الـبــــــــــــارت : 36 يونس : كون كنت هاز معايا كعما نعطك هادي نهيلة : لي عول عليك عول على لخلا (رجعت عند راجل) لعميم معنديش لفلوس سيد لي عولنا عليه يخلص مجيبش معاه لفلوس وحنا مكناش معولين نخرجوا ونشريوا راني غامعا كنتوحم وتشهيت لماكلة تاعك
_يونس وقف عليها معا ديك غاكنتوحم....
يونس خرج فيها عينيه : كتوحمي...؟! نهيلة شدت فيه بيدها لي مهازاش بيها لخبز ونغزتوا : اه احبيبي حاملة اويلي مالك نسيتي يونس وهوا باقي مصدوم : اااه ااه راجل : ماشي مشكيل ابنتي غاسيري انا مسامح ليكم والله يفك وحليك نهيلة : شكرا بزااف (شافت فيونس وشافت ليه فيدوا لي كان دير فيها واحد لقورميط تاع نقرة) هارا ليا هاديك لي دير فيدك يونس : علاش نهيلة : وتا عطيني راني مبغيتش نديع سيد مسكين فرزقوا يونس حيدها وعطاها ليها : هاكي نهيلة عطاتها لراجل : هاكا العميم بيع هادي وتخلص فهدشي تاعك راجل شدها وهوا كيشوف فيها : لا ابنتي هادي راه نقرة وغادة تكون غالية راه لخبيزات لي خديتوا واصلين غا تلتميا دريال صافي نهيلة : غاخودها تستاهل يونس : رزقك هذاك اسيدي راجل : الله يخلف عليكم نهيلة : بسلامة والله يسر ليك راجل : امين
_تحركوا من تما بعدما شكروا راجل....
يونس : عمرني تخيلت راسي غادي نتزوج وتكون مرتي حاملة فاللحظة وحدة نهيلة وهيا كتاكل : اتا زيد نتا راه مستحيل يقبل عليك شي حد أصلا يونس : بغيتي تقول عمر شي حد يقبل عليك نتي نهيلة : بجوج ميقبل علينا حد لا زين لا عقل يونس : زين ماشي مهم ونتي زوينة وحتا أنا زوين نهيلة شافت فيها باش تعرف واش بصح كيهدر عليها بصح ولا لا : من نيتك يونس : والله حتا هادر بصح زين ماشي هوا كلشي وزيدون الى الانسان مناقسوا رجل مناقسوا عين ومناقسوا والو فراه خاص يحمد الله ويشكروا حيث مناقسوا والو نهيلة : ايه معاك الحق وشكرا ليك حيث شكرتيني يونس : قلت غالحقيقة (شاف فيها وشاف فالخبز لي كتاكل) نهيلة شافت فين كيشوف... مدتوا ليه : هاكي بغيتي تاكل يونس : لا غابصحة نهيلة قربتوا ليه : غير ذوق راه بنين يونس عض منوا نهيلة ببتسامة : عجبك ياك يونس تحت نيفوا : مبيه نهيلة عطاتوا نص لاخر : شد عاجبك ومراضيش تقولها... متكبر
_عطاتوا نص لاخر وخداه من عندها وبدا كياكل...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
