بنت الكاريان والمشهـور الوسيـم

البارت 21

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 21
نهيلة لي كانت واقفة تحت واحد صورة تاع يونس... : نتا لي جات معاك تعلق صور تاعك فهاد لخير كلو
يونس من وراها وهوا مربع يديه : يكما بغيتي نحط صورتك نتي الآلة
نهيلة ضارت وهيا مخلوعة : خلعيتينا تفو او دير غا لحس متعرفش كون قت*لتيني دابا يله
يونس : انا لي خاصني نخاف على راسي لتقت*ليني... ياك قالك شيفور بقاي برى حتا تجي عندك دادة وتدخلك علاش دخلتي
نهيلة هزت باليزتها وساكها وهيا كتخبط : صافي وليتي تجري عليا هدشي مزال حتا مشركتش معاك طعام ماشي مشكيل انا غادة ومتحبسينيش غادة نرجع لدارنا ونتهنا
يونس بقا مربع يديه وكيشوف فيها اش غادة دير
نهيلة تمات غادة : بلاما تحبسني عفاك انا اصلا عارفة ممرحبش بيا هنا صافي غير خليني نمشي
يونس وهوا باقي واقف فبلاصتوا بنفس الوقفة : صافي سيري
نهيلة ضارت عندوا : ياك باغيني نمشي اصلا كنت كنتسناك غاتقولها ليا باش ميكونش مني انا لغلاط
يونس ضار وتم غادي طالع : بركي تسنايني فالصالون نجيب شي وراق ونجي

_طلع للمكتب وخلاها....

نهيلة حطت ساكها ولباليزة وقالت وهيا هازة خنافرها : نعتابرها زعما قاليا عفاك غابقاي... ماشي مشكيل انهيلة غاسيري بركي حتا يجي ويعتادر منك

_هزات باليزتها وساك ودخلتهم لصالون وبركت وحطتهم حداها وبركت كتسناه يجي وهيا كدور عينيها فالصالون...

يونس قرب وبرك قدامها وحط شي وراق فوق طبلة معا ستيلوا : وقعي
نهيلة شافت فيه بتخنزيرة من بعد شافت فالوراق : علاش غادة نوقع بعدا...؟!
يونس : يكما باغا تخدمي عندي بلا حتا ورقة (طلعها ونزلها...) الى بعدا درتي ليا غاشي حاجة نعرف نتصرف.... معا نتي مشاء الله عليك بعقلك وبينة عليك ظرافة
نهيلة هزت يدها وبدات تشالي : بزااف عليك حتا تنعتني بالمصطية انا عقل منك نتا وطسيلتك واصلا انا غادة بحالي ودوك لوراق تبخر بيهم... (وقفت وهزت ساكها وجرت لباليزة وهيا كتعير...) اوا زيديها تزيدك الآلة باغي يوقعني على شي وراق معرفت اش فيهم (شافت فيه) شكون عرفني بلي هدوك باغي تاخدي ليا  بيهم فلوسي دوي باغي تكتبني على لممتلكات توعي ياك اشفار دابا نشوهم فجرائد ونقوليهم سيدك يونس لمصراوي باغي يكتبني على شي وراق باش يدي ليا فلوسي
يونس : تي لمك غاتجي وتهدري فجرائد وفوق هدشي كلو شحال عند بوك حتا نديه ليك