ليتك تعرفين الحال؛ ويش هي نواياي

العشرين

صلو ع محمد عليهرالصلاه والسلام
مالي حيل اكتب حساباتي تعرفونها انتم يلا نبدا البارت
...

~اليوم الثاني ~ في صباحه
|في بيت الجدثنيان | عند ابطالي |
صحت من النوم بكسل شافت الساعه ٦ الصباح دخلت الحمام "وانتم بكرامه " اخذت شور نشفت شعرها ورفعته فوق لبست تنوره اخضر نعناعي بفتحه للفخذ وطباعه زهور متكرره وبلوزه بيضاء ساده كان صيفي حطت ميكب خفيف جداً شافت نواف كان نايم استغربت مو من عوايده ينام كذا قربت منه وجت تصحيه مسكت يده كانت حاره مسكت جبهته وكان حاررر مثل النارررر
إيفان : نواف نواف انت عليك حراره اصحى
نواف بصداع وهلوسه من الحراره : بردان بردان
إيفان وهي ماتعرف تتصرف وخايفه عليه : طيب شيل البطانيه عنك
راحت وطفت التكيف واخذت ماء وبدت تكمده وجلست عند راسه قاست حرارته شافتها نارررررر
إيفان بتنهديده كلها خوف : نواف نواف اصحى
نواف فتح نص عين وبنزعاج من النور
إيفان : اطفي النور ؟
نواف هز راسه ب لا وقام جلس
إيفان : دقيقه اجيب لك خافظ حراره
قامت واخذت خافظ حراره وعطته قام نواف دخل الحمام " وانتم بكرامه " اخذ شور وطلع وكان وجهه ذبلان وتعبان لبس لبس العسكري
إيفان : بتروح الدوام
نواف بصوت تعبب : اي
إيفان بجديه: انت تعبان شلون بتروح
م رد عليها نواف وقال : البسي عبايتك يلا باخذك للجامعه
إيفان بخوف عليه : نواف شلون بتروح وانت كذا تعبان خل نجلس اليوم بكلم الدكتوره
نواف: انا بخير يلا سرعه البسي عبايتك
يائست إيفان منه وعرفت مامنه فايده يقعد راحت ولبست عبايتها وجت له كان جالس ومتكي راسه ع الكنبه ومغمض عيونه
إيفان : جهزت
فك عيونه بصداع والنظر عنده مشوش ودوخه وجاء بيقوم بس الدوخه غلبته وجلس غمض عيونه وهو مو قادر يفكها
إيفان جلست عند رجوله وهي تمسك راسه : نواف حرارتك مره مرتفعه لاتعذب نفسك وتروح
فك عيونه وناظر عيونها وابتسم قال : بخير انا يلا مشانا
قام وفك الباب وطلع ولحقته إيفان ركبو السياره ومشو كانت إيفان تراقبه بعيونها واضح الصداع عليه والتعب
نواف بصوت تعب : كم محاظره عندك
إيفان : محاضرتين
وقف عند جامعتها ونزلت لفت عليه وقالت : انتبه لنفسك
نواف ببتسامه: سمي
ناظرها لين اختفت عن انظاره
....
|في الفندق عند ام سلمان |
وقف نايف عند الفندق وهو مستغرب ليش هم عايشين هينا دخل وطلب رقم الغرفه وطلع لهم طلع له مشاري
سلمان باستغراب : نايف وش تسوي هينا
نايف : انت الي وش تسوي هينا ي سلمااان
سلمان وهو مايدري وش يقول
نايف : سلمان فيكم شيء
سلمان : تعال نروح للكافيه الي تحت واعلمك
هز نايف راسه ب الايجاب وراح معاه
قابلو ريتاج الي كانت جايه من برا
سلمان : ريتاج
ريتاج شافت نايف الي كان يناظر وراء احتراماً لها قالت بصوت هادي : هلا
سلمان : خلصتي محاظراتك انتي ؟ كنت جاي اخذك
ريتاج : خلصت وكلمت مطلق واخذني اعرف انك تعبان م حبيت ازودها عليك
سلمان بتنهيده : الحين انا اتعب منك ؟ لاعاد تعيدينها تنادين مطلق من جامعته عشان يجيبك
ريتاج بحزن ف عيونها وبدت تلمع الدموع : تمام
قرب منها سلمان وقال: مو قصدي تعرفين قصدي انا
هزت راسها ب الايجاب وراحت
اخذ سلمان نفس طويل وقال لنايف : مشانا للكافي
نزلو للكافي تحت وجلسو ع الطاوله
نايف : قول وش فيكم
تنهد سلمان وبدا يعلمه بكل شيء
نايف بعصبيه من تصرف ابوه : منجده ذا جدي يعرف ؟
سلمان: نايف انا مابي احد يعرف ماعلمتك الامن اخوه واعزك واعرفك زين انا ادبر وضع اهلي ولاتعلم احد ي نايف
نايف :سلمان مهوب انا الي اقول شيء انت م تبي احد يعرفه وانا معك في اي شيء تبيه
ابتسم سلمان: ونعم الاخوه والله
نايف ببتسامه وهو م وده يحرج سلمان اكثر : تبينا نروح ناخذ لفه ع كافيه محمد
سلمان : مشانا
....
|في المركز|
ماسك راسه بتعب ودوخه دخل عليه سطام
سطام : جاهزين
نواف : يلا
سطام: نواف تعبان انت ؟ لاتروح الحمله
نواف م رد عليه من الصداع الي فيه اخذ سلاحه من ع الطاوله وطلع تنهد سطام ولحقه
كانت سيارات الشرط برا حوالي ٥ سيارات
نواف وهو يحارب التعب ويبي يكلمهم : استريحو ، وصلتكم التعليمات من سطام عندنا مداهمه وانا بكون متواجد معاكم احتمال يكون في رهينات نكون مستعدين لاي شيء نحصله قدامنا زايد الكندري مو سهل
التفت ع معاذ وقال : اي اخبار توصلك من الي يراقبون زايد تبلغنا ع طول
معاذ : تبشر طال عمرك ع حسب الي وصلنا للحين يجهزون الحمله للمبيعات
نواف: قل للي يراقب ينتبه زين ، يلا ركبنا
ركبو كلهم سيارات الشرط معاد سطام ونواف الي ركبو سياره نواف وتوجهو للحدث كان سطام ع القائد ونواف ع الباب اليمين وقفو وبدو يتجهزون
القائد: طال عمرك جاهزين
نواف : اصبرو لين اعطيكم الامر
الصياد : طال عمرك واضح الهدف
نواف : ابدو
بدا الدخول من فوق الجدران والمداهمه كان نواف يراقب من بعيد وبدت طلقات النار من رجال زايد
القائد : طال عمرك يطلقون النار تامر باطلاق النار ؟
نواف : لا تاكدو ان م فيه رهينات
اختفى صوت القائد وكانو كثيريننن رجال زايد
نواف : حول الصياد حول
الصياد : معاك طال عمرك
نواف: عددهم كم
الصياد : بدو يطلعون كثير ماعرف من فين مو مثل العدد الي وصل لنا
القائد : طال عمرك مو قادرين ندخل ولانعرف وجود رهاين او لا
لف نواف ع سطام وفهمه سطام ونزل واخذ سلاحه اخذ نواف شماغ وتلطم به وكان نواف يحارب الصداع والدوخه نزل اخذ سلاحه وبدا يدخل الرصاص فيه وداهم هو وسطام
القائد : طال عمرك جيت
نواف : كم واحد عند الباب
القائد : اربع
نواف : عندي ذول ، من وراء روحو
قرب سطام من عند نواف
نواف : مشغولين بالحمله بيطلعون باسرع وقت
سطام : وش نسوي
نواف : نداهمهم واذا فيه رهاين عند القائد
سطام : سم
بدا نواف يجي من وراءهم وكانو مستعجلين يركبون الحمله عرفو ان فيه مداهمه حط نواف كاتم الصوت ع سلاحه ومسك اول واحد الي كان عند الباب والباقي عند يركبون الصناديق في صندوق السياره ضربه ضربه قويه ع راسه واغمى عليه جاء سطام من يمين السياره وكان نواف من يسارها ويمشون بشويش لين وصلو صندوق السياره رفع نواف سلاحه وسطام معاه
نواف : ولاحركه سلم نفسك اي حركه ترا بطلق النار
واحد من رجال زايد جاء بيطلع سلاحه ورمى نواف الرصاص ع يده
الرجال بصراخ والالم: اهههه
نواف : قلت ولا حركه ارمو اسلحتكم ع الارض بسرعه
رمو الاسلحه وكلبشهم سطام
جاء القائد وهو معاه ٥ اشخاص
القائد : مافيه راهين
تنهد نواف : خذوهم للمركز
....
| في المحكمه |
دخلت إديم وهي متوتره عندها تدريب ثاني وبالخص هي مو متوتره من التدريب متوتره من سلطان وتحس انها منحرجه
الموظفه الي قط تهاوشت مع إديم كانت تناظر إديم وتحس انها عرفتها من عيونها من وراء النقاب : انتي مرا ثانيه
إديم بضحك : واضح انك منتي قادره تنسيني
كانت الموظفه مهدده بانها تنطرد وسكتت
إديم بضحك : شكلهم قالو لك انتبهي ولا نطردك
الموظفه كانت حاقده ع إديم وودها تذبحها
إديم : اوو انتبهي عيونك شوي وتطلع من مكانها "بضحكه" حبيت اني اطقطق عليك وانتي مو قادره تردين مسكينهه
راحت إديم وهي متجهه للمحكمه وتشر للبنت بيدها بمعنى باي بضحك
البنت بقهر منها كبت ع عبايتها البيضاء قهوتها : الله ياخذها
دخلت إديم عند باقي المتدريبات وكانو جالسين ينتظرون سلطان دخل عليهم سلطان وهو لابس لبس المحكمه وبهيبه : سلام عليكم
الكل : عليكم السلام
" كانو المتدربين بنات وعيال "
واحد من العيال : استاذ ممكن اسالك
سلطان : تقدر تناديني سلطان
: مقدر معرف
واحد من الشباب بضحك وذبه : مصطفى م يقدر لازم استاذ
كتم سلطان الضحكه عشان م تروح الهيبه وقال : تفضل وشهو سوالك
: نقدر نشتغل في المحكمه ذي فور تخرجنا
سلطان : م عندي معلومه والله
دخلت عليهم الموظفه الي متهاوشه مع إديم وهي معصبه مدت الملف ل سلطان : تفضل هذا الملفات قالو لي اعطيك اياها
شهق مساعد سلطان : عبايتك شفيها كذا
الموظفه وهي تدور بعيونها ع إديم : من ذي عصبت بي ونثرت قهوتي
إديم بحترام ل وجود ريجال : احترمي نفسك ، واذا ع العبايه اجيب لك كفن ثاني
الموظفه : كفن!وش تقصدين قبل شوي مطوله لسانك وتضحكين
وحده من المتدربين وهي صاحبه إديم : لان فيه رجال هينا اذا م تعرفين بالحياء مشكلتك
ابتسم سلطان من احترام إديم وقال : لو سمحتي ي موظفه روحي مكان عملك و ي ليت م تتهاوشين مع المتدربين مره ثانيه
بلعت الموظفه ريقها وراحت وهي مقهوره من اديم
سلطان : ي ليت معاد فيه هواشات
ناظرته إديم وتقابلت نظراتهم صدت بسرعه
تنحنح سلطان : يلا نبداء ، اليوم عندي محكمه وحبيتكم تشوفون كيف تدافعون عن موكلينكم بس بمصداقه وعدم ظلم الطرف الاخر
دخل سلطان ودخلو كل المتدربين وراه وجلسو وكانت إديم تناظره ومركزه عليه هو بس وكيف يدافع ويعترض ف المحكمه وفاز بقضيته بنفسها "شلون م شفت هيبته من زمان "
....
|في الجامعه| عند إيفان
توها خلصت محاظرتها وكانت جوعانه نزلت تحت وطلبت لها اكل وجلست تاكل وكانت لحالها ريتاج خلصت محاظراتها من بدري وإديم عندها تدريب اخذت جوالها ودقت ع نواف تعلمه انها خلصت محاظراتها
|عند نواف |
بعد م خلصو المداهمه كان مقهور من كميه المخد....رات الي طلعت ف الحمله جالس وهو يلعب ب السبحه ومغمض عيونه من الصداع الي مداهمه
جاءه سطام : حطيتهم ف الزنزانه
نواف وهو يشد ع يده لين بانت عروقه : بكره اشوف صرفه معاهم
كان سطام شايف التعب ع وجهه نواف
دق جوال نواف واخذه شاف المتصل وقام بعد شوي عن سطام
نواف : الوو
إيفان: هـلا
نواف: خلصتي محاظراتك ؟
إيفان: ايوه خلصتها تقدر تجيني ولا انتظر
نواف بصوت تعب : بجيك
إيفان بتردد انها تسال بس من خوفها سالت: انت بخير ؟
ابتسم لايرادياً من خوفها عليه : بخير ي عيون نواف
دق قلب إيفان من كلمته وتوترت وقفلت ف وجهه
ناظر الجوال وابتسم لف ع سطام : توصي ع شيء ؟
سطام : سلامتك
نواف : الله يسلمك
ركب سيارته ومشى وصل للجامعه ودق عليها يعلمها جت وهي تمشي طاحت شنطتها واشياءها الي ف الشنطه كلها
إيفان والشمس صاقعتهم ومو وقته : اوففففف
شافها نواف ونزل لها جاء حارس الامن ل إيفان
حارس الامن : انتي بخير
إيفان ب احترام هزت راسها ب الايجاب نزل حارس الامن يجمع مع إيفان هينا خافت إيفان من حارس الامن جاء نواف من وراء وهو عيونه تشع نار وشرار وقلبه كان عليه جمره من الغيره
نواف : هوب هوب
مسكه من كتفه وقومه : من طلب منك تجمع ؟
حارس الامن : وانت وشدخلك
شد نواف يده لين طلعت عروقه كانت إيفان خايفه مره
حارس الامن : نزل يدك عن كتفي
جمع نواف يده وهو يلكمه ع وجهه وطرحه ع الارض مسكه من ياقته وضرب برسه عليه لين طاح وخشمه يصب دم التفت ع إيفان وهو يمسك يدها وياخذها فك باب السياره وركبها وراح وركب ف القائد وقفل الباب بقوه والجنون راكبته يحس نار ف قلبه م يتحمل يموت كان يسرع ب السياره وساكت لين وقف عند البيت وهو صمتت التفت عليها : انزلي
إيفان بتوتر: بتروح ؟
التفت عليها وحط عينه بعيونها وفي نفسه " سبحان من خلق ذي العيون حتى ف عز ناري تطفيها "
إيفان بخوف انه يكون معصب منها : انت معصب مني والله
قاطعها نواف : ماني معصب منك
إيفان: طيب بتنزل ترتاح ؟
ناظرها وقال : بنزل
نزلو ودخلو البيت
.....
|في بيت ثنيان| عند البنات
كانو توهم جاين من المدرسه
ملك ونايمه ع رجل جدتها وهي تشكي ل جدتها : جده طفشت والله من المدرسه
الجده منيرا : خلاص مار نفصلس من المدرسه ونجوزس
ملك: لااااا مابي توني صغيره
الجده: ي تدرسين ي تتزوجين
مجد بضحك: زوجوها افتك منها
فجر بضحك : عشان تلبسين ع راحتك محد يتهاوش ع الملابس اتفق مع الفكره زوجوها عشان ارتاح من الهواشات انا بعد
ملك : حيوانات انتي وياها
الجده بضحك : ان شاءالله تدرسون وتكبرون وتتزوجون الرجال الزينين
دخلو نواف وإيفان
ولبست فجر طرحتها ع راسها وغطت ووجهها
نواف : السلام عليكم
الجده: وعليكم السلام ياهلا ياهلا بعيالي
باس راسها نواف ومن وراه إيفان باست راسها
الجده: تسلمون تسلمون
دخل نواف لغرفتهم
الجده: إيفان ي بنتي وش فيه نواف مو ع بعضه
إيفان : تعبان شوي مرتفه حرارته ببدل ملابسي واسوي له شوربه
الجده : سلامته انتبهي له ي بنتي
إيفان : سمي ي جده
لحقته إيفان ودخلت الغرفه كان نايم ع السرير ومغطي نفسه تنهدت وراحت تبدل ملابسها وع طول ع المطبخ سوت له شوربه وعصير برتقال
ام سلطان: من متى مرتفعه حرارته
إيفان :من الصباح حاولت انه م يروح الدوام بس رفض
ام سلطان : اعرفه عنيد ولدي ، الله يكثر خيرك ي بنتي
ابتسم إيفان واخذت اكل نواف وراحت له ع الغرفه كانت متردده تدخل وتحسه معصب
|عند نواف ف الغرفه |
كان جالس ع السرير ولمح ظلها عرف انها هي نواف بصوت عالي : لمحت ظلك وكان ماودك بدخول
سكتت إيفان وهي ف نفسها تقول " يقصد من يكلم من"
ابتسم وقام تكى ع الباب وهو يناظرها: م راح تدخلين
فزت إيفان ومعاد تعرف وش تقول : ا..ناا
نواف وهو يناظر الاكل : ذا لي
إيفان برجفه: بيفيدك و... سويت عصير برتقال لك
نواف شافها ترجف ومسك الاكل ودخله الغرفه ومسك يدها وسحبها للغرفه وقفل الباب
جلس ع السرير واخذ الاكل وبدا ياكل
.....
|عند زايد|
بعصبيه : انخربت كل حملاتي قلت مابي اي غلط
عمر بتوتر : انا م اعرف
زايد : الله ياخذ الساعه الي وضفتكم فيها ي حمير
رص ع سنونه بعصبيه وفي نفسه يقول " ليلك اسود ي نواف وذا عهد مني لك "
زايد : اطلعوووو برا
وكان يرمي كل شيء موجود ف الغرفه كسر الغرفه تكسير
دخل عليه شريكه سعد : هيي هد
زايد: مو وقتك انت الثاني
رمى سعد القزاز الي ع الارض برجله وجلس ع الكنب
سعد : قلت لك منت بقد التحدي
ناظره زايد وهو شوي ويذبحه : جاي هينا بس تتشمت مانتهى الوقت
سعد : اعتبرها شماته واعتبرها الي تبي بس خسارت الحمله تضررت منها وبتعطيني الضرر
زايد مسك سعد من ياقته : قسم بالله ان م طلعت لتشوف نجوم الظهر ف عز الليل
سعد دف زايد : مشكلتك مع الضابط ذي مشكلتك انت بس انه يخرب اعمالي لا وقتها انا العب بحياتك زايدد
زايد بعصبيه : اطلععع برااا
فك سعد الباب وطلع وقفله بقوه هزت الجناح هز
.....
|في الكوفي عند محمد |
كانو العيال عنده
محمد بطقطقه : الحساب انت وياه الله لايهينكم
نايف: شف شف
مطلق: يورع اسكت توي جاي من الجامعه ماني فايق لك
محمد : انت بزر خلك ع جنب
سلمان بضحك : كم تبي
محمد:١٠ الاف حسابكم السنه ذي
سلمان: والله انه غشاش ي عيال
فهد وهو جاي من وراء ومعاه قهوه : اوهه احب قهوه سيف تسرسح ع القلب
محمد ؛ فلوس لو سمحت
ناظرها فهد : في السياره اروح اجيبها واجيك
محمد : يلا لاهنت
قام فهد وركب سيارته ومشى
ضحكو العيال
نايف بضحك: سمعك صوت السياره
محمد : حسابه بالبيت وين بيروح
....
|في بيت الجد ثنيان | في الليل
كانو العيال متجمعين كالعاده
سلطان : نواف انت طلعت من البيت وانت تعبان
نواف ببتسامه لاخوه: بخير انا والله اشوى الحين
محمد : ي خي فرحه بكره اجازه
فهد : اي والله نومه لين الظهر
مطلق وهو يتثاوب: انا شكلي بنام من الحين
سلمان :قوم ننام ب البيت استاذنكم ي عيال بنمشي عاد الوقت تاخر
سلطان: وين وين بدري
نايف اقعدو شوي
سلمان : معليه عندي شغله بكره الصبح بسيارتي وبكره نجي بكره الخميس وقت جمعتنا
نواف: الله يستر عليك
قامو سلمان ومطلق ومشو
محمد : فهدد الساعه كم
ناظر فهد الساعه: ١ الليل
سلطان : يلا قومو نامو
محمد : عني بقوم انا تصبحون ع خير
العيال: وانت من اهله
فهد :انا بعد بروح انام
نايف: والله بروح مع محمد قبل يقفل باب الغرفه عليه
نواف: نوم العوافي
لف نواف ع سلطان : اي وش فيك
سلطان : ها وش فيني
نواف ببتسامه: مدري عنك وش فيك
سلطان ببتسامه : والله معاد ادري ي خوك قابلتها اليوم
نواف بضحك: مسرح وحالتك حاله
قاطعهم الجد ثنيان: يعيالي للحين م نمتو
نواف: الحين بنقوم ي جد
لف سلطان ع نواف: عندي فكره انا
نواف : وشهي فكرته
"في الصبح اليوم الثاني"
|في بيت الجد ثنيان | في غرفه محمد |
دخل عليه سلطان الغرفه يصحيه
سلطان : لعنبو بليسك ذا نوم اوادم
كان محمد نومه ثقيل وسلطان يصحيه بدون فايده
سلطان بصوت عالي : محمممددددوووو
محمد بتثاوب : هممم طف النوور
سلطان : قوم بسرعه بنروح مشوار
محمد : وين
سلطان : البس والحقني يلا اخلص علي ويويلك لو تطول علي قسم بالله ي محمد لاذبحك
محمد : خلاص خلاص طيب
طلع سلطان واخذ محمد جواله يشوف الساعه
محمد : الولد ذا انهبل الساعه ٨ الصبح وين رايح ذا واجازه بعد
قام محمد لبس ثوبه وطلع ل سلطان
محمد : شمس ي الحبيب وين رايحين ماخذني ذا الوقت
سلطان : يكثر اسالتك ي ولد م تمشي وانت ساكت
محمد : وش تبي فيني لان مو من عوايدك تصحيني اروح معك
سلطان وهو يحك جبهته : بنروح لعمي عبدالله
محمد : هاا وش نبي نروح لهم
سلطان : بنشتري فطور نروح نفطر عندهم
محمد باستهزازا: قول والله
سلطان : والله
محمد : تستهبل ع راسي اذا تحس بنقص انا افطر معاك ليش نروح لهم
سلطان : مو بس انا وياك
محمد : اجل ؟
طلع نواف الي عاصب شماغه ووراه فهد الي يحك عيونه بنعاس ونايف معاهم
فهد بتثاوب: وين رايحين ذا الوقت ممكن اعرف
محمد بضحك واستهزاء : اخوك الكبير يبي ياخذ فطور ويفطر اخوي عبدالله
فهد : بالله عليك ، م يحتاج شوي هم يجونك يتغدون عندك اصلاً م يفرقونا توصون شيء ؟
جاء بيروح
نواف : وقف وقف انت وياه ، كلنا بنروح
محمد : روح انت وسلطان تكفون وتوفون والله
سلطان : لو علينا رحنا لحالنا بس لازم كلنا عشان
محمد : عشان ؟
نواف بضحك : عشان تاكل ي محمد عشان تاكل الحين اركب السياره ذي ولا اسمع صوتك
محمد : يعني بعد م صحيتونا واصريتو وفيه اكل شلون م نروح يلا
نايف بضحك : ابو كرش
ركبو العيال نواف بضحك ل سلطان : ماخذهم كلهم عشان م تروح لحالك يعني ؟
سلطان ببتسامه : عشان م يشكون نقول كلنا جينا مع بعضنا
ضحك نواف : بمشي مع فكرتك عشانك اخوي الكبير
ابتسم سلطان
وركبو السياره ومشو ووصلو بيت ابو مهيار
نواف : الباب مقفل كلم مهيار يفكه
اخذ سلطان جواله يكلم مهيار بس م يرد
سلطان : م يرد
نايف : حر يولد
|عند مهيار |
طلعت من المطبخ وهي رافعه شعرها فوق وتاكل خيار ومهيار كان نايم ف الصاله
إديم: مهياااارررر ولددد جوالك يدق
كان مهيار في سابع نومه ولا رد عليها
| عند العيال برا |
محمد : خلاص بدق ع إديم
تنحنح سلطان وسواء شماغه وابتسم نواف وهو عارف ليش يسوي كذا سلطان وقرب من عند اذنه وهمس له : ترا م بتشوفك من ورا الجوال
ضحك سلطان وسكت
محمد : اوه واخيراً احد رد علينا
إديم : رديت ولا لا وش بغيت
محمد : رديتي رديتي كثر الله من امثالك فكي الباب ي إديموه
إديم : الباب ؟
محمد : اي حنا برا
إديم : طيب
قامت إديم وراحت تفك الباب لهم ورجعت بسرعه لان شافت عيال عمها مع محمد
دخلو العيال المجلس ودخل عليهم عمهم عبدالله
عبدالله : ياهلا والله بالي جانا
سلطان : يحيك ي عمي
وبدو العيال يسلمون عليهم
ابو مهيار : كثر الله خيركم وش له هذا كله ي عيالي كلفتو ع نفسكم
سلطان ونواف بنفس الوقت : مامن كلافه
محمد : سلطان حب اننا نجيب فطور ونفطر معاكم
ابو مهيار : والله ، كثر الله خيرك ي ولدي والله انك اسعدتني
سلطان : م سوينا شيء ي عمي
| في المطبخ عند إديم |
ابتسمت وهي تشوفه يدخل معاهم
دخل ابو مهيار : بنتي ي إديم
إديم ببتسامه : سم يبه
ابومهيار : سلطان والعيال جابو فطور لنا صحي امك وحطي الفطور لنا ي عيوني
إديم : اي تبشر يبه
راح ابو مهيار وابتسمت إديم وهي تشوف الاغراض كثيره مره وتحس هباله متعني