🎵🌸بــنت الكريـــان والمشهـــور الوسيـــم🌸🎵
🎵🌸صــــفقــــة زواج🌸🎵
💜🌸أحــــبـبــــت بـــســـاطــتـــك النــــــادرة🌸💜
بقلمـــــي وأناملــــي :🎶أميــمـــة مــاريبــوســــا🎶
الـبــــــــــــارت : 40
_قدام للباب تاع دارهم دقات لباب ووقفت حدا سعاد كتهضر معاها...سعاد : هاي هاي على شلوطية سيمانة كلها وهيا غابرة... مالك مهدرتي معانا نعرفوك غير كديرة
نهيلة : راه كنت كنهضر معا سفيان وكنت كنسول عليك ديمن
سعاد : بسول فيك الخير وراه كان كيوصل ليا سلامك
خديجة حلات لباب... هدرت بشوق : نهيلة جيتي ابنتي (عنقتها...)
نهيلة : كدير لباس عليك اماما
خديحة بعدتها عليها وهيا كتشوف فيها : بخير حمد الله ونتي لباس عليك
نهيلة : بيييخير حمد الله
خديجة : اوا حمد الله.... دخلي متبقايش واقفة فالباب (ضارت شافت فالسعاد) دخلي اسعاد حتا نتي متبقايش واقفة فالباب
سعاد : لا اخالتي خاصني نمشي حتال من بعد ان شاء الله
نهيلة شافت فيها : زيدي دخلي نتي فيك شيكي
سعاد هزت لخبز لي فيدها : خاصني ندي هادا لشيكي لتوريني شيكي فين كيجي
نهيلة : اوا جري سيري عندها وسلمي عليها
سعاد : مبلاغ_مشات سعاد لدارهم وخديجة ونهيلة دخلوا لدار بعدما سدوا لباب...
نهيلة مشات بركت فوق سداري : فينوا بابا
خديجة : راه خارج برى للقهوة ودراري خارجين ومريم راها لداخل
نهيلة وهيا كتغوت : مريم واا ومريم
خديجة : راها ناعسة
نهيلة : أه كعما غادي تسمعني الا كانت ناعسة
خديجة : اوا كيف ديرة معا الخدمة تاعك
نهيلة : حمد الله بخير ديك المرأة لي مقابلة الله يعمر ليها دار وديراني بحال بنتها
خديجة : اوا حمد الله هدشي لي بغينا حنا غاتكوني مرتاحة معاها_بقاو باركين كيضحكوا ويهدروا من بعد ناضت بدلت حويجها وغسلت وجهها من ديك الحالة لي فيه وبركت ترتاح ليها...
_وبحال هكا دوزات سبت والأحد لي كانت باغاه يطوال باش تزيد تبرك معا عائلتها ولكن خاصها ترجع للخدمة تاعها.... سلمت على عائلتها وهزت واحد ساك فيه حويج خرين ديولها باش تبدل بيهم ومشات للبلاصة لي كتركب معا شيفور فيها دائما....
أنت تقرأ
بنت الكاريان والمشهـور الوسيـم
Humor🎵🌸بــنت الكريـــان والمشهـــور الوسيـــم🌸🎵 🎵🌸صــــفقــــة زواج🌸🎵 💜🌸أحــــبـبــــت بـــســـاطــتـــك النــــــادرة🌸💜 بقلمـــــي وأناملــــي :🎶 Azorita | أزوريتا 🎶 قصتنــــا كتحمـــل من كـــل فــ...