بنت الكاريان والمشهـور الوسيـم

البارت 14

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 14
_خرجت وهيا هازة الكرطونة لي فيها المواد...

سفيان : الخوادرية نعونك
نهيلة : يحفظك ليا الخوادري راه خفيفة متقيلاش... (غمزتوا) وزيدون ختك كبابل متخافش عليها
سفيان : عارفك مرى ونص... وشوفي راني كنعزك اي حاجة بغيتيها أنا هنا
نهيلة : عندك الموطور...؟!
سفيان : راه محطوط فراس درب كنت اصلا راكب عليه
نهيلة : توصلني بيه...؟!
سفيان : مرحبا الخوادرية يله زيدي نوصلك فين باغا
نهيلة : يحفظك ليا المشربن تاع درب
سفيان خدا منها الكرطونة وعنقها من كتافها : نتي غا أمري وحنا نفدوا اشلوطية تاع درب
نهيلة وهيا كضحك : دابا كتعيرني ولا شنو ههه
سفيان : حاشا واش نعيروا رويجل تاع درب ههه
نهيلة : راجل ونص كلاك ههه
سفيان : غاضاحكين معاك الخاوة
نهيلة : اش درتي معا سعاد
سفيان بعدها عليه وجبد سوارت تاع الموطور : اودي اش غادي نديروا

_ركب وحط قداموا الكرطونة اما نهيلة ركبت وراه وتحركوا...

نهيلة : مناوينش تزوجوا
سفيان : راك عارفاني يله خرجت من الحبس وزيد عليها مكينة حتا خدمة لي مرصي فيها... لبيع تاع لح*شيش ممضموناش ممكن فأي لحظة يوقفوا عليا لحناش يطلعوني معاهم
نهيلة :ولكن راه الى بقيتوا هكا ممكن فأي لحظة طير من يدك
سفيان : بربي ويقرب ليها شي خانز لبيطان حتا نوريه لمشربن اش كيسوا
نهيلة : خاصك تبعد على هد الخدمة وتقلب على خدمة بعقلها
سفيان : والله ملقيت غيرها وراه حتا واحد مكره لي يخدم خدمة حلال ويتزوج ويدير داروا وولادوا ولكن اش غادين نديروا
نهيلة : الله يسر ليكم (قالت بتردد) أنا غادي نخدم فمدينة خرى
سفيان : غاجة تمشي تبيعي تم ولا شنو
نهيلة : لا لقيت خدمة حسن وبثمن كبير
سفيان : شناهيا هاد الخدمة
نهيلة : نعود ومتعودش لمالين دار حتا سعاد متقولهاش ليها راه مكتسكتش
سفيان بستغراب : غير هدري راك عارفاني
نهيلة : لبارح تلاقيت بواحد وراه خانز فلوس وباغاني نخدم معاه
سفيان وهوا مخنز : شكون هذا وفاش غادي يخدمك
نهيلة : غادي نتكلف ليه بأنني وقت لي بغا يخرج بحالنا بلا حتا مشكل نلبسوا ونقادوا..  يعني خلاصة تاع القول غادي نتكلف بأنني نخليه يكون متنكر قدام ناس بلاما يعرفوا حد حيثهوا مغني هذا علاش
سفيان : معجبنيش هدشي لي كديري والله