صلو ع نبينا محمد عليه افضل الصلاه والسلام ....
...
| في بيت الجد ثنيان |
طلعت فجر من المستشفى هي وبنتها ، ودخلو للبيت وكانو مجهزين فراش ل فجر واغراض البيبي وكل شيء ومستقبلينها البنات بكل حب
ام مهيار ببتسامه : والله اني بغيتها تكون عندي والله اني لاعتني فيها مثل بنتي يام فجر
ابتسمت ام فجر : كلنا واحد وانا اختس خلي بنتي عندي اعتني فيها وفي بنتها
ملك وهي تنط عند فجر : وش بتسمين بنتك
ابتسمت فجر : اتفقنا انا ومهيار نسميها وسن
الجده منيرا وهي فرحها طاغي احفادها جابو عيال وش وراء فرحتها ؟ غيطلت وهي تقول : عاشت الاسامي ي رب ويخليها لامها وابوها
الكل بصوت واحد : اللهم امين
دخل الجد ثنيان عليهم وهم مبتسم : اللحمدلله ع سلامتك ي بنتي وع سلامتك بنتك
فجر ببتسامه: يسلمك ي جدي
الجد ثنيان ببتسامه : انا قررت انا وعمانكم ان العيال يذبحون ذبايح بناتهم اليوم ، ذبيحه بنت نواف ، وذبيحه بنت مهيار ، اعزمو الجيران وقرابينا
ابتسمت ام فجر : ابشر يبوي
ابتسم الجد وطلع ، قابل فهد الي جاء
الجد ثنيان: فهد يولدي اخوانك وينهم ؟
فهد : والله ي جدي مدري ، لانايف موجود ولا نواف ولا سلطان بعد
الجد ثنيان تنهد : دق عليهم وقل لهم يجون ، مدري وش شغلتهم
فهد : ابشر يجدي
هز الجد ثنيان راسه وقال : الا ي فهد اخوك م رجع لشغله ؟
تنهد فهد بضيق : ع خبري نواف م رجع
الجد ثنيان تنهد بضيق وهو معاد يدري كيف يجمع شتاتهم
" بدو الحريم يعزمون ع تمايم البنات ويرتبون البيت "
دخلو جيلان ومي مع بعض وهم جايبين اغراض بيبي وهدايا لفجر وبنتها
جيلان دخلت وهي تضحك وتقول :
أهلا يا ماما (أهلا يا ماما)
أنرت قلب ماما
أهلا يا ماما (أهلا يا ماما)
أنرت قلب ماما
أهلا يا ماما
حمدًا على السلامة
بدو البنات يضحكون منها ، وهي من لما دخلت غيرت جوهم
ضحكت مي وهي تقول : عاد لو تشوفون طول الطريق وهي تسوق حاطه الاغنيه ، صجتني
ضحكت ايفان : مو صاحيه
فجر ببتسامه لما عطوها البنات الهدايا : الله يسعدكم كلفتو ع انفسكم
محمد وهو وراء الباب كان جايب كراتين الماء وسمعها وهي تغني وتستهبل ، بان طيف ابتسامه ع شفايفه بصوت نادا بصوت رجولي : اديييموووه
قامت اديم الي كانت جالسه ، وفكت الباب : نعم ؟
محمد : نعامه ترفسك تراني عمك
اديم بضحك : تكفى وربي عرفت انك عمييييي ، اخلص وش تبي
محمد : شوفي كراتين الماء دخلوها جوه
اديم : بس الكراتين ثقيله علينا !
محمد : طيب وش اسوي ؟
اديم التفت ع بنات : بنات غطو خلو محمد يدخل الكراتين
غطت مي ، وجيلان ، اصايل
اديم فكت الباب : ادخل
شال محمد الكراتين من الارض ودخل
......
| عند نواف ب الاسطبل |
قعد يوم كامل فيه هو وسلطان فيه لين جاب سطام فيصل ، الي طول م قدر يجي
دخل فيصل الاسطبل وشاف نواف وسلطان ونايف جالسين ، سلم عليهم فيصل وجلس
نواف : م قدرت تجي
فيصل هز راسه : محنا مثلك نطلع وحنا نلوح اليدين ، ان طلعت ممكن رصاص تجي براسي معاد تفرق معاهم
نواف ناظره وقال : وكيف قابلت ابوسامي
فيصل : تمردنا شوي ، مو ذا المهم انا عندي لك عرض
نواف : وشهو عرضك
فيصل تكى ع رجوله : مستعد اشتغل معك ومستعد اوقف بوجه ابوي ولاني خايف من شيء ، بس بشرط
نايف : وشهو شرطك ؟
فيصل رجع ظهره ل وراء : م تذبح ابوي ، ينسجن يتعاقب بس لاينذبح
نواف ناظره وهو يسوي شماغه : وانت تشوف انه يستحق العيش ؟
نايف بضحكه استهزاء : ابوك ذبح امي تتوقع م بيصير له شيء !
ناظره فيصل وقال بحده : وذبح امي بعد ! ، ذبحها حيه وذبحها ميته " ناظر نواف وقال " لو ابوك رجال م يسوى ريال بتذبحه !
سطام ناظر وهو يشوف ان فيصل ضحيه مثلهم : حشى
ناظره فيصل : صح حشى مهما صار يكون ابوي
نواف حك لحيته شوي وقال : طيب م بذبحه بس ان سواء شيء او حاول صدقني اطلق عليه وم يرف لي جفن
هز فيصل راسه : وعشان م يسوي شيء بخليكم تمسكونه وانا معكم
سلطان ناظره : وعشان تساعدنا نبي ملفاته جب نسخ احتياطيه عشان
م كمل سلطان كلامه الا وفيصل يرمى فلاش ع الطاوله : امسكه
نواف اعجب ب فيصل وبشجاعته وانه م يشبه ابوه ويبي ابوه يتغير قبل لايموت رغم كل الي سواه ، دق جوال نايف واخذه ورد وكان جده ويعلمه بالعزيمه وهو معصب عليهم قفل نايف وكلم نواف: اليوم تمايم بنتك وبنت مهيار
ناظره نواف بطرف عين وقال : اجل مشانا ، فيصل سطام حياكم الله
فيصل كان بيرفض بس نواف اصر عليه هو وسطام ووافقو وراحو مع نواف
~ لما وصلو بيت الجد ثنيان نزلو ورحبو ب فيصل لانه ضيف عندهم ~
مطلق وهو يصب القهوه ل فيصل وببتسامه : يالله انك تحييه
فيصل اخذ الفنجال من مطلق : الله يبقيك ، ويكثر خيركم
بدو يقهون الرجال لين وصل العشاء ، وضيفوهم عليه من خلصو الرجال عشاءهم استاذنو وراحو وكانو العيال مسووين جلسه ب الحوش
نواف طلع من المجلس وهو يكلم فيصل ، قاطعهم مهيار وهو يقول : تعالو ي عيال جهزنا الشاهي والجلسه
فيصل ابتسم وهو اول مره يحس في حياه ، مسك نواف كتفه وقال : يلا مشانا لهم
ابتسم فيصل : مشانا
جلسو احفاد ثنيان مع بعضهم وسطام من ضمنهم ، جلس فيصل معاهم
فهد بدا يصب لهم الشاهي والعيال بسولفون ويضحكون
قال سلمان : كيف الجامعه معك ي فيصل
فيصل وهو يحك لحيته : فصلنا منها
مطلق ناظره : وراك !
فيصل : معاد فيه وقت للجامعه
سلطان : يولد مستقبلك وش قاعد تقول !
فيصل ابتسم : والله ي سلطان حياتي مافيها حاظر وماضي عشان يكون فيها مستقبل خلها ع ربك يولد
نواف حط يده ع كتفه : مهو ع كيفك ! ، بتتزوج وبتتوظف وبيصير عندك عيال
ابتسم فيصل والتفت ل نواف : الزواج امسحه فيه احد يقبل بولد زايد! " كان فيصل دايم يتعاير ويعرف ان مستحيل احد يزوج بنته لولد ابوه ب السجن وقاتل "
مهيار : الي بيزوجك بنته ماله شغل ب ابوك اهم شيء طيبتك واخلاقك الي كلنا نشهد عليها ب ذا الجلسه
سطام: صادق
نواف ببتسامه : خل اخلص وانا الي ازوجة بيدي
ضحك فيصل : يصير خير
بدو يسولفون العيال ويضحكون مع بعضهم
| عند البنات|
كل الحريم الكبار راحو ينامون وجلسو البنات مع فجر في غرفتها ، كانو يسولفون مع فجر ويطقطقون ع بنتها ، وكانت اديم تلبس بنت ايفان فستان صغيررررر لونه وردي فاتح
ملك : ذبحتي بنت اخوي ! ، اتركيها
اديم ناظرتها : مالس دخل بلبسها فستان " ناظرت بنت ايفان " واههه اموت ع البنوتات انا
ابتسمت اصايل وهي تناظر اديم : جيبي لك بيبي
ضحكت اديم : ان شاءالله
ناظرتها ايفان : ليكون فيك شيء و متعلمين !
ضحكت اديم وقالت : هو شوفي ماني متاكده
فزو البنات كلهم عليها
ريتاج : بذمتس ! يعني تشكين انك حامل
اديم ببتسامه : اعراض ايفان الي كانت تجيها احسها جتني اوقات اقول لاا ايفان تعبت مره
جيلان : ي خبله حمل عن حمل يفرق
ايفان : ورعه بكره نروح نشتري جهازين حمل
شهد : وراه جهازين !
ضحكت ايفان : نحلل اصايل معاها يمكن فيها
صكتها اصايل ب كرتون المناديل : م فيني شيء انا
ضحكت مي : ايفان قصدها انك من اليوم تتبوسمين اكيد مو لنا ل مطلق
اصايل ضحكت وهي فعلاً صار كل تفكيرها هو : ي قليله الادب
ضحكت فجر من رده فعل اصايل ومدت لها بنتها : امسكي يمكن يعجبك الوضع
ماتت جيلان ضحك : تدربي من الحين لاه وضعك مشكوك
ابتسمت ايفان والتفت ع اديم وقالت بصوت كله فرح : يعني بصير خاله
ابتسمت اديم : ان شاءالله ، يجيني ولد وازوجه روح
ضحكو البنات
مجد : شكلك حاجزه روح من الحين
اديم وهي تناظر روح : انفدااااهااا لولدي هي محجوزه ، حتى لو اكبر منه لو كنت حامل والي ببطني ولد يصير بينهم اشهر فقط
ضحكت ملك : والله ذي مخططه وتحسب
ايفان ببتسامه : اجل بنتي مالها الا ولد اديم البنت مالها الا ولد عمها
ضحكو البنات منهم
مجد فتحت الشباك وشافت العيال جالسين ب الحوش وشافت بينهم ولد غريب والي هو فيصل وقالت : بنات من ذا الي مع العيال
ناظرت ريتاج من الشباك : ذا من ؟
اديم وهي تناظرهم ونطت معاهم : بشوف
ايفان: ملقوفينننن وشدخلكم فيه ؟
مجد وهي تناظره : جاني فضول
ريتاج قفلت الشباك : خلاص ي الملقوفات الحين يشوفونكم العيال
بعدو البنات عن الشباك وجلسو سولفو شوي ، لين نامت روح بين يدين مجد ابتسمت وهي تقول : يروح عمتك انتي
ابتسمت ايفان وقالت : عنك ي مجد باخذها ع سريرها
ابتسمت مجد بضيق وقالت كلمه خلت الكل يتضايق : ليت امي موجوده وتشوف روح تكبر قدامها
ابتسمت ملك وهي الغصه فيها وخانقتها العبره : الله يرحمها
اخذتها ايفان من يدين مجد وقالت : باذن الله نقابلها ب الجنه
الكل بصوت واحد : ان شاءالله
جيلان قامت : بستاذنكم بنات ، برجع البيت تبين اوصلك ي مي ؟
مي : لا بيتي قريب بروح له مشي يروحي
جيلان هزت راسها وقامت ، وطلعت وشافت سطام عند سيارته وراحت بسيارتها واخوها بسيارته ووصلو شقتهم الصغيره المتواضعه وقفت سيارتها ونزلت
سطام ببتسامه: ي الفصعونه من فين لك ذا السياره !
جيلان بيتسامه: شريتها اقصاد اعرف انك مشغول طول الوقت مابي اطفشك ب مشاويري
سطام : وش ذا الحكي انتي تطفشيني انتي اطلبي عيوني واعطيك اياها
ابتسمت جيلان وحضنت اخوها
سطام : اقصادك كم بدفعها
جيلان : كفايه انك شريت الشقه وصارت ملك لنا تبي تقصد بسيارتي خلاص انا بفتح مشروع صغير وببدا اقصد فيها
سطام : جيلان كم اقولك بعدين افتحي مشروعك ودلعي نفسك اقصاد سيارتك مالك شغل فيها انا ادفعها
ابتسمت جيلان وعرفت انها م تقدر تناقش اخوها ب ذا الموضوع : ارسل لك الاقصاد كم
ابتسم سطام ودخلو البيت
| عند العيال |
نواف : فيصل نام عندنا اليوم
فيصل وهو م وده يكلف عليهم: لا يخوك بدور لي مكان
سلطان : وش ذا الحكي يولد ، ابوك عرف انك قابلت نواف يعني انت بخطر
فيصل: وتحسب اني خايف ؟
نواف : عارف انك منت بخايف ، بس م نبيك تموت الحين
ابتسم فيصل : اجل دام كذا ناجل موتي شوي
ضحك محمد : تعال ادخل بجهز فراشك ب المجلس
ابتسم فيصل ولحق محمد وفهد
سلمان التفت : اجل نستاذنكم ي عيال نشوفكم بكره ان شاءالله
نايف : فمان الله
طلعو مطلق وسلمان بعد م اخذو اهلهم معاهم
دخل نواف البيت وتوجه لغرفته ، دخل الغرفه وشاف ايفان بشرشف صلاتها تصلي صلاه الوتر ، طلع شماغه ورمى ع السرير ب اهمال ، جلس ع السرير ومسك راسه وبدا يمسج راسه بتفكير ومن كثر تفكيره صدع
سلمت ايفان من صلاتها وقامت ، شافته وهو جالس وماسك راسه ومسرح ، قربت منه وخافت يكون مصعب وجت بتبعد بس مسكها نواف ، وانفجعت من مسكته وهي تكره عصبيته ، بس نواف حط راسه في حضنها وهي واقفه ، شافته تعبان منهلك ، بدا تتلمس بشعره وبدون م تتكلم
رفع راسه وتكلم نواف بتعب : ليش صديتي لما شفتيني
ايفان وهي م زالت تتلمس شعره : يمكن اذا شفتك معصب احسك تكرهني ، واقول بداخلي شكلي حبيت نجماً مايبي سمائي
نواف ناظرها وهو مكشره حواجبه : توقعي من قلبي كل شيء الا ان ممكن ل قلبي يملك شيء لك غير الحب ، فذمتي ذمه لو حطو الكون في كف وانتي بكف اخذت كفك ، وطنشت الكون بالي فيه
ابتسمت ايفان وقلبها فراشات ، ابتسم نواف من ابتسامتها وقام : بطلع ثوبي وبصلي الوتر ، وانتي نامي قبل تصحى روح
ابتسمت ايفان وهزت راسها ب الايجاب ، راح نواف وطلع ثوبه وصلى الوتر وبدا يدعي بكل قلبه لامه وهو قلبه ينزف دم ، سلم وقام من ع السجاده شافها غارقه بنومها ، قرب منها ولبسها وقرب من راسها وبدا يستنشق ريحتها ويدخلها بصدره ، سلم ع راسها وراح ولبس ثوبه اخذ شماغه وتلثم به ، فك درجه واخذ سلاحه ، عباءه ب الرصاص والتفت ع ايفان وروح ل مره ثانيه
نواف بصوت مبحوح : استودعتكم الله الذي لاتضيع ودائعه
فك باب الغرفه وطلع ، وفي نفس وقت طلعته طلع سلطان من غرفته
سلطان : وين رايح
نواف ابتسم : تراقبني
سلطان : يمكن تقدر تضحك ع الكل بس م تقدر تضحك علي يخوك
نواف : ولا اقدر اكذب عليك
سلطان كان لابس ثوبه ومتلثم مثل نواف : عطني سلاح معك انا وين م تروح ، بس اهم شيء اكون معك
نواف ناظر اخوه وحضنه : نقتل قاتل امنا ، وناخذ بثار امنا
سلطان بحقد وهو يطارد الثار : ناخذه ناخذه
طلعو نواف وسلطان بدون محد يحس عليهم ، ركبو السياره ونواف اعطاء سلطان سلاح ، وحرك وصلو مخزن الاسلحه وهم متلثمين
نواف : م اعرف كم متواجدين ، بس اذبح الي تحصله
سلطان : صار
نزل نواف من السياره وسلطان من السياره وفعلاً دخلو للمخزن بتجسس ومن غير محد يشوفهم ، طلعو ل سطوح عشان يقدرون يشوفون كم شخص
نواف وهو يناظر ، شاف حمدان بينهم وكانو يلعبون بلوت ، ويضحكون
نواف بحقد م يقل عن حقد سلطان ، اشر ل سلطان ، ونط نواف من الاسطح الي م كانت مرتفعه مره ، وطاح بنص جلست حمدان والي معاهم ، ومن وراه جاء سلطان وذبح الي كانو وراء نواف ، ونواف استلم الي قدامه وكان سهل عليه ، لين وصل عند حمدان
حمدان وهو رافع يده ويرتجف من خوف الموت : من انت كيف دخلت
نواف وهو ينزل لثمته من ع وجهه ، انفجع حمدان من عرف انه نواف ال ثنيان عرف انه جاي ياخذ بثار امه ، والواضح ان نواف معاد له ب القانون انعمى من كلشيء
حمدان : صدقني مالي دخل بموت امك ، الرئيس هو هو اي قتلها
سلطان بصراخ : ومن الي نفذ ؟
حمدان ناظر سلطان : مو انا مو انا
سلطان ضربه ع رجله ضربه قويه ، لدرجه ممكن انكسرت رجله
نواف وهو موجه السلاح عليه : الود ودي م تموت بدم بارد ، واخليك تتعذب لحد الموت ، بس لو لا رحمت الله كان سويتها
حمدان بلع ريقه وهو يشوف سلطان ونواف موجهين السلاح عليه ، نواف اطلق اول رصااص وجت بجبين حمدان ، وسلطان اطلق ع بطنه
طاح حمدان وهو غارق بدمه ، هينا برد قلب نواف وسلطان
سلطان : وش نسوي بجثثهم
نواف طلع من جيب واحد من الرجال جوال ، واتصل ع 999 ، رفع الجوال ع اذنه وقال : عندي بلاغ عن مخرن تهريب اسلحه
ابتسم سلطان وقفل نواف المكالمه ورماءها ع الرجال الي ع الارض ، طلع هو وسلطان وركبو السياره وتوجهو ل قبر امهم ، نزلو وقربو من قبر امهم ، جلس سلطان وهو يلمس قبر امه
سلطان : الله يجعل عظامك الجنه ، ي جنتي
ابتسم نواف وجلس وهو يتلمس قبر امه وقال :
ياقبر طمني عسى امي بخير ؟
قلها تجيني زايره في منامي
ناظر سلطان نواف ومسك كتفه وهو يحاول بخفف عن اخوه ، شد نواف ع يد سلطان وهو يبتسم ويطمن اخوه انه بخير
ومن اذن الفجر قامو ، توجهو للمسجد عشان يصلون ورجعو للبيت شافو العيال برا ب الحوش وشابين النار والشيبان يسولفون مع فيصل
رفع فهد راسه وشاف اخوانه الي داخلين : وين كنتم يولد انت وياه ، حتى ب المسجد م شفناكم!
ابتسم سلطان : اخذنا لفه مع بعض وصلينا ب مسجد ثاني
هز فهد راسه وهو كان يسوي الشاهي : بتذوقون شاهي ولا اروع انت وياه
ضحك نواف وسلطان مع بعض
نواف : يلا ع القهوه بروح اخذ شور ع بال م تسوون فطور " جاء بيروح بس بعدين التفت عليهم " احسبو حساب الحريم
نايف ببتسامه: لاتوصي حسبناهم
دخل نواف البيت هو وسلطان ، سلطان دخل غرفته بس م شاف اديم واستغرب ، ونواف نفس الكلام دخل م شاف ايفان ولا شاف روح مو من عوايدهم يصحون بدري كذا ، فكو الباب مع بعضهم وبما ان غرفه نواف وسلطان غريبه من بعض
سلطان ضحك وقال : حرمتك مهي فيه ؟
ضحك نواف: حتى بنتي وينهم
سلطان : الله واعلم ي خوك ادخل تروش بعدين نشوفهم
| في غرفه ملك ومجد|
كانو البنات كلهم جالسين وينتظرون تحليل اديم ، بالمختصر م صبرو كانو موجودين بس فجر ومجد وملك وايفان ولاحتى انتظرو البنات الثانين وهم مره متحمسات ، طلعت اديم وهي تصررررخ وتقووول : ايجااااااابيييييي التحليللللل
فزو البنات وحضنتها ايفان وشدت بحضنها وهي تضحك
مجد وهي مو مستوعبه : وش يعني ايجابي ؟
ملك صكتها ع راسها : انتي حماره ولا حماررره ، يعنيييي حامللللللل
ضحكت مجد : احلفييييي
اديم ببتسامه: والله
حضنتها مجد وهي تضحك وفرحانين : اديموووووه وجع
ضحكت اديم وهي تحضنهم : احبكممممممم
كانو طايرين من الفرحه ، واديم وهي تفكر شلون تعلم سلطان شلون تقوله ذا الفرحه بدون م تبكي وهي تعلمه ، من فرحتها ودها تطير ب السماء
اديم : بروح اعلم سلطان
ضحكو البنات من اديم الي م تحملت وراحت تعلمه بسرعه
| في غرفه سلطان & اديم |
دخل الغرفه وسمعت صوت الدش عرفته انه ياخذ شور ، قررت تكشخ ع بال م ياخذ شور ، فكت درج ملابسها وطلعت فستان ابيض منفوش بعض الشيء وناعم وهادي ، لبسته وفكت شعرها ، اخذت شباصه ع شكل فراشه ورديه ولمت نص شعرها به ، اخذت روح احمر وحطته ع شفتها وبلاشر وردي خفيففف ، ومسكره ، كانت ناعمه مرررره ، طلع سلطان من الحمام " وانتم بكرامه " ، وشافها جالسه تحط روجها قدام المرايه ، ناظرها وهو يشوفها كاشخه وفاتنه ب الجمال ، ابتسم وهو يناظرها : ليش الزين ذا كله
اديم وهي تسوي روجها ، قامت والتفت وشافته ينشف راسه ب منشفته : وين كنت اليوم صحيت م حصلتك ؟
ابتسم سلطان : رحت مع نواف ، الحين اتركيك مني سالتك سوال
اديم وهي تستغبي: اي سوال !
سلطان قريب منها لين صار مقابلها ، مسك طرف شعرها ب اصابعه : ليش الزين ذا كله
اديم ببتسامه: عشانك
سلطان ابتسم : ناويه تموتين قلبي
اديم مسكت يده : بسم الله ع قلبك ، بقولك شيء
سلطان وهو ذايب منها: قولي ي عيوني
اديم : اقولك كذا بس
سلطان : اجل كيف تبين تقولين لي
اديم قربت وهي تاخذ منشفته من يده ، ورمتها ع السرير : روح البس ثوبك وشماغك وتعطر وتعال اعلمك
سلطان استغرب : يعني لازم اكشخ عشان تعلميني
اديم هزت ب الايجاب وهي مبتسمه
سلطان ابتسم: صار ، يلا نروح نكشخ ، انتظريني
اديم ببتسامه وهي تقول : انتظرك طول العمر بس تعال
التفت عليها وابتسم ، وفعلاً راح ولبس ثوبه وشماغه وتعطر وجاءها
سلطان شافها جالسه تنتظره ، وجلس جنبها وهي يناظر عيونها : وش بتقولين لي
اديم ببتسامه وهي تمسك يده وشدت عليها : تحبني ؟
سلطان ناظرها وقال : اعشقك وش احبك ؟
ابتسمت اديم وهي طايره من الفرح : طيب لو اقولك في شيء بيتغير بحياتنا وش تسوي ؟
سلطان استغرب من سوالها وقال: للاسوء ولا للاحسن ؟
اديم : للاحسن
سلطان وهو يفكر ومستغرب من سوالها: يعني اكيد ابيها للاحسن ، ومستعد اسوي كل شيء تبينه " سكت شوي وقال " انتي قصدك الوظيفه ؟ قبلوك ترا
اديم ببتسامه : اعرف قبلوني، بس ذا المره مو انت الي مستعد تسوي انا مستعده اسوي
سلطان وهو يشوف اديم حركاتها غريبه قرب منها ومسك وجهها بين يدينه : قلبي عيوني حياتي وش فيك ليش تسالين ذا الاسئله
ابتسم اديم وقالت : لاني حامل
سلطان ناظرها شوي وهو م استوعب الكلمه للحين : وش ؟
ضحكت اديم : حاملللل حامللل ي سلطاني حامل
سلطان ضحك وقام وهو ماسك راسه ويحاول يستوعب الكلمه وقال: يعني فيه نونو ببطنك
ضحكت اديم وهي جالسه : اي
ضحك سلطان وقومها وهو يحضنهااا ويشد ع حضنهااا : احلفييييييييييييييييي
اديم ببتسامه وهي شاده ع حضن سلطان : والله والله ي سلطاني
بعد سلطان عنها وهو ي مسك وجهها ، وسلم ع خدها : يعيون سلطانك ، نروح لدكتوره صح ؟ وش لازم نسوي ؟
كانت اديم تشوف حماس سلطان مسكته وقالت : تمام اهدى كلشي بوقته حلو
...
| عند نايف |
كان نايف جالس في الحوش ، ويشرب شاهي وهو سارح وشارد الذهن ، قاطعه صوت فيصل الي يقول : شكل هواجيسك صباحي
التفت نايف وابتسم : الله الله " التفت ع فيصل " م قد حبيت ؟
فيصل ضحك وقال : شايف وجهي وجه واحد يحب ؟ ، انا خل اشوف بنت ع الطبيعه عشان احبها طول عمري بين اربع جدران وان شفت بنت شفت اختي غزل ولا خدامات البيت
ضحك نايف وقال : م قد حبيت خدامه البيت ؟
ضحك فيصل من نايف : ابوي م يجيب خدامات ع قدي كلهم كبار
ضحك نايف من فيصل وفطس : م جاب ع مقاسك ها
فيصل بيتسامه وهو يحك راسه : الله الله " التفت ع نايف " شكلك تحب
نايف تحولت ضحكتك لضيق ب صدره : احب
فيصل: ليش م تتزوج
نايف ناظر فيصل وقال : م ودي اقول كذا بس ، ابوك الي م يخليني اتزوج اخاف ع زوجتي منه ، حلفت وقتها م اتزوج لين ينمحي ابوك من ع الارض
فيصل وهو يحس وجهه طاح من ابوه وهو م يبي يكون ذا الشخص : صادق
نايف : صدقني ماني ناوي اجرحك بولا كلمه
فيصل ابتسم: اعرف ي نايف ، وبالعكس اني مبسوط يوم تفضفض لي وافضفض لك بالنهايه كلنا فقدنا امهاتنا
ابتسم نايف وهو يشد كتف فيصل : انت رجال ونعم فيك ولاتشبه ابوك بشيء
التفت فيصل وهو يهز راسه ب الايجاب : ابوي قريب بيدخل السجن وبياخذ عقوبته وانا عندي امل انه بيتغير ب السجن ، اخطب الي تحبها وتبيها لاتروح من يدك عشان ابوي
نايف وهو فعلاً فكر بكلام ايفان وناوي يخطب ريتاج م يبيها تروح من يده ، والخطر بدا يزول ابتسم نايف وقال: تراك معزوم ع عرسي
فيصل : اجيك بكل سرور وفرح
ابتسم نايف وهو جد شاف فيصل رجال شجاع شهم م تهزه كلمه اخلاقه عاليه شاف كل صفات الرجال الزين فيه
اذن الظهر وقام فيصل : نروح للصلاه ؟
نايف : نروح نروح بس خل جدي يوضي وابوي وعماني ونروح كلنا مع يعض
فيصل هز راسه ب الايجاب
...
| في بيت ام سلمان وابوسلمان|
دخل سلمان البيت وهو توه جاي من شركه ابوه ، شاف امه ب المطبخ وتسوي الغداء ، جاءها سلمان من وراها وسلم عليها : يجعل يدك م تمس النار ي الغاليه
ابتسمت ام سلمان : يبعد حيي ، الله يارب انك توريني زواجه قبل لاموت
سلمان عقد حواجبه : بسم الله عليك يمه موت وماموت وش ذا الحكي !
ام سلمان : وانا صادقه ، كل م قلت لك تزوج رفضت ، حتى الي كانت بخاطري شكلها بتروح
سلمان ب اندهاش : من الي بخاطرس
ام سلمان : مي
سلمان حس بضيق بصدره ، وفك زرار ثوبه : انخطبت ؟
ام سلمان ناظرته : البنت مزيونه اجل م بتنخطب ؟ ، خطبها اخو زوج اختها
سلمان حس بضيق الدنياا وكان الدنيا قفلت بوجهه: وافقت ؟
ام سلمان وهي تطفي النار ع الغداء : مادري وانا امك
دخلت ريتاج المطبخ وهي توها جايه من الجامعه : سلام عليكم
ام سلمان: عليكم السلام ، من جابك ؟
ريتاج : مطلق وطلع غرفته هو وزوجته
ام سلمان : اي زين اجل رحي بدلي ملابسك وانا بحط الغداء ، وانت ي سلمان رح جيب شهد من مدرستها اكيد صرفوها الساعه وحده الظهر
جت ريتاج بطلع وسلمان تكلم : ريتاج
التفت ريتاج ع سلمان : لبيه
سلمان تنحنح : صديقتك وافقت ع الي خطبها
التفت ريتاج ع ام سلمان وعرفت ان ام سلمان علمته : مادري للحين ماوفقت ولا صار خطبه ولاشيء
سلمان التفت ع امه : اجل بكره نروح نخطبها
ضحكت ريتاج : تقوله صادق ؟
ام سلمان فرحت وطارت من فرحتها وهي تغيطل
سلمان ابتسم : يمه م صار شيء للحين ليش تغيطلين ؟
ام سلمان : من فرحتي ي امك من فرحتيييي
ابتسمت ريتاج : عاد يرب توافق عليك
ناظرها سلمان : ليش وش ناقصني عن الي خطبها!
ريتاج : مو ناقصك شيء كامل والكامل الله ، انا بروح ابدل ملابسي
راحت ريتاج تبدل ملابسها وسلمان رايح يجيب شهد
...
| في مخزن اسلحه |
دخل ابوسامي وهو يشوف اربع جثث ع الارض ، ويشوف تهريب الاسلحه الي كانت موجوده ب الشاحنات ....
...
ننهي البارت لين هينا
أنت تقرأ
ليتك تعرفين الحال؛ ويش هي نواياي
Ficción General(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
