ليتك تعرفين الحال؛ ويش هي نواياي

البارت الثامن عشر

صلو ع محمد عليه افضل الصلاه والسلام
انستا llzix_2
تيكllzix8

......
| عند ابطالي | نواف & إيفان |
بعد م خلصو تدريب جالسين يتغدون
إيفان : بسالك سوال
نواف : تفضلي
إيفان : المكان ذا لك ؟
هز نواف راسه ب الايجاب : حتى الكلب الي عند الباب حقي
إيفان ببتسامه : حلو المكان
نواف : حبيتيه ؟
إيفان : اي مره احسه كذا متواضع حتى الكوخ يهبل " بضحكه خفيفه " صح صغير مره بس يجنن
كان نواف يتامل كلامها : باقي مكان م وريتك إياه
إيفان : متى توريني اياه
نواف : اكلي وبعدها البسي عبايتك واوريك
...
ينتظرون عند باب القاضي
سلطان : الحين ندخل وبتتعلمون كيف هي المحكمه وكيف القاضي يبدا باسالته ويطلع الكلام من المجرم وفي نفس الوقت بتشوفون دفاع المحامي عن موكله وكيف بيطلع برائه موكله
وحده من المتدربين : طيب عادي اسال
سلطان بغض البصر: تفضلي
: كيف المحامي يكسب موكله
إديم باجابه ع سوالها : تكون شاطر من بدايه مهنتك وصادق مع كل موكلينك والتزمي بالي تقدين عليه ولاتعطينه امل تفاءلي معاه بس ويكون موكلك يعرف كل شيء يصير بالقضيه اي ارقام او اشخاص يدقق عليها موكلك حافظي عليها وبكذا تكسبين موكلك
سلطان باندهاش وابتسامه لا ارادين منه : صحيح
التزمت إديم السكوت وهي تقول في نفسها " لازم تسوين فيها شاطره انتي وجههك كان اكلتي تراب وخليته هو يجاوب "
جاء محامي وشاف سلطان : سلطان ؟
سلطان : ياهلا
المحامي : ماني خابر عندك محكمه اليوم مو موجود ف الجدول
سلطان : لا اليوم دوري ف تعليم المدربين
المحامي : اهاا ، الله يوفقك
...
دخلت البيت وشالت الخدامه شناطها وطلعتها للغرف فوق تمشي وكعبها هز البيت كله هز
لفت ع الخدامه الي نزلت
: تعالي تعالي
الخدامه : نعم مدام
: فيصل يعيش هينا ؟
الخدامه : اي بس هذا بابا يقفل غرفه مال هوه
: وش السبب
الخدامه : انا مافي معلوم
: روحي روحي واضح انك غبيه وماتعرفين شيء
فك باب البيت وتسلطت اشعه الشمس ودخل زايد الكندري
زايد : نور البيت
: عارفه
زايد : تعالي احضنيني يعيون ابوك
فك يده لها
راحت وحظنته وهو يمسح ع شعرها ويبوسه : هلا ب غزل تعالي ناكل ي ابوك
غزل : اكلت
زايد : تمام خل نجلس ابيك بموضوع
هزت غزل راسها ب الايجاب وجلست
زايد : قريتي الرساله اكيد
غزل : نواف تركي آل ثنيان
زايد ؛ بالضبط وانا ابيك يدي اليمين بما انك بنتي
غزل : ليش م خليت فيصل
زايد : انتي الكبيره واعقل من فيصل
غزل : طيب ليش مقفل الغرفه ع فيصل
زايد : لانه م يصلح نفكه
قامت غزل وقالت : اذا تباني اساعدك بشغلك بتترك فيصل حر ويسوي الي يبيه
زايد : بيكون ع مسوليتك وقتها
غزل : اخوي ع مسوليتي
زايد : اوكي
غزل : في اي غرفه ؟
زايد : الي ع يمين
طلعت غزل وهي تسرع بخطواتها ل باب غرفه فيصل فكت باب غرفه شافتها ظلااامممم
غزل : فيصل
انصدم فيصل من الصوت وفز وعيونه كلها دموع : غزلل!!!
غزل : اي غزل
قام فيصل وهو يحظنها بعد عنها وقال : ليش انتي هينا
غزل : عشان بساعد ابوي بشغله كالعاده يستنجد بي
فيصل : اها ، غزل تكفين طلعيني من هينا سووي اي شيء
غزل : انا كلمت ابوي انه بطلعك وع مسوليتي بس اسمع معاد تعيد حركاتك ذي الي مالها داعي
فيصل : وعددد اوعدك
....
نزل في احد فنادق الرياض يدور غرف يستاجرها وحصل
ام سلمان : يولدي ذي غاليه
سلمان وهو يبوس يدين امه : يمه ي تاج راسي الغالي يرخص لك وانا معاي فلوس مستحيل اسمح انكم تنذلون عند شخص وحتى لو كان الشخص ذا ابوي تمام تحملنا بالبدايه بس انا طقت كبدي والفلوس الي معي مهي ل ابوي لي انا بتعبي انا
مطلق : وانا معاي بعد مكافئه الجامعه وتكفينا
ريتاج : وانا معاي حق متجر عباياتي الكترونيه
ابتسم سلمان وقال : ذي فلوسكم احتفظو فيها انا معاي الي يكفينا طيب ؟
مطلق : بس سلمان
سلمان: لابس ولاشيء فلوسك ادفعها في اغراض جامعتك
ابتسمت ام سلمان وهي تشوف عيالها سند لها م سمحو ل ابوهم يذل امهم ولاقللو من احترام ابوهم ولامدو يدهم ل احد حتى للجد ثنيان مارضى سلمان يروحون له
دخلو الغرف وستاجر سلمان غرفتين وحده له و ل مطلق والثانيه ل امه وخواته وكانت الغرف جنب بعضها
....
<<تقديم الوقت >>
"م فيه احداث مهمه"