ليتك تعرفين الحال؛ ويش هي نواياي

البارت الثالث عشر

صلو ع نبينا محمد صلى الله عليه وسلم قبل لاتبدون البارت
ضيفوني انستا llzix_2"
وضيفوني تيك llzix8 "

"ليتك تعرفين الحال؛ ويش هي نواياي"
........
دخل المركز وهو متوجه لساحات التدريب وكانت شمس الرياض حريقه بدا يتدرب بكل قوته وبكل قسوه ربط الحزام ع خصره وتسلق وكان البرج طويل ( برج التدريب ) وصل نص البرج وبتنهيده وتعب والشمس ع راسه ومن قوه الصداع مغمض عيونه كمل تدريبه وهو يقسى ف التدريب
دخل سطام ساحه التدريب وهو يشوفه انتظر يخلص تدريبه وهو يشوفه يقسى ب التدريب وكل ماله قساوته تزيد
سطام وهو يرفع صوته : خلاص انتهى التدريب
نزل نواف وهو يمسح الدم الي نازل من خشمه وطلع براء ساحات التدريب وسطام وراه
نواف وهو يطعم الدم ع لسانه : نبي نوقف التدخلات ذا الفتره
سطام ب استغراب : ليش
نواف : لين اخلص عرسي
انصدم سطام : عرسك انت ؟
نواف : اي
سطام : نواف الي م يفكر ف الزواج وكان همه شغله وقضيته يبي يتزوج الحين ؟
نواف : بيتزوج عشان القضيه بعد
انصدم سطام : انا اخر من يعلم
نواف : لا حشى بس كلشي صار بسرعه
سطام : شلون عشان القضيه
نواف: بتزوج بنت عمي عبدالمحسن
سطام : عشانها تضررت ؟
نواف : عشان احميها عشان اوفي بوعدي عشان م اخلي ابن الكلب يمس شعره منها

<< تقديم الوقت >>

دخل عليهم وشافهم شابين النار وهو لابس بدلته العسكريه
سلمان : جاء جاء شاعرنا
محمد : وش شاعرنا معاد هوب شاعرنا صار عريسنا
ابتسم نواف : شاعركم وعريسكم والي تبونه
سلطان : هات قصيده اجل ي عريسنا
ضحك نواف وقال : الزمن غدار من شاعركم الحين عريسكم
مهيار : موب تقول الي نبي ؟ خلاص نبي عريسنا
نواف : قلت ع سياق الحديث وماتوقعت بتختارون عريسكم
سلطان : لا لا عريسنا
نواف : حتى انت ي الكبد ؟
ضحك سلطان : الله الله
نواف : باقي م خطبت
محمد : تخيل تجحفلك بنت اخوي
نواف ببرود  : مهي بمشكله " وقال بكل نرجسيه " بتكون هي الخسرانه وقتها
سلطان : مافي الا واحد مثل نواف ف الدنيا وان راح عليها بيتملكها الندم
محمد : شف شف النرجسيه هو واخوه الا مافي مثل بنت اخوي الا وحده وان راحت عليك بيتملك الندم
نواف تنحنح : ونعم فيها
مطلق بتغير موضوع : ماودك تقول قصيده تراني انتظر
ابتسم نواف وقال :
من شاف عيونك ذكر ربه
وقال يالله سبحان خلقك
م اجمل ذي العيون عيون ي الربع
من جمالها تعجب العيون
ان ناظرتها سرحت فيها
وان كلمت صاحبها تنسى وش يقول
خالطت صوت العيال الي يصفر والي يصفق
محمد وهو ياخذ شماغه ويرميه ع نواف : صح لسانك
التقط نواف شماغ محمد وقال : صح بدنك
فهد : الله الله يتكلم ف العيون من الحين وهو باقي م تزوج
مهيار بضحك : يتخيل من بدري
نزل نواف راسه وابتسم : اوص اوص انت وياه
...
| في بيت الجد ثنيان | صلاه الفجر
قام الجد ثنيان يصحي عياله واحفاده ل صلاه الفجر والجده راحت تصحي الحريم والبنات
الجده : يلا يابنياتي قومن ل الصلاه
صحت ملك وهي تتثاوب : ابشري ي جده
الجده : إديم هينا ؟
ملك وهي تهز راسها بالايجاب : ماراحت مع اهلها امس
طلع الجد للحوش وتوجه لغرف العيال بس م حصل احد فيها كانت الغرف كلها فاضيه ومافيها احد استغرب ودخل ع الحريم وسالهم
ام فجر : يبه كانو اليل ف السطح عند جلستهم شوفهم
طلع الجد وهو يطلع لهم فوق دخل شافهم متسدحين ونايمين كان نواف نايم ع رجل سلطان وسلطان حاط راسه ع يده ومهيار وفهد وفي نصهم محمد كانو لابسين الفروه مع بعضهم ومطلق نايم وحاط شماغه ع وجهه وسلمان نايم ع رجل فهد ابتسم الجد لما شافهم
ابو سلطان : يبه حصلت العيال
الجد ثنيان : اي اي شوفهم يولدي
شافهم ابو سلطان وراح الجد يصحيهم فز محمد وهو منفجع : سم يبه سم
الجد ثنيان : قومو قومو الصلاه
صحو العيال معاد فهد ومطلق 
الجد وهو يرفع صوته : فهددد مطللققق
فزو العيال وهو منفجعين من صوت جدهم
محمد وهو حاط الفروه ع راسه وسلطان شايل المخده والحاف
ابو سلطان: نواف انت ببدلتك العسكريه ؟
نواف وهو يحك عيونه : راحت علي نومه بروح ابدل واجيكم
<<تقديم وقت >>
ع صلاه الظهر تجهزو الريجيل عشان يروحون الشرقيه
كانو ثلاث سيارات سياره فيها فهد ومحمد والسياره الثانيه ابوسلطان وجنبه الجد ثنيان والسياره الثالثه عريسنا نواف وسلطان كان سلطان يسوق بدال نواف ويقول : عريسنا لايسوق يرتاح
نواف : لحوول
ضحك سلطان : ذا وجه واحد راح يخطب ؟ ابتسم
نواف وهو يتصنع الابتسامه: كذا ؟
ضحك سلطان بصوت عالي : اي كذا يالكبد
..
| في الشرقيه |
ابو نايف: بنتي إيفان ي بنت
طلعت إيفان من المطبخ : سم يبه
ابو نايف : يابوي انتي تشتغلين ويدك كذا ليش ؟
ابتسمت إيفان : لاعادي م اشتغلت شيء كثير
باسها ع راسها : جدك وعمك جاين
انصدمت إيفان او بالخص يراودها سوال ليش جاين
إيفان : ليش ليش
ابو نايف : والله مدري بنشوف لاجو
توترت إيفان وخافت انه يكون بيخطبها من ابوها وبدت ترجف
دخل نايف عليهم : سلام عليكم
ابو نايف : عليكم السلام
نايف : جاء جدي ؟
ابو نايف : ع وصول
<<تقديم وقت >>
بعد مرور ساعتين دق الباب وقام نايف يفتح كانت إيفان فوق ف غرفتها وشافتهم لما وصلو من الشباك شافته وهو نازل من السياره وهينا بدت تخاف اكثر شافته راز نفسه ويمشي بكل هيبه ووراه سلطان وبدو يلسلمون ع نايف وع ابو نايف ودخلو
في المجلس |
بدا نايف يدور عليهم ويصب لهم القهوه وجلس جنب ابوه
ابو نايف : يحيا الله من جانا انشهد انكم اسعدتوني
الجد : الله يحيك يولدي وجاين باغينك بموضوع 
ابونايف استغرب وقال : عساه خير وشو هو
تنحنح الجد ثنيان وقال :خير خير باذن الله انا طالب يد بنتك إيفان ل ولدي نواف ع سنه الله ورسوله وولد اخوك نواف رجال وكامل والكامل الله
ابتسم ابو نايف : انشهد انه رجال وكفو م اقول كذا عشانه ولد اخوي لاوالله انه رجال معروف بطيبته وكرمه ولي الشرف اني اعطيه بنتي
ابتسم نواف وقال : الله يسلمك يعم
ابو نايف : انا موافق بس الشور والراي الاخير يرجع للبنت
الجد ثنيان : الله الله وان شاءالله بنتي إيفان م ترده
..
| في الرياض |
مجد بصدمه : وشووووووو نواف راح يخطب إيفان
ام سلطان : وصمخ ليش رافعه صوتك
ملك وهي تحك اذونها لعلها تسمع غلط : يمه منجدك ؟؟
ام سلطان : وجع انتي وياها اي منجدي
مجد بفرح : وناسه بتصير إيفان عندنا لايقين يمه احسنتو الاختيار
..
|في الشرقيه | اليوم الثاني |
كانت متوتره مره وهي جالسه قدام ابوها الي قال لها ابيك بموضوع اما نايف كان جالس وهو بس يسمع لهم وهو يدعي لعل ابوه يقنع إيفان
إيفان وهي تعض اظافرها بتوتر : وش بقيت يبه
فاتحها ابوها ب الموضوع وقال : اذا تبي رايي وانا ابوك انا موافق وشاري لي رجال وانتي كبرتي ي بنتي
إيفان : يبه انا ابي ادرس تكفون مابي اتزوج
تنهد ابو نايف : يابوي انا ماقلت لك اتركي دراستك نواف ماهو مقصر بيدرسك وبنشرط عليه اذا تغليني وانا ابوك تزوجي نواف ابي اشوفك عروسه ابي اشوفك بفستانك الابيض ابي اشوفك مع الرجال الي اشوفه يناسبك الرجال الي واثق انه م بينزل دمعه من عينك ابي اشوفك قبل م اموت
نايف وإيفان بصوت واحد : الله يطول بعمرك
ابو نايف وصوته مبحوح : ابي اشوفك عروس امك ماشافتك انا بشوفك
بكيت إيفان من طاري امها : يبه تكفى لاتتفاول ع نفسك ان شاءالله نحصل لك قلب ونسوي لك عمليه
باسها ابو نايف ع راسها : العمر الي بيعطيني اياه ربي راضي فيه
نايف وهو يسمعهم وفيه غصه شلون امه م بتكون في زواجه وزواج اخته ؟
قام ابو نايف وهو يمسح دموع إيفان : فكري وانا ابوك وعطيني الرد
...
|في المدرسه |
مجد : بقول قصيده ي بنات
ملك : شايفه نفسك نواف ؟
فجر بضحك : تدور مواهبها
دخلت مي عليهم الفصل وهي ترشهم ببخاخ
شهقو البنات : ميييييييي
ومي وهي مستمره وتضحك : رموشك بموت بيضاء
قامت مجد تجري لها ومي جرت لما شافتها : ي حيووانههههههه
مي : استهدي بالله
سمعو صوت الاستاذه وهي تصيح ف اخر الممر وجرو مجد ومي للفصل كفايه مشاكل خلاص اخر سنه لهم ثنوي
ملك وهي تمسح شعرها من البخاخ : حسبي الله عليك ي مي
ومي ميته ضحك : كانكم رجل ثلج انتي وياها
مجد وهي ماسكه القلم : وربي افقع عينك
مي : يهون عليك ؟
مجد : وبضمير مرتاح جداً
ضحكت مي : افا
...
صحت من نومها ع صياح كالعاده تاففت وقامت من السرير كانت غرفتها فوضه من الوان الرسم حقتها الى لوحاتها ف كل مكان فكت باب الغرفه وتوجهت لباب شقتها فكته شافت البنت الجنبيه الي واقفه
‏:Quel est le problème ? " ولي تعني وش ذا الازعاج "
البنت : Il bat sa femme comme d'habitude " يضرب زوجته كالعاده "
سمعو صوت الاسعاف الي تعودو انهم يسمعونه مايمر اسبوعين الا وهو عند بيتهم 
‏: Pourquoi ne prévenez-vous pas la police ? " لماذا لاتخبر الشرطه "
البنت : Je ne sais pas mais donne de fausses excuses " لا اعلم ولكن تعطي اعذار كاذبه "
...
| في الرياض |
زايد وهو يلعب بالقلم في يده : ماله صوت ذا الفتره
تكى ظهره ع الكرسي وقال ل زايد : وراه حاجه مو بهينه ي زايد
هز زايد راسه ب الايجاب : بخليه يشوف شمس الظهر بعز القايله بخليه يعرف وش معنى انه يدور وراء زايد
: خلنا ناخذ الهويه الامريكيه بعدها " ضحك ضحكه عاليه " نشوف شغلنا معاه
ابتسم زايد : قريب قريب ي الشريك
..
بعد مرور يومين | وكان اليوم يوم الخميس يوم جمعتهم |
في الشرقيه |
كانت إيفان لابسه فستان احمر صيفي علاقي يوصل لين تحت ركبتها مربوط من عند الخصر لبست اكسسواراتها وكعب ابيض سوت شعرها ويفي ونزلت تحت تشوف ابوها واخوها
نايف : وش ذا الزين
ابتسم إيفان ع مدح اخوها
نايف : إيفان ابي اكلمك بموضوع
إيفان : اذا موضوع نواف تكفى لاتجيب طاريه خلني مستانسه اننا بنروح الرياض
نايف : يعني منتي موافقه؟ نعطي رفضنا
إيفان بتردد : ماقصدي مو موافقه بس م فكرت
نايف : اليوم بنعطي ردنا ي إيفان
إيفان وهي تناظر اخوها بنتظرات تتكلم تبي تقول له الا نواف زوجوني اي احد ثاني هو لا انا اخاف منه اذا شفته شلون بصير زوجته ؟ كلشي بسويه غلط بيعصب علي فيه
نايف وهو يصحي إيفان من تفكيرها : الووو
إيفان : هلا
نايف : وش بلاس سرحتي
إيفان : ولاحاجه
ابو نايف من وراهم : جهزتو ي عيالي
نايف : اي يبه خالصين بحمل العفش ( الاغراض )ف السياره
ابو نايف : زين وانا ابوك زين " لف ع بنته إيفان وقال : فكرتي وانا ابوك ؟ اتمنى يكون ردك مرضيني
إيفان وقلبها يعورها وماودها بس ابوها يحزن لدرجه ودها تطلع قلبها وتعطيه اياه وقالت: ...
....
حاط راسه ع المكتب ومغمض عيونه دخل عليه وهو يناظره وجلس ع الكرسي
سطام : اليوم الخميس منت رايح لاهلك ؟
رفع راسه نواف وقال : بخلص الشغل وبروح
سطام : اكمله عنك ماعندي مشكله ماعندي لاشغله ولا مشغله
نواف : لا انت روح خلاص وقع واطلع
سطام : ي رجال اهلك ينتظرونك انا ماعندي احد ينتظرني ب البيت
طالعه نواف وقال : اجل ساعدني واطلع معاي لبيتنا
سطام : شدعوه وش يجيبني ببيتكم وفي جمعه العايله لا ي ابن الحلال روح انت وبكمل شغلك من ثمها برجع البيت
نواف : وانت من ضمن العايله انت اخوي ي سطام
ابتسم سطام : اجل يلا
...
| في بيت الجد ثنيان | في المجلس تحديداً |
ابومهيار : يبه كملت الخيمه ولا باقي ؟
الجد ثنيان بفرح : اي بالله كملتها باقي اثاثها من الداخل
ابو مهيار :اي الحمدلله بسيط الاثاث
ابو سلطان وهو يناظر ل ابو نايف : اقول يابوي نايف
ابو نايف : سم
ابو سلطان : خابر لنا مطلب عندك
ابو نايف ابتسم وقال : اعطيت بنتي إيفان ل نواف
فرح الجد والابتسامه شاقه وجه شق: الف مبروك والله يجمع بينهم بالخير ويوفقهم
قامو العيال ع نواف يباركون له
سطام : مبرووك ي عريسنا
نواف: حتى انت
ضحك محمد : لاوصيك ع بنت اخوي
نواف : لاتوصي حريص
نايف ببتسامه : م عطيناها الا رجال واثقين فيه وعارفين انه بيصونها
نواف : الله يسلمك
...
| عند البنات | في الصاله|
ملك : هلا والله بزوجه اخوي
ابتسمت إيفان ابتسامه جانبيه
مي: مبروك إيفان
إيفان : يبارك فيك
ام فجر : ي بنات قومي سوو القهوه والحلا
قامو البنات
مجد :إيفان انتي اجلسي بما انك خلاص زوجه نويفان ف بندلعك
إيفان بلعت ريقها من طاريه وقالت :معليش بساعدكم
فجر : انثبري مكانس ي العروسه
إديم : حتى انا بنثبر معاها بقضي الشوق
شهد : انثبري
راحو البنات مابقى الا إيفان و إديم
إديم : تراني مو مقتنعه بعذر يدك الي قلتيه
إيفان :ليش
إديم: يدك م انجرحت من الكاسه إيفان انتي من اول م جيتي وانتي سرحانه
إيفان والذكريات ترجع لها بدت تدمع
إديم : إيفان لاتخبين علي شيء انا مثل اختك
حظنت إيفان إديم وهي تبكي هينا خافت إديم مره صح إيفان حساسه وممكن تبكي بسرعه بس م توصل ل الشهقان والرعب الي تشوفه إديم بعيونها

اعذروني اذا فيه اخطأ املائيه❤️