بنت الكاريان والمشهـور الوسيـم

البارت 80

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 80
_مشا دخل لدريسينغ روم باش يقلب على شنو يلبس وهيا تبعوا بترجي...

نهيلة وهيا كطلب فيه : الله يرحم بيها الولدين شوف مندير ليك والو عفاك
يونس ضار عندها : منقدرش نديك تم حيت بلاصة تاع الخدمة وتم ماشي تاع ضحك يعني كنكونوا مركزين فالتصوير
نهيلة : عفاك غير دير ليا خاطري وخليني نمشي معاك (كانت كتهدر وتعبر بيدها كيف ديما) هانتا سمعني غادة نمشي ونبرك الأرض مندير والو... (صغرت فيه عينيها) ومنها نيت نعرف واش صوتك زوين ولا غير كتكدبوا علينا
يونس هز صبعوا بتهديد : غادي نديك غدا حيت عندي تسجيل تاع الأغنية جديدة ولكن بالله وديري شي حاجة منرجع نديك معايا نهار التصوير
نهيلة بالفرحة تلاحت عليه معنقاه : شكرا شكرا بزااف والله
يونس بادلها لعناق وهضر بطنز باش يعصبها : مكانش فخباري بلي الى قلت ليك تمشي معايا لتم غادة تعنقيني هكا اما كون بغيتك تصوري معايا معرت اش غادي ديري
نهيلة بعدت عليه وهيا كضرب فيه : مكتحشمش راه غير من قوة تاعو الفرحة وسلام (غمزتوا) أصلا نوع لي بحالك مكيعجبنيش
يونس : زعما رجعتيها ليا
نهيلة ضارت غادة باش تخرج وهيا نافخة ريشها : حسبها كيما عجبك
يونس ضورها من يدها : يله وقفي حتا انا حزيريني كيما حزرتك انا
نهيلة وهيا كتعيب فيه : يله وقفي حزريني كيما حزرتك انا... وتا نوض كلك حزريني
يونس ربع يدوا وشافيها : علاش شنو فيها لحزرتيني
نهيلة وهيا كتعوج : من طبعي مكنحزرش الكلاب
يونس غوت عليها وهوا معصب : خرجي خرجي بحالك
نهيلة فهمت شنو قالت : كنعتادر مقصدتش نعتك بلي نتا كلب
يونس رجع غوت وهوا مكيشوفش فيها كان قاصد يبين ليها بلي تقلق باش تحزروا كيما ضار معاها ويهبط ليها كواريها شوية : خرجي بلا حتا هدرة
نهيلة شدتوا من يدوا وهيا بين عليه بلي مكانتش قاصدة تعيروا : كنعتادر واله مقصدت نعير
يونس مسخاش يحيد يدوا من يدها ولكن كان مطر..  حيد وهوا مكيشوفش : اعتدارك غير مقبول
نهيلة تنهدت : وصافي راه عتادرنا منك (سكتت لمدة عاد نطقت وهيا مربعة يديها...) شنو نديرك باش تسمح ليا اسيدي
يونس : يبقى عندك طلب ليا نهار نقولك ديري شي حاجة تنفديها ليا بدون قول لا
نهيلة خنزرت فيه : عبدة عندك انا
يونس : حشا حنا كلنا عبيد الله ولكن تنفدي ليا اي طلب قلتوا ليك وصافي
نهيلة دارت واحد بيدها : طلب واحد فقط