بنت الكاريان والمشهـور الوسيـم

البارت 60

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 60
سعاد : يختي باز لوجهك القاصح والله أنا لي مكنعرفهم مكيعرفوني ومتوترة
نهيلة هزت كتافها فيها : وانا نالي نتي الى كنتي متوترة على والو أنا شنو بغيتي ندير ليك
سعاد ناضت باش تخرج : أنا غادي نمشي نشوفهم ونرجع دغيا نضرب غير زليلة راه جاني الفضول
نهيلة : سيري ورجعي دغيا ومتخلي حد يشوفك
سعاد : صافي كوني هانية

_خرجات سعاد كتسلت باش تعرف شنو واقع برا وخلات نهيلة لي باركة كتلعب بتلفون تاعها...

_بعد مدة دخلت سعاد وهيا كتلهت وكتجري...

سعاد دخلت وسدت لباب... ضارت شاف فيها وضربت على فخاضها : اويلي على صقعة طلع بصح
نهيلة شافت فيها وهيا مستغربة : شنو لي طلع بصح اويلي تي مالك
سعاد : بوووكوووص انهيلة كيحمق غزال كيصطي تيتيز انهيلة وناري
نهيلة نصلت بلغتها وشيرت عليها بيها لراس : دابا الكلبة نتي ميتلق منك حد ها دوي غانتي لي كتغيري ولا شنو
سعاد وهيا كتحك فالضربة مشات بركت حداها : فين ضبرتي عليه العار ناري انهيلة طلعتي بالزهرك والله اختي وعرفتي لابس الموستيم فالكحل ومزير عليه وشعروا لكحل مقاد وزوين وهاز فيدوا الورد حمر وكبير ناري كيحمق والله
نهيلة ناضت وقفت وهيا حاطة يديها فوسطها : دابا نتي محشمتي مراعيتي دوي نقولها لسفيان نوريه لي كتغير عليه أش كدير لرجالة تاع ناس ولا لا
سعاد شدت على قلبها : زين حبوا مولانا اختي
نهيلة وهيا باقا على وضعيتها ومخنزرة فيها : نوضي تقعدي الله كتعرفوه غير الوقت لي نتوما كتبغيو صافي وباز لوجهكم القاصح
سعاد : دابا غير قولي ليا فين عرفتيه راه يووونس لمصراوي هداك... اويلي على شلوطية غادة تزوج بالمغني شهير
نهيلة : لقيتوا فواحد سيدية قديم كانت فالقيشة وبقيت كنلك فيه حتا جا خطبني
سعاد : أنا كنهدر معاك ونتي كطنزي عليا محشمتيش
خديجة حلات لباب ودخلت : نهيلة يله باش تخرجي عندهم راه كيتسناو فيك
نهيلة : وخا انا غادة نخرج عندهم

_مشات هزات واحد شال بيض حطتوا على نص شعرها وخرجت معا خديجة لعندهم فالصالون وهيا هازة راسها وكتشوف ومحاسة بحتا ضرت خوف او حشمة نهائيا....