ليتك تعرفين الحال؛ ويش هي نواياي

البارت السادس

السلام عليكم صلو ع محمد عليه افضل الصلاه والسلام قبل تبدون الروايه
لاتنسون تضيفوني انستا حسابي ( llzix_2)

طبعاً البارت مو طويل مره ان شاءالله البارتات الجايه يكون طويل

...
نواف بصوت كله هيبه وفخم : ياولد
نايف : حياك اقلط
نواف : السلام عليكم
ابو نايف : وعليكم السلام ي ولدي حياك حياك
راح نواف يسلم ع راس عمه ابو نايف
ابو نايف : سلمت ي ولدي
نايف : تو م نورت الشرقيه
نواف : منوره باهلها
ابو نايف : الا ي ولدي وش جايبك الشرقيه
تنحنح نواف وم يدري وش يقول : عندي شغله ف الشرقيه ومريتكم
( ابو نايف م يعرف ان نواف ونايف يبحثون ف القضيه )
ابو نايف : ياهلا والله فيك
نايف : بروح اخليهم يجهزون القهوه
نواف : لا والله ماله داعي قهوه اصلاً الوقت متاخر وبمشي للفندق
ابو نايف : ابك انت وش تقول بيت عمك هينا وبتروح للفندق
نواف : مابي اثقل عليكم ي عم
نايف : وش ثقله ياولد لافندق ولا خرابيط بتقعد هينا
ابو نايف : اي بالله بتقعد هينا
نواف م حب يزودها ع عمه وقال : سم
نايف : اجل بروح اجيب القهوه ونتقهوى
قام نايف راح لغرفه إيفان دق الباب عليها
إيفان : تفضل
دخل نايف وقال : إيفاني ولد عمي نواف جانا تزهبين لنا القهوه
إيفان : اي ابشر ازهبها الحين
ابتسم نايف وقال : م تقصرين
وطلع وراح للمجلس عند ابوه ونواف وجلسو يسولفون وقامت إيفان تجهز القهوه لهم وكانت مسويه كيكه حطت لهم منها دقت ع نايف وقالت له يجي ياخذ القهوه

.....
في بيت ثنيان
طبعاً الكل راح ماقعد في بيت ثنيان الا نور ام فجر وفجر والجده والجد ومحمد وفي بيت تركي ولد ثنيان بنات تركي الثنتين واخوانهم معادا نواف الي ف الشرقيه وكان الجوو هادي عندهم وكل واحد مشغول له في شيء يعني م عنده شيء يذكر

......
اما في بيت ام مشاري الي محيوس حوسه كان الجو جداً يعور
في غرفه شهد /
مطلق : شهودي يعيوني خلاص لاتبكين
شهد : ليش هو كذا طيب انا احسه ميت احس م عندي ابو
مطلق : انا ابوك سلمان ابوك حنا معك ومع ريتاج
ناظرته شهد وعيونها كلها دموع : حتى انتم تحتاجون اب
ابتسم مطلق وقال : سلمان ابوي
ابتسمت شهد وقالت : ومن ابو سلمان
ضحك مطلق وقال : انا ابوه
ضحكت شهد وتغير جوها شوي وقالت : والله اكلها سلمان
ضحك مطلق ضحكه طويله وقال : وش قصدك
شهد : ابد م قصدي شيء اجمل اب ههههههه
مطلق بنرجسيه : ادري يلا نامي وراك مدرسه
شهد هزت راسها بالإيجاب وطلع مطلق من غرقتها
في غرفه ام سلمان /
كانو معاها سلمان وريتاج وارتفع ضغط امهم شوي عطوها حبوبها ونامت وطلعو من غرفتها
سلمان: ريتاج
لفت عليه ريتاج وهي فيها دمعه وصوتها مبحوح : هلا
قرب منها سلمان ومسح دمعتها وقال : لاتكابرين
انفجرت ريتاج بكاء لما قال لها سلمان كذا سحبها سلمان وحظنها
ريتاج وكلامها يتقطع من شهقاتها : ليه يحسبنا نبي فلوسه صدقني اكبر احلامي اضحك معاه
انقهر سلمان قهر مو طبيعي وهو وده لو يحرق الدنيا كلها بس يضل ابوه ولا يقدر يسوي شيء ويدعي انه يتغير مع الوقت
سلمان: بيتغير مع الوقت
ريتاج : ان شاءالله
بعدها سلمان عن حظنه وقال : يلا روحي الحين نامي وشوفي شهد
ريتاج : طيب
راحت ريتاج ونزل سلمان لصاله تحت وجلس وهو يتافف ولايعرف وش صار بالضبظ وش قال لهم ابوهم ولا حب يسالهم ويذكرهم بالي صار
نزل مطلق وشاف سلمان ونزل وجلس جنبه
مطلق بانكسار م بان الا عند سلمان : كيفها امي
ناظره سلمان وقال : طيبه تصدق توي انصدمت يوم قالت ريتاج ان ابوي يذلنا ع الفلوس
ناظره مطلق مصدوم وقال : منجدك؟
ناظره سلمان بقهر وقال : اي
مطلق قام بانفعاليه وقال : وحنا وش مقعدنا هينا ؟ ليش م نطلع من البيت ونعطيه فلوسه
قام سلمان وقال : مطلق اهداء انت تدرس ف الجامعه وريتاج بعد وشهد في مدرستها وانا اشتغل ف شركه ابوي حتا شغلي بفلوسه وين تبينا نروح ؟
سكت مطلق وهو مقهور وفعلاً هو وسلمان باقي م كونو نفسهم بس قاهرتهم مذلت ابوهم بس متحرمينه عشانه ابوهم مع الاسف
....
في الشرقيه /
ابو نايف : استاذنكم يعيالي بروح انام
نواف : نوم العوافي
ابونايف : يعافيك نايف ي ولدي اخذ نواف غرفه الضيوف
نايف : اي معليك يبه ولاتنسى تاخذ دواك
ابو نايف وهو ناسي قال : يوه ناسيه اي بالله الحمدلله ذكرتني
نايف : الله يهداك ي ابوي
ابو نايف : بروح اخذه ونام تصبحون ع خير
نواف ونايف بصوت واحد : وانت من اهله
نايف لف ع نواف وقال : انطق انطق م جيت الشرقيه شغل بس ع قولتك
نواف : ي ليل انت شكاك ذا الايام
نايف : اقول قول
نواف تنحنح وقال : خفت عليكم وجيت
نايف : وش صار
نواف : فيه حمله مسوينها وفريقنا يراقب ان كشفو شيء وعرفونا بيجون
نايف : عرفته ؟
نواف وهو يشغل السجاره قال : معلومات سريه مقدر اعلمك
نايف تتافف : نواف ياخي قول
نواف : مقدر اقولك اعرفك اقول اسمه لك ثم انت رحت له اهداء
نايف سكت
نواف : اوثق فيني
نايف : حملتهم عن وش
نواف : تبدا ثلاث الفجر للحين م نعرف عن وش
نايف : بتداهمون ؟
نواف : لا
نايف لف عليه وقال : ليه
نواف : تحسب انه سهل هو ! بيدخل واحد بداله السجن وبعدين هو م راح للحمله مرسل رجاله
نايف : الكلببب
نواف : عشان كذا اهدى القضيه عندي والواضح انها بتاخذ وقت
نايف اخذ نفس وقال : انا همي اختي ولا الوقت انتظر مثل م انتظرت خمس سنين لو يكلفني موتي
نواف سكت وهو يناظره
نايف : يلا قم اوديك الغرفه تريح جاي من طريق طويل
طفئ نواف سجارته وقام
دخل الغرفه الي قال له نايف ينام فيها طلع ثوبه وارتمى ع السرير وهو يفكر بكل المواضيع ويقلبها في مخه من ناحيه القضيه ومن ناحيه بنت عمه الي بينتقمون منها وهو اخس من نايف خايف مره لانه م يتحمل لو صار شيء بيحمل نفسه ذنب كلشي
...
اليوم الثاني الساعه ٥ الصبح
عند إيفان / صحت من نومها ع صلاه الفجر وهي كسلانه جداً راحت الحمام ( وانتو بكرامه ) اخذت شور يصحصحها وتوضت وصلت الفجر وهي ع سجادتها وتدعي وتقول : اللهم إنها في ذمتك وحبل جوارك فقها من فتنة القبر وعذاب النار وأنت أهل الوفاء والحق فاغفر لها وارحمها إنك أنت الغفور الرحيم ربي ارحم أمي واغفر لها، وادخلها الجنة مع عبادك الصالحين، واجعل أمي من ورثة جنة النعيم وساكني الفردوس.
بعد م خلصت صلاتها ودعت لامها الله يرحمها قامت تتجهز للجامعه ستايلها كان
مسويه شعرها كيرلي ولابسه هودي اسود وجينز ابيض حط مكياج خفيف مسكرا وشويت ضل لايرثى له وروج خفيف طبعاً هي مشاءالله بشرتها جداً صافيه م تحتاج مكياج كثير وبخرت شعرها وحطت مسك وتعطرت وطلعت
ونزلت تجهز الفطور
...
في بيت ابو مهيار /
دخلت ام مهيار غرفه مهيار تصحيه لدوامه
ام مهيار : يلا يمه قوم الله يهديك
مهيار نومه جداً ثقيل
ام مهيار : مهيار يلا دوامك يلا يولدي
مرت اديم من عند الغرفه وشافت امها تصحي مهيار
إديم : خلاص يمه روحي انا اصحيه
ام مهيار : يلا اعجلو وانتي لا تتاخرين ع جامعتك
إديم : ابشري
طلعت ام مهيار من الغرفه
إديم : حتى الثور م ينام كذا قوم مهيار
مهيار بصوت متقطع من النوم : امم كم الساعه
إديم : سبع الصبح اصحى سريع محاظرتي بتبداء
مهيار : خمس دقايق بس
إديم عرفت انه مافي فايده معاه وراحت اخذت ماء وكبته عليه
صحى مهيار منفجع : يليللل يعني ماله داعي الماء
إديم : ساعه اصحيك زي الحمار م تصحى
مهيار : جاني فوبيا من الماء عند جداني نواف والحين انتي
ضحكت إديم وقالت: من ثقل نومك
مهيار : يلا انزلي جايك
ونزلت إديم الصاله تنتظر مهيار