زي م تعودنا قبل م تقرون البارت صلو ع محمد عليه افضل الصلاه والسلام
ضيفوني انستا ( llzix_2)💗
..
يشرب الدخان في السياره وجنبه سطام يسوق و يلحق السياره الي قدامه الي هي فيها الحمله وقفو بعيد شوي عنهم وقفت السياره الشرطه حقت التفتيش ونواف يراقب من بعيد نزلو الشرطه الي كانو ف السياره سيارتهم ( زي التريله ) فكو الباب ودخلو شافو صناديق كثيره ودورو فيها م طلع فيه ولا حاجه وطبعاً هم ع اتصال مع نواف
الشرطي : طال عمرك م فيه شيء فيه بس اغراض البقاله
نواف وهو يطفي السقاره قال : جيب الكلاب
الشرطي : ابشر
راحو يجبون الكلاب المتخصصه ب المخدرات هينا توترو كل الي كانو ف السياره الكلاب دخلت السياره سمعو الكلاب يصايحون واحد عند الكفر واحد عند كبوت السياره طبعاً فكو كبوت السياره وحصلو كميه كبيره من المخدرات وعند الكفر بعد
الشرطي : طال عمرك انتهى التفتيش
نواف وهو يمسح ع شاربه قال : تعرف شغلك
حرك سطام السياره وديور ورجعو
...
اليوم الثاني /
كان يوم خميس وقت جمعتهم
كان الكل موجود والساعه ١٢ الظهر الشيبان ف الحوش يتقهوون والحريم ف الصاله يسولفون اما البنات يسوون الغداء ف المطبخ
في غرفه سلطان /
دق الباب عليه
سلطان : ادخل
دخل نواف وقال : كيفك ي الكبد
سلطان ابتسم : بخير ترا جرح بسيط
نواف : مد يدك اشوفه
سلطان مد يده لنواف
نواف : تعال اعقمه لك
سلطان : والله م يحتاج انا الكبير وانا فاهم اكثر منك
لف عليه نواف وهو رافع حاجبه وقال : كلها سنتين اركد
ضحك سلطان وقال : سنتين كثيرررر
ضربه نواف ع راسه ضربه خفيفه وقال : لاتكثر كلام تعال اعقم جرحك
جلس سلطان ع السرير وطلع نواف معقم جروح وعقم جرح سلطان ولف عليه
وطلعو من الغرفه
دخلو المجلس شافو العيال يحارشون بعض ويضحكون
وكانو يحاشرون فهد وفهد متنرفز منهم وده يذبحهم
جلس نواف وجلس جنبه سلطان وهم مستغربين وش فيهم
نواف: وش فيكم
نايف وهو مبستم قال : مهبل معليك منهم
سلطان : في ذي صدقت مهبل
...
دق باب مكتبه
زايد : ادخل
دخل احد رجاله : اخذنا تسجلات الكميرات كلها
زايد ببتسامه انتصار: حلوين
ولف عليه وقال : وش فيك وش تبي ؟
رجال زايد وهو ف فمه كلام بس م يدري كيف يوصله ل زايد قال : الحمله
زايد الكندري : وش فيها ؟
بتوتر وهو يشبك يدينه ببعضها قال : مسكوهم
قام زايد بعصبيه : ووششش " صراخ "
رجال زايد وهمه برا المكتب سمعو الصراخ وخافو عرفو ان القيامه قامت
طلع زايد ودف رجاله ع الباب وطلع برا بعصبيه الكل بعد عنه لان عارفين اذا زايد عصب يمكن يقتلهم
زايد في نص الممر : احمدددد
عند احمد /
عمر : الحمدلله م رحنا مع الحمله
احمد : كان الحين انت ف السجن
سمعو صوت زايد وهو يصيح وينادي احمد
قام احمد بخرشه وبخوف ورجوله ترجف
عمر : روح له
احمد : عشان يعطيني رصاص ف نص جبهتي
عمر : ان م رحت الحين صدق بيعطيك اياه
بلع احمد ريقه وراح ل زايد
احمد : سم طال عمرك
مسكه زايد من حلقه وقال : من ذا الي يراقبني ها
احمد وهو مخنوق والكلمات تطلع منه غصب : من من
زايد : من يوم جيت الرياض فيه واحد يخرب اشغالي
فك زايد حلق احمد احمد وهو يكح ويقول : من تقصد طال عمرك
زايد بصوت عالي : فيههههه احدددد يراقبني ويخرب اشغالي ان م طلعتوه طلعت انا روحكم فاهمين يراقبوني ويخربون اشغالي وانتم م تدرون عن الدنيا
احمد : ابشر بشوف انا الوضاع
لف عليه زايد وعيونه حمراء : مو تشوف تنفذ
دخل مكتبه ودمه يفور وهو يشوف الي يصير مو صدفه فيه احد تحت ذا كله
...
لبسو لبس رياضه ناوين يلعبون كوره ومقسمين فرقين
بس بنشوف وش كانو لابسين
نواف / كان لابس شورت اسود وبدله سودا وكاب ابيض
سلطان / لابس شورت ابيض وبدله سودا وكاب اسود
محمد / لابس شورت اسود وبدله زرقاء وكاب ابيض مخطط ب ازرق
نايف/ لابس شورت اسود وبدله بيضاء وكاب اسود
مطلق / لابس شورت ابيض وبدله بيضاء وكاب اسود
سلمان / لابس شورت احمر وبدله سودا وكاب ابيض
فهد / لابس شورت ابيض وبدله زرقاء وكاب ازرق
مهيار/ لابس شورت اسود وبدله حمراء وكاب اسود
ذي استايلاتهم
كانو ف الحوش متجمعين
محمد : تقسيم الفرق
نايف : انا ونواف وسلطان وسلمان والباقي انت والي معك
نواف : هات الكوره يلا روح ل مرماكم
رمى محمد ع نواف الكوره وتوجه للمرمى حقهم وبدو يلعبون
عند البنات /
كانو يسولفون وسمعو صوت صياح تحت ف الحوش إيفان : يمه وش صاير
إديم بلقافه بنزل اشوف ونطت جري
شهد : شفيها ذي
ملك : معوقه
مجد : تعالو نشوف معاها
قامو البنات ولحقو إديم
فكو باب الحوش وشافو العيال يلعبون برا رجعو كلهم
ريتاج : انتهى فضولك امشي ادخلي
إديم : ي خي طفش والعيال فالينها
إيفان : خل نجهز لنا جلسه ف السطح ونعزم مي
فجر : اي يلا
توجهو البنات يجهزون الجلسه فوق ف السطح وعزمو مي وينتظرونها
أنت تقرأ
ليتك تعرفين الحال؛ ويش هي نواياي
Fiksi Umum(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
