بيت الجد آل ثنيان بيتن مع بعض
الاول للجد ثنيان والثاني لولده الكبير تركي
فكان تركي مع ابوه من اول م تزوج وربى عياله قدام عيون ابوه كلهم كبرو ع يد الجد ثنيان وتربو مع محمد عمهم فكان الجد ثنيان يحبهم ويعدهم مثل عياله مو بس احفاده ومو بس عيال ولده تركي كل احفاده يحبهم ويغليهم كلهم
كان اليوم يوم خميس وهم متعودين كل عيال ثنيان يوم الخميس يجون ولا يخالفون الموعد لازم الكل عشان الجد ثنيان والجده منيرا يشوفون احفادهم ويسولفون معاهم وكان الجد ثنيان حاط القانون ذا عشان عياله م يتفككون وتكون قلوبهم ع بعض دايم ويشوفون بعض كلشوي ويعرفون اخبار بعض
في الصباح
الجد كان يسقي الزرع ويقول قصيده
( الطيب ينبت مثل ما ينبت الزرع بقلوب ناسٍ همها تكتب الطيب وان كان تدبيرك ع منهج الشرع تجني حصاد العمر طيب المكاسيب )
نواف : حي ذا الصوت ي جدي
الجد : هلا هلا بولدي توك تصحى الله يصلحك ؟
نواف : العذر والسموحه والله اني كنت تعبان ي جدي
الجد : سلامتك وش فيك
نواف : امس تاخرت ف الشغل تعرف شغلي عاد
الجد : الله يوفقك ف شغلك رفعت راسي اي بالله
نواف راح وسلم ع راس جده : راسك مرفوع من غيري
ابتسم الجد بحنيه : الا وين اخوانك ووين محمد ؟
نواف : سلطان راح من بدري لشغله ومحمد يقضي مشاوير جدتي والباقي نايمين
الجد : وراهم لذي الحزه نايمين الساعه قربت ١٠ وهم نايمين ؟ قم قم صحهم
نواف : ع خشمي ي جدي ولا تزعل
راح نواف يصحي فهد ومهيار الي كان عندهم امس ونام معاهم
في غرفه البنات /
ام سلطان : ي بنات اصحوو يلا اليوم خميس
ملك : سمي الحين نصحى
ام سلطان : اختس وينها ؟
ملك : مدري بشوفها ذلحين
ام سلطان : زين اعجلي
ملك بصوت عالي : مممججددد بنت
مجد : هلا هلا هينا
ملك : الله صاحيه من بدري الاخت غريبه وماخذه شور بعد ليه م صحتيني ؟!
مجد : متحمسه لليوم فيني طاقه ايجابيه بعدين هذاك صحيتي !
ملك : الله يستر من الطاقه ذي بعدي باخذ شور
في غرفه العيال /
دخل نواف غرفه فهد وشافهم هو ومهيار نايمين واحد ع السرير وواحد ع الارض وكان شكلهم وهمه نايمين يضحك
نواف : مب اوادم ذول حمير فهدد ورع اصحى مهيار قوموووو انت وياه
فهد : هاااا بنام شوي اطلع
نواف : ابشر الحين اعلمك كيف اطلع
راح نواف واخذ علبه ماء بارددهههه ثلج اخذ علبتين وحده لمهيار وحده لفهد وهوه يكبها عليهم
مهيار شهق : هيييي نوافففف
فز فهد بشرقه : نواف ورع برددددد
نواف : صحيتكم زي الناس م صحيتو اكلها انت وياه يلا قم جدي برا يحتريكم بنصلي
فهد : بس م تسوي كذا والله برددددددد ارحمني
نواف : قم قم خذ شور دافئ والحقنا
مهيار : وانا ي اخ نواف ؟ من وين لي ملابس م جبت معي
طالعه نواف وهو يضحك : دبر عمرك منت بزر !
خل نروح مكان ثاني /
دخل البيت وكعادته متاخر والكل نايم الساعه ٣ الفجر كان مرهق وارتمى ع كنبه الصاله
ام سلمان: ي بناتتت يلا اصحو
شهد : يمه تكفيننننن بس ٥ دقايق
ام سلمان : قومي ي بنت بنروح بيت جدك لانبطي عليهم يلا شهد الله يهداك
شهد تنهدت : طيب ابشري
ام سلمان : وين ريتاج ؟
شهد : تلقينها ف الحمام ( وانتم بكرامه ) تحط ماسكاتها
ام سلمان : اعجلي انتي واختك
طلعت ام سلمان من غرفه البنات وراحت لغرفه العيال تصحيهم
شهد : ريتاج اطلعي طلعت روحك سنه !!!
ريتاج فكت باب الحمام : نعممم خيررر
شهد : فاضيه انتي وماسكاتك ذي اعجلي بنروح
ريتاج : خلاص طيب من بيودينا ؟
شهد: اكيد مو ابوك ٢٤ ساعه ف شغله
ريتاج : مطلق بيودينا ؟
شهد : مدري يكثر اسألتك بعدين بدخل الحمام
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
