تاخدهم من عندها...

_فاش كملوا جمعوا دكشي ومشات سعاد لدارهم بعدما صونات نهيلة لسفيان باش يوصلها ودخلوا هوما باش ينعسوا ويرتاحوا....

     ~~~~ أصبح الملك والملك الله ~~~~

_فاقت نهيلة بكري معا الأم تاعها وجدوا الفطور وفطروا خوتها والأب تاعها من بعد خوتها خرجوا للمدرسة والأب تاعها برك فالبلاصتوا يتفرج كما العادة... أما نهيلة دخلت للبيت باش تلبس حويجها لي غادة تمشي بيه معا يونس لضريب العقد....

_فالبيت عند نهيلة لي كانت كتوجد فراسها حتا سمعت تلفون كيصوني....

نهيلة هزتوا وجوبت : الو
يونس : الو واش وجدتي
نهيلة : تقريبا اه
يونس : اه صافي حيت راني قربت نوصل عندكم باش نمشيو نضربوا العقد
نهيلة : شكون جا معاك
يونس : حتا واحد راه غادين نمشيو غير بجوج ونرجعوا
نهيلة : يعني بابا وماما بلاما يمشيو معانا
يونس : اه بلاش غادين غير نعدبوهم معانا
نهيلة : اه معاك الحق يله سير خليني نكمل لبس تاعي
يونس : يله الله يعون