بنت الكاريان والمشهـور الوسيـم

البارت 86

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 86
_دخلت لدريسينغ روم بلاما تجوبوا وجبدت حويجها لي كانوا مستفين ومقادين حدا حويجوا... جبدت بيجامة تاعها لي كانت بسروالها ولبستها وخرجت عندوا... لقاتوا متكية فوق ناموسية وشاد واحد الكتاب فيدوا وستيلوا وكيخربق...

نهيلة : شنو كدير
يونس ضرب بيدوا فوق ناموسية : اجي بركي حدايا وشوفي

_مشات كتجري وبركت حداه وهيا كتلوح عينيها فالكتاب لي عندوا باش تشوف اش كيدير...

نهيلة : يله شرح ليا شنو هاد لكتابة
يونس شاف فيها : هدوا كلمات لي فيهم بالإنجليزية والعربية
نهيلة بعدم فهم : ولاش هاد الكلمات
يونس : كلمات تاع الأغنية جديدة لي باغي نخرجها ماشي هادي تاع غدا لي غادي نسجل ولكن هادي وحدة اخرى
نهيلة : كيفاش حتا كدير تكتب وتخرج أغاني
يونس : عادي كنكتب كلمات لمناسبة وكيتقادوا كنديهم لواحد راجل خدام عندي وكنقادوا الكلمات وصافي كنخرج لكلمات تاع الأغنية... وراه ماشي ديما انا لي كنكتب الأغاني تاعي
نهيلة : وااو هدشي زوين بزااف
يونس هز عينوا كيشوف فالعينيها : نتي لي زوينة

_بدات كدور فالعينيها وهيا معارفاش باش تجوبوا حتا خرجها من تفكيرها هضرتوا...

يونس سد لكتاب وحطوا حداه : وجدي راسك غدا باش تمشي معايا (تقاد فالبلاصتوا وتغطا)
نهيلة تخشات حداه وتغطات : تصبح على الخير
يونس ضار عندها وهوا مستغرب : غادة تنعسي حدايا هنا
نهيلة شافت فيه : على فين بغيتيني نمشي
يونس : سيري لفوق لفوطوي ونعسي
نهيلة خنزرت فيه : منيتك نعس تما ونقسم ظهري على جوج على مال هنا
يونس : غير قلت بلي مغاداش تبغي تنعسي حدايا
نهيلة : لا معنديش مشكيل نعس هنا
يونس : مخيفاش على راسك مني...؟!
نهيلة : وغير حاول تقرب ليا لما نوريك اش كنسوى
يونس : واعرة معا راسك
نهيلة : اوا اش كتصحب راسك
يونس : نعسي نعسي غدا خاصنا نفيقوا بكري

_غمضت عينيها ونعست فالبلاصة من طبعها دغيا كتنعس اما هوا فالبقى حاضيها كانت مشاعروا مخربقة... كان عاجبوا الحال انا حداه ومعاه ولكن فاش كيتفكر بلي غير مدة وغادة ترجع لدارهم مكيحسش براسوا مزيان كيحاول يقنع راسوا بلي هيا معاه غير على قبل صفقة فقط ومستحيل تبقى معاه ديما... بقا مضارب معا افكاروا حتا داه نعاس ونعس...