صلو ع نبينا محمد عليه الف الصلاه والسلام
ابي البارت يكون تفاعلل يحلويين
....
دخلت البيت وقفلت الباب
ام اصايل : بدري ؟؟؟ تاخر الغداء ع خالك
اصايل في نفسها" سم الهاري ف بطنه"
ام اصايل بنرفزه من اصايل : كانك سلحفاء
اصايل وهي تطلع عبايتها متجاهله امها
ام اصايل : امشي بسرعه سوي الغداء بروح لام طارق وبجي احصل الغداء جاهز وخالك نايم لاتصحينه
راحت ام اصايل تلبس عبايتها وطلعت من البيت
ناظرت اصايل بقهر من امها واخذت الاغراض للمطبخ بدت تفرغ بالاغراض وركبت الغداء اخذت كتابها وجلست ف انتظار الغداء وبدت تقراء صفحه من الكتاب طاحت عينها ع كلمه في الكتاب كانها تقول لها انتي المقصود من ذا الجمله وكانت الجمله " الله لايعطي اصعب المعارك إلا لاقوى الجنود " ابتسمت وحست ان هذا كله اختبار من الله ومعطاها الله ذا الاختبار الا لانها اقوى الجنود
...
|في الحدث | نواف وسطام |
ابو سامي : تسمعني ي نواف؟ " عبر السماعات"
نواف : معاك
ابو سامي : بتطلع غزل بعد ١٠ دقايق بيكون البيت مراقب من جهه زايد في ذا الوقت البس تنكرك وادخل للبيت لاتنسى القفاز
نواف : علم " والتفت ل سطام " وش صار معك ؟
سطام : قاعد احاول ادخل ع الكميرات بس مو راضي
نواف : اشوف
لف سطام الابتوب ع نواف : صعب ندخلها مالي الا اروح عند راعي المحل
نواف : تمام وانتبه
نزل سطام وراح لمحل سوبر ماركت كانت فيه الكميرات ودخل اما نواف من بعد م شاف غزل طالعه من العماره نزل بزي عامل توصيل ودخل للعماره وحاول يفك شقه غزل وانفكت معاه ودخل
نواف عبر السماعات : دخلت
ابو سامي : اي درج جنبك قدامك في الغرفه الي جنبك تحت السرير م تخلي مكان في الشقه الا وانت شايف وش فيه تمام ؟
نواف : طيب
بدا يفك الدرج الي عند التلفزيون وماحصل شيء ودخل الغرفه وهو يفك الدرج ويدور ورق او اي خيط للي بيسوونه فك وحده من درج ملابسها حصل لوحه وكانت هو في الوحه مرسوم وكان معاها اكثر من لوحه وطلع الوحات كلها وكانت كل لوحاتها راسمه نواف بكل حالاتها ب الثوب وشماغه ب الزي العسكر ف ساحات التدريب وهو يشرب قهوه وهو معصب وهو متلثم وعيونها الناعسه من وراء لثمته استغرب
ابو سامي : حصلت شيء ؟
نواف : حصلت نفسي
ابو سامي باستغراب : وشو
نواف : لوحات حصلت مو مهمه
ابوسامي : كل شيء تشوفه صوره زي م قلته لك م في شيء مو مهم لاتجنني ي نواف مو وقت راسك اليابس
نواف : راسمتني
ضحك سطام وطلعت صوت ضحكته ف السماعات : مهووسه
نواف بنرفزه : سطام والله لاغير ملامح وجهك
ابوسامي بانت الضحكه الي كاتمها من السماعات وحاول يقطيها وقال : كم لوحه ؟
نواف : كثيره م عديتها
ابوسامي : طيب م حصلت غير الوحات ذي شيء ؟
نواف : لا م في شيء بالغرفه ابداً اكيد فيه مكان سري
ابوسامي : طيب دور شوف
نواف بدا يدور في الارض ويخبط ع الارض وقال : الارض مو يابسه
ابوسامي : مخرج سري ؟
نواف : بالضبط بس يبي له عده عشان نكسره
سطام من عند الكميرات : غزل جايه البيت
نواف : وشووووو
سطام : نواف اطلع بسرعه دور لك مخرج الا الباب
نواف وهو يدور مخرج وماكان فيه اي مخرج
سطام : نواف اسرع تفك الباب
نواف م كان له اي مخرج وتخبى وراء باب الغرفه
دخلت غزل البيت بتافف وجلست ع الجوال ف الصاله وكانت تكلم : وش الحل طيب عطني حل وانا اقولك ، م ادري م ادري اوف
نواف بصوت مرخى : سطام بقفز من الشباك
سطام : بعيددد الشباك عن الارض
نواف بهمس ل سطام : مهي بمشكله الي ابيه منك تلفت انتباه رجال زايد الي يراقبون برا عشان اقدر انزل من الشباك
سطام بقلق ع نواف وماعنده حل ثاني قال : طيب بس انتبه وانت تنزل
نواف : طيب بسرعه اخلص علي قبل تدخل البنت الغرفه
طلع سطام من السوبر ماركت حق الكميرات وهو يحاول يشتت رجال زايد في ذا الحظه نط نوف من الشباك رغم انه كان عالي عن الارض بس هو نط وجاء من وراء العماره
ابوسامي : ع طول اركبو السياره وتجوني
نواف : سطام قابلني وراء العماره
سطام : علم
...
| في بيت الجد ثنيان |
كانو متجمعين ف الحوش وسلطان يصب لهم القهوه
ابتسم الجد ثنيان من اخذ الفنجال من يد سلطان وقال : الا ي ابو مهيار متى ودك نملك ع الاولاد ؟
ابتسم ابومهيار : والله ي ابوي مطولين نبي حوالي ثلاث شهور
انصدم سلطان
ابوسلطان : وشهو ثلاث شهور ؟ قليله خذو وقتكم
سلطان وهو يلتفت ع ابوه : يبه ؟!
ابوسلطان : وش ؟
سلطان : ثلاث شهور كثيره ي عم
ضحك الجد ثنيان وكل عمان سلطان يضحكون استغرب وكان محمد ميت ضحك معاهم وقال : يولد وجهك انخرش تطمن مو ثلاث شهور يمزحون معك
ابونايف ببتسامه : انا اشوف ثلاث شهور كثيره خلوه اسبوعين
سلطان وهو يبوس راس عمه ابونايف : ذا الكلام الصحيح
ابوسلطان وهو يضرب كتف سلطان : اثقل يولد وش بلاك مستعجل
تنحنح سلطان : يبه عشان اشغالي انت عارف
ابوسلطان : اييي
فهد وهو يغمز ل سلطان ويقول بهمس بشفافه بس فهمه سلطان قال : اجل شغلك ي الكذوووب قول متحمس وبس
سلطان وهو يمرر يده ع رقبته بمعنى والله لاذبحك ويقصد فيها فهد اما مطلق كان ميت ضحك من حركاتهم
...
| عند ام مي |
كانو يجهزون اغراضهم ماشين ل الديره دخلت عليهم شيماء وقالت : ها جهزتو ؟
ام مي : اي ي بنتي اي انتي جبتي اغراضك ؟
شيماء : اي ركبتها ف سياره ابوي وعيالي مع ابوي
نزلت مي من الدرج وهي تسوي نقابها بسرعه
مي بصوت عالي : يمهههه
ام مي : وصمه اسمعك ليش رفعه الصوت
مي: وين سماعات مجد م حصلتها قالت لي اجيبها معاي
ام مي : حطيتها ب الشنطه انتي الحين طلعي الاغراض وساعدي ابوك
دخل ابو مي وهو يقول : ها خلصتو ؟
مي : اي ي ابوي خلصنا بس نحط الاشياء بالسياره
ابو مي : السياره شغاله روحي حطيها ، ويلا اسرعو الرجال ينتظروني بالديره
شيماء : عيالي ب السياره يبه؟
ابو مي : اي ركبتهم ف السياره
شيماء : يلا تمام بطلع اركب انا
ام مي : خلاص خلصنا بس شيل الشنطه ذي انت
شال ابو مي الشنطه وقال : يلا يبي لنا ساعتين ع بال م نوصل
ام مي : يلا يلا توكلنا ع الله
...
| في المركز |
نواف وهو رايح جاي بالغرفه : لازم نفك المدخل السري
ابو سامي وهو يعدل شماغه : كيف ؟ صعب جداً انك تفكه يبي لنا وقت
نواف : طيب نصنع لنا وقت
ابوسامي : كيف بتصنعه ؟
جلس نواف وهو يحك راسه : مدري مدري بس لازم نفكه ومايكون فيه ضرر ع الشايب
سطام وهو يناظر الورق وتنحنح : هو فيه طريقه يعني بس
نواف : وشهي ؟
سطام وهو يناظر بتوتر ل نواف وقال : انت
نواف : انا وش لاتتكلم متقطع
سطام وهو يخبي وجهه بالورق : تستغل غزل في حبك
نواف وهو ياخذ نفس
ابوسامي : سطام معه حق اذا بنفك المدخل السري م بيفكه الا انت " وقال وهو يشرب شاهي " البنت ذكيه بس فيك غبيه
نواف : يعني ؟ اروح اتكي معاها ولا وشو
سطام : ممكن يكون عشاء بينك وبينها لين تدخل بيتها
نواف وهو يشوف مافي حل غير كذا بس سكت
سطام: وشوو موافق ؟
دخل عليهم معاذ وهو يقول : محامي احمد جاء ويطلب انه يقابل احمد وانه ليش للحين هو ف المركز مو من حقنا
نواف : مو من حقنا اجل ؟ " فك الباب وطلع "
التفت المحامي ع نواف : طلع موكلي ولا حوله ع السجن م يقعد هينا
نواف وهو يناظره وقال : مو طالع لين يجي موعد المحكمه عندك شيء تبي تقوله؟؟
المحامي وهو حاقد ع نواف: انت ضابط مو قاضي
نواف : عندنا اعترافات من جهت المتهمين وانت مالك حق تدخل فيها مهمتك الدفاع عن الحق هذا اذا كانت قضاياك فيها حق
ابوسامي : تقدر تشوف موكلك بس م تقدر تطلعه
المحامي : بشوف صالح
نواف : مو ع كيفك منت محاميه
المحامي : من قالك ماني محاميه ؟؟؟
نواف : اذا صالح وقع ع عقد انك محامي ذيك الساعه واجهني الحين توكل ع الله
المحامي : مو من حقك ي الضابط نواف ! وفيه اسلوب تكلم فيه معي
نواف وهو بقرب منه ويقول : انت تعلمني الاسلوب ؟
ابوسامي وهو يبعد نواف عن المحامي ويقول : تبي موكلك احمد لك نص ساعه تكلمه م تبي اطلع برا عندنا اشغال
المحامي ناظر فيهم ودخل ع احمد
نواف بضحك استهزائي : يعلمني الاسلوب
ابوسامي: خلاص ي نواف
...
|في بيت غزل|
بدت تدخل عليها كميات تهريب وكانت تراقب بينما همه يخبونها طلع واحد من رجال زايد : خلصنا ، امسكي الورقه ذي فيها كل م يخص الشايب
اخذت غزل منه الورقه : طيب
طلعو من البيت وهي دخلت راحت للحمام " وانتم بكرامه" تاخذ شور خلصت وطلعت جلست ع طرف الكنب وهي تحس بفراغ فيها ويشمل تفكيرها نواف الي كانت تحس بالحب وهي تناظره عمرها م حست بذا الشعور وكانت تعتقد انه حبها من اول نظره بس وش عائقها بينها وبين نواف ؟ زوجته وتحس بكميه كره تجاه ذا البنت مهما انظرت تطلع منها مثل الشعره من العجين
دق باب البيت قامت بحذر من الي يدق الباب وناظرت من فتحت بابها وشافتها جارها سعيد تنهدت براحه وببتسامه مزيفه فكت الباب
سعيد وهو يحسها بمقام بنته مد لها اكل وقال : هاك ي بنيتي اكلي اكيد مع نقله البيت والاشغال الي كانت في بيتك م قدرتي تاكلين
اخذت غزل من يده الاكل : مشكور ي عم
رجع سعيد البيت وجلست غزل وهي تحط الاكل ع الطاوله : اوف مدري يصلح للاكل او لا " ناظرته شوي وكانت جوعانه ومافيه اكل بالبيت" شكل م عندي خيار ثاني باكل اوف
...
| في بيت الجد ثنيان |
كانو البنات يبخرون البيت ويرتبون والي يسوو الحلا والقهوه في انتظار ام مي الي من لما قالت انها بتجي الديره م تركتها الجده منيرا وحلفت عليها للقهوه
إيفان وهي ترتب الجلسه دارت الارض قدامها ومسكتها ريتاج الي حست انها تعبان : إيفااان وش فيك
جلست إيفان وهي تمسك راسها وقربت منها ريتاج : وش فيك وش تحسين فيه
إيفان ووجهها شاحب : مدري احس ماني بخير
ريتاج : دوخه ؟
إيفان هزت راسها ب الايجاب
ريتاج : طيب خليك بجيب لك عصير يمكن م اكلتي زين
دخلت ريتاج المطبخ وهي تصب لها كاسه عصير
إديم : لمين ذي ؟
ريتاج : إيفان دايخه قلت يمكن جوعانه
إديم بخوف عليها طلعت من المطبخ وجت عندها وهي تمسك راس إيفان تشوف عليها حراره او لا وجلست عندها : وش تحسين فيه ؟ يعورك شيء
إيفان وهي تاخذ كاسه العصير من ريتاج : لا بس دخت شوي يمكن لاني م نمت زين
إديم : تمام روحي ارتاحي شوي انتي طيب ؟
هزت إيفان براسها وقامت للغرفه
إديم وهي تروح معاها وقالت : م اكلتي شيء صح ؟
إيفان هزت راسها ب ايه : م قدرت اكل احس بغثيان مو طبيعي
إديم : طيب اسوي لك اكل
إيفان : لا تكفين العصير مو قادره اكمله مالي نفس
إديم : طيب دقي ع نواف يوديك المستشفى تعبانه مره انتي
إيفان وهي تنسدح ع الفرشه : بنام شوي واشوف كيف
إديم بخوف عليها : اذا بغيتي شيء ناديني
ابتسمت إيفان : طيب
طلعت إديم من الغرفه وقفلت الباب
واجهتها ام سلطان : وش فيها إيفان قالت لي ريتاج انها تعبانه
إديم : والله مدري ي خاله داخت وعطيناها عصير وهي اليوم م اكلت شفتيها تقول احس بغثيان
ام سلطان : بسم الله عليها وينها الحين
إديم : راحت تنام
ام سلطان : اي كويس خل ترتاح
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
