ليتك تعرفين الحال؛ ويش هي نواياي

سته وعشرين

صلو ع نبينا محمد قبل تبدون البارت 🤍

___
" وبعد مرور اسبوع لعدم وجود احداث مهمه "
| في بيت الجد ثنيان |
كان يوم حفله البنات احتفلو ف مدرستهم ولما رجعو كانو مجهزين لهم حفله وبدو يقطعون الكيكه ويضحكون
اخذت إديم الجوال : يلا سلفي ي بنات
إيفان بالم من عمليتها : انا بكون جالسه وبينيني
إديم : اي لاتتعبين نفسك
تجمعو البنات كلهم وتصورو
ملك : اجممللل خريجهه اناااا
ضحكو وبعدين جلسو كلهم يتقهوون ويضحكون
| في الحوش |
كانو العيال جالسين مع الشيبان
مهيار وهو يتنحنح ل ابوه ع ساس يفهم بس ابوه كان يسولف
مهيار وهو يمهس لابوه : يبههه محرص عليك طول الطريق
ابو مهيار بهمس ل مهيار : خلاص طيب اسكت " وتنحنح " يبه انا باغيك بموضوع
الجد ثنيان : سم
ابو مهيار : حنا طالبين يد فجر بنت اختي نور ل مهيار
الجد ثنيان ببتسامه : ونعم وسبع انعام ف مهيار
مهيار : ونعم بحالك يجد
فهد كان يناظر مهيار : ورع ممداك تتزوج
ضربه مهيار ع بطنه
فهد بالم : اهه
الجد ثنيان : اجل الشور والراي ل نور وبنتها ، قم ي فهد يولدي ناد عمتك نور
فهد : سم " وقام ينادي عمته نور وجت وجلست معاهم "
ام فجر : امرني
تنحنح الجد ثنيان : يابنتي ابو مهيار طالب يد بنتك فجر ل ولده مهيار
ابتسمت ام فجر : ابرك الساعات والله انا م عندي مشكله الراي الاخير للبنت
ابو مهيار : اكيد اهم شيء بنيتي فجر اجل مشانا ي خيتي نشاورها " قامو ابو مهيار وام فجر للعند فجر واخذوها ف غرفه خافت فجر ولا تعرف وش فيه ووش صاير "
ابو مهيار : بنتي ي فجر ولدي مهيار باغيك ب الحلال وزوجته ع سنه الله ورسوله
انصدمت فجر وكل مالها ودقات قلبها تزيد
ام فجر : فجر مهيار ولداً زين وانا م امدح عشان ولد اخوي وانتي تعرفين ي امي انتي م ابي لك الا الشيء الزين
فجر بحياء : ونعم فيه
ابو مهيار : فكري انتي ي بنيتي لبكره وردي لنا خبر طيب ؟
فجر هزت راسها ب الايجاب راحت فجر لغرفتها وهي مبتسمه وفيها شعور غريب فكت شباك الغرفه وهي فرحانه وصدمتها الرساله الي ع الشباك ابتسمت وعرفت انه مهيار وهو قال لها بتعرفيني ل جوك يشاورونك فيني فكت الرساله وهي يدها ترجف ولا تعرف كيف توقف رجفت يدها  وكان مكتوب فيها " انا م بغيتك الا حلالي وزوجتي والله يعلم م في قلبي ي فجر بصير لك ابو وام والدنيا كلها م بكون مثل ابوك بس بحاول ووعدك م بيجيك ضرر مني دامك ع ذمتي " وكان راسم له رسمه تضحك تحت الكلام وكان رسمه ابعد من الاسوء ومكتوب تحتها مهيار " ضحكت وهي تمسح دموعها الي نزلت من غير قصد وبضحكه ع رسمته قفلته الرساله وحطتها ف الصندوق وطلعت وراحت عند البنات تجلس معاهم
...
| في المركز |
صار له اسبوع م يجلس ب البيت وكان يشرب دخان ويناظر الموظيفين من برا القزازه وهو مركز ع غزل وهو لو يمسكها كان ذبحها بس صابر عشان تطيح دخل عليه ابو سامي
ابو سامي : نواف
التفت عليه نواف وهو وجهه شاهب ويشتغل ليل نهار : سم
ابو سامي تنهد : اللواء جاء
رفع نواف راسه لابو سامي ببرود وهو معاد يهمي شيء الشيء الوحيده الي يهمه مسكه زايد واخذ حق إيفان : طيب
" طلع نواف وهو متجهه للغرفه وحصل سطام واللواء دق التحيه
اللواء عبدالهادي: استرح
نواف: امرني
اللواء عبدالهادي: تفضل اجلس ي المقدم نواف
جلس نواف وجلس سطام جنبه
اللواء عبدالهادي : شركاء ف القضيه زايد الكندري
نواف : اي نعم
اللواء عبدالهادي: وسويتو شيء بدون الاستشاره ودخلتو شخص خطير للمركز
نواف : انا الي دخلته سطام ماله شغل
سطام التفت ع نواف : الا لي شغل انا معاه طال عمرك
نواف: سطاام
سطام : انا ي نواف لي ف الغلط كثر م لك
اللواء عبدالهادي : قضاياك الي مسول عنها ي نواف بن تركي في قمه الروعه انت وسطام بن مسفر مسك راعين مخدرات في نص الطريق انقاذ رهينه في العماره مداهمت مصنع مخدرات التحقيق مع عنصر اساسي من رجال زايد يعني كل شيء بدون اغلاط تدري تقدر تترقى ي نواف بن تركي ال ثنيان من مقدم ل عقيد ع صغر سنك الا انك احسن من كل الضباط توك ف ٢٦ ومبدع وانت ي سطام تقدر تترقى من رائد ل مقدم بس م هقيت منكم تدخلون اكبر عدو بيننا
نواف : انا اذا كاني باخذ ترقيه ماباخذها الا وانا استاهلها طال عمرك واذا عن اكبر عدو بيننا صح غلط بس ذي اقرب طريقه اني اطيح زايد الكندري ف اشباكي
ناظره اللواء عبدالهادي وهو متعجب منه وكيف هيبته وهو قال : ابوسامي تتوقع يستحقون الترقيه ؟
ابتسم ابو سامي : اكيد يستاهلونهاا وفي العدو الي بيننا دخل انا واثق من نواف وسطام طال عمرك امهلهم وقت وشوف وش يسوون
اللواء عبدالهادي : ٤٨ ساعه امهلكم
قام نواف وسطام دقو له تحيه وطلع اللواء عبدالهادي
نواف : سطام انا بروح اخذ شور بالبيت وابدل وبجيك للبيت تعرف شغلنا
سطام : تمام انا بنتظرك
طلع نواف وهو يركب سيارته ويتوجه للبيت وقف مع وقفه سلطان
سلطان : نور نور بيتنااا
ابتسم نواف وهو يحضن سلطان ويضرب ع ظهره : منور بنور عضيدي
طلع فهد هو ومحمد ومطلق وهم شايلين مهيار ويقولوون : عريسس الزين يتهنى ، يطلب علينا ويتمنى ، عريس الزين ي غالي ، عريس الزين ي مهياروو كل اهل الحاره بتعزوو
محمد : دقيقه وش بعد نسيتها
وسلمان من وراهم ميت ضحك
سلطان : شفيك انت وياه قلبتو باب الحاره
ضحك نواف ضحكه خفيفه وهو من زمان م ضحك
فهد : جاهزززززززززينننن للخبر الصاددمممم
نواف ببتسامه : جاهزين فجره
مطلقق بصراخ : مهياااااااااااارررررر بيتزززززوجججج
سلطان : تبي تتزوج ولا تعلمنا ؟
مهيار بضحك : اول شيء قول للحمير ذول ينزلوني وببرر لكم
نواف بضحك : لو سمحتو نزلوه
نزلوه ومهيار ينفض ثوبه : شوف هو شيء صار بيوم وليله
ابتسم نواف وهو يحضن مهيار : مبروك يولد العم ان شاءالله نشوف عيالك وعيال عيالك
مهيار : يبارك فيك
بعد م بعد مهيار عن نواف حضنه سلطان
سلطان بفرح من فرح مهيار وهم كلهم ع قلب واحد : مبروووك والله يوفقك ويسعدك
نواف : الا هي من هي بنته ي مهيار
مهيار بيتسامه : بنت عمتي نور
نواف : ماشاءالله الله يوفقكم احسنت الاختيار ونعم
محمد : عشاننن كذا وش رايكم نطلع نتقهوى
نواف : الود ودي والله بس عندي اشغال وبروح بيت سطام
محمد : معذور
دخل نواف وسلم ع جده وعمانه الي كانو ب الحوش ودخل غرفته شاف إيفان منسدحه ع السرير ومتلحفه والغرفه كانت بارده استغرب لان الوقت بدري واليوم مجتمعين ليش م جلست معاهم خاف عليها وجلس ع طرف السرير وهو يشيل الحاف من عليها
إيفان وهي تفتح عيونها : نواف
نواف : عيونه
إيفان ببتسامه وجت بتجلس بس م قدرت من الالم ساعدها نواف وقال : يعورك للحين ؟
إيفان : شوي بس
نواف ببتسامه وهو يبعد شعرها من ع وجهها : ليته فيني ولا فيس
ابتسمت إيفان وقالت : اسبوع قاطعنا ليش نادر م تجي وتنام بعد م انام ولما اصحى تكون رحت
نواف : اشتغل ف الي طعنك انا حلفت م ذوق الراحه الا لما امسكه ي عيون نواف
إيفان وهي الدموع تنزل ع خدها
نواف وهو يمسح دموعها وخوف عليها : وش فيك يعورك اوديك المستشفى ؟ 
إيفان وهي تهز راسها ب الرفض : كل م اتذكر الموقف ارتجف واخاف نواف م بيصير لي كذا مره ثانيه صح؟
نواف وهو يمسك شاربه : ع ذا الشارب ي عيون نواف ان مسك احد شعره منك ولا اذاك يحطني جثه قبل يمسكك
إيفان حضنت نواف : بسم الله عليك من الجثث
ابتسم نواف وشد ع حظنها وبعدت إيفان عنه وهي كانت تمسح دموعها
نواف ببتسامه: انتي نامي وريحي وانا باخذ شور وعندي كم شغله م بطول ان شاءالله طيب ؟
إيفان : طيب
قام نواف ودخل الحمام " وانتم بكرامه " ياخذ شور وطلع لبس ثوبه وتلثم بشماغه وتعطر واخذ السبحه وطلع وهو يستغفر ركب سيارته ومشى وتوجه لبيت سطام ودخل وجلسو يخططون ويسون مخططاتهم
سطام : كذا تمام
نواف: اي بس اول لازم احمي عائلتي
سطام : وش بنسوي؟
نواف قام : اعلمك خلك ع الفجريه جاهز
سطام: تامر
طلع نواف وهو يدق ع نايف
نايف : ارحب
نواف : البقى، نقلت؟
نايف : اي بكره اخلص اوراقي وانقل ل الرياض واوراق ابوي الي عند دكتوره
نواف : زين اسمعني ي نايف ابيك في شغله وابيك معي نقنعهم
نايف : وشو امرني
" اليوم الثاني وجاء نايف وابوه وجلسو بالخيمه"
الجد ثنيان: قول ي نواف ي ولدي وش تبي
تنحنح نواف وناظر نايف شوي وتكلم : انا اشتغل بقضيه والقضيه ذي خطيره بعض الشيء
ابو نايف بخوف : خطيره من اي ناحيه؟
نواف : من كل النواحي ، انا ي عمي عبدالمحسن الصراحه ناوي اقولك شيء من قبل بس عشان مرض قلبك سكتت والحين الحمدلله استقرت حالتك
نايف: يبه اسمع الي بقوله نواف بس لاتخاف
ابو سلطان: يولدي كلنا خفنا وش فيكم كلامكم ملخبط
نواف: انا اشتغل بقضيه مقتل زوجه عمي عبدالمحسن
انصقع عبدالمحسن وهو م يستوعب الي يقولونه : وش تقول انت ؟
نواف : اهدى يعم
عبدالمحسن وهو يناظر الجد ثنيان ويناظر ابو سلطان وملامح الخوف ع وجهه
ابو نايف : زايد الكندري ؟؟؟؟؟؟
انصدم نواف وهو ع خبره ان عمه م يعرف القاتل : كيف تعرف يعم
ابوسلطان وهو يحاول يستوعب: نواف طعنت إيفان منه ؟
نواف وهو يناظرهم كلهم ومستغرب كيف يعرفون : كيف عرفتو؟
نايف وهو يناظر ابوه: سنتين ونواف يحفر ف القضيه ي بوي وانت طلعت تعرف ؟
ناظره ابو نايف وهو مكسووور من داخله وتنهد وقال : ي نواف الرجال ذا خطير وانت اعلم بقضيتك " وقال بحزن" بس بنتي ؟ هم م يتقصدون الا الي نحبهم ولاتنكسر من فقد الاحباب جربت الكسر ولا ابيك تجربه ولا ابي انكسر بالبنت
نواف وهو صدق م يبي يجرب كسر الاحباب: عمي الواضح عليك عارف كل شيء
ابتسم ابونايف بحزن وقال : يوم من الايام رجعت إيفان وامها من السوق كانو يتسوقون للمدرسه إيفان ولما رجعتهم للبيت رحت كان عندي اشغال مريت من عند بنايه جديده توهم يبنونها وعجبني موقعها نزلت عشان اشوف راعيها من هو وياليتني م نزلت
"نايف وهو يسمع وكان ع قلبه جمر "
نواف: وش صار بعدها ؟
م قدر يكمل ابونايف من هم ع صدره وكمل الجد ثنيان
الجدثنيان: شاهد جريمه مقتل وكان القاتل بشحمه ولحمه زايد وقتها كشفه زايد ان عرف وعبدالمحسن ماكان حاب يترك دم الرجال ب الارض وراح يعلم الشرطه وكان زايد يهدده م يعلم وفي الاخير قرر عبدالمحسن يعلم ممداه يرجع من مركز الشرطه " غمض عيونه "وقال: حصل تهاني ميته " تهاني زوجه عبد المحسن وام نايف وإيفان"
ابو نايف وهو يتدارك دموعه الي بدت تنزل حضنه نايف
نواف : اوعدك ي عمي اني لاخذ بثار زوجتك وبثار الرجال الي راح دمه بالارض
ضرب ابوسلطان ع كتف نواف : انشهد اني جبت لي رجال
الجد ثنيان: انا حاولت اطلعه بس وقتها سافر لندن الكلب امداه رجع
نايف بحرقه: الله يجعل جثته بالنار
نواف : انا عشان اكمل القضيه لازم امنكم كلكم ، ابي ناخذ الحريم ي جدي وكلنا نروح ل الديره بدون استثناء الكل نفك بيتنا الي بالديره ونقعدد فيه واكون عارف انكم ف امان اتفقنا ي جد؟
الجد ثنيان ناظر نواف وقال : تم يولدي بعد زواج فجر ومهيار ع طول نروح الديره
ابتسم نواف وهز راسه ب الايجاب وقال عشان يغير الجو شوي : شكل البنت وافقت
ابتسم الجد ثنيان: اي اليوم اعطتنا موافقتها ، ونستعجل بالعرس ومن ثمها معاريسنا يسافرون وحنا نروح الديره
نواف : تمام ، وبعد عمي عبدالله يعرف الموضوع؟
ابوسلطان : اي يعرف بنكلمه هو بعد
نواف : يلا بروح ابدل ملابسي وعندي كم شغله استاذنكم
الكل: الاذن معك
التفت عليهم وقال: إيفان لاتعرف بشيء طيب ؟
ابونايف : اكيد الافضل لها
ابتسم وقام ودخل غرفتهم شاف إيفان نايمه قرب منها ممداه يجلس ع السرير الا فزت إيفان تصيح : بعد عنيييي بعددد عنيييي منننن انتتت وش تبي فينييييي امييييي
نواف عوره قلبه ومسكها وهو يحضنها ويحاول يهديها: ذا انا ي إيفاان انا
بكت في حضنه وتشهق شد ع حضنه وقال : تمام تمام انتهى كل شيء " وبداء يقراء عليها ": «قُلْ أَعُوذُ بِرَبِّ الْفَلَقِ مِن شَرِّ مَا خَلَقَ وَمِن شَرِّ غَاسِقٍ إِذَا وَقَبَ وَمِن شَرِّ النَّفَّاثَاتِ فِي الْعُقَدِ وَمِن شَرِّ حَاسِدٍ إِذَا حَسَدَ >> قُلْ أَعُوذُ بِرَبِّ النَّاسِ مَلِكِ النَّاسِ إِلَٰهِ النَّاسِ مِن شَرِّ الْوَسْوَاسِ الْخَنَّاسِ الَّذِي يُوَسْوِسُ فِي صُدُورِ النَّاسِ مِنَ الْجِنَّةِ وَالنَّاسِ»
"بدت إيفان تهدى ع صوت نواف وهو يقراء ويمسح ع شعرها بعدها نواف عنه وهو يمسح دموعها وشايف وجهها الشاهب وتعبان وصوتها مبحوح من كثر البكي "
نواف : شفتي كابوس
إيفان وهي فمها يرتجف مع الكلام : كابوس صار لي ف الحقيقه
نواف : انتهى كل شيء تمام ؟ قومي وخذي لك شور وصلي ركعتين
إيفان وهي تمسك يده: لاتروح
نواف: م بروح
قامت ودخلت للحمام" وانتم بكرامه " اخذت دش وطلعت لبست وجت وهي جرح عمليتها يوجعها قام نواف لما شاف الالم ع وجهها يساعدها تجلس
نواف: يوجعك مره ؟
إيفان بصوت مبحوح : شوي
نواف: ي ليتني اقدر اخذ كل اوجعاك ولا اشوفك تتوجعين
ابتسمت إيفان له ودق جوال نواف ورد وكان سطام
نواف : الوو ، طيب جايك ، انتظرني لاتسوي شيء لين اجيك " وقفل " جلس عند إيفان وقال : عندي شغل مهم مره ابيك تروحين الحين وتاكلين ، وترانا بنروح الديره
إيفان: الديره؟
نواف: اي نغير جو
إيفان ببتسامه : تصدق م اعرف ديرتنا
نواف: انا اوريك كل م بديرتنا اجمل ديار الكون ديارنا
ضحكت إيفان وقال نواف: يلا زي م قلت قومي اكلي لك شيء
هزت إيفان راسها ب الايجاب وطلع نواف وتوجه ل سطام
...
| عند ام سلمان|
دخل سلمان عليهم
سلمان : صبحكم بالخير
الكل : صبك بالنور
شهد : اهلاً اهلاً باخونا العزيززززززززززززز
سلمان: اهلاً باختي العزيزه
ام سلمان ببتسامه: م دريت يولدي ؟
سلمان : عن وش
ام سلمان : فجر وافقت ع مهيار وبيستعجلون ف زواجهم
سلمان ببتسامه كلها فرح ل مهيار : والله ، الله يوفقه
ام سلمان : امين ، عبال م اشوفك معرس
ابتسم سلمان : ان شاءالله
شهد ببتسامه غبيه: تصدق انا اعرف عروستك بس انتم م تدركونها
ريتاج بضحك وهي عارفه شهد من تقصد ودايم شهد تقوله ل ريتاج ان ذا البنت تصلح ل سلمان
سلمان: الله حاجزه لي وانا مدري
جلسته شهد وتنحنحت : اول شيء بصب لك قهوه " اخذت الدله وهي تصب لسلمان ولها "
ودخل مطلق : السلام عليكم
الكل : عليكم السلام
سلمان : وين كنت ؟
مطلق: مع فهد ومحمد ف الكوفي
سلمان : اها
مطلق : اي وش تسوون واضح انها محادثه مهمه
سلمان بضحك : اختك تقول عندها عروس لي بس احنا م ندركها
مطلق : وانا مالي ؟
ضحكت ام سلمان : الله يرب اني اشوفكم معاريس واشوفكم عرايس وازفكم بيديني كلكم
قامو كلهم يبوسون راس امهم :اللهم امين
سلمان : اي ي شهد من ذا العروسه
تنحنحت شهد : مي
سلمان وهو م يعرف من مي : مي ؟
ريتاج : شفيك انت الي ذبح لهم جدي بنت ابو مي م عرفتها ؟
ام سلمان : اوو والله ونعم ب مي جمال اخلاق واناقه
سلمان وهو يمسح ع شربه : ي خي ملحقين ع الزواج الحين م ابي
ام سلمان: ليش يمه ؟ خلني افرح فيك
شهد : اقوللل مي لاتطيرها من يدك
سلمان بضحكه خفيفه : الي يشوفك يقول متملك عليها
" وقام " يلا مطلق نروح نصلي الظهر
ناظرتهم ام سلمان : الله يهديك يمه ، تقبل الله
باس سلمان راسها : منا ومنك صالح الاعمال ي الغاليه
وطلعو سلمان ومطلق يصلون
...
| في بيت الجد ثنيان |
كانو البنات جالسين مع بعض
إديم : اي يعروستنااااااااا وش رايك بذا الفستان ؟
ابتسمت فجر : حلو
مجد : الدينا غريبه كانت تقول ل جدتي متى يتزوجون مجد وملك والحين هي الي بتتزوج وقبل اسبوعين تبحث عن روب التخرج والحين فستان العرس
" ضربت فجر مجد ع راسها "
مجد : اههه
ضحكت إديم : اتركو عروسه اخوي تروق
" سكتو ع دخول إيفان وهي واضح التعب عليها"
إديم وهي تصفق : جاء الزينن كله
ابتسمت إيفان وجلست
إيفان : فجوري حصلتي فستان؟
فجر : عندي ثلاث اختيارات محتاره بينهم
إيفان : اشوفها
لفت فجر الابتوب على إيفان
إيفان وهي تاشر ع واحد منهم : ذا يجنن
إديم : نفس اختيااااري ، انا وياك ف الاذواق نفوز
إيفان بضحك وكان مودها تغير وهمست باذن إديم : عقبالك انتي وسلطان
إديم بنفس الهمس : م بقول مو امين بس والله لاهفك كوع بس احمدي ربك انك تعبانه
ضحكت إيفان : م بتقولين مو امين اجل ، امينننن
ابتسمت إديم وهي تسوي نفسها مشغوله ب الفساتين وهي م تدري ليش راح باله عنده
إيفان : إديموه اشوف حراق يدك كيف ؟
إديم وهي توريها : راح شوي بس بقي اثر بسيط
إيفان : الحمدلله
...
| في بيت زايد الكندري | غرفه فيصل تحديداً
سلم من صلاه الظهر وهو يدعي بالمغفره وبالتوبه لله عز وجل ويقول ف دعوته : اللهم إني أستغفرك وأتوب إليك من كل ذنب أذنبته ولكل معصية ارتكبتها.. فأغفر لي يا أرحم الراحمين. -اللهم فكما أمرت بالتوبة وضمنت بالقبول وحثت على الدعاء ووعدت الإجابة فصل على محمد وآله وأقبل توبتي ولا ترجعني مرجع الخيبة من رحمتك إنك أنت التواب على المذنبين والرحيم للخاطئين المنيبين.
دق جواله وكان مطلق
فيصل :ارحب
مطلق : كيفك معاد لك خبر
فيصل تنهد : ممنوع الطلوع علي بس بخير انا
مطلق : خلصت الجامعه طبعاً ف اجازه
فيصل : بغيت شيء ؟
مطلق : سلامتك اذا بغيت شيء مني انت اتصل
فيصل ببتسامه: تسلم
"وقفل"
...
| في المركز |
دخل نواف عند سطام ورمى عليه ملف
نواف : كشفنا كل شيء معاد نحتاج غزل بطلعها من الشغل
سطام: لسجن ؟
نواف : لا ، كذا بنثور غضب زايد وانا ابيه يهدى لين م اثور انا كبده
سطام: تمام واللواء؟
نواف : كلمته قبل لاجيك وعطاني الموافقه
سطام : تم انا جاهز
ابتسم نواف وجلس وهو يبي يلعب ب زايد ب اصبعه

<< بعد مرور ثلاث ايام>>
يوم زواج فجر ومهيار كانو البنات ف الصالون ويتضبطون ويجهزون العروسه للزواجها دخلت ملك ع فجر
ملك : يلبيهههه ي الجمال صاروخ
ابتسمت فجر : وانتي جميله بعد
دخلت إيفان عليهم ببتسامه : شذا الاناقه وشذا الجمال
فجر: هييي استحيتتت
إديم: بناتتتتتت من معاها صمغ اظافير
مجد : شوفيه ف شنطتي
______
بوصف لكم فساتين البنات
إيفان | فستان فوشي ناعم وهادي عاري اليدين ماسك من عند صدرها ومنفوش شوي من تحت يوصل ل فوق ركبتها بشوي وكعبها ابيض عليه كرستالات
___
إديم| فستانها ازرق ضبابي عاري اليدين مفتوح من عند الظهر متقاطع بفتحه للفخذ ثنيه وكعبها فضي
___
ملك | فستانها اسود ببعض كرستالات من عند الصدر منفوش بعض الشيء عاري اليدين كعبها ابيض
___
مجد| فستانها لونه كحلي لامع ياقه غير متماثل الثنيه حافه حوريه البحر وكعب فضي
___
ريتاج | فستانها ازرق بحري وكم ابيض واكمام منتفخه يوصل لفوق الركبه بشوي وكعبها ابيض
___
شهد | فستان اسود لامع من عند الصدر بحافه مطوي مفتوح الكتف الواحر ترتر متابين الون وكعب فضي
_____
ام فجر: تعالي اقراء عليك ي بنتي
قرت عليها وكان محمد برا ينتظرهم بيطلعون معاه ...
____
ننهي البارت لين هينا يحباني ادعموني بنجمه وتعليق حلو مثلكم 🤍
البارت قصير بعض الشيء ان شاءالله اعوضكم 💗💗💗💗