ليتك تعرفين الحال؛ ويش هي نواياي

ثلاثه وخمسين ( النهائيه)

صلو ع نبينا محمد عليهزافضل الصلاه والسلام ...

....
ضحكت مجد وهي تمسح دموعها : شكله مسنتر هينا
فهد بضحك : ايييي معاد يبي يطلع
ضحكت ملك وهي تناظره وفعلاً فهد طلع عند سطام ، وطلعو نواف وسلطان وراه
......
| عند سلمان & مي |
كانت مي تتجهز عند المرايه لانهم بيروحون يسلمون ع اهل سلمان وكانت تتانق ، وتحط ميكب دخل سلمان عليها وهي مشغوله بشعرها ومكياجها ابتسم وقال : تدرين انه م يحتاج
مي بيتسامه : وش م يحتاج
قرب سلمان منها وهو يناظر فيها من المرايه : انك تتحطين مكياج انتي تقولين للقمر انا بقعد مكانك
ابتسمت مي بخجل ووجهها حمر  ، ابتسم سلمان وهو يشوفها انحرجت م حب يزيدها عليها
قالت مي بقلق : كيف خالك
سلمان وهو يعدل شماغه : لابخير نروح نسلم ع اهلي بعدين بروح اشوفه
قامت مي : بروح البس عبايتي عشان م اخرك
ناظرها سلمان ولما جت تروح مسكها بيدها ، ورجعها وطبع بوسه بخدها ، بلعت مي ريقها وهي خجلانه مره ، تركته وراحت وهي تلبس عبايتها وطلعو من الفندق متوجهين ل ام سلمان وابو سلمان
| في السياره |
مي : سلمان
سلمان التفت : لبيه
مي : بعدها ودي اروح ل امي
سلمان ناظرها وابتسم ، وهو ياشر بيده ع خشمه : ع ذا الخشم
ابتسمت مي وهي تشوف نصيبها ، شكرت ربي اكثر من مره ع سلمان كان حنون عليها مره ، كانت اختها دايم تشتكي من زوجها ، فكانت خايفه بس لما شافت سلمان تلاشى خوفها كلها

...
~ بقدم الوقت لعدم وجود احداث مهمه بعد اسبوعين طلع ابونايف من المستشفى ، وقروو انهم يملكون سطام وملك وسطام قال انه بياخذ شاليه دام م يبون عرس كبير ~
| يوم عرس ملك & سطام | رجعو توهم من الصالون |
كانو البنات يتجهزون وكانت مجد واققه عند ملك وهي تناظرها وتبتسم ، وتقول لها : تجننينن
ناظرتها ملك وهي مشبكه يدينها ببعض بتوتر : احس بخوف
جتها مي وهي تحط يدينها ع كتفها : لاتخافين قبل اسبوعين وثلاث ايام كان عرسي وكنت اخس منك
اخذت ملك نفس وهي تناظر المرايه ، جتها فجر وهي معاها فستان ملك : يلا ي عروسه البسي
قامت ملك واخذ الفستان وهي متوتره ، دخلت ودخلت مجد معاها تساعدها ،
| في غرفه ايفان|
لبست ايفان فستان كان برتقالي مع كحلي ، طويلل له ربطه من عند عنقها ، قربت وجلست ع السرير وهي تلبس بنتها روح فستان بلون الوردي : فديتتت بنوتاتي
دخل نواف عليها الغرفه ، شافها وهي تلبس روح ابتسم ، وشافها شايله روح التفت له : بابا جاء
ابتسم نواف قرب من ايفان وسلم ع راسها : وش ذا الزين بتذبحيني انتي وبنتك
ضحكت ايفان : بسم الله عليك ، اي ترا جهزت لك ثوبك وشماغك
رجع نواف وسلم عليها وع روح : يعطيس العافيه
ابتسمت ايفان : بروح اشوف اديم ، وانت تجهز
هز نواف راسه وطلعت ايفان ومعاها روح ، متوجه لغرفه اديم فكت الباب وكانت اديم ماسكه بنت فجر الصغيره وسن ، وكانت تعطيها حليب
ابتسمت ايفان : وين فجور
اديم رفعت انظارها ع ايفان : وسون م خلتها تتجهز وانا مخلصه قلت عطيني اياها وروحي تجهزي
ابتسمت ايفان وقربت منها : تجننين
ابتسمت اديم : انتي الي تجننين ، وروح الروح واه فديت الوردي انا
ايفان ابتسمت وكانت قلقانه ع اديم الي حملها متعبها وهي ب الشهر الثالث : كيفك الحين ؟
ابتسمت اديم : كويسه بس شرايك بفستاني ؟ احس طلعت لي كروشه صغيره ولبست وسيع
ضحكت ايفان : لاتجننين معليك ، يلا نروح نشوف البنات
اخذت اديم وسن الي منسدحه ع السرير ، ولمتها ع احضانها وطلعت مع اديم متوجهين لغرفه البنات
دخلو ايفان واديم وهم يشوفون ملك الي لابسه الابيض ، كان فستانه نااااعممم وهادي ، كانو البنات يناظرونها ببتسامه وحب ، دخلت ام فجر عليهم وهي تشوف ملك : بسم الله ماشاءالله يارب انك تحفظها من عيون العرب
ابتسمت ملك بخجل من مدحهم ، والتفت ع مجد : كيف الروج حلو ؟
مجد : يخبلللللل يجنننن يموووت
ابتسمت ملك وقالت بضيق : ليت امي كانت موجوده
مجد حست بغصه ومو مجد لحالها كل من في الغرفه تكهرب من كلمتها ، شكر هي محتاجه لامها بذا الحظه ، كانت ايفان حاسه بشعور ملك وعارفه كيف الشعور يعور ، قربت من ملك وحضنتها وهي تقول : امهاتنا يشوفون فرحتنا ويحسون فيها ي ملك حتى لو هم ميتين
كانت ملك الدموع ، مجد وهي تحاول توقف دموع اختها ودموعها : خلاص هشش المكياج لايخرب
هزت ملك راسها وهي مبتسمه : مابيخرب
ام فجر ببتسامه : حنا كلنا معاكم وامهاتكم كلهم
ناظرت ملك عمتها ام فجر وحضنتها ، وكانت ام فجر فاقد ام سلطان كثيررر كثر مالبنات فاقدينها
دخلت شهد بالكعب الي ماتعرف تمشي فيه : يلا انتي وياها جدي يقول مشينا توه فهد جاء يقوله
ضحكت اديم : انتي امشي ب الكعب زين اول
ريتاج بضحكه : مهما علمتها م تفهم
ضحكت ايفان وهي ماسكه يد ملك : يلا مشانا لانتاخرر
" لبسو الحريم عبايتهم وطلعو كلهم من البيت ، ركبو السيارات متوجهين للشاليه نزلو الشاليه ودخلو كانت جيلان تستقبلهم بفرحه وابتسامه وهي تغيطل ، كانت عرس خفيف بينهم واحتفال ودي ، بدو البنات يرقصون ويضحكون مع ملك ويرقصونها وتقطع الكيكه ، لين قالو ان سطام بيدخل ، كانت ملك مكلمه ابوها واخوانها انهم يزفونها ل سطام وفعلاً دخل ابوسلطان وعيالهم الثلاث ، كان سطام واقف اخر الكوشه ، ودخلت ملك مع ابوها الي جنبها واخوانها الثلاث الي وراها ، كان ابو ملك ماسكها من يدها ويمشي فيها مع زفتها ومن بين بارتات زفتها ، والي الكل حس بغصه حتى ابو سلطان
البارت : يمه هناي اليوم ليتك حضرتيه ، وتشوف عينك فرحتي في عيوني،  يمه هقيت ان الفرح راح خدي واليوم كل الناس فيك ذكروني
كان فهد وراها وهو الغصه بقلبه ، كانو الحريم يغيطلون وهم متغطيات لما دخلو الرجال ، قرب ابو سلطان من سطام وحط يد ملك بيد سطام : عاد لاوصيك ببنيتي
ابتسم سطام : في الحفظ وفي الصون ي عم
قرب نواف من سطام وحضنه وهو يقول : اختي بمانتك ي سطام
سطام : في امانتي وبرقبتي يالخوي
بعد نواف عنه وابتسم ، ناظر في ملك قرب لها وسلم ع راسها : استودعتك الله
بعدها جاء سلطان : تراها غاليه عندنا يويلك تزعلها
ابتسم سطام : ان زعلتها وقتها اذبحني
فهد ببتسامه : بذبحك قبله ترا
ضحك سطام من فهد ، كانت ملك تشوف سطام وهي  متوتره ولا رفعت راسها له تسمع كلامه مع اخوانها وابوها
قرب فهد من ملك ، وحضنها وشد ع حضنه : بشتاق لك ي الملسونه
ابتسمت ملك وهي تحضن اخوها وقالت : مو عشاني تزوجت يعني م راح اطفشك
ضحك فهد وهو يبعد عنها : ابد طفشيني
ناظر سطام وهو يشوف ابتسامتها لاخوها ، وهو اول مره يشوف ملك كانت بقمه الجمال ، بقمه الاناقه والانوثه
" بعد م انتهى العرس اخذ سطام ملك ، وراحو متوجهين للفندق "