The Vampire Royalties: HIDE & SEEK

Chapter 15- Runaway

Erin's POV

Kakalabas ko lang ng kwarto para mag hilamos. Pero bago ko pa man gawin 'yon huminto ako sa tapat ng kwarto ni James. Bubuksan ko sana ito nang biglang may nag doorbell.

Napakamot ako sa ulo ko.

Ang aga aga may nanggugulo na agad dito sa bahay. Hay naku. Nakasimangot akong pumunta ng gate at pag bukas na pag bukas ko puro flash ng camera ang sumalubong sa akin.

ANO TO?!

"Ikaw po ba si Miss Erin?"

"Talaga bang girlfriend ka ng sikat na actor na si Dylan Glamour?"

"Gaano na ba kayo ka'tagal?"

"Anong relasyon meron ka kay Cj Mendez?"

"Third Party ba si Cj Mendez?"

Jusko. Hindi ko inaasahan na ganito ang mangyayari sa tahimik kong buhay. Hindi ako maka galaw sa kinatatayuan ko ngayon. Ang daming reporters sa labas ng bahay. May mga hawak na camera tapos yung iba naman kinukuhanan ako ng mga litrato.

"A-Ano—" Hala, anong sasabihin ko?

Bahala na.

Magsasalita na sana ako nang biglang may dumaan sa gitna at pinagtutulak ang mga reporters. Alam kong imposible at ang aga aga pa para pumunta siya dito. Pero anong ginagawa niya dito? Bakit nandito siya ulit?

"D-Dylan Glamour?" Hindi siya umimik at hinila lang ako papasok sa bahay saka isinara ng malakas ang gate, "Simula ngayon wag ka na munang lumabas ng bahay." pinaupo niya ako sa sofa. Habang ako tulala lang at nakatingin sa kanya. Umupo siya sa ka harap kong sofa, "I know na masama ang loob mo sa akin dahil sa masamang binabalak ng agency ko sa career ni Cj Mendez." at nang marinig ko ang pangalan ni Cj bumalik na sa normal ang pag-iisip ko, "Look Miss Erin, nandito ako para ipaliwanag sa iyo ang lahat."

"Ano bang problema niyo kay Cj?" naiinis na tanong ko sa kanya, "sikat ka na diba? Bakit kailangan mo pang pantayan siya?"

Tumawa siya, "Chill. Oo alam ko. Isang rival ang tingin ng boss ko kay Cj Mendez kaya gusto nilang siraan ito. And when the issues came, ang sabi nila kailangan mo raw magpanggap na girlfriend ko para palabasin na si Cj ang third party sa relasyon natin."

"Kahit na—"

"I don't have any intentions to ruin his career or life or whatsoever. Actually matatapos na sana ang kontrata ko ngayong month at wala akong balak ire-new ito. Pero.." bumuntong hininga siya, "Naawa ako sa'yo."

"Hah. Ikaw? Naawa sa akin?" sarcastic kong tanong.