ليتك تعرفين الحال؛ ويش هي نواياي

سبعه واربعين

صلو ع نبينا محمد عليه افضل الصلاه والسلام ....

..
ناظره الجاسوس وانفجع من لما عرف انه نواف ، اخذ نواف كرسي وضرب ع الارض بقوه وجلس ، ونايف وراه واقف
نواف بضحكه استهزاء : نايف
ضحك نايف : سم
نواف : وجهك تحول اصفر ليش ؟
نايف بضحكه هزت الغرفه : خايف
ضحك نواف وهو يناظر الجاسوس : هو سوال واحد وماراح اعيده
ناظره الجاسوس بفضول على الي بقوله نواف ، قام نواف من الكرسي وبيده سكين يقلبها بيده ، مسك الجاسوس من ياقته وحط السكين ع رقبته : عطيني اسماء
الجاسوس وهو معرق وخايف من نواف : اسماء وش
نواف وهو يقرب السكين ع رقبته : لاترد سوالي ب سوال ، من وراء زايد
هز الجاسوس راسه ب لا ، قرب نواف السكين من رقبته لين بدا يجرح رقبته ، تالم الجاسوس مره
نواف وهو م ينطق ولا كلمه وكل ماله ويقرب السكين ع رقبته وبدا جرحه يتعمق
الجاسوس بخوف والم : بقوووول بقوووول
بعد نواف السكين من رقبته ، وهو يمسح الدم الي كان ع السكين بهدوء ويرجع يقلب السكين ، مسكه نايف من كتفه وضرب به الكرسي وجلسه عليه
قرب نواف منه ونطق : اسمعك انطق
الجاسوس وهو يلهث وماسك رقبته المجروحه : اعرف شخص واحد بس
نواف وهو يناظره بشرار وينتظره يتكلم
الجاسوس : شعيب
نواف اخذ كرسي وضرب به بقوه ع الارض ، وسحب كرسي الجاسوس وقربه منه : بسال انت بس تجاوب تسمع ؟
هز الجاسوس راسه ب الايجاب وكان نايف ماسك كتفه وشاده ع الكرسي
نواف : من وراء شعيب ؟
الجاسوس : ماعرف صدقني ، الوحيد الي اعرفه شعيب وهو الي دلني ع زايد
نواف : وجهه تعرفه ؟
الجاسوس : اي اي اعرفه هو يدير اعمال الرئيس
نواف وهو بدا الغز ينفتح شوي شوي : من الرئيس
الجاسوس : ماعرفه الوحيد الي شاف وجهه شعيب ، حتى زايد مايعرفه زايد لعبه بيدين الرئيس
نواف : بلبل علمني بكل شيء تعرفه
الجاسوس : ماعرف غير كذا
نواف عرف ان الجاسوس يعرف شيء ثاني واشر ل نايف الي شد ع جرح رقبته الجاسوس وبدا يتالم
نواف: بتقول ؟
الجاسوس بالم وهو يحاول يبعد يد نايف : بقوللللل بقوول
بعد نايف عنه وبدا يتكلم الجاسوس : الرئيس مايطلع على المكشوف هو يامر بس ، وصعب انك تقرب منه وتدخل عنده ، الحراسه مشدده عليه وهو الي يروج للمخد...رات و..
نواف بصراخ : وششش لاتوقف
الجاسوس ناظر نايف ورجع نظره ل نواف : ويهرب اسلحه غير مرخص لها ومتفجرات
نواف وهو يمسح ع شاربه : وين احصل شعيب
الجاسوس : في مزرعه اسمها*** يتقابل معانا هناك بس
نواف اخذ حبل وربي يدينه ورماه ع الارض
الجاسوس : بيذبحوووني لو درو اني قلت لك كذا ابوس رجلك ابوووووسها اسوي لك كل شيء بس احمني
نواف وهو يشد الحبل ع يده : محد قالك اشتغل معاهم من البدايه " رماه ع الارض وقام وطلع هو ونايف من عنده "
نايف : عندك فكره ؟
نواف وهو يفك الاسطبل ودخل على حصانه سحاب وبدا يمسح عليها ، استغرب نايف وقال : مو وقت الخيل الحين
نواف ببتسامه وهو اشتاق لسحاب ويمسح عليها : الا وقته ، خذ لك خيل ومشانا
نايف استغرب : تستهبل ؟!
نواف : م استهبل ي نايف سو الي قلته لك ، وفي ثوب داخل البسه وطلع بدله التمريض
سكت نايف وسوا الي قاله نواف واخذ حصان من الاحصنه ونواف اخذ سحاب
نايف: تبي تتسابق ولا كيف
نواف :لا بنروح بالخيول للمزرعه
نايف باستغرب : وشوو ؟ وشلون
نواف : يجيك العلم ، بناخذ الخيل وبندخل المزرعه فيه على اساس اننا خيالين والمزرعه اكيد فيها خيول محد بيشك فينا وقتها ونقدر ندخل بسهوله ، مو الحراسه مشدده ؟ ذا افضل طريقه لدخول
نايف وهو بدا يستوعب : فهمتك فهمتك ، نبلغ المركز ؟
نواف : لا بنسويها بطناخه روسنا
ابتسم نايف : ندخل السجن مع بعض وش ورانا
نواف ابتسم : م ورانا شيء بنتي في امانه سلطان
ضحك نايف وهو يشمر ثوابه وينط ع الحصان ، بدا نواف يمسح ع سحاب الي اشتاقت ل نواف
نواف : خل نقصي الشوق ي سحابي بتكسير روس الرخوم " شمر ثوبه ونط ع سحاب ، ولف الشماغ ع وجهه " نايف
نايف : سم
اخذ نواف مسدس ورماه ع نايف الي التقطه بسرعه
نواف : خل نتخلص من شعيب ونرجع ل زايد
نايف وهو يلف الشماغ ع وجهه : مشانا ي الذيب
بدا نواف يمشي سحاب ونايف وراه بالخيل الثاني ، لين وصلو باب الاسطبل نواف وهو يكلم محمود الي واقف عند الباب : محمود انتبه للي داخل
محمود : طيب ي زول
طلع نايف ونواف من الاسطبل وهم يروحون بالخيول الي تركض في طرق مختصره
نايف بصوت مرتفع شوي عشان يسمع نواف : تعرررف مكانهااا
نواف : ايييي الحقني انت
.....
| في باريس & عند غزل |
كانت ممنوعه من الخروج لبرا الشقه ، كانت تناظر بشوارع باريس من الشباك ، وهي تبكي فجاءه دق الباب وقامت تفك وكانت اثير
ارتمت غزل بحضن اثير وهي تبكي : اثيريي
اثير وهي مصدومه من حال غزل : شنو فيك
بعدت غزل عن اثير وهي م تتكلم وراحت تجلس ع طرف الكنبه ، جلست اثير جنبها : كل ذا عشان نواف! ، كرامتك يبنت اهم من كل شيء
غزل وهي تشهق : ليه محد يفهمني ليه محد يحس بحبي له ، انا اول مره احس بالحب اشوف اهتمامه بزوجته واموت معرفت اشرح الوضع لابوي
اثير تنهدت : نواف عدو ابوك على ماعرف
هزت غزل راسها ب الايجاب
اثير : غزل تقبلي ان مالك نصيب مع نواف ، بعدين انتي وش حلاتك فيه غير نواف مليون يبنت
غزل بنرفزه : اثير اص الي فيني مكفيني ، انتي م شفتيه اول مره اشوف رجال كذا
اثير مسكت راسها وهي تشوف غزل تبكي بحرقه
اثير حضنتها وهي محزنه عليها : تبين نروح بارتي
غزل : لا
اثير : ابوك رافض ؟
غزل وهي تاخذ مناديل وتمسح دموعها : ماتشوفين الحراس الي محاوطيني ، هاذي حياتنا دايم بس كذا متحاوطين بالحراس ونخاف من الاذى لدرجه اني م اقدر اقابل نواف
اثير تنهدت وهي تشوف غزل كل عقلها نواف : وش عشتي مع نواف لدرجه منتي قادره تنسينه
ناظرتها غزل والدموع بعينها : كفايه اني اشوفه
اثير تنهدت : غزل تكفين صحصحي لاتخلين الحب يعميك انتي الي مهددته عشان يتزوجك حتى
غزل وهي تبكي : حتى ؟ حتى م قرب مني حتى م عاش معي حتى م مسكني لمسه ويغض بصره عني وانا زوجته
اثير ضاقت ع حالها : بجيب لك مويه
قامت اثير من عند غزل متوجه للمطبخ تجيب ماء تفاجئت ب الوحات الي ع الطاوله ، وكلها نفس الشخص
اثير : لاتقولين لي ان ذا نواف
ناظرت غزل الوحات بطرف عينها ، ورفعت نظرها ع اثير : ايوه
اثير وهي تشوف وش كثر غزل مهووسه ، هي تعرف انه مو حب هي بس تغار من حياتهم السعيده
....
| في بيت ابومهيار|
|تحديداً غرفه مهيار & فجر| 
ماسكه بطنها ب الم وطالعه من الحمام ، جلست ع طرف السرير وهي تتنفس بصعوبه عرفت ان ولادتها جت صارخت بالم وهي تصحي مهيار النايم
فجر بصراخ : مهياااااااااااااااارررررررررر
فز مهيار من صراخه ، وهو منفجع وقرب منها وهو حتى م فتح عيونه ، وطاح من السرير : وشفيك
فجر وهي تاخذ نفس وتحبسه وترجع تفكه: بولد بولد
مهيار بفرح وبخوف ع فجر : يالللللههههههه "قام من الارض وهو يبعد البطانيه الي التمت عليه مسك يدها " خذي نفس
فجر وهي تاخذ نفس : مهيار اخذ السياررره بسرعه هيا نروح
مهيار وهو يدور مفتاح السياره الي مضيعه
فجر : عبايتي عبايتيي
مهيار وهي تشتت ولايدري وش يسوي ، اخذ عبايه فجر وهو يجلس يلبسها ، اخذ ثوبه وهو يلبسه بسرعه فك الباب وهو يساند فجر التعبانه
مهيار وهو يصارخ ب الصاله وينادي ع امه : يمهههههه يمههههههه
طلعت ام مهيار من المطبخ : وشبلاكم وشبلاكم
مهيار بفرح : فجر بتولد ، اخذي عبايتك والحقيني ع السياره بسرعه ي جنتي
ام مهيار بفرح : يلا يلا خذها لسياره وانا لاحقتك يمه بسرعه بسرعه
كان مهيار يساند فجر وطلعها من البيت ، فك باب السياره ودخلها بهدوء وطلعت ام مهيار وهي تركض ومستعجلين للمستشفى
....
| في بيت ام سلمان|
دخلو البنات البيت وهم يضحكون وجاين من الجامعه وشهد جايه من الثنوي  ، وقتها مطلق جالس يتقهوى في الصاله مع امه
ام سلمان ببتسامه : جعل ضحككم دوم يمه
دخلت ريتاج وسلمت ع راس امها ووراه شهد ، من ثمها جت اصايل وسلمت ع راس عمتها : شحالك يعمه
ام سلمان : بخير يعيوني انتي اجلسو اجلسو
مطلق وهو يشفط القهوه الي بيده : من جابكم ؟ ليش م دقيتو علي
ريتاج : جينا مع مي وسواقهم
مطلق ناظرها وقال : انا موجود ليش تكلمونهم ؟
ام سلمان : يمه مافيها شيء يبون يروحون مع بعضهم
مطلق : يمه انا م قلت فيها شيء ، بس كان كلموني
شهد : خلاص المره الجايه ي مطلقوه نكلمك
ام سلمان بتذكر : اي صح يبنتي اصايل جانا ولد الصبح وسال عنك
فز مطلق وهو نار شعلت بصدره
اصايل ب اندهاش : مين !
ام سلمان : اسمه سعود وعطاني ذا الظرف قال اعطيك اياه يمه
مطلق بصوت كله غيره : وليش م قلتي لي يمه ؟
ام سلمان : ماقال مطلق عشان اقولك
ضحكت شهد وريتاج
مطلق وهو اعصابه تشددت : يمه !
ام سلمان : خلاص يمه خلاص المره الجايه اقولك " مدت الظرف ل اصايل واخذه مطلق من يد امه "
ناظرته اصايل : هات الظرف !
مطلق وهو ياخذ شماغه من الارض وقام : اذا قريته اعطيك اياه " وراح قامت اصايل وراه وهي تناديه : مطلقققق هات الظرف !
ضحكو ريتاج وشهد
ريتاج بضحك : يمه اخوي عيونه تطلع شرار ! كيف تقولين ولد الي معطيها الظرف قدام مطلق
ام سلمان بضحكه : علاقتهم بارده ماحبيتهم كذا وانا امك
شهد : والظرف صدق ؟
ام سلمان : جاء ولد بعمر ١٥ سنه وعطاني اياه وضني انه سمي ابوها الله يرحمه واخوها من الرضاعه
ضحكت شهد : ارفع لك الرايه يمه وش ذا الحركات وش ذا التخطيط منتي بسهله ي ام سلمان
ضحكت ام سلمان من شهد
| عند مطلق & اصايل |
اصايل بنرفزه من مطلق وهي تحاول تاخذ الظرف منه : بلا ورعنه هات الظرررررف !!
مطلق لف عليها وهو وده لو يذبح الولد : وش الي هاته من ذااااا ! وبكل وجه تقولين هات الظرف
اصايل: وانت وشدخلك !
مطلق وهو شاد ع يده : وشدخلني !! ، تراك زوجتي تسمعينننن من ذا عشان يدق بابب بيتي ويعطي ظرف رساله ب اسمك ها! من يكوووون ذا انطقي
اصايل : انا زوجتك بس ع الاورق اخلص جامعتي ونتطلق بس تفهم!
مطلق وهو الحرقه بقلبه : انتي زوجتي ع الاورق ولا مو ع الاورق ، ماني لعبه عندك انتظرك لين تخلصين جامعتك واطلق ف احلامك ، ليش احرم نفسي من الحياه الزوجيه عشانك !
اصايل حس بقلبها بحرقه وهي م تدرين ليش : تبي تتزوج تزوج الثانيه ترا اخر همي وعيش حياتك الزوجيه معاها
مسكها من يدها وشد ع يدها  : وش ذا القساوه يبنت سعود وانتي تعرفين وش مافي قلبي
اصايل وهي عرفت وش يقصد بس استغبت : وش بقلبك ؟ بقلبك حقد عشان خالي اطلق النار ع اخوك واتهمتني به
مطلق وهو يقربها منه : والله ؟ انتي تشوفينه حقد ؟
اصايل وهي م ناظرت عيونه : اي اشوفه حقد ، طلبت من شيء واحد انك تخليني ادرس
قاطعها مطلق : وخيلتك !
اصايل : خليتني ومانسى معروفك ذا
ضحك مطلق ب قهر : صار معروف !
اصايل وهي تبي تقطع السالفه بسرعه : ابي الظرف
ناظرها مطلق بقهررر مالي قلبه : فيه احد بقلبك ؟ تحبين راعي الظرف
اصايل ناظرته وهي انصدمت شلون فهمها كذا : انا دامني متزوجه مايطرى احد عبالي يولد سالم وابوي الي رباني م راحت تربيته هباء واذا بتشك ذا بعقليتك
مطلق انقهر منها ومسكها من يدها وشد ع يدها لين تعورت اصايل : وش تسمينها الي يرسل لك الرسايل ع البيت هااااا وتسبين عقليتي
اصايل بالم : فكنيييي عورتني
مطلق قربها منه وهو يشد ع اسنونه من الغضب ، وهو شاد ع يدها لدرجه يدها صارت حمرا من شده مطلق شوي ويكسر يدها " شال يده بقوه وطلع والظرف معاه وهو عارف لو بيقعد اكثر يمكن يذبحها "
....
| عند نواف ونايف |
كان نواف متلثم وراكب على سحاب ، وقفو عند باب المزرعه وكان نايف ع الحصان جنب نواف ، كان الحارس واقف ع الباب وكانو ثنين مو واحد
نواف بصوت خشن : مو ذا مزرعه شعيب ؟
الحارس : من انت عشان ابلغ شعيب
نايف ناظر نواف وقال نواف : نواف تركي ال ثنيان
استغرب الحارس : ثواني ابلغه واجيك
نواف اعطى نايف اشاره ، ونايف من فوق الحصان نط ع الحارس الاول ولف رقبته ، ونواف على الحارس الثاني
نايف : ونعم يولد العم
نواف وهو يشد ع حبل سحاب وينط فوقها مره ثانيه : ماعليك زود
ركب نايف ع خيله وفكو باب المزرعه ودخلو ب الخيول للمزرعه وكانت المزرعه كبيره ، فيها سباق خيول ، وفيها زي البيت كانت مزرعه جداً كبيرررره ، نواف ونايف وهم يمشون ب المزرعه ذي ، شاف نواف شعيب الي كان جالس يتقهوى وفوق راسه خدامه تقهويه وكانت الخدامه فلبينيه
نواف بصوت عالي : من زمان عنك شعيببب
التفت شعيب وهو يشوف شباب ثنين ع الخيول ومتوجهين للجلسه حقت شعيب ، اعطى شعيب الفنجال للخادمه وقام وهو مستغرب : من انتم ؟
نزل نواف من سحاب وهو ماسك بحبلها بيد ويمشيها معاه : معك نواف تركي ال ثنيان
شعيب من سمع الاسم جاء بيطلع السلاح ، بس نايف سبقه وهو يطلع سلاحه ويوجه ل شعيب
نايف : اشششش ، ارم سلاحك
رمى شعيب سلاحه ، وكانت الخدامه ماسك راسها وهي خايفه
نواف : قل لها تدخل جوه
شعيب ناظر الخدامه واخذ السكين الي كانت ع الطاوله ومسك الخادمه وحط السكين ع رقبتها ، صارخت الخادمه بخوف ، شعيب مسكها لان عرف ان نواف م يبي اي انسان برئي يتضرر
نواف تنهد وكان بارد ولا يعطي شعيب رده فعل عشان م يزيد قرب من شعيب
شعيب : لاتقرب والله اذبحها
نواف : اذبحها م همني
شعيب ناظر نواف الي كان بارد مره ، كان نواف يشتت ذهن شعيب ، لين اطلق نايف رصاص في الهواء ، انفجع شعيب ومسك نواف يده ورفع السكيننن وهربت الخادمه بخرعه وبخوووف شديدد ، مسك نواف يد شعيب وضربها ع رجله وطاحت السكين ، لواء يد شعيب وضربه ع رجله لين جلس شعيب
نواف : لاتلعب معي العب معي صعب
شعيب بعصبيه وهو م يعرف كيف نواف دخل ببرود رغم الحراسه الي حاطها من بدايه الشارع لين الباب
جلس نواف لين وصل مستوى شعيب وقال : عشانك كبر ابوي تادب ولا اكسر يدك
شعيب هز راسه ب الايجاب من الم يده الي ماسكها نواف ، قومه نواف من ع الارض : نايف اخذه بشيك على المزرعه
نايف اخذه من يد نواف وضرب شعيب ع رغبته وفقد الوعي ناظر نواف : عشان م يتعبنا مو معقوله بناخذه وهو بكامل قواه وعلى الحصان
تنهد نواف وقال : خلاص انت ثبته باخذ لفه ع المزرعه واجيك
بدا نواف يلف في المزرعه ويشوف وش فيها وش مافيها ، كان فيه خزانه كبيررره بس م قدر يفكها وهو عنده يقين ان الخزانه ذي فيها شيء بس الوقت م اسعفه وبدو رجال شعيب يجون ويكثرون طلع بسرعه هو ونايف من باب في المزرعه من ورا
....
| في المركز |
اللواء : فيصل هذا واثق منه يبو سامي ؟
ابوسامي : واثق فيه ، يعني مو عشان ابوه زايد صدقني هو مو مثله
اللواء وهو يناظر الصور : نواف يعرف عن صور الحادث ذي ؟
ابوسامي بلع ريقه وهو م يدري وش يقول للواء يقول نواف طلع عن القانون وصار يشتغل من كيفه ؟ : نواف تعرف وضعه وحالته م قدرنا نكمله وهو م رجع لشغل
اللواء هز راسه ب الايجاب : تتوقع موت ام نواف متعلق ب العصابه ؟
ابوسامي : ماعرف بس اذا متعلق زايد م عنده علم
اللواء : من اعطاك ذا الصور والادله ؟
ابوسامي : فيصل اعطاني اياه وانا اتفقت معاه يشتغل معانا ك جاسوس عليهم
اللواء : ممتاز ، تبلغ سطام بالصور طيب ؟
ابوسامي : تمام ابلغه
قام ابوسامي من غرفه اللواء وطلع ، ناظر اللواء في الادله الموجوده قدامه وبدا يفتح اللغز شوي شوي
| عند ابوسامي |
طلع ل سطام وهو معصب : كيففف خليته يروووح ؟
سطام : نواف معه حق وانا معاه
ابوسامي وهو يمسح ع وجه بغضب : لاتجنني انت وياه ! نواف مجنون ويمشي ع هواء داره بس انت !
سطام : اجن منه ، وماني معلم وين مكان الجاسوص
ابوسامي ارتفع ضغطه : ي صبررررر ي صبررررررر ، لو عرفو ان نواف تصرف من راسه تعرف انهم راح يسحبون منصبه صح ولالا
سكت سطام وهو عارف مو بس ياخذون منصبه يدخلونه السجن برضو : اعرف
ابوسامي : وليش تتصرفون من روسكم
سطام : ماعندي شيء اخسره وانت تعرف
ابوسامي : عندك مستقبل ، بتتزوج وبتجيب عيال ، استغفرلله منكم بس امش قدامي بوريك الادله
ابتسم سطام من ابوسامي الي كان صابر عليه وسلم ع راسه وهو يمشي جنبه: تدري ي ابو سامي اني احبك
ناظره ابوسامي بطرف عينه : تزوج وقل لزوجتك احبك مهو لي
ضحك سطام ومات ضحك وهو يشوف ابوسامي يقصف ولا يبالي
....
| في بيت الجد ثنيان | غرفه ايفان |
كانت اديم جالسه معاه وتسولف معاها
اديم: مادري والله بس بكره بنروح انا وسلطان ونشوف
ابتسمت ايفان : الله يوفقك اديموه ، تصيرين اطلق اطلق محاميه
ضحكت اديم وهي تغمز ل ايفان : تبين تتطلقين من نواف ولا خلاص ، تراني موجوده اصير محاميتك
ضحكت ايفان واخذت نفس عميق ولا ردت ، حست اديم ان فيه شيء وسالتها بقلق : كيف علاقتكم
ايفان كانت تتهرب بنظراتها وماردت ع اديم ، اديم قلقت اكثر قامت من مكانها وجلست جنب ايفان
اديم : ايفان ، متضايقه منه ؟ تبين اذبحه
ضحكت ايفان من اديم وهي عارفه ان اديم تسويها : علاقتنا مو مثل قبل صاير بارد معي ، الي بيني وبينه بس روح ، صح جرحته واعتذرت منه يمكن مانجبر قلبه بس هو الحين جرحني اضعاف وهو كانه عايفني كانه ملزوم انه يقعد معي
اديم وهي تعض شفايفها بقهر وقالت : لو اشوفه قدامي صدقيني محد يمسكني ، اقرب شيء قدامي بصكه به ماقول توه قايم من غيبوبه ارجعه لغيبوبته
ضحكت ايفان وهي تناظر اديم وكان اديم هي كل شيء بالنسبه لها ، تفكر اوقات لو اديم مو موجوده وش اسوي بحياتي انا ؟
ايفان: صكيه والله م اقول لا ، بس لاتدخلينه غيبوبه
ضحكت اديم وهي تحضن ايفان : من عيوني الي تبينه يصير ي شيخه لو تقولين اديموه طلعي عيونك واعطيني اياها طلعتها ومديتها لك
ابتسمت ايفان : ياخي وش اسوي بدونس انا
اديم : ماتحصلين مثلي
" ضحكو اديم وايفان "
اديم : دام روح نايمه خليها ونروح نجلس معاهم بالحوش ، والله اني اشتقت لجلسه الحوش
ايفان : حتى انا يلا نروح
قامت ايفان لبست عبايتها واخذت طرحتها حطتها ع راسها واديم نفسها ، وطلعو رايحين للحوش
ايفان وهي طالعه واديم جنبها ، صدفو نواف الي نازل من السياره ونزل نايف معاه وسياره سلطان الي توها موقفه ونزل منها سلطان وسطام ، اخذت اديم طرحتها وحطتها ع وجهها ، اما ايفان ماشافت سلطان وسطام شافت نايف ونواف عشان كذا م حطت الطرحه ع وجهها ، رفع نواف انظاره وشافها واقفه ع باب الحوش ووجهها كاشف حس بنار بقلبه تشتعل وشاد ع يده والغيره تحرققه حرررق  ، ناظرها واشر لها تغطي وجهها بعصبيه وضحت ع وجهه
اديم : ايفان ترا سلطان وسطام وراهم
شهقت ايفان وهي ماتدري ولاهي متعمده وعرفت ليش نواف عصب واشر لها ، رمت الطرحه ع وجهها ، ومسكت يد اديم وسحبتها معاها  متوجهين لجلسه الحريم الي ورا في الحوش
ناظر نواف سطام وسلطان يتاكد اذا شافو او لا ، بس كانو غاضين البصر
وقال بحرقه : ادخلو
نايف ماكان منتبه ولاشاف ايفان اصلاً ولاكان عصب بعد
دخلو نايف وسطام ، وقعدو نواف وسلطان برا كان نواف ماسكه وجهه بعصبيه ، طلع بكت الدخان بجيبه وهو معصب لدرجه ان جيبه كان بينقطع ، مسك سلطان يد نواف الي فيها بكت الدخان
سلطان : ذبحتتتت نفسك ارحم نفسك يولد ارحمممم نفسككككك ، اذا منت بخايف ع نفسك انا خايفففف عليك يخوك " اخذ سلطان البكت من يد نواف ورماه ع الارض ودعس عليه "
نواف وهو يطلع شماغه من راسه ويرميه ع كتفه : خله يحرق داخلي خل داخلي يصيررررر رماد
سلطان مسك راس نواف وحطه ع راسه : مابيك انا ؟ عشان اخلي داخلك رماد امش ع جثتي وصر رماد
كان نواف ملامحه معصبه مره ومكشر حواجبه بغضب قال بصوت خشن : بسم الله عليك
بعد سلطان راسه ع راس نواف : قل وش مضايقك ارم ضيقك علي خلني افرج ضيقك
مسح نواف ع وجه واخذ نفس وقال بضيق : داخلي نار تحترق من كل جهه ، وبقلبي حباً مجروح يخوك
ناظر سلطان نواف : مو تقول انك عفتها ؟
نواف غمض عيونه وهو يحس بنار بصدره : انا ي سلطان صديت مغبووون م صديت عايف
مسك سلطان راس نواف وحطه ع صدره وهو وده لو يفك هم اخوه مهما قال ل نواف عارف ان نواف كل شيء ولا كرامته كل شيء ولا عزه نفسه
طلع محمد من المجلس : ياعيالللللل مهيارررر جته بنت
رفع نواف راسه ، وضحك سلطان : تقوله صادق ؟
محمد بضحك : اي والله صار ابو لعنبو خيره
فهد طلع ببتسامه من ورا محمد : وانت بتصك الثلاثين وانت م صرت
التفت محمد ع فهد :انت تباني تتزوج اكثر من امي وشوضعك ؟
فهد : بفتك منك
...
| عند البنات في الحوش |
من سمعو ان فجر جابت بنته كانو يترجون جدتهم عشان يروحون معاها المستشفى وكانت جدتهم رافضه نهاياً
الجده منيرا : عددكم كثير حنا بنروح ونبلغكم وان جاء وقت الزيار بكره ناخذكم
ملك بترجي : جده تكفيننننننن اترجاك
ام فجر : ي بناتي بكره م يصير الحين ، عددكم كثير تروحون هناك يحسبونكم مجنن
ايفان : طيب بس انا اروح
ناظرو البنات فيها وقالو بصوت واحد : ع كيفك
ضحكت الجده منيرا : محد برايح بعدين انتي كيف تروحين وتتركين بنتك ؟ ..........
....
ننهي البارت لين هينا