بنت الكاريان والمشهـور الوسيـم

البارت 53

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 53
_دخلت نيشان للكوزينة عند مها بعدما سدات الباب...

نهيلة بالعصبية : فين كنتي باغا تمشي قولي فين باغا تمشي تخدمي
خديجة : مال خدمة حرام وانا كنت باغا نمشي نخدم باش نصرف على خوتك فاش تزوجي نتي
نهيلة : واش خوتي تشكاو ليك من شي حاجة واش أنا قلت ليك سيري تخدمي راه منقدرش نبقى نصرف عليكم حيث غادة نتزوج
خديجة : لا ولكن راه بينة بلي مني غادة تزوجي مغادين نبقاو نلقاو مناكلوا
نهيلة لي بصح عصبتها تاع نيت : واش من نيتك أنا راه نقطعها من راسي ونعطيكم تاكلوا وهاد زواج لي ميخلينيش نصرف عليكم ونعطيكم لي انا باغا نديروا ليكم معندي مندير بيه نهائيا
خديجة : ودابا علاش كتغوتي عليا أنا اش درت ليك منغير بغيت نمشي نخدم
نهيلة مشات عنقتها حيث بقات فيها... من طبعها مكتغوتش على مها حيث دغيا كتقلق : أنا مغوتش عليك غير مبغيتكش تبقاي تفكري فالخدمة نهائيا محدي أنا عيشة وهديك خيتي راه مكتمشيش غير تنقي وسخ ناس وتجي راها اكبر ميكروبة هيا هاديك منبغيكش تبقاي تهدري معاها مرة خرى
خديجة بادلتها العناق : وابنتي انا راه كنت غادة نمشي غير نشقى لناس ونرجع
نهيلة : ممحتاجاش انك تمشي تخدمي أصلا محدي انا باقا عيشة وكنتنفس
خديجة : الله يخليك لينا
نهيلة : امين ويخليكم حتا ليا
خديجة بعدت عليها : يله سيري بدلي واجي خلينا نوجدوا طابلة
نهيلة : وخا انا نمشي نبدل ونهدر معاهم باش نعرف ايمتا غادين يجوا وزجي نعونك
خديجة : صافي

_مشات نهيلة للبيت وبدلت حويجها ومشات صونات على يونس باش تعرف ايمتا غادين يجيو...

نهيلة : الو
يونس : ثاني توحشتيني
نهيلة : توحشك جنية
يونس : نتي كبيرتهم
نهيلة : باركة من ديك البسالة وقوليا شحال باقي ليكم وتجيو
يونس : نكمل لبس واعي يعني شي نص ساعة ونخرجوا وحسبي مسافة تاع طريق تلقاينا عندك
نهيلة : صافي وخا ولكن اجي كتعرف دار
يونس : لا ولكن صيفطي ليا الموقع تاعها ونجي حتا عندك
نهيلة : موقع قالك... فاش توصل للبلاصة المعلومة صوني عليا غادي نصيفط ليك سفيان يجي يجيبكم حتال لدار ومنها نيت ميقرب ليكم حد
يونس : شكون هاد سفيان مكنعرفوش
نهيلة : لمشربن راه معروف فدرب
يونس : وانا باش غادي نغرف هاد لمشربن تاعك
نهيلة : غادي تلقاه واقف فين كيلقاني شيفور واقفة ديما
يونس : صافي وخا
نهيلة : يله تهلا