🎵🌸بــنت الكريـــان والمشهـــور الوسيـــم🌸🎵
🎵🌸صــــفقــــة زواج🌸🎵
💜🌸أحــــبـبــــت بـــســـاطــتـــك النــــــادرة🌸💜
بقلمـــــي وأناملــــي :🎶أميــمـــة مــاريبــوســــا🎶
الـبــــــــــــارت : 9
يونس : يونس
نهيلة : لا يونس أش
يونس ببتسامة : يونس لمصراوي... يكما طحتي فيا وباغا تمشي تشوفي تصاوري فمواقع تواصل
نهيلة بحرج : بزااف عليك وأصلا انا معنديش تعبئة حتا باش نصوني عليك بقا غير نمشي نقلب عليك فمواقع تواصل
يونس : نص ساعة توصلك تعبئة وقلبي عليا وعلى خاطرك (غمزها وكسيرا....)
نهيلة وهيا كتشوف فطموبيل تاعوا لي مكسيريا : تفو صحبني غاطحت فيه... بنادم حاس براسوا.... ييخ
_وسط كلامها وقفت عليها طموبيلا مرسيديس كحلة....
شخص : زين (غمزها) منشربوش قهوة
نهيلة حيدت سبرديلتها : غادي نشربك سم لما تحركتيش من قدامي
شخص : مال زين مقلق (شاف فطريق ورجع شاف فيها...) يكما صحيبك مخلصكش مزيان... غاطلعي نعطيك دوبل تاعوا
نهيلة شيرت عليه بسبرديلة لوجه : هادي باش شي نهار تنقص من شي بنت ناس الكلبة
شخص ديمار طموبيل وقبل ميتحرك قال : ما زوينة حتا زين ومزال كتشرطي... (تحرك وخلاها كتنقر...)
نهيلة بالغوات : سبرديتي الكلبة.... وااا داك الحمار سبرديلتي
_شخص طوع سبرديلا تاعها من شرجم وسط شانطي... ماشي حيث سمعها غير لاحها حيث خنزتوا....
نهيلة ضربت على راسها : اويلي واش انا مصطية ضربتوا بسبرديلا تاعي كون داها معاه كون ملقيت منلبس... حمارة انا كان عليا نزل عليه بشي حجرة أفضل.....
_بقات غادة حتا وصلت لسبرديلا تاعها... خداتها وتطرفت على طريق ولبستها.... من بعد تحركت لدرب وكما العادة.... داخل لدرب ولخارج منوا كتسلم عليه.....
حليمة : هانتي يختي شوفي ليك عليها... العاهرات كتروا فهاد درب
فاطنة : بقا غير شوية وتجيبهم معاها لدرب
نهيلة : حليمة مزال مبغيتيش تفرقي عليك جرتي لا.... والعاهرات علاش نتي داوية هوما دوك جوج بنات لي عندك لي يوميا هازين رجليهم للي يسوا وللي ميسواش.... ولكن منلومهمش مساكن راه مهم فيها ديك لفارة تاع هزان رجلين.... ونتي اديك فاطنة نسيتي يامك معاك لمعطي... راجل يخرج ونتي تمشي تجري عندوا... اخليونا ساكتين ضواساكم كاع عندنا وساكتين متخليوناش نفرتكوا ليكم العش فهاد العمر... وسيروا تقاو الله وباركة من نميمة وهزان رجلين وربيو ولادكم عاد شوفوا لبراني....
_مزادوش معاها لكلمة... كل وحدة منهم دخلات لدارها بدون حتا كلمة....
أنت تقرأ
بنت الكاريان والمشهـور الوسيـم
Comédie🎵🌸بــنت الكريـــان والمشهـــور الوسيـــم🌸🎵 🎵🌸صــــفقــــة زواج🌸🎵 💜🌸أحــــبـبــــت بـــســـاطــتـــك النــــــادرة🌸💜 بقلمـــــي وأناملــــي :🎶 Azorita | أزوريتا 🎶 قصتنــــا كتحمـــل من كـــل فــ...
