ليتك تعرفين الحال؛ ويش هي نواياي

ثمانيه واربعين

صلو ع نبينا محمد عليه افضل الصلاه والسلام ....

...
ملك بترجي : جده تكفيننننننن اترجاك
ام فجر : ي بناتي بكره م يصير الحين ، عددكم كثير تروحون هناك يحسبونكم مجنن
ايفان : طيب بس انا اروح
ناظرو البنات فيها وقالو بصوت واحد : ع كيفك
ضحكت الجده منيرا : محد برايح بعدين انتي كيف تروحين وتتركين بنتك ؟
ايفان : اديم عندها
اديم : لا يحبيبتي انا بروح بعد
ام فجر : محد برايح وخلاص
" راحو ام فجر والجده مع محمد وفهد سولفو البنات في الحوش شوي وقامو ينامون ، وبعد عند العيال طلب سطام اذنهم وطلع من عندهم قام نواف وتوجه لغرفته "
| في غرفه نواف& ايفان |
دخل نواف الغرفه وشافها فاتحه شعرها قدام المرايه ، ولابسه بجامتها ، اخذت فرشه اسنانها ودخلت تفرش اسنانها وقتها نواف م تحرك من مكانه ابداً ، طلعت ايفان وهي تاخذ المنشفه تنشف وجهها ، وهي ماتناظر نواف من اول م دخل ومستغربه انه مكانه وبس يناظر ، مرت من جنبه متوجهه لسرير ، مسكها نواف من عند بطنها وضرب ظهرها ب صدره ، وهب عليه ريحت شعرها ، غمض عيونه وهي يشم ريحت شعرها الي عذبته ، كان قلب ايفان يدق وهي معاد تعرف هو وش وضعه
نواف بصوت خشن وكله غيره وبهمس : كيف تطلعين كاشفه ها ؟
ايفان وهي خافت من عصبيته وهو للحين ماسكها وظهرها ع صدره : ماشفتهم شفتك بس انت ونايف ، ماني متعمده
نواف وهو كان بيعصب عليها بس هي كانت تاثر عليه بشكل قال بصوت كله بحه : تحطين ع وجههك وانتي طالعه ثاني مره سوا فيه احد او لا ، العيال دايم ب المجلس تسمعين ؟
فكت ايفان يده الي كانت ع بطنها والتفت عليه التقت عيونها مع عيون نواف وهي ودها تعاتبه ودها تضربه وتدها تخنقه : بس ؟ اي اوامر ثانيه ي اخ نواف
نواف عرف انها تطقطق عليه شد ع سنونه : تستهبلين معي ؟
ايفان : لانك بس كذا بس تامرني بس سوي حطي خدامتك مو زوجتك ، قلت ماني متعمده رغم ذالك حطيت الغلط علي انا وحده اخاف من ربي ماني همجيه زي الي تزوجتها " قالتها ايفان من غير عمد "
نواف وهو يغمض عيونه ويحاول يمسك اعصابه مسك يدها بقوه : تكلمي معي زين ثاني مره
ايفان وهي عيونها بدت تدمع ويدها عورتها مررره من شدت نواف : توجعني عشان قلت همجيه عنها ؟
نواف وهو يشد ع يدها اكثر لدرجه ايفان انحنت من الالم : لاتخليني اطلع عن طوري واسوي اشياء مابي اسويها
نزلت دموع ايفان بالم : عورتني فك ايدي
نواف وهو نقطه ضعفه عيونها ودموعها فك يده وهو يشوفها تتالم وماسكه يدها الي صارت حمراء وكان شوي ويصب الدم منها ، مسك يدها بخوف وهو مشكلته م يقدر يسيطر ع عصبيته
نواف بصوت خوف : تعورك مره ؟
سحبت ايفان يدها منه وهي تبكي : وكانه يهمك
"التفت ايفان ع صوت روح الي صحت من صوتهم وتبكي قربت منها وكانت تبي تشيل روح بس يدها عورتها "
ايفان وهي تشيل روح : اههه
قرب نواف منها واخذ روح وكانت روح تبكي وايفان تبكي ، جلس ع السرير وحط روح بشويش ع السرير ، مسك ايفان الي كانت تبكي جنب سرير الاطفال حق روح ، ومسح دموعها بيده ومسك يدها وسلم ع يد ايفان
نواف بصوت خشن : اسف ، ماكنت متعمد عصبيتي سيطرت علي
كانت ايفان ترد عليه بشهقات بكي
نواف قرب منها وشال ايفان لين صارت فوق
ايفان بصوت بكي : نزلني وش تسوي
ابتسم نواف وهو وجهها كان قريب من وجهه ، مشا لين قرب من السرير ونزلها على السرير بشويش جنب روح ، مسك يدها وفتح الدرج اخذ مرهم ، فتحه وبدا يمسح ع يد ايفان الي كانت تتالم بعض الشيء
نواف وهو يمسح : تعورك ؟
لفت ايفان وجهها عنه ولاردت ، مسك طرف وجهها بيده الخشنه لين ناظرته
نواف وهو يناظر عيونها : سالتك تعورك ؟
ايفان ببرود : شوي
بدا نواف يهمز يدها ويمسح عليها ، بكت روح وهي تتحرك جنب ايفان بزعل وضح ع ملامحها زعل الاطفال البرئي ، جت ايفان بتاخذها
نواف : باخذها انا ، لاتعورين يدك
راح نواف للجهه الثانيه من السرير وشال روح بين يدينه ، وانسدح وحط روح ع صدره ببتسامه وهو يشوفها تتحرك فوق صدره ، ناظر ايفان مسكها وهو ياشر ع صدره
ناظرت ايفان شوي وحطت راسها ع صدر نواف ، كان وجه روح ب وجه ايفان
ابتسم نواف وهو يلعب بشعر ايفان ، وايفان حاطه يدها ع ظهر روح لين نامت روح
ايفان بهمس عشان م تصحى روح وتبي تطلع الي بخاطرها : عجزت افهمك عجزت افهم غموضك عجزت افهم مشاعرك ، ليش تسوي فيني كذا ؟
نواف وهو يمسح ع شعر ايفان ويسمع كلامها : اعجزي عن فهم كل شيء الا مشاعري لاتعجزين عن فهمها
رفعت ايفان راسها لين صار مقابل وجه نواف : كيف م اعجز عن فهمها وانت م تظهرها ؟
ابتسم نواف وهو يناظر عيونها السود : ناظري عيوني وبتفهمين
ناظرت ايفان بعيونه الناعسه : عيونك ناعسه
ابتسم نواف ابتسامه بحب : بس هذا الي استخرجتيه من عيوني ؟
تاففت ايفان وقامت من على صدر نواف : لاتكلمني ب الالغاز ، انا بس قلت الي في خاطري وشف لوين وصلنا ،

نواف وروح نايمه ع صدره وايفان جالسه معطيته ظهرها مسك يدها والتفت ايفان عليه: وش بخاطرك بعد تبين تقولينه ؟
ايفان وهي تتامل يدها الي عورتها : تعبت وانا اقول الي بخاطري ، تعبت وانا اعاتب ، تعبتتت تفهم وش يعني تعبتتت ، تعبتتت من كل شيء بالحياه كل شوي الحياه تصدمني بشيء اقوى من الثاني ، تعبت وانا كل يوم اطيح ع غموض جديد ، اعرف جرحتك بس صدقني انت جرحتني اضعااف
نواف وهو يبعد خصله من شعرها ويشوف كسر ايفان : وش جرحتك فيه ؟
ايفان ناظرته وعيونها مليانه : وتسال ؟ ، لو شفتني مع ولد مثل م شفتك مع بنت وش بتسوي ؟ ، ولا مع بنت قاتل امي وماعلمتني ان امي ماتت مقتل " نزلت دموع ايفان ومسحها نواف بيده وسحبها لصدره "
ايفان شدت ع حظن نواف وبدت تبكي وهي تتذكر امها ، بعد نواف روح عنه وهي نايمه ، مسك ايفان وشد عليها
نواف بصوت يهدي ايفان : مابغيت اعلمك مابيك تضيقين ويملى قلبك الحقد ، وانا قلتها لعمي وقلتها ل نايف دامني عايش قاتل امكم بيموت ع يدي ، لاعاد تفكرين وتسرحين وترهقين نفسك ب التفكير ، راحت للي احسن منا كلنا وانا اصير لك ام واصير لك ابو واصير لك صديق واصير لك اخو " تنازل نواف عن عزه نفسه من شافها تبكي وجرحها طاغي "
رفعت ايفان انظارها ع نواف وهي دموعها ع خدها تشوفه يواسيها ب امه وهو نسى يواسي نفسه وهو نفس الفقد فقده  : حتى لو جرحتك ؟
نواف ناظرها وبلع ريقه وحط راس ايفان ع صدره وهو يمسح ع شعرها  ولاقدر يرد ع كلامها : غمضي عيونك ونامي ولاتفكرين بشيء
غمضت ايفان عيونها وهي بحضنه وغرقت بنومها ، كانت ايفان بالجهه اليمين من نواف ، وروح بالجهه اليسار منه ، كان كانه ابوهم كلهم
.......
| عند مطلق |
كان جالس برا في حوش بيتهم ، فتح الظرف وبدا يقراء فيه كان محتوى الرساله ، برئي وكلها تعبير عن مابي داخل طفل يبلغ من العمر ١٥ ، كان مطلق م يستوعب الرساله وقام دخل البيت ، شاف امه تكلم جدته منيرا وقفلت من المكالمه
ام سلمان ببتسامه : مهيار جاله بنت وانا امك
مطلق ابتسم: صدق ؟
ام سلمان : اي بالله الله يصلحها ويحفظها لهم ، وعقبالك انت واصايل
مطلق وهو يحك راسه قال : يمه
ام سلمان ناظرته: هلا
جلس مطلق قريب من امه : الولد الي جاء من يكون ؟
ام سلمان بانت ابتسامتها وقالت : ليكون هاوشت بنت الناس
مطلق : يمه تكفين لاتجننيني
ام سلمان وهي تشرب قهوه : اخوها من الرضاعه وسمي ابوها ، اشتاق لاخته الي م يقدر يشوفها وجاء وماكانت موجوده واعطى ذا الرساله وانت خابر اصايل م عندها جوال
مطلق وهو يحس انه غلط بحق اصايل كثير ، قام وهو يطلع فوق لغرفتهم ، دخل شافها ع سجادتها تصلي ، سلمت وبدت تدعي ، م قطع مطلق دعاءها وقفل الباب ورمى الظرف ع السرير ، من قامت اصايل ولمت سجادتها وحطتها ع الطرف بدون اي مناقشه مع مطلق ، طفت النور ودخلت في السرير وكانت تتجهز لنوم ، وشافت الظرف بس م اخذته
قرب مطلق منها وشغل النور الي قريب من السرير وجلس ع طرف السرير وقال : نتكلم ؟
ناظرته اصايل وجلست وهي تناظره ، ومتكيه بيدها ع رجلها تنتظر مطلق وش بيقول
مطلق وهو يناظرها : ليش م قلتي لي انه اخوك من الرضاعه ، ع خبري م كان عندك اخوان
اصايل : واذا عرفت ان عندي اخ ب الرضاعه يعني م راح تشك فيني ؟ " قالتها بغصه "
مطلق : حشى والله اني م شكيت فيك ولاهو من مقصدي
اصايل برفعه صوت  : وش مقصدك ؟؟؟؟؟؟ اذا م كان ذا مقصدك
مطلق وهو انفجر في وجهها : اغاااار اغاااار ارتحتي ؟ م تحملت يوم قالو ولد معطي ظرف وش كنتي متوقعه مني
انصدمت اصايل من اعترافه ، وكمل مطلق وهو يقول  : اي يبنت سعود اغار واحترق واموت، كل م تقربت منك صديتني كنتي تحرقيني " كان بناظر عيونها وهو يقول ذا الكلام " انا هايم فيك من لما تقابلنا ب البقاله ، اصايل انا
اصايل قطعت كلامه وهي م تبي تسمع شيء اكثر ، وهي مشاعرها تحركت بقلبها : مطلق انا م اشوفك ك شريك حياتي ، تزوجتك غصب عني لاتحرج نفسك وتحرجني
ناظرها مطلق بانكسار بس م بين لها وقام وهو يمسح لحيته بقهر منها وهي بكل مره تصده : دام تبينها كذا الغرفه ذي لك ، لين تخلصين جامعتك واطلقك
اصايل : وانت ؟
مطلق ناظرها وقال وهو متعمد يجرحها : باخذ الغرفه الثانيه ولاعاد بدخل عندك ، وان تزوجت بخلي زوجتي بالغرفه الثانيه
ناظرته اصايل ، وطلع مطلق من الغرفه ، كانت اصايل تناظر لين طلع ، جلست مع نفسها وهي تفكر بحقيقه مشاعرها وحس بنار من قال اخلي زوجتي ب الغرفه الثانه وبعقلها سوال والي هو صدق بيتزوج ولا قاله عشان يقهرني بس ، ذيك اليله م نامت من التفكير صح هي صدته بس ذا م يخفي حقيقه مشاعرها اتجاه مطلق
....
~ اليوم الثاني ~
| في بيت الجد ثنيان |
طلع محمد من المجلس وهو يغني ويدندن مع نفسه ويغني ل نانسي ويقول :
يا اطبطب و ادلع يا يقولي انا اتغيرت عليه
انا ازعل اولع ماهو كل همه ازاى ارضيه
قولوله ده انا برده ساعات في حالات مره ازعل مره اديله عينى
مين فينا على حاله كل الاوقات ده تاعبنى اوى طلع عينى
طلع مع الباب وشاف سياره وقفت عند بيتهم ونزلت بنت من السياره وقفلت السياره ناظرها وعرفها وقال : اووو طلعتي تسوقين
ناظرته جيلان وهي لابسه نظاره شمسيه : وش الغريب ؟
محمد وهو يناظر الشارع يمين يسار ويقول : م صدمتي احد من هينا ولا من هينا، ترا عيال حارتنا غالين علينا انتبهي لايموتون منك
جيلان وهي تشوفه يستهزاء فيها : لاتخاف اذا بصدم احد او بموت احد بيكون ذا الشخص انت
ضحك محمد منها وهو عاجبته ردودها عليه : الاهل م يقدرون يعيشون بدوني
جيلان بيتسامه : صدقني بيشكروني اني ذبحتك
محمد بضحك : والله !
جيلان : اي والله ، ممكن تبعد بدخل
محمد بعد عن طريقها : تفضلي طال عمرس
دخلت جيلان وطلعت نظاراته ، التفت عليه وقالت : اسمع لاعاد تغني ل نانسي لان لو سمعت صوتك صدقني بتعتزل الغناء
ضحك محمد وهو عرف انها سمعته يغني وقال : بزيد شغفها تغني اكثر
جيلان وهي تهز براسها : صح صح " دخلت البيت عند البنات وطلعت نقابها ودقت الباب عليهم فتحت لها مجد "
مجد : ارحبييي
دخلت جيلان : البقى يروحي ، فيه احد في البيت ولا كلهم راحو المستشفى
مجد : كل الحريم الكبار سحبو علينا ولا اخذونا معاهم
جيلان: فجر بتطلع اليوم ؟
مجد : مدري اذا م طلعت بنروح لها
جيلان ببتسامه: معليكم اخذكم انا
مجد ببتسامه: ادخلي ادخلي يروحي
دخلت جيلان عند البنات وكان الموجودين بس ملك ومجد واديم
....
| في غرفه ايفان |
صحت من النوم بصداع ، وهي م تدري كم استغرقت في نومتها بس شكلها غرفت بنومها بحضن نواف ، رفعت وجهها وهي تناظر نواف النايم وجنبه روح النايمه ، كانت تتامل وجه نواف الي حتى وهو نايم وجه معصب ، كانت حواجب مكشره ، ونايم بجمووود ، طولت وهي تناظره وتتامل وجهه من قريب ، من فتح نواف عيونه غمضت عيونها ، ناظر نواف روح الي نايمه ع يده اليسار وايفان ع يده اليمين ، ناظر ايفان وكانت مغمضه عيونها ابتسم من شافها وقرب من راسها وطبع بوسه عليه وبهمس وهو يصحيها : ايفان
ايفان وهي تعمل حالها توها صاحيه : ممم
نواف : ماودك تصحين
هزت ايفان راسها ب لا وهي تقرب لحضن نواف وتدفن وجهها فيه
نواف ببتسامه : الظهر اذن قومي توضي وصلي وانا بروح الحق ع صلاه الجماعه
رفعت ايفان راسها وهي تناظره وهزت راسها ب الايجاب وجلس وهي تحك عيونها
نواف : تعالي اخذي روح من حضني
قامت ايفان وقربت من روح وشالتها من حضن نواف ، كانت روح غارقه بنومها ولاول مره م تصحى من نومتها وتبكي ، قام نواف دخل الحمام " وانتم بكرامه " توضى وطلع يلبس ثوبه ، اخذ شماغه من الدرج ولبسه ، وطلع من الغرفه ، اما ايفان سوت حليب لبنتها وشربتها ، بعدين راحت تصلي من سلمت من صلاتها حست براحه ، وقامت طلعت من الغرفه ، جت اديم ومعاها صحن فيه قهوه وتمر
اديم : اخذيها وديها للمجلس طال عمرك
ايفان : من في المجلس ؟
اديم : نايف ومحمد توهم راجعين من الصلاه
اخذت ايفان الصحن من يد اديم : طيب ، اسمعي اديموه روح نايمه داخل بالله ادخلي وشوفي ملابسها حطيتها ع السرير بدلي ملابسها
اديم ببتسامه : واااههه ابشررررري " فكت اديم باب غرفه ايفان وهي تقول " روحييييي روحح ياروح خالتس بس
ابتسمت ايفان وهي تسمع اديم ، راحت للمجلس ودخلت ع نايف ومحمد
نايف وهو يرحب ب اخته : ارحبيييييييييييي ، عنك عنك " اخذ نايف الصحن من يد ايفان "
ابتسمت ايفان : وين كنت امس
نايف وهو يصب القهوه مد ع محمد بعدين مدها ل ايفان اخذت ايفان من يده وجلست
محمد ضحك وقال : مع صهره " يقلد الاتراك لما يقولون لزوج اخته صهري "
ضحكت ايفان وقالت : ياخي م تبطل حركاتك
محمد وهو يشرب القهوه : والله وانا عمك الفضاوه مخليتني اصير كذا
نايف : لو م قفلت الكافيه كان الحين تروح وتشوف الاوضاع وتسعى ل رزقك
شهقت ايفان وقالت: انت قفلت الكوفيييي !!!!
محمد : اي بس لاتعلمي امي ولا ابوي
ايفان : محمد صاحي انت !!! مصدر رزقك شلون تقفله
محمد : ماربي كتب لي ارزق فيه ، تكفون قفلو الموضوع
ايفان : مالت عليك وانا كنت بقترح عليك تتزوج وحده الحين شلون تتزوج بدون وظيفه
ضحك محمد : حلفتك بالله منهي شسمها
ضحكت ايفان : اديموه ومجد وملك يقولون تصلح لك عاد الله اعلم
محمد : لااااا دام اديموه والتوائم الملسونات يقولونه اجل خايسه البنت ، حسبته انتي الي شايفتها تناسبني اثق فيك عكسهم
ضحكت ايفان : معليك انا اشوفها مناسبه لك
محمد ناظرها وقال بحماس : من من
ايفان : مابعلمك حصل وظيفه
محمد : ايفان طالبس من
نايف : قولي له من لايفطس الحين
ايفان ببتسامه : اخت سطام
محمد ناظرها وقال : تمزحين معي صح ؟
ضحكت ايفان : وشو كانكم توم وجيري انت وياها تصلحون
ضحك نايف وقال : ليكون الي جت المستشفى وحارشتها ؟
محمد : هي هي وانا اخوك ، وتقول تصلح انت وياها
نايف بضحك : تصلحون والله ، بكره نخطبها من سطام
محمد : اركد ، انت اخطب ريتاج اول بعدين تكلم
تنحنح نايف ، وابتسمت ايفان : لين متى تبي تنكر ؟ ترا كلنا نعرف انك تحبها من وانت صغير
نايف ناظرها : ايفاني قفلي السالفه
ايفان وهي م تعرف سبب تردده : ماراح اقفلها انت تبي احد غيرك ياخذها ؟ ، وش الي متردد منه انا ماعرف
محمد: صدق وش الي متردد منه ؟
نايف : مو سالفه تردد
ايفان : اجل ؟ ، اذا عن مشاعرها تراها تبيك
ناظرها نايف وهو قلبه فراشات من كلمه هي تبيك وبانت ابتسامه خفيفه " وهو سببه انه يبي ينتقم من الي قتل امه بعدين يتفرق لحياته م يبي يعرضها للخطر " : بعدين الحين ماقدر ظروفي م تسمح لي
ناظرته ايفان وقامت من الجلسه : براحتك انت وظروفك لين م يجي واحد ويتزوجها بعدين معاد فيه ريتاج بح تحسب البنت بتنتظرك ! استعجل وتزوجها ولا والله انا الي اخليها توافق ع اول واحد يخطبها
ضحك نايف : م تسوينها
ايفان : اسووووويهاااا ، فكر لين بكره وقول لي تبيها ولا لا ورد لي خبر
طلعت ايفان من المجلس وخلت نايف بحيرته
....
| في الاسطبل |
دخل نواف وهو يصفر بطريقه استفزازيه ، فك باب مخزن الاسطبل وبدت تدخل الشمس ، شعيب وهو يغمض عيونه من الشمس الي اشعت عليه
شعيب وهو يحجب الشمس بيده ويلهث بتعب بجسمه: نواف
نواف وهو مازال يصفر ، كرر شعيب منادات نواف : نوافففف طلعني من هينا
نواف ضحك : تبي تطلع ! ، عيد مره ثانيه
شعيب وهو باع الكل عشان سلامته : اعطيك معلومات الي تبيها
نواف ناظره ورفع حاجبه وقال : مثل وش عطني معلومه وحده عشان اصدقك
شعيب وهو يلهث :  اعطيك الي صدم امك ، اعطيك اياهم كلهم
ناظره نواف وبلع ريقه " نواف كان يدور الي صدم امه لانه اختفى وهارب وجت المعلومه ع الطاير " : الي صدم امي !
شعيب وهو يناظر هز راسه ب الايجاب ، نواف وهو يطق رقبته قرب منه ومسك وجهه بقوه وبغضب : من صدم امييييي !!!!!!!!!
شعيب وهو يتكلم بصعوبه من مسكه نواف: الرئيس هو هو الي ماجر له قاتل يصدم اخوك سلطان ، بس هو صدم امك
نواف بعصبيه تملكته وبحقد بقلبه : غرد اذا تبين تعيش
بلع شعيب ريقه : بقول كل شيء بس تتركني وتخليني اروح
نواف مسكه يده ولواها : بتقول لي كل شيء من الالف لين الياء ، واذا اخفيت اصغر معلومه بخليك تتمنى الموت وانت مو قادر تموت
شعيب بالم من لفه يده : اههه طيب طيبببببب ، بقول كل شيء كل شيء
تركه نواف وهو يسمع وش بيقول شعيب
شعيب وهو يتنفس بصعوبه : قبل لاتسوي شيء ب الرئيس ، شف شغلك مع زايد 
ناظره نواف وهو يشوف شعيب باع الكل عشان م يموت : انا م طلبتك تعلمني وش اسوي ووش م اسوي ! ، قلت المعلومات كلها من طقطق ل السلام عليكم
شعيب بلع ريقه وهو خايف من نواف انه يذبحه او يسوي فيه شيء : الي صدم امك وهرب ، موجود في مخزن الاسلحه حقت الرئيس ، اذا صادرت الاسلحه بتحصله هناك اسمه حمدان ، كل اعمال الانتقام والقتل الرئيس يوكلها اياه فيك تقول احسن واحد يخفي الجريمه ومحد يقدر يكشفه ، ولما عمك شاف زايد يقتل الي كان بالعماره ، الرئيس امر بقتل زوجه عمك عشان عمك راح مركز الشرطه يبلغ  ، طبعاً زايد نفذ وراح وقتلها في بيتها عيالها ب مدارسهم وزوجها مو في البيت ، واخذ زايد نسبه كبير من الفلوس وهج لباريس ، انا الي كنت امن حياته هناك في باريس ، بعدين جيت انت وبديت تخرب شغل زايد وبضاعه الرئيس ، وامر الرئيس بقتل زوجتك الي هي بنت عمك ، من نفذها ؟ زايد نفذها ، وانطعنت عند باب الجامعه قدام عيونك وم صار لها شيء ، وتهاوش الرئيس مع زايد عند ذا الموضوع بعدين
نواف بصراخ عشان يكمل : بعددددين!!!!!!
كمل شعيب : امرني الرئيس بقتلها وكانت في البيت بالرياض ناقلين جديد ، ارسلت فريق يراقبها لين طلع اخوها وابوها وقعدت هي لحالها ب البيت ، وقتها امرتهم يذبحونها بس م حسبنا حساب انك تكون هناك ، وذبحت كل رجالنا انت وتعرضنا ل خساره كبيره ، بس من عرف الرئيس انك انت تصاوب ودخلت غيبوبه فرح ورجع علاقته مع زايد ، ووصلنا خبر موتك من جاسوس حطه زايد
نواف رفع يده وضرب شعيب بغضب كف طير ملامحه ، مسكه من ياقته وقال : موتكم ع يدي كلكم
طلع نواف من المخزن وقفله ، تنهد وشاف سلطان الي داخل للاسطبل
سلطان : نواف
نواف ناظره وقال: عرفت كلشي كلشي ي سلطان كلشيء انكشف
سلطان : وش الي انكشف قولي
نواف وهو يطلع شماغه من راسه ويرميه ع كتفه : مو قلتو انكم معي ؟
سلطان : انا معك في الموت يخوي
نواف ابتسم: بعلمكم بكل شيء بس كلم نايف وسطام خل يجون " وجاء بيروح بس بعدين التفت ع سلطان " وبعد ي سلطان قل ل سطام يجيب فيصل الكندري معاه حتى لو فيصل ببيت ابوه يجيب فيصل ب اي طريقه
هز سلطان راسه ب الايجاب : ابشر " اخذ سلطان جواله ودق عليهم مثل ماقال نواف "
......
| في بيت ام سلمان |
كان ابوسلمان وام سلمان وشهد وريتاج وسلمان ومطلق واصايل مجتمعين ع الغداء ، كان اصايل لابسه طرحتها وعبايتها وجالسه بعيده شوي ومع البنات عشان سلمان موجود ، كانو كلهم يسولفون ويضحكون مع بعض وكان ابوسلمان متغير ١٨٠ درجه ، وكانو ينكتون ويمزحون مع بعضهم وابوسلمان معتبر اصايل وحده من بناتها ، وكل م ناداها قال بنتي اصايل
"بس صدمتهم كلمه من مطلق هزت الجلسه كلها هز "
مطلق : يبه
ابوسلمان ببتسامه: سم
مطلق : انا اعطيت واحد من اخوياي كلمه ، ومابيك تردين وابيك توقف معي انت وسلمان
ابوسلمان : امر وشهي
سلمان : م علمتني وش السالفه ؟
مطلق : بكره بنروح نخطب اخت صاحبي لي ع سنه الله ورسوله
وقتها اصايل تسمع وقلبها طاح وتكسر ، كانو الكل يناظرون مطلق مصدومين ويرجعون يناظرون اصايل ويشوفون رده فعلها ، بس كانت اصايل تبكي بقلبها ومابينت لاحد
ام سلمان بتفاعل : وش قاعد تقول انت !!!!
مطلق : قلت شيء غلط ! سويت شيء حرام ، بتزوج ع سنه الله وروسوله
ريتاج : مطلق تمزح صح ؟
مطلق : شايفين الموضوع ينمزح فيه ؟ ، يبه بكره الظهر نروح ؟
سلمان : استخفيت شكلك
ابوسلمان : ي يبه وش قاعد تقول انت ؟ ، انت متزوج
مطلق : ليش مستغربين ؟ الشرع حل الاربع وانا واحد ابي اتزوج
قامت اصايل من الجلسه ، وطلعت لغرفتها فكت باب الغرفه ودخلت ، ارتمت ع الارض وقعدت تبكي هي بس كانت تبي تنتقم منه ، م توقعت انه صدق بيسويها
اصايل ببكي : ليش قلت له كذا !
| نرجع في الصاله |
شهد ضربت مطلق ع راسه : تخسي تتزوج عليها ! كيف تقوله كذا قدامها وتجرحها !!!!!!
مطلق : معليك هي م تنجرح
ابوسلمان : وش بينك وبينها يولدي ؟ البنت ونعم فيها
سلمان : بعدين من خويك ذا الي تقول وعدته ؟
مطلق تنهد : ماوعدت احد ولاشيء ، ولا فيه اخت صاحب بس قلته كذا
ام سلمان : عشان تجرحها !!!!
مطلق قام من عندهم: مو عشان شيء بس فكرت في اني اتزوج واكلتوني خلاص بطلت معاد بتزوج
ام سلمان وهي ترمي عقال سلمان الي كان جنبها عليه : ان تزوجت ع جثتي ياقليل الحيا
طلع مطلق وهو يضحك من رده فعل امه ، قرب من باب الغرفه وسمع صوتها تبكي ابتسم لان صدق يبي يعرف حقيقه مشاعرها
فتح الباب ، وهي فزت ع طول من شافته قربت منه وبدت تضربه ع صدره : انتتت اكثر  واحدددد كذاب ب العالم، اكثرررر واحد كذابببب " بدت تضربه وهي معصبه ولاول مره تطلع ضعفها قدامه "
مسك يدها الي تضربه ع صدره ، وهو يناظرها تبكي
مطلق : ليش تكابرين
اصايل ناظرته وفكت يدها منه : تزوج طيب اخر همي
مطلق ناظرها وهي للحين تكابر : طيب
اصايل الي كانت في مزهريه ع يدها اليمين ، اخذتها ورمتها عليه بس لحسن حظ مطلق بعد عن المزهريه
مطلق بدهشه وصدمه : صاحيه انتي !
اصايل بصراخ ودموعها ع خذها : مانييييي صاحيه انت جننتنييييي طيب ، خل تدخل من الباب وربي اذبحك انت وياها
ابتسم مطلق وقرب منها : والله ! " قرب من اصايل ومسك يدها الي فيها مزهريه مكسوره وحطها ع رقبته " اقتليني اغرزيها ب رقبتي ، ولاتحيريني وتقتليني من جواتي
ناظرته اصايل والدموع بعيونها وفكت يدها منه : بتتزوج صدق ؟
مطلق ابتسم : وش بتستفيدين مو ماهميتك ؟
اصايل : هميتني طيببب هميتني
مسكها مطلق وقربها منه لين تقابل وجهه مع وجهها : احبك ذي الكلمه الي امس سكتتيني م خليتيني اقولها
طاح قلب اصايل وذاب وهي استسلمت ل مطلق بكل مافيها
.....
~ اليوم الثاني ~
| في بيت الجد ثنيان |
طلعت فجر من المستشفى هي وبنتها ، ودخلو للبيت وكانو مجهزين فراش ل فجر واغراض البيبي وكل شيء ومستقبلينها البنات بكل حب ......
...
ننهي البارت لين هينا ..