ليتك تعرفين الحال؛ ويش هي نواياي

البارت الخامس عشر

صلو ع محمد قبل تبدون البارت
انستا llzix_2
تيكllzix8
...
صحت من النوم وهي تكح من ريحه عطره الي عمت ف الغرفه ناظرته شافته يسوي شماغه رجعت سوت نفسها نايمه وهي ودها تنام طول العمر وم تصحى لف عليها نواف وقال : إيفان
غمضت عيونها بقوه وم ردت عليه
نواف وفي نفسه " يولد كيف اصحيها الحين اخاف اخوفها "
قرب منها ومسك كتفها وقال :اصحي اهلك بيروحون الشرقيه خل نلحق عليهم نسلم
تذكرت إيفان اهلها صدق وفزت من النوم او من تمثيل النوم
نواف : بسم الله عليك
رفعت الحاف وقامت راحت الحمام ( وانتم بكرامه ) وقفلت عليها
جلس نواف ع الكنبه ينتظرها طلعت إيفان من الحمام وبدت تصلي فروضها الي راحت عليها وبعدها بدت تتجهز وهي ملاحظه نواف الي يناظر تجهيزاتها وهي متوتره مره بلعت ريقها دق جوال نواف وطلعه
نواف : الو خلاص جاين ، اي اي ،خلاص يورع لاتكثر حكي
وقفل ناظرها وقال : جهزتي ؟
إيفان بصوت خافت : ايوه
ناظر فستانها الاصفر الصيفي وشعرها فاكته وحاطه ربطه شعر ع شكل فلونكه وكان لونها ابيض ومكياجها خفيف جداً
تنحنح نواف وقال : يلا
لبست إيفان عبايتها وطلعت معاه
...
| في بيت الجد ثنيان |
ام سلطان : يلا ي بنات بخرو غرفه نواف اخلصن
ملك : ابشري يمه
فهد : يمه لاتزوجت بتسوي كذا ؟
ام سلطان : فهدددد مالي خلق لاسئلتك
مجد بضحك : امي متوتره انطم
فهد : سكتنا
في الحوش |
الجد ثنيان : كلمت نواف ي محمد ؟
محمد : اي يبه ع وصول
ابونايف : خل نسلم ع بنتنا وبنمشي
ابو سلطان : طالبك انكم تجلسون اكثر
ابو نايف : والله الود ودنا بس نايف عنده دوام ومايمدينا ان شاءالله ينقل دوامه هينا ونجي
الكل : ان شاءالله
....
تمشي في شوارع باريس اعترض لها رجل سواد في سواد ماكانت تختلف عنه في ذا السواد كانت مثله سواد في سواد
‏: éloigne toi de mon chemin " ابتعد عن طريقي "
الرجل : J'ai un message pour vous" يوجد لدي رساله لك "
استغربت وقالت : Qu'est-ce ? " ماهي ؟"
طلع لها ورقه وسلمها ف يدها واختفى تنهدت ومشت دخلت مطعم في باريس وجلست فكت الرساله وبدت تقراها
....
وصل لبيت الجد ثنيان نزل ونزلت إيفان معه دخلو وبدا الجد ثنيان يرحب
ابو نايف : الله يجمع بينكم ب الخير
الكل : امين
نايف ابتسم ل اخته وضمها وقال : شلون اروح الشرقيه الحين
ابتسمت إيفان وهي ودها تقول خذني معك
ابو نايف : يلا مشانا ي نايف ؟
إيفان : يبه بتروحون الحين ؟
ابو نايف باس إيفان ع جبتها : اي نايف عنده شغل مثل م تعرفين
إيفان : استودعتكم الله
ركب نايف وابوه ل سيارتهم ومشو ل الشرقيه
مجد : إيفااااااانيييييييييي
ونطت عليها وهي تضمها وكان نواف واقف وراهم
إيفان وهي تضحك وهو مو مطمنها الا وجود مجد وملك : خنقتيني ي بنت
مجد : بخطفس من اخوي
ضحكت إيفان من كل قلبها هينا ابتسم نواف لان اول مره يشوفها تضحك
ملك : مجد وجع بعدي
محمد : هييي انتي وياها واخوكم معكم ذبحتو بنت اخوي
نواف ببرود : بسم الله عليك
لفت عليه إيفان وحطت عينها بعينها لاول مره رفعت نظرها عنه بسرعه
الجده : يويلي ويلاه ي بنات خليتوهم واقفين برا
ام سلطان : ادخلي ي بنتي إيفان ادخلي
نواف : العيال ف المجلس ي محمد ؟
محمد : اي حتى سطام
نواف وهو يلعب بسبحته : مشانا لهم
دخلو ع مجلس الريجيل
سلطان : عريسنا عريسنا يامرحبا
مهيار : مبروووكككك
ابتسم نواف وبدا يسلم عليهم
سطام : الحين ينشغل عن الشغل ويتراكم فوقي
مطلق : ولاعاد يقول لنا شعر
ضحك نواف : مبالغين
سلمان : يرجال انا لو تزوجت سحبت عليكم كلكم
فهد : افاااااا اخوك جحود ي مطلق
محمد : يحيوان والي كان يتهاوش ف المدرسه وينقذه من ؟
سلمان : ترا صار لي ثلاث سنين متخرج
مهيار: والله انك حيوان
مات سلمان ضحك
محمد : امشو امشو نجهز الذبيحه
نواف ب استغراب : ذبيحه وش
محمد : ابوي ذابح ذبيحه لك وعازم كل القبيله
....
| في اليل| في العزيمه |
بدو الريجيل يكثرون ف المجلس والحريم بعد
نواف اتجه ل ابو سامي وباسه ع راسه : كيفك ي عم
ابو سامي : بخير ممداني رحت الجنوب الا تزوجت واعذرني م حضرت عرسك ي ولدي
نواف : معذور يعم معذور والعرس والله صار بسرعه وماقدرت اعلمك ب الاسباب
ابتسم ابو سامي وقال : الف مبروك ومنك المال ومنها العيال
نواف : الله يبارك فيك
|عند الحريم |
كانو كثيرين والبنات يقهوونهم
وحده من الحريم : اقول ي ام سلطان وين العروسه م نشوفها
ام سلطان : بتجي الحين
الحرمه : اي وهي بنت عمه ع م اضن ؟
ام سلطان : اي بالله بنت عمه
الحرمه : ان شاءالله تسعده
ام سلطان : ان شاءالله هو يسعدها وهي تسعده
سكتو ع دخول إيفان الي جت تسلم عليهم وهي م تعرفهم بحكم انها عايشه ب الشرقيه و م تجي جدها الا كل خميس واذا كان نايف عنده دوام يوم الخميس يعتذرون من جدهم ويجونه الاسبوع الي بعده
الجده : تعالي ي بنتي إيفان جنبي تعالي
جلست إيفان جنب جدتها
ام احمد : اقول ي منيره بتروحين يم الديره ؟
الجده : اي ان شاءالله بنروح وبناخذ بها ثلاث ايام
ام احمد : وام سلطان بتروح معس؟
الجده : لا المره ذي بجي لحالي وهم مشغولين هنيا والله م يقدرون يجون
( الديره البنات م يروحون لها ابداً بحكم انهم يدرسون وم فضو يروحون ل الديره اصلاً ماعمرهم شافو ديرتهم عكس العيال الي يروحون ل الديره مع جدهم كلشوي وخصوصاً نواف يحب الديره كثيرر وبعض الاوقات يروح بدون جده )
<<تقديم الوقت >>>
بعد م تعشو وبدو الناس يطلعون وفضى بيت الجد ثنيان البنات ف الصاله كانو ياكلون حب ويشربون شاهي
فجر : تعبتتتت
مجد : حتى انا والله رجولي م تشيلني
ملك : ابييي انام
إيفان : ابي قهوه
ضحكو البنات مع بعض لان كلهم يشتكون وكل وحتى تبي لها شيء
فجر : انتي بتموتين من القهوه بيجيك خفقان
إيفان : حرام عليكم م شربت كثير
مجد : ودي اجيب لك إيفانيي وانقذك بس اسفه بروح انخمد " وقامت "
ملك : وانا بروح الحق اختي لاني سهرانه منجدددد
إيفان : مالت عليكم لاتتركوني لحالي
فجر بضحك : معك نواف
إيفان بتوتر من طاري اسمه : انقلعي
مسكت جوالها تطالع فيه وهي ودها يمشي الوقت بسرعه وتروح وتحصله نايم عشان تنام براحه تثاوبت من قوه النوم وعيونها تغمض وتفتح شافت الساعه حلصتها ١ اليل
إيفان : اكيد الحين نام الوقت تاخر
قامت وراحت للغرفه فكتها بهدوء وشافت الغرفه ظلام توقعت انه جاء وطفى الانوار ونام تنهدت براحه وفرح انفك باب الغرفه صرخت إيفان بخوف شغل نواف النور
وقال: بسم الله عليك
حطت إيفان يدها ع قلبها وهي خافت مره وقالت : انت م نمت
ابتسم نواف وهي اول مره تكلمه قال : وش تشوفيني انتي نايم ؟
سكتت إيفان واستوعبت انها تكلمت ف وجه مو في نفسها مشت توجهت ل السرير ودخلت فيه وغطت وجهها ب الحاف ولاردت عليه
نواف في نفسه " والله انها طفله " دخل الحمام " وانتم بكرامه " اخذ شور وطلع حصلها نايمه
...
| في المجلس |
كان البيت نايم ومافي الا فهد ومحمد كانو منسدحين
فهد : تعبت من العزيمه
محمد : مو مثلي والله انجنيت من الشياب مسرعه يخلص القهوه طول الوقت وانا واقف عند راس ذا الشايب
فهد بضحك : ملاحظك تبي تحط الدله الدله ع الطاوله م يمديك الا وهو ماد فنجاله
محمد بضحك : يدي فيها شد عضلي
فهد بتغير موضوع : بقولك نكته
محمد وهو مغمض عيونه فيه نوم : قول
فهد : فيه نقطه صارت فاصله ليش
محمد : ليش
فهد : فكت شعرها
محمد مات ضحك ولف ع فهد حصله يضحك وهو مغمض عيونه
محمد : يلا دوري بقول نكته
فهد بضحك : قول
محمد : في واحد اصلع شارك بسباق وفاز ليش
فهد : ليش
محمد : لانه اصلع واحد
ماتو ضحك الاثنين وهم فيهم نوم وتعبانين
....
| ع صلاه الفجر |
صحى الجد ثنيان وراح يصحى العيال ك العاده عشان
الجد ثنيان: ولدي ي سلطان وين محمد وفهد
سلطان : بروح اشوفهم واجيك
راح سلطان يدور عليهم حصلهم ف المجلس نايمين بدون مخده بدون لحاف بدون فراش
دخل نواف عليهم نواف : صحيتهم ؟
سلطان : شوفهم حالتهم حاله
نواف : دقيقه بسوي لي حركه
اخذ نواف منديل ولفه قرب من محمد وبدا يحكه
محمد : هيي
وسلطان سوا نفس الحركه مع فهد
فهد :ذبان روح بنام
مات سلطان ضحك
نواف بصوت عالي وبتقليد جده : قوووم يولد انت وياه
فزو الاثنين مفجوعين ومو مستوعبين شيء يشوفون سلطان ونواف ميتن ضحك وهم مو فاهمين حاجه
نواف : يلا صلاه انت وياه
محمد : والله ورعنه والله حركات ورعان خط شنبك انت وياه
سلطان : شف شف من يتكلم وهو عمنا اذكرك من كان يعطيني كف وانا نايم ويسوي نفسه نايم ولا ؟ في الديره
ضحك محمد :وارثها مني
سلطان : تراك بزر وش وراثته اكبر مني بسنه
نواف : وراك انت وياه نايمين هينا ؟ خلصت الغرف
فهد محمد وهم يذكرون امس وشكاويهم ونكتهم البايخه ماتو ضحك
سلطان : الحمدلله والشكر فصلو ذول
...
|جالسين ف الغرفه |
شهد: انتي ودك بالمنحه ذي؟
ريتاج : مره نفسي فيها بس اخاف اقول لابوي
شهد : لاتخافين كلشي يهون
دخلت ام سلمان : وش تسوين ي بناتي
شهد : نسولف تعالي يمه شاركينا
جلست ام سلمان مع بناتها وبدو يسولفون
ريتاج : اجل بروح اسوي لنا قهوه وحلا نروق شوي عليها
شهد: حلا اوريو بليزززز
ريتاج : طيب اوريو اوريو
...
دخل الغرفه شافها تسوي شعرها بلعت ريقها يوم شافته ونواف م كلمها ابداً دخل يلبس بدلته العسكريه وطلع وقفل الباب بقوه
انفجعت إيفان ونبضات قلبها تدق بسرعه : شفيه ذا معصب يمه
راحت تلبس من بعد الخرعه وبتروح للبنات دخل عليها نواف هينا تجمدت خوفاً منه وبدت تلمع الدموع ف عيونها لانه واضح انه معصب مره
نواف بصوت شديد وكله غضب : ذي اوراق جامعتك
ناظرها شايفها خايفه مره وترجف والدمعه بعيونها نواف في نفسه " مالك داعي تعصب من الشغل وترفع صوتك ع خلق الله "
نواف: انتي خايفه مني ؟
إيفان بخوف انها تقول اي ويعصب قالت : ل..ا لالا ماخاف صدقني ماخاف " قلبها نبضاته تتسارع وصوته انفاسها من الخوف تزيد "
قرب نواف منها وابتسم وقال : عيونك وتصرفاتك تعكس كلامك
إيفان غمضت عينها من الخوف وقالت : لاتصدقهم
ضحك نواف بصوت عالي وقال : م قصدي ارفع صوتي عليك
إيفان وهي ترتجف : عادي لا.. لا عادي
رفع راسها نواف وحط عينه بعينها وقال: اعرف انك خايفه مني عشان رفعت صوتي عليك قبل شوي بس م قصدي عندي مشكله بالشغل ومستعجل طيب ؟
هزت إيفان راسها ب الايجاب
ابتسم نواف وقال : من اخلص شغلي نروح للجامعه وننقل اوراقك فيها اتفقنا ؟
إيفان وكانها تطمنت شوي قالت : اتفقنا
.....
دخل البيت وتوجه للغرفته فكها شافه نايم ع الارض
الكندري : فيصللل
فز فيصل من صوت ابوه
الكندري : قم البس سريع بنمشي
فيصل : وين بنروح
الكندري : لاتناقشني وقوم تسمعني
وقف فيصل ع رجوله وقال : طيب لي حق اعرف وين نروح
مسك الكندري فيصل من ياقته وقال : قلت لك لاتناقشني تسمع الحقني ل السياره
فيصل : طيب
راح زايد الكندري ل السياره وركب ينتظر فيصل م اخذ شوي الا وجاء وركب مع ابوه
الكندري : كلمتوها ؟
احد رجاله: اي عطيناها الرساله الي قلتها لنا
الكندري : قرتها ؟
: ماعرف من يوصل ردها بعطيك خبر
فيصل : مين
الكندري : مالك شغل
فيصل : ابشر مالي شغل باي شيء تسويه بس تكفى ي ابوي تكفى خلني استانس انا تعبت اسبوعين اسبوعين محبوس ليش ولدك انا
الكندري : انت م تفهم انا اضرك ؟ انا اذبح الي يمس شعره منك ماسويت ذا الشيء الا لصالحك وقلت لك دامك تبي تجلس ب السعوديه بتنفذ الي اقوله م تبي بترجع باريس
فيصل : مابي باريس
الكندري : اجل اسكت ولا اسمع صوتك
...
جالس بعد ماعلم ابو سامي كلشي
ابوسامي: والبنت تعرف ؟
نواف : لا هي م تعرف ان امها ماتت مقتل اصلاً
ابوسامي: تشوفه الاحسن لها ي نواف ؟
نواف : اي الاحسن لها لين م اخذ حق امها وقتها افكر اعلمها انا م ابيها تتضرر
ابو سامي : وابو نايف ؟ ماعلمته صح
نواف : اي
سطام : انا اشوف ابو نايف يعرف معلومات عن الكندري
نواف : شلون
سطام : ماعرف بس الكندري لو بيذبحها بيكون انتقام من احد
نواف : صحيح بكون انتقام من احد وفكرت فيها بس م فكرت ب عمي عبدالمحسن فكرت ف خوال نايف
ابو سامي : خوال نايف ؟
نواف : اي عندهم سجل اجرامي
ابوسامي : من اي نوع؟
نواف: هو واحد بس الصغير عمره مايقارب ٣٤سنه ابوه الله يرحمه تبرا منه مرات بسبب المخدرات الي كان يتعاطها الاب كان امام ف المسجد ولما عرف ولده ماشي ف طريق خطأ تبرا منه وبلغ الشرطه عنه وانا حاسني قلبي ان ذا الولد وراه شيء لان مرات تهاوش مع نايف وفي عزاء ام نايف م حظر عزاء اخته ويقولون كان يضرب خواته وكسر يد وحده منهم واكيد له يد ف موت اخته لان اجريت بحوثات وانتظر النتايج
ابو سامي : من توصل البحوثات عطني خبر
هز نواف راسه ب الايجاب وقال : انا استاذنكم عندي شغل
ابوسامي : الاذن معك
طلع نواف وركب سيارته وتوجه للبيت ودق ع إيفان تطلع له عشان يروحون الجامعه
نواف : وش تخصصك انتي
إيفان بصوت هادي : طب
نواف باندهاش : ماشاءالله الله يوفقك
إيفان : امين
وقف نواف عند ستاربكس وقال : وش تبين قهوه ؟
إيفان بفرح : الله جيت ع الجرح من امس م شربت
ضحك نواف : تحبين القهوه ؟
إيفان انحرجت انها جابت العيد : اي يعني عادي عندي
ابتسم نواف من احراجها وقال : وش اطلب لك ؟
إيفان ب احراج : اي شيء
نواف: تحبين القهوه واجيب لك اي شيء ؟ بتقولين وش تبين ولا كيف؟
إيفان: عادي عندي كلها
نواف : خلاص اجل بدق ع مجد اشوف وش تحبين قهوه
إيفان : لالا وش تتصل عليهم عشان تشوف وش احب
نواف : طيب قولي وش تبين
إيفان : اسبريسو
نواف لف وهو يطلب ثنين اسبريسو
إيفان بتردد: تحب اسبريسو ؟
نواف : اي
..
|في بيت الجد ثنيان |
فجر : إيفان وينها ؟
ملك: راحت مع نواف تنقل اوراق الجامعه
مجد : شرايكم نروح ل بيت مي ؟
فجر : اي نستانس
ملك : اجل نكلم عمي محمد
راحو ل عمهم محمد وقالو له
محمد : طيب بس استعجلو لان عندي شغل ف الكوفي بشوفه
مجد : اي خلاص تبشر م نطول عليك
ملك : انت اجمل عم
محمد : ي لعن ام المصلحه طيب هاتو البلوفر وارضى عليكم
مجد وملك بصوت واحد : تخسي
محمد : ياقليلات الادب