بنت الكاريان والمشهـور الوسيـم

البارت 25

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 25
_مشات جابت واحد لكرسي كان محطوط قدام لبيروا وحطاتوا حداه وبركت وعلقت رجليها كيما دير هوا وبركت كتشوف فيه وفالكتاب....

يونس شاف فيها وشاف فرجليها لي حاطة فوق لبيروا بتخنزيرة
نهيلة شافت فين كيشوف : مالك ياك قلتي ليا غاسكتي ماشي كيفاش تبركي
يونس : دابا غاسكتي هالعار هالعار
نهيلة حطت يديها على فمها وحركت ليه راسها بدليل انه صافي غادة تسكت

_بقا شاد ستيلو ولكتاب لمدة بلا ميدير حتا حركة كان فقط كيحرك راسوا عينيه....

نهيلة شافت فيه بنفاد صبر : اوا كتب اويلي علاش باقي حابس
يونس هز واحد لكادر فيه صورة تاغوا من فوق لبيروا وشير عليها وهوا كيغوت : خرجي ومنبقاش نشوف كمارتك
نهيلة ناضت كتجري هاربة منوا ليرجع يشر عليها : اويلي على مصعور كدير (وقفت حدا لباب وهيا كتشوف فيه) نتا مصعور محولك وحيد حتا بنت متقبل عليك والله
يونس هز قرعة لما لي كانت قداموا وشير عليها : غادة تخرجي ولا نوريك لمصعور اش كيدير
نهيلة سدت لباب قبل مضربها لقرعة وبدات كتعيب فيه من ورى لباب : ويلي على لخانز لاخر كان باغي يخسر ليا لافيشور تاع وجهي (تمات غادة هابطة وهيا كتعير) خانز لاخر

_نزلات وهيا كتنقز حتا تلاقات معا دادة طالعة بالعصير...

دادة بسغراب : فين كنتي نتي
نهيلة وهيا مخصرة سيفتها : كنت عند داك لخانز بغيت نقول عندك سيدكم يونس
دادة وهيا كضحك : عرفتي ويسمعك ياصكعة يوكلك مكلا طبل نعار لعرس
نهيلة عوجت فيها : اوا حتا نكون طبل عاد يوكلني مكلت نهار العرس
دادة تمات غادة طالعة وهيا كضحك عليها : هبيلة صافي هههه
نهيلة ضارت عندها : فين غادة نتي
دادة وهيا مزال عاطياها بضهرها وطالعة : غادة ندي العاصير لولدي يونس
نهيلة : امم دي ليه لعاصير

_مشات نهيلة كدور وتكتاشف لبليص لي مزال مشافتهم أما دادة فطلعات عند يونس لمكتب...