بنت الكاريان والمشهـور الوسيـم

البارت 71

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 71
نهيلة خنزرت فيه : الله يخلينا على صباغتنا وحنا مكنتبدلوش وزيدون هذا هوا وجهي لحقيقي
سفيان : كيفاش وجهك لحقيقية والله مفهمت

_عودت ليه نهيلة كلشي كيفاش فاش جات هنا وبدلت راسها باش ميطمع فيها حد وتخدم خدمة حلالا طيبا....

سفيان وهوا مبتاسم ومعجب بيها كتر من لول : مرأة ونص تبارك الله عليك والله درتي شي حويج لي كون انا كنت فبلاصتك صعيب ندريهم
نهيلة تنهدت : لحياة كتعلم
سفيان بطنز : دابا حنا عجبتينا وبغينا نجيو نخطبوا مديريش معانا شي وقت مناسب
نهيلة صغرت فيه عينيها : مبقيتيش تحشم وزيدون أنا مزووجة احنيني (غمزتوا) هدشي غادي يوصل لسعاد دابا
سفيان : سعاد لا... حنا ضاحكين خلي سعاد بعيدة واش بغيتيها تجي تريشنا بجوج
نهيلة بدات كضحك : انا بريئة كلشي منك
سفيان : ياك دابا متوقفيش معا خوك الى تحمات عليا هيا
نهيلة : لي ضار ذنب يستاهل لعقوبة
سفيان : صافي انا تبت... وحكا مبروك عليك زواج
نهيلة : الله يبارك فيك... هانتا نسيتينا علاش جينا موهيم غادين نبدلوا دار ياك وراه الفراش لي فيها كلوا ولا ديالك غادين نهزوا غير لي عزيز علينا وشي لاخر كلوا تاعك فرش بيه دارك فين تجيب سعاد
سفيان بتاسم فوجهها : شكرا ليك اختي بزااف والله معرفتش هدشي لي درتي معايا كيفاش حتا نردوا ليك والله
نهيلة : تهلا غير فسعاد وفراسك وهذا هوا الأهم عندي انا
سفيان قرب باس ليها راسها : حتا نتي تهلاي فراسك ومتنسايناش بقاي تجي تزورينا ديما صافي
نهيلة : صافي كون هاني وشوية جي باش نعطك ساروت باش فاش تسالي تاخد من دار لفراش وفلخر تاع شهر عطي ساروت لمولاتوا
سفيان : صافي وخا ازين

_مشات نهيلة لدار وبدلات حويجها وبركت كتجمع معا ماماها لحويح لي محتاجين باش يجيو معاهم فاش يجي يونس... طيبوا الغدا وفاش جاو خوتها وباباها حطوا لغدا باش يتغداو وعلموهم بشنو واقع...

_فالبيت عند نهيلة... صونا ليها تلفون...

نهيلة : ألو
يونس : وجدتوا راه قربنا
نهيلة : اه كلشي واجد بقا لينا غير نلبسوا حويجنا
يونس : صافي لبسوا راه واحد 15 دقيقة نكونوا عندكم
نهيلة : صافي وخا انا نعلمهم باش نوضوا نلبسوا
يونس : صافي وخا