ليتك تعرفين الحال؛ ويش هي نواياي

البارت السابع عشر

صلو ع محمد عليه افضل الصلاه والسلام
انستا llzix_2
تيكllzix8
..

~اليوم الثاني ~
|في بيت الجد ثنيان |
كانت ام سلطان جالسه مع بناتها وإيفان
ملك : يمهه جده متى ترجع ؟
ام سلطان : بكره ان شاءالله
دخل نواف عليهم ببدلته العسكريه وقال : سلام عليكم
الكل : عليكم السلام
وباس راس امه : وشلونك ي الغاليه
ام سلطان بابتسامه كلها حنان : بخير يابعد قلبي اجلس تقهوى معانا
جلس نواف جنب إيفان الي كانت ماسكه الدله وصبت له ومدته له بدون لاتناظره اخذ الفنجال من يدها
مجد : نواف
نواف : سمي
مجد: سم الله عدوك بس النت عطاك عمره
ابتسم نواف : الله يرحمها عظم الله اجرك
مجد : امين بس نبيك تحيها تعرف ابوي مو موجود انت الي موجود حالياً
ضحك نواف ضحكه خفيفه : ابشري
ام سلطان : مالها الا ساعه من لما انقطعت م مداك
مجد : يمه والله طالبه لي عبايه ومافي نت
نواف : اتركيها يمه تبشر بنت تركي
مجد ببتسامه : انفداك يا اطلق اخ في الكره الارضيه ي شيخ بكتب لك قصيده
نواف ببتسامه : يلا هاتي قصيدتك واشحن النت بس بشرط تطلع القصيده حلوه
مجد بخوف : لاعاد تكفى
ملك بضحك : ماراح يكون فيه نت طول العمر
نواف بضحك : يمه بنتك ذي مهايطيه
كانت إيفان تسمعهم وهي مبتسمه وتحس شافت الطرف الثاني من نواف طرف غريب عمرها م تخيلت ان نواف عنده ذا الطرف طرف لطيف طرف حنون سحرتها ضحكته وقالت في نفسها " معقوله كنت غلطانه في ضني له ؟ معقوله م عرفته ؟"
نواف بهمس لها : اكلتيني بعيونك
فزت إيفان وقالت بنفس الهمس:يتوهم لك
ام سلطان : بنتي إيفان قطعي الكيكه ل نواف
إيفان : ابشري " قامت وحطت ل نواف من الكيكه وكانت كيكه باليمون عشق نواف "
نواف : اووو باليمون بعد الله يعطيك العافيه يمه
ام سلطان: بالعافيه بس ترا مهو انا الي سويتها " ببتسامه قالت " بنتي إيفان سوتها
ملك مهباله : اي جتني تسالني وش يحب نواف
إيفان وهي تضرب ملك من تحت
ملك : اهه
ناظر نواف إيفان وقال : يعطيك العافيه
إيفان : يعافيك
ام سلطان: مجد ملك الحقوني للمطبخ نجهز الغداء
ملك ومجد :ابشري
إيفان : بساعدكم ي خاله
ام سلطان : لا ياعيوني اجلسي مع رجلك انتي
دخلت ام سلطان وبناتها المطبخ
نواف : مشكوره ع الكيكه
إيفان : بالعافيه
نواف : يعافيك
.....
|في الديره | عند الجد ثنيان |
كانو يمشون في مزرعه جدهم كان خير جدهم واجد وخصوصاً الديره ذي الكل يحترم الجد ثنيان والجده منيره
ابو احمد : ماشاءالله يبو تركي خيرك كثير
الجد نثيان: الحمدلله ع كل خير
ابو احمد : شاعرنا وينه مهو من عوايده
الجد ثنيان : تعرف شغله وزواجه بعد توه تزوج وان شاءالله يجي بعدين
ابو احمد : ان شاءالله واهم شيء يجي بعد اسبوعين عشان سباق الديره
الجد ثنيان : لا ازهله بيجي وهو متجهز لها من فتره وان شاءالله برفع  اسم قبيلتنا وديرتنا بين الديار
ابو احمد : ماعندي شك في ولدي نواف
محمد وهو يصرخ من بعيد : يبهههههه الحلاللللللل طلععععععع
سلطان : ي ثور بدال لاتصرخ امسكه ي البهيمه انت وياه
"قعدو العيال يطردون الحلال الي طلع من الشبك "
بدو يحاصرو الحلال من كل مكان لين دخلوهم
الجد ثنيان بنفخه: من فك الشبك
العيال كلهم اشرو ع مهيار
مهيار بخوف : جدي خلني ابرر لك 
الجد ثنيان : تبرر ها تبرر
" اخذ الجد ثنيان العصاء وهو يضرب مهيار ومهيار ينط مع كل ضربه والعيال ميتين ضحك وابو احمد معاهم
ابو احمد : خلاص اتركه ي ابو تركي
الجد ثنيان : قم وكل الحلال
مهيار : انا 😭
الجد ثنيان : لا انا وشرايك
مهيار : ازهلني ي جد تجي وتحصل كل الحلال دبب
الجدثنيان : حلالي انتبه لاتموته ثم حطيتك بداله
راح الجد ثنيان وكانو العيال ميتين ضحك ع مهيار
فهد : روح روح وكل عيالك
مهيار : عيالي ها " اخذ غصن شجره طايح ع الارض بدا يجري ورا فهد"
سلطان : يليلللل انت وياه
...
جالسه في احدى كافيهات باريس مع شله عباره عن بنات وشباب والاغلبيه فرنسين ومافيه احد عربي الا اثير وهي
دق جوالها وشافت المتصل " زايد الكندري "
: اثير عندي مكالمه بروح شوي
اثير : اوكي بيبي
قامت وراحت في زاويه ف الكافيه
: الو
زايد : هلا بعيوني
: وش بغيت
زايد : تعرفين مطلبي زين
: وانت م تتصل علي الا مصلحه
زايد : صوتك لايعلى
: انا م ابي اشتغل معك
زايد : مو بكيفك فاهمه انا امرك وانتي تنفذين
بيائس : وش المطلوب
: تجين بكره السعوديه واعلمك المطلوب
: طيب بكره وانا ع اراضي السعوديه
...
|في المركز |
نواف : مو من عوايده هادي يخطط لشيء
سطام وهو يشرب قهوه : اكيد ، ننتظر صاروخاته
نواف : لازم ندخل احد بيته لاااازمممم
سطام : وشلون طيب
نواف : مدري بس الي بيدخل عنده لازم يكون شخصيه مهمه عند زايد ويعلمنا بكل شيء عنه
سطام : ازهل ذا الشخص عندي
ابتسم نواف : اوثق فيك
سطام : نقوم نتعشى
نواف : حسابك علي
سطام : اركد اركد والله ...
قاطعه نواف : علي بالحرام م يدفع الحساب الا انا بس امش
سطام : لحوول الله يهديك
...
~ اليوم الثاني ~
كان الجد ثنيان واصل من الديره وياخذ له قيلوله
|العيال بالمجلس|
نواف : مريت سحاب ؟
سلطان : وشلون م امر الا بالله مريت
نواف : وشحلها ؟
سلطان: مشتاقها لك
نواف : والله اني ميت شوق لها بس تعرف الظروف
سلطان : اي صدق ابو احمد وشيبان الديره يبون يدعمونك اذا تبي ف السباق
نواف وهو يشرب شاهي : ماني بحاجت دعم احد بفوز بنفسي
سلطان بثقه في نواف : خابر والله وبدون م نروح الاول ب السباق انت
ابتسم نواف بحنيه ل اخوه
محمد بمقاطعه : نواف م دريت ؟
نواف ببرود : وش
فهد بضحك ومقاطعه ل محمد : مهيار صارعنده ورعان
نواف باستغراب : عنده ورعان ؟
ضحك سلمان وهو يعلمه ب السالفه
مهيار : يلعن ابو الطقطقه من الديره لين وصلنا هينا وهم كل م شافو وجهي ضحكو انتم لامسكتو شيء ع الواحد م تسكتون
مطلق بضحك : مثلي الحين مقابل وجهك وانا توي اعرف السالفه وميت ضحك
محمد وهى كاتم الضحك :خلاص يعيال وشدعوه عليه بعوضك ع كل الي صار ي مهيار
مهيار : يلا هات العوض
محمد : ابشر بكره اروح اشتري علف ل ورعانك
ماتو العيال ضحك معاد نواف ضحك ضحكه خفيفه وقام وجاء يطلع مع الباب والتفت ع مهيار وقال : انتبه ل ورعانك مره ثانيه لاتفك الشبك عليهم ويطلعون
مهيار ببتسامه : حتى انت اكتملت والله باقي نايف
محمد بضحك : ادق عليه الحيننن تبشرررررر
اخذ محمد جواله ودق ع نايف ورد عليه وحط الجوال سبيكر
محمد : نايف
نايف : سم سم
محمد : م دريت
نايف: لا وش
محمد : مهيار صار عنده ورعان
نايف كان عارف انهم يذبون وقال : ليش م صورتهم لي
محمد وهو يعلمه وميت ضحك
نايف وهو يضحك : مهيارر نبي واحد من عيالك اليوم عندنا عشاء
تطايحو العيال ع الارض من الضحككك ومو قادرين يتنفسون وصوت ضحكه نايف من ورا الجوال
ضحك مهيار معاهم وقال : حسبي الله
...
|عند البنات |
كانو يسولفون وإيفان تناظر ف جوالها
إديم : من جلستي وانتي ع الجوال سلامات
إيفان : اكلم نايف اعصابك
فجر : خالي ونايف بيجون ؟
إيفان بفرح : اي ، بعد يومين
ملك بتردد : عمي كيفه ؟
إيفان بضيق: للحين م حصلنا له قلب
إديم وهي تحضن إيفان : ان شاءالله يكون بخير
إيفان : ان شاءالله
مجد وهي توها تدخل الغرفه قالت : بنات ادق ع شهد وريتاج م يردون وخالتي شريفه م جت غريبه
ملك: مطلق وسلمان هينا ؟
إديم : اي يوم جينا قابلو مهيار
مجد : مدري بس ادق م يردون وهمه امس قالو بيجون
إديم : دقيقه بدق ع عمه نشوف
تجمعو البنات ودقو ع عمتهم شريفه بس م ردت
....
| عند زايد الكندري |
زايد : شلون البنت مو ف الشرقيه تتهبلى علي انت وياه
: طال عمرك نراقبهم بس البنت مو فيه م تطلع ولا نلمحها ، اذا تبي نقلب ع الولد
زايد : لالا الولد م ينفع ولد عبدالمحسن اعرفه زين م يخضع وعبدالمحسن بيجي دوره مع الوقت بس اول احرق قلبه ع بنته
تنحنح وقال : شكل شغلك ي زايد م يمشي
زايد التفت ع سعد الجالس وهو شريكه ف الشغل : بتشوف لما امسك نواف ال ثنيان وخليه يركع لي
سعد بضحك : في عمر الشباب ومن البدايه يهزمك م قدرت تاذي بنت عمه
زايد والنار تطلع من عيونه : تتحداني ؟
سعد ببرود يقهر : اعرف النتيجه بس اتحداك
زايد : ههااي م تعرفني اجل ي شريك
سعد وهو يشرب شاهي ويشفط في الشاهي : لو م اعرفك م كان تحديتك وان فزت بالتحدي بعطيك حلالي كله ورزقي
ضحك زايد : حلالك كله بالحرام وتبي تعطيه
سعد : م يفرق عنك
استوعب زايد وسكت وقال : تشوف فوزي بعيونك
....
|في المركز | عند نواف، وسطام |
سطام : يراقب بيت عبدالمحسن
نواف: يبحث عنها
سطام : م يتقصد الا الحريم الرخمه
نواف وهو يضرب يده ع الطاوله : ان م خليتك ي زايد تندم ع انك بس بحثت عنها م كون نواف
سطام : انا خليت عند نايف خبر
نواف : زين
جاء بطلع
سطام : وين وين رايح
نواف : بروح مشوار كمل البحث واي شيء يصير قول لي واي صح الكلب جيبوه من تبوك باي طريقه كانت
سطام : سم
طلع نواف من المركز وتوجه للبيت وهي ينزل ويدخل
كانت جدته وامه وعماته ف الحوش
نواف : سلام عليكم
الكل : عليكم السلام
الجده :  وش فيك يولدي مستعجل تقهو معانا
نواف : جعله عافيه بس باخذ إيفان وبنروح ، يمه تنادينها لي
ام سلطان : اي ابشر يولدي
قامت ام سلطان تنادي إيفان من عند البنات وراح نواف ركب السياره ينتظرها طلعت له وركبت وهي م تدري وش السالفه ووين بيوديها
إيفان : وين بنروح
نواف : تشوفين اذا وصلنا
كان طول الطريق ساكت ولايتكلم ناظرت إيفان يده الي شاده ع الدركسون وكانت الشده قويه عرفت انه معصب وسكتت ولا فكت فمها ابداً اخذ ١٠ دقايق بعدين شغل غنيه ل خالد عبدالرحمن يقول فيها
لو يبحر الشوق ..في عيونك غرق
يكفي نظر يكفي .. ملاطف هالعيون
حدك ترى ومض.. النظر مني سرق
لهفات مني .. ماخذتها آاي عيون
حست قلبها يدق ماتدري ليش وهو وش وضعه وش موقفه معصب ولا مروق وش يقصد بالغنيه الحين عجزت تفهم نواف باي طريقه تحس فيه غموض ومهي قادره تتعمق في غموضه
تنحنح نواف وقال : يلا انزلي
ناظرت إيفان المكان كان قريب وقطعه مافيه احد فيه شيء زي الكوخ الصغير وجنبه كلب حراسه
إيفان بخوف : نووواففف فيه كلب
ابتسم نواف: م بسوي لك شيء انزلي
نزلت وهي تتمسك بيد نواف : تكفى لانقرب منه
نواف : م بيسوي لك شيء بندخل الكوخ حنى
إيفان : لالالا لاندخله
نواف بضحك : لاتخافين لطيف الكلب شوفي
نزل نواف ع الارض وبدا ينادي الكلب وجاه الكلب جري
إيفان بصراخ وتجري بعيد : يرحمممم والدينكككككك تكفىىىىىىى ليششششش تناديهههه انتتتتت
ضحك نواف : لطيف تعالي امسكيه
إيفان : يويلليييي امسكه بعد نواف انت مطلعني من البيت عشان تعذبني
نواف :هدي ليش كل ذا الخوف ، خلاص ي كلب روح روح
راح نواف بفك باب الكوخ : تفضلي
إيفان : م يدخل البيت صح
نواف: منهو
إيفان بخوف : الكلب
ضحك نواف من كل قلبه وهو يشوف وجهها المرعوب : لالا ادخلي انتي بس
ابتسمت إيفان وهي اول مره تشوفه يضحك كذا ومن كل قلب : ادري بس كنت اطقطق معاك
نواف : اي صح طقطقين ادخلي ادخلي
دخلت إيفان وشافت البيت كان صغير وجنب في اسلحه
نواف: طلعي عبايتك والحقيني برا
إيفان : وين بنروح ؟
نواف وهو يقرب منها وقال : وش رايك م نكثر اساله
إيفان : طيب
طلع نواف واخذ معاه الاسلحه وطلعت إيفان عبايتها ولحقته دخلت مكان ورا الكوخ تدريب طلق النار
إيفان بخوف : وش بنسوي حنى
نواف : بعلمك كيف تتدافعين عن نفسك وتتعلمين تطلقين النار
إيفان : يويلييي انا بمسك السلاح ذا الحين
نواف : اي
إيفان : والي يرحم والديك ي نواف فكني منه
نواف وهو يحط الرصاص في السلاح : تعالي قربي
إيفان : معرف له تكفى م يحتاج انت معاي تدافع عني
ابتسم نواف : انا معاك بس احتياط يلا اوثقي فيني
مد يده لها وحطت إيفان يدها ف كفه وقربها
حط في يدها السلاح وجاء وراها رفع يدها : تشوفين الوحه ذيك ؟
إيفان :اي
نواف : استرخي اول غمضي عين وحده وبالعين الثانيه ركزي ع الهدف ان كنتي تطلقين النار بيدك اليمين ادعميها بيدك اليسار من تحت والعكس يدك اليسرى بتدعم يدك اليمين م تنرد يعني م تطلقين النار بيد وحده ترفعين السلاح لعند عينك وتركزين ع الهدف
كان واقف وراء إيفان وماسك يدها يساعدها ع طلق النار
نواف : الحين نطلق
صوت الطلاق النار
إيفان بصراخ : اءءءءءء " بضحك " سويتها والله سويتها
ابتسم نواف : الحين سويها من غيري لحالك
إيفان وهي توجه السلاح ل لوحه تدريب اطلاق النار : نسترخي اول نغمض عين وحده والعين الثانيه نركز بها ع الهدف ان كنت اطلق النار بيدي اليمين ادعمها بيدي اليسار من تحت عشان م تنرد م اطلق النار بيد وحده ارفع السلاح لعند عيني واركز ع الهدف " اطلاق النار "
إيفان بضحك وبفرح : سويتهااا بدون م اخااااف
نواف : لا من البدايه شاطره
إيفان وهي تنط : خل اعيد تكفى بعيد
نواف بضحك : طيب
....
دخلت المحكمه وهي تحس بتوتر من تدريبها ولاتعرف فين تروح
إديم : السلام عليكم اختي
الموظفه :  وش بغيتي
إديم استغربت من اسلوبها الفظ : انا طالبه ف الجامعه جايه عشان التدريب فين اروح ؟
الموظفه : ماعرف ، ولايهمني
إديم استفزتها مره : موظفه ع الفاضي اجل
الموظفه : هييي انتي ي بزر جايه هينا عشان ترفعين صوتك علينا
إديم : احترمي نفسك ترا جيتك بادب حتى سلام ربي م رديتي عليه
ارتفعت اصواتهم والفتو الانتباه من كل الجهات
طلع سلطان من مكتبه ع صوت الهواش وعلموه وهم عارفين الموظفه ذي دايم كل م جاء احد تهاوشت معاه
دخل عليهم وشاف إديم ملطمه الموظفه والكل يضحك لان الكل كاره الموظفه من اسلوبها ومن حركاتها المستفزه وقيله الادب
بدو الموظفات يفرقونهم وجلسو اديم ع الكرسي وهي مقهوره
موظفه ثانيه : حبيبتي مالومك فيها سويتي فينا خير
إديم : قليله ادب انا الي طلبته منها وين مكان التدريب الجامعي وتقول م يهمني جعله م يهمس يالبريعصي
ضحكت الموظفه : هدي يعيوني وانا ادلك ع التدريب الجامعي بس اول نوقع اوراقك وش اسمك ؟
إديم : إديم عبدالله آل ثنيان
وكان كل كلامهم في مسامع سلطان وانصدم انها بنت عمه بس ابتسم لان كل الموظفات يشكرونها ع الي سوته ف الموظفه ذي
الموظفه : اوو محامي سلطان
سلطان وهو يغض البصر : هلا
الموظفه : هذا ملفات طلاب الجامعه المتدربين
سلطان : تمام
حست إديم بقشعريره ف جسمها وكان السماء طاح عليها من عرفت ان سلطان شافها وهي تتهاوش
....
| بيت ام سلمان |
دخلو سلمان ومطلق للبيت وكان طافي ظلام استغربو
سلمان : يمه ريتاجججج شهدددد
مطلق : وشفيهم يولد
طلعو يدورون عليهم وشافوهم فوق في غرفه ام سلمام
سلمان ب استغراب وخوف : وش تسوون هينا
شهد :ابوك ي حظي
مطلق بغضب من طاريه : وش فيه
ريتاج : تهاوش معانا كالعاده وك عقابه نعرف فضله علينا طفى الكهرباء وفصل النت
سلمان بضحك مغبون من ابوه : وبكذا نعرف فضله ها
شهد : م قدرنا نكلمكم جوالاتنا طافيه
مطلق : قومو خذو اغراضكم بنطلع
ام سلمان : وين بنروح يولدي
سلمان : لو نقعد تحت شجره يلا ريتاج شهد تجهزو
شهد وريتاج : طيب
....
وصلت ودخلت اراضي السعوديه وتحديداً مدينه الرياض وتسمع صوت النداء والترحيب ف المطار اخذت وجبه لها وهي ميته جوع وبدت تاكل بعد ماخلصت دقت عليه تعطيه خبر بانها وصلت
زايد الكندري : خليك مكانك بيجيك السواق
: تمام لاتتاخر لان الشمس صدعت فيني
زايد : بسم الله عليك الحين يجيك
قفل وهي مستغربه من طريقه حبه الغريبه ذي وهي م عمرها سمعت منه كلمه كويسه الا ذا المره
...
| في بيت الجد ثنيان |
كان محمد يصب القهوه والجده منيرا تسوي في اقمشتها وكان فهد متكي ع التكايه ومجد وملك جالسين
مجد : جده نبي قصه بس اهم شيء قصه فيها عبره عشان محمد يصلح
محمد : وشقصدك
فهد بضحك : ياخي ي مجد انتي عزوتي
ابتسمت مجد ودقت له تحيه : اعجبك
الجده منيرا ببتسامه : بقولكم قصه كانو زمان يقولونها لنا
يقولكم فيه حمار دايم يسمونه الحمار الأحمق كان فيه بائع يبيع ملح ويحطها دايم ع ظهر الحمار وفي يوم من الايام اضطر البايع انه يقطع من عند النهر وذاب الملح ف البحر وقل وزن الملح ع ظهر الحمار فرح الحمار وقتها لان الاكياس صارت خفيفه عليه ومن بعد ذاك اليوم والحمار يسوي نفس الحركه واكتشف البايع حركتها المتعمده وحط له بدال الملح قطن ويوم قطعو النهر تبلل القطن وصار ثقيل ع ظهر الحمار وبصعوبه طلع من النهر ومن بعدها تاب الحمار وتعلم درس كانو زمان يقولون لنا ماراح تلسم الجره في كل مره