الـبــــــــــــارت : 3 _باعت لكمونض كاملة ورجعت معاها غير شامبو وشي عكورة.....
_من بعد مدة تاع طريق لي سخسختها تاع بصح وصلت لخربتهم بغيت نقول لدارهم.....
خديجة : على سلامة ابنتي نهيلة : الله يسلمك خديجة : دخلي بدلي وغسلي ديك الكمارة وتعالي تعشاي راك بنتي ليا عيتي نهيلة : والله الى عيت
_دخلت بطلتنا للحمام.... حيدات ليلونتي وبدات تغسل فوجهها من بعد مدة.... هزات وجهها فلمرايا حتا كيبان لينا واحد لوجه لي اي فالجمال كان وجه لي بيض ومفيهش لحبوب ، رغم دكشي لي كتخرج بيه يوميا ولكن ديما معتانيا براسها...... وعينيها كانوا بالزرق بارد بزااف من بعيد كيبانوا فلون ومن قريب فلون اخر.... كانوا عينيها نفس عينين الجدة تاعها الله يرحمها لي كانت روسية..... هزت يديها كتحيد فشعر لي كان تحت لكتاف وعامر صباغة...... حيدتوا وطلقت شعرها لحقيقي كان شعر فلبني مع بعض لخصلات بصفر...... كان واصل ليها حتال لخر فظهرها مشطت شعرها ودارت ليه زيوت طبيعية باش تعتاني بيه..... من بعد توضات وصلاة صلاوات لي تجمعوا عليها.....عاد مشات جابت لما تاع روز من تلاجة ورشتوا على وجهها وغير نشف دارت شي مرطبات لوجهها ودارت عكر لشنيفها لحمرين ولمنفوخين من عند الله.... وفالأخر مشات تعشا معا عائلتها صغيرة لي متكونة من اب وام وربعة تاع الاولاد لي هيا من هم جوج بنات وجوج ولاد......
نهيلة باست يد باباها : كدير لباس عليك ابابا احمد : الله يرضي عليك ابنتي انا حمد الله ابنتي ولكن والله كون كان فجهدي نهيلة مخلاتوش يكمل : ابابا متقولش هكا انا كندير هكا حيت باغا وانا ممرغم عليا والو وحتا نتا راك هزيتيني حتا وقفت على رجليا ودابا نوبتي نرض ليك غير شوية من دكشي احمد : انا مغطيك ومفرشك بالرضى مريم : ياك ابابا عزيزة عليك غير بنتك ياك وانا احمد : اجي عندي المغيارة سمير : حتا انا حتا انا مراد : اوا بقيت غير انا لي بعقلي احمد جرهم عندوا : راك نتا هوا راجل ديال دار ( هادر على مراد ) نهيلة : ياك ومني هوا راجل تاع دار انا شكون احمد : نتي هيا نوارة تاع دار مريم بزعل : وانا احمد : نتي هيا فرحت دار سمير : وانا احمد : نتا بلا بيك دار والو خديجة وهيا هازة طبسيل تاع لعشا : ههه وانا شكون ههه احمد : لا نتي لكلام ميوصفكش نتي غنية عن تعريف خديجة : اوا زيدوا تعشوا هه
_تعشاو كاملين مجموعين على ضحك وتقشاب من بعد ما تعشاو ناضت نهيلة غسلت لماعن ومن بعد دخلات باش تنعست........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
