صلو ع نبينا محمد عليه افضل الصلاه والسلام....
..
| عند سلطان |
م تحمل الانتظار وهو التفكير ماكله راح للمرضه وهو يصرخ : صار له ست ساعات ب غرفه العمليات
الممرضه: اخوي اهدى عمليه مو سهله الفريق الطبي يسوي كل الي عليه
مسك سلطان وجه وهو يصارخ : من ويننن تفهمووون انتم بس يشوفه
الممرضه وهي تحاول تهديه : اخوي اهدى لو سمحت اقدر وضعك
محمد سمع الصراخ وفز وفز معاه فهد النايم مسك محمد سلطان : سلطاااااان اهدى
سلطان : شلووون تبوني اهدى انا احس نواف فيه شيء ليششش طول ليشششش في العمليات للحين
محمد : بيطلع بيطلع الحينن اصبر
....
| في بيت الجد ثنيان | صلاه الفجر |
ام سلطان وهي ع السجادة صلاتها كان قلبها ينقزها تحس فيه شيء دخل ام فجر وشافت سرحان ام سلطان
ام فجر : وشبلاس سرحانه ي سلمى
التفت ام سلطان عليها: والله وش اقول لك ، حاس انه في شيء قلبي ناقزني ، نواف م رد علي وسلطان طلع هو وفهد ومحمد وللحين م رجعو
ام فجر : تعوذي من ابليس ، ونواف يمكن يبي يقعد لحاله
ام سلطان: ان شاءالله مثل م تقولين النوم م جاني ي ختي مدري شفيني قلقانه
ام فجر : اقري آيه الكرسي وانا بكلم العيال واشوف وينهم واطمنك
ام سلطان تنهدت وقامت ام فجر تدق ع محمد
....
| في المستشفى |
بعد مرور ع العمليه ٧ ساعات ونص طلع الفريق الطبي فزو وقامت إيفان وهي تناظر الدكتور الي كان وجهه مخطوف
سلطان وهو حاس ان فيه شيء : دكتور !
كان الدكتور ساكت
ابوسامي حب يتكلم عشان لو فيه شيء يقدر يواسي : دكتور تقدر تقول لي
إيفان ودموعها تنزل : حي صح ؟
بلع الدكتور ريقه : على قيد الحياه
م كمل كلمته وفهد يحضن سلطان بفرح وبضحك وبانت فرحتهم
الدكتور : بس
نايف : بس ؟ تكلم ي دكتور
الدكتور : نواف ال ثنيان دخل غيبوبه
إيفان مسكت يد نايف من صدمتها وكانت دايخه وطاحت مغمى عليها وحاوطتها يدين نايف
نايف وهو جالس ع الارض وفي حظنه إيفان ويخبط ع وجهها : إيفاااان إيفااان اصحي
تدخلو الممرضات وهم يشيلون نقابها من ع وجهها ويحاولون يصحونها اخذوها لغرفه وراح معاه نايف ومحمد اما سلطان كان جالس ع الارض من صدمته ودافن وجهه في يدينه جلس فهد جنبه قرب منهم ابوسامي بضيق : الحمدلله هو حي مامات ، وش رايكم تروحون تغسلون وتغيرون ملابسكم الي عليكم لين م يطلعون نواف للعنايه المركزه
سلطان بصوت مبحوح : انا م اترك نواف واروح ، فهد روح
فهد : مابي بقعد معاك
سلطان بصوت فيه الغبنه : فهد انا عند نواف روح واقف مع امي لاتخليها
هز فهد راسه ب الايجاب وقام وراح ابوسامي معاه عشان يعطي الرجال خبر طلعو نواف من العمليات وفز سلطان من دخلوه العنايه
سلطان : ابي اشوفه
الدكتور تنهد : طيب بس خل الممرضه تساعدك البس وقايه وادخل ولاتطول عنده توه طالع من العمليات
لبس سلطان وقايه ودخل ع نواف في العنايه المركزه وكانت اصوات الاجهزه ونبضات القلب ، شاف نواف بالاجهزه عليه ومغمض بتعب حس بشعور غريب تمنى لو هو بدال نواف ونواف بخير
سلطان جلس جنب نواف وهو يقول : اهه يخوك اهه " مسح دموعه " ليتني مكانك ليتني اسمع صوتك الحين
كان نواف مغمض عيونه وهو كانه يقول بنام يخوي بنام ابي انام نومه طووويله كانه بنومته ذي يدور الراحه ، يمكن ل النوم وصل بدال سهر العين ،
سلطان وهو يمسح ع وجهه : تبي اقولك شيء ؟ زوجتك تحبك لو تشوفها يخوي م تحركت من مكانها وهو تقول ماروح لين م اتطمن ع نواف ، نواف اصحى بسرعه في ناس ينتظرونك كيف تبيني يمر يوم م سمعت صوتك ؟
|عند إيفان |
بعد م صحت وهي منهاره
إيفان : تكفى نايف بشوفه
نايف وهو ماسك دموعه : من عيوني بتشوفينه
إيفان وهي تبكي : الحيننن بشوفه الحيننننن نايف محمدد
تنهد محمد : طيب خلي مغذيته تخلص ونروح
إيفان : م ابي طلعووووهاااا طلعووووها بشوفف نواف
نايف وهو يحاول يمسكها م تفك المغذيه : تمام لاتطلعينها نروح ب المغذيه
مد نايف يده ل إيفان وسندت نفسها عليه ومحمد ماسك المغذي دخل الممرضه وهي تقول : وش تسوون ؟
نايف : بناخذها تشوف زوجها
الممرضه : بس م بيصير انتي توك دايخه انتظري يخلص المغذي ونتطمن ع البيبي بعدين انا بنفسي اخذك ل زوجك
إيفان ببكي وهي منهاره : مابيي خذوووني ل نواف
نايف وهو يكلم الممرضه : بس تشوفه ، خمس دقايق
تنهدت الممرضه : اخو المريض توه طلع من عنده بس مافي مشكله خمس دقايق بس لازم كلهم يرتاحون
نايف هز راسه ب الايجاب ومسك إيفان وبدا يمشي فيها بشويش في اسياب المستشفى لين وصلو العنايه المركزه ساعده الممرضه إيفان في لبس الوقايه ودخلت إيفان ع نواف وهي تشوف الاجهزه عليه نزلت دموعها وجلست ع طرف السرير وهي تمسك يد نواف وتسلم عليها لمست شفايفها يده ودموعها نزلت عليها اخذت نفس وهي تمسح دموعها : نواف لاتغمض عيونك تكفى ، يقولون دخل غيبوبه بس انا م اصدقهم انا اعرف انك بتقوم " بدت تتلمس شعر نواف " لاتتركني لاتروح وتخليني لاتصدقني اذا قلت انا م ابيك لاتصدقني اذا قلت انا م حتاجك انا مقدر اعيش بدونك " مسكت يده وحطتها ع بطنها " عيش عشانه ع الاقل لاتخليه بدون اب
دخلت الممرضه وهي تقول لها انها لازم تطلع ويرتاح المريض
...
| في بيت ابوسلمان |
كانو جالسين في الصاله ويتقهون والاول مره يجلس معاهم ابوسلمان ويتقهوى ماحكي لكم كيف كانو مبسوووطين ومندمجين معاه نسو كل شيء كلشيء
ابوسلمان : وين مطلق ؟
سلمان : فوق بغرفته مع زوجته بينزل شوي
شهد : ابوي تبي اصب لك قهوه ؟
ابوسلمان ببتسامه : صبي ي حبيبتي
ابتسمت شهد وهي اول مره تشوف حنان ابوها
| في غرفه مطلق & اصايل |
كان مطلق نايم ع الكنب بثوبه وشماغه ع عيونه واصايل نايمه ع السرير فزت وهي م تعرف الساعه كم فاتتها الصلاه وقامت بسرعه وهي م صححت وعين مفتوحه وعين ومغفله رثعت بالارض وافتقدت توازنها وطاحت بس تداركتها يدين مطلق الي طاحت ع صدره وتلاقت عينها مع مطلق بدا قلبها يدق بشكل غريب
مطلق : ناويه تطوليني فوقي ولاكيف ؟
دفته اصايل وقامت وهي تدخل الحمام جلس مطلق وهو يمسك رقبته من نومته الي ماكانت حلوه دق جواله ورد وهو يمسع صوت فهد الي م يطمن
مطلق : فهددد وش فيك
قاله فهد كل شيء اخذ مطلق شماغه وطلع من الغرفه وقفل الباب بقوه وهو يركض وينادي سلمان فزو كلهم الي جالسين في الصاله
سلمان : وششش بلاك ي مطلق !
ام سلمان : يولدي وراك تروعنا وش فيك !
مطلق : نواف تعرض ل اطلاق ناري ودخل غيبوبه
طاح فنجال ام سلمان من يدها مسكتها ريتاج : يمه
ابوسلمان : كيف تعرض ل اطلاق ناري ؟
مطلق : مدري مدري فهد دق علي وصوته م يطمن بالخير الي قاله ان نواف تعرض ل اطلاق ناري ودخل غيبوبه
سلمان وهو ياخذ مفتاحه : مشانا ي مطلق
ام سلمان : خذوني معاكم
سلمان : يمه يمه وين ناخذك بنطمنك تكفين يمه
ام سلمان : ودوني بيت ابوي اكيد الحين متضايقين وام سلطان تبكي خذوني لهم يمه
ابوسلمان : انا باخذكم ، مطلق قول ل زوجتك بعد عشان اخذهم كلهم واخذهم لبيت عمي وانتم روحو للمستشفى
مطلق هز راسه ب الايجاب ويطلع يبلغ اصايل
دخل عليها ف الغرفه وهي تقول له : وش فيه عمتي فيها شيء ؟ ليش تصارخ
مطلق كان الضيق واضح فيه : جهزي اغراضك وروحي مع ابوي عند جدي " فك الباب وطلع بدون اي كلمه ثانيه "
استغربت اصايل وهي تجهز نفسها ونزلت بسرعه لهم
....
| في بيت الجد ثنيان |
مرت ساعات وكانو جالسين في الصاله وام سلطان ضايق خاطرها دخل ابوسلطان وفزت ام سلطان : كيفه ولدي كيفه ؟
مسكتها إديم من يدها وام سلطان منهاره
ابوسلطان : داخل غيبوبه
بكت ام سلطان وهي تنهار والجده منيرا جالسه تبكي وحاطه شلحتها ع عيونها
إديم ودموعها تنزل : خاله تكفين
ملك وهي تبكي : متى يصحى ؟
مجد وهي تبكي في حضن شهد : كيف يعنييي غيبووووبه كيففففف
ابوسلطان حاول يهديهم وهو الدنيا قفلت بعيونه ومكسوور
ام فجر : ابوي وينه يخوي ؟
ابوسلطان : ارتفع ضغطه واخذه محمد
ام سلطان وهي تبكي وتقول : ولدي ولدي طاح
ابوسلطان : ماطاح نواف م طاح ولا عمره بيطيح بيصحى من الغيبوبه بيصحى ي ام سلطان بيصحى ، وكلي امرك لله
ام سلطان : ونعم بالله ونعم بالله
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
