صلو ع نبينا محمد عليه افضل الصلاه والسلام
...
الجده منيرا: ي سلمى لاتاخذين بشور سلطان اخطبيها انا غسلت يدي من محمد طفشني هالمره سلطان والله م ابيه يقعد كذا
ام سلطان: يخاله نشاوره اول وشرايك ؟
الجده منيرا: لالا م يحتاج لو بنقعد ع المشاوره بيصير مثل محمد
تنهدت ام سلطان : قولك وهدايه الله
جلست ام اصايل وع طول الجده منيرا فاتحتها بالموضوع
الجده منيرا: بنتك مخطوبه؟ ي ام اصايل
ابتسمت ام اصايل وهي ماتت فرح وماصدقت انهم يسالون عن اصايل لانها بالمختصر تبي تزوج بنتها رجال عنده فلوس وعيال ثنيان ماشاءالله مو ناقصهم شيء : لا ي ام تركي
الجده منيرا: ماشاءالله تبارك الله مزيونه ، والله اني ودي اخذها ل حفيدي سلطان
دخلت إديم وإيفان ع ذا الجمله بلعت إديم ريقها وهي تقول ف نفسها" بذا السرعه ؟ "
ام اصايل ببتسامه: لنا الشرف والله حياكم باي وقت
"انصدمت اصايل وهي تناظر امها والدموع متجمعه في عيونها لانها تحس امها م صدقت احد يخطبها حسستها انها م تسوى شيء وتعدتهم ع طول وطلعت "
دق جوال ملك وكان سلطان يقول انه برا يطلعون له كلهم قالت ل جدتها ولبسو البنات عبايتهم وطلعو وكان سلطان واقف ومتكي ع باب السياره رفع عيونه ع الحريم يوم طلعو
الجده منيرا: بس سياره وحده ي ولدي سلطان؟
سلطان: اي ي جده العيال ف الديوانيه ونواف راح للمحطه يعبي بنزين م فيه الا سياره ابوي اخذتها لانها كبيره تكفيكم يلا اركبو
فكو البنات الباب وركبو وراء
ملك: مجددد ادخلي بسرعه
مجد : وجع اصبري
إديم وهي م ناظرت سلطان ولاتبي تشوفه ركبت إيفان وكانت السياره محشوره شوي
إيفان: إديم اركبي
إديم بصوت مبحوح : بعدي لي شوي
التفت سلطان لما شاف البنات محشورين ونزل من السياره وجاء من عند إديم إديم او م شافته بعدت ولا ناظرته انصدم سلطان من تصرفها وقال: ملك ارفعي ذي عنكم وادخلو
رفعته ملك وقال سلطان: يلا اركبو " وكان يقصد إديم "
إديم كانت معطيته ظهرها ولا سمعت كلامه استغرب سلطان بس قال يمكن تبيني اركب بعدين هي تركب وراح يركب وقفل بابه
ام مهيار: إديم بنتي اركبي
إديم بصوت فيه بكيه وهي مو قادره تمسك نفسها : شنطتي انفكت دقايق يمه " وبدت تمسح دموعها وبسرعه ركبت السياره "
مشى سلطان وفي نص الطريق قالت الجده منيرا : يولدي ي سلطان لقينا لك وحده وش يولدي وش جمال اخلاقك اسلوب هدوء
سلطان تنهد وفي نفسه قال" ليتك ي جده تناظرين بالي حولك ولا تروحين ل ناس ثانيه " : جده تكفين قفلي الموضوع
الجده منيرا: ماني مقفلته تبي تصير مثل محمد ؟ شوفه منهبل ولاهو راضي يتزوج اخوك اصغر منك تزوج مع اني ماعرف شلون تزوج لانه اكثر واحد فيكم راسه يابس
سلطان : ي جده بعدين مو الحين
الجده منيرا: خطبتها لك وانتهى
ضغط سلطان ع الفرامل باقوى م عطاه ربي : وشووو
الجده منيرا: خطبتها لك وبكره جدك وابوك من الرجال يخطبونها وانتهى ماني مرجعه بكلمتي هذاني قلت لك ي سلطان
سلطان: جده
ام سلطان : خلاص ي ولدي ي سلطان لاترد كلمت جدتك
إديم وهي تناظر من الشباك وكل كلمه كانو يتكلمون فيها كانت جمر ع قلبها التفت سلطان ع إديم وهو يشوفها تناظر من الشباك التفت وتنهد وهو كاره نفسه ومشى وهو يحك لحيته وصلهم البيت ونزلو نزل سلطان مرت إديم من قدامه وهي م التفت له استغرب من تصرفها وحس انها مو مهتمه وانه هو كان متوهم في نفسه" ليش مهتم انت ي سلطان ؟ " ماهي الا شويات ووقف نواف سيارته فك الشباك وقال: ها ي عضيدي نمشي ؟
سلطان بضيق : اي
نواف باستغراب : وشبلاك ؟
سلطان تنهد وهو يعلم نواف بكل شيء
نواف: وش تقول انت
سلطان: والله ي خوك مثل م سمعت
نواف: ي سلطان منت مجبور ومنت متزوج ولايهمك
سلطان: هي م تبيني ي نواف !
نواف: لا يشيخ سالتها ؟ ولاتحكم من مخك خلاص قول ماني ماخذ الا إديم وانتهى وانا اخوك ذي بنت عمك ومحد رادك عنها
سلطان ببتسامه: واذا جحفلتني ؟
نواف: وقتها هي الخسرانه وين بتلاقي مثل عضيدي ؟
ابتسم سلطان وهو يحضن نواف: طفيت نار جواتي كبيره ي عضيدي بكلمتين منك
نواف وهو يمسح ع ظهر سلطان: بسم الله عليك من النار، نمشي ل الرياض
سلطان : مشينا
نواف : دخلنا نسلم عليهم ونطلع
دخلو نواف وسلطان وسلمو عليهم واستاذنو وطلعو وركبو السياره وتوجهو ل الرياض
..
|عند فيصل|
كان جالس في بيت الشايب يناظر الوحه الي في نص الصاله مكتوب فيها آيه الكرسي جلس الشايب قدام فيصل وقال: وش بلاك يولدي حاس ان فيك شيء
فيصل في نفسه " حسيت بالي ابوي م حس فيه ": وانا بعد وحيد ي خال
ابتسم الشايب بحزن : ماتو احبابك؟
فيصل وهو يمسح دموع عيونه : احبابي شخص واحد ي خال شخص عايش في قلبي ي خال قلبي م يكفيه الا هو شخص في بطنه كبرت وفي حضنه بكيت وفي حنانه م شبعت ي خال
الشايب بضيق قال: جنتك ؟
فيصل ببتسامه ضيق : اي بالله جنتي امي الله يرحمها
الشايب وهو يخبط ع رجل فيصل: الله يرحمها ، ابوك ؟
سكت فيصل شويات وقال: ماعندي اب
شاف الشايب الضيق ع ملامح فيصل وقال: نام عندي اليوم
فيصل قام : لا والله ي عم عندي شغل ان شاءالله بعدين حفظت بيتك انا
هز الشايب راسه ب الايجاب وطلع فيصل وهو يمشي ب الشارع وكل مشيه يمشيها يحس بكسر ف قلبه دخل بقاله واشترى كرتون ماء واخذه انتظر لين الفجر اذن واخده للمسجد وحط المويه عند الباب صدقه لامه والي كان اليوم تاريخ موتها وهو مستحيل ينسى ذاك اليوم الي خرب حياته كله الي راح اعز الناس عنده دخل المسجد وصلى سلمو من الصلاه وقامو كل الي بالمسجد طلعو الا فيصل والامام قرب فيصل من الامام وقال : ي شيخ كيف صرت من حفظه القران
ابتسم الامام وقال: ذا بفضل الله وبفضل اصراري
فيصل: تقدر تساعدني في حفظه ؟ ، ذنوبي م تنعد ي شيخ ابي اكفر فيها
ناظر الامام فيصل وقال : ان الله ي حب التوابين ي ولدي
ابتسم فيصل
...
|عند نواف وسلطان|
وصلو الرياض ونزلو المسجد يصلون الفجر ومن بعدها راحو لبيت سطام فك سطام الباب
سطام: ارحبوو
نواف: البقى
ودخل هو وسلطان شافو الصاله كلها اوراق وابحاث( معلومه سطام عايش لحاله)
نواف: شكلك طايح ع معلومات
سطام: اي ومعلومات مو سهله
سلطان : تجيب راس زايد ؟
سطام: اجلسو اقول لكم
جلسو نواف وسلطان فك سطام الابتوب ع نواف وسلطان
سطام: هذا خال نايف الي ف تبوك تذكره ؟ الي م قدرنا نوصل له وصلت له ي نواف وهو ف الرياض بعد
نواف : حلو ، ع تواصل مع زايد ؟
سطام: اضن لان شوف البيت الي عايش فيه مهجور وطلبت من بعض الرجال يروحوه للبيت قريب ويصورونه لي وصورو دخول خال نايف ودخول واحد من رجال زايد معاه
سلطان وهو يلف الابتوب عليه : سجلات المحكمه علي والتواصل علي
التفت نواف ببتسامه ل سلطان: مهمتك ي العضيد ، سطام مشانا
قام سطام ورمى السلاح ع نواف التقط نواف السلاح بحركه سريعه وعبى السلاح رصاص
سلطان قام واعطاهم السماعات وساعه : الساعه ذي اذا م قدرت تتكلم ب السماعه دق عليها مرتين وانا افهمك واذا كان داهموك اضغط مره وحده م فيه الا ساعه وحده ترا م حصلت الا هي ب السياره لما كلمني سطام وانا بكون ع تواصل معاكم ب السماعات
نواف: تمام ي العضيد
سطام: يلا ي العقيد تفضل
ابتسم نواف : باقي م ترقيت
سطام بضحك : انا اشوفك مترقي
سلطان : حتى انا
نواف ببتسامه : يلا مشانا
طلعو سطام ونواف ركبو السياره اخذ نواف الشماغ وتلثم به اخذ نظاره شمسيه ولبسها ونفس الشيء سطام
نواف : حرك ي الشريك
سطام : ابشررر طال عمرك
حرك سطام السياره وكان منظر طلوع الشمس ووصلو للموقع
نواف : ي عضيد تسمعني
سلطان : اسمعك
سطام : سلطان تشوف الكميرات ؟
سلطان : دخلت ع السستم حق الكميرات اشوفكم
نواف ببتسامه : لاتعلم عضيدي هو يعرف
ابتسم سلطان : لاني اخو نواف ، تشوفون العماره الي قدام الهدف؟
نواف : اي
سلطان : ادخلو فيها بيوضح لكم الهدف من شباك الدور الثالث من الجهه اليسرى
دخلو نواف وسطام وطلعو ل الدور الثالث اخذ نواف المنظار وهو يناظر شبابيك الهدف : رجال زايد باخذ له صوره وابحث عنه ي سلطان
سلطان : تمام ارسل الصوره
اخذ نواف جواله وهو يوضح رجال زايد وياخذ له صوره ويرسلها ع سلطان " وصلت ل سلطان الصوره وبدا يبحث عن سجله ف المحكمه والمراكز : نواف تسمعني ؟
نواف : اسمعك
سلطان : ذا من اهم رجال زايد ومطلوب من الشرطه كثر م زايد مطلوب يبون الزله بس منه
نواف ببتسامه انتصار : اهم رجال زايد اجل
سطام : اهدى ي نواف م نقدر نهاجم بدون تقرير
وصلت رساله ع جوال سطام من ابو سامي الي ارسل تقرير بانهم يهاجمون
نواف : وصلك التقرير
سطام : ابو سامي م عطيته خبر
نواف : انا عطيته
سطام ببتسامه : وابو سامي بسرعه خلص التقرير لانه عارفك
نواف : ممكن " نزل نواف وسطام من العماره ربط نواف ثوبه ع خصره ونط من فوق جدار البيت وسطام وراه قربو من الباب اشر نواف ب اصبعه ل سطام بالعد ل ثلاثه لحد م وصل العد ٣ داهمو "
نواف بصوت عالي : ولاحركه انت وياه ارم الي بيدك اي حركه بطلق النار
كان خال نايف ورجال زايد بيدينهم اوراق رجال زايد اول م شافهم شق الاوراق هاجمه نواف بحركه سريعه طيحه ع الارض ورما الاوراق ع الارض بطح نواف رجال زايد وكلبش يدينه وقال : لك حق ف السكوت لين يجي محاميك ي احمد ****
سطام وهو يكلبش خال نايف : امش قدامي
طلعو وكان الدوريه مرسلهم ابو سامي ركبوهم السيارات ومشت الدوريه دخل نواف للبيت مره ثانيه اخذ الورقه الي شققها احمد عض ع شفايفه بقهر وجمع الاورق دخل سطام وهو يشوف نواف يلم الورق : بحاول الاصقها مع بعض
هز نواف راسه بالايجاب
سطام: جيت من الديره تعبان ومانمت روح اخذ لك غفوه في بيتي وانا احل كل شيء
نواف وهو النوم بعيونه ولا نام وريح جسمه : تمام اي شيء يصير بلغني " وطلع نواف وهو معصب راسه وملامحه الحاده ومعقد حواجبه "
أنت تقرأ
ليتك تعرفين الحال؛ ويش هي نواياي
General Fiction(ليتك تعرفين الحال؛ ويش هي نواياي ) تدور الاحداث حول بطلنا نواف شخص عصبي ويشتغل ضابط ويحب اهله وجده ويحب جمعاتهم وشاعر وشعره كان مجرد موهبه بس بعدين لقى الي يكتب فيه الشعر يشتغل في قضيه والقضيه تقلب حياة ابطالنا .... حسابي انستا " llzix_2" كتبت بو...
