ليتك تعرفين الحال؛ ويش هي نواياي

ثمانيه وثلاثين

صلو ع نبينا محمد عليه افضل الصلاه والسلام ..

|في مجلس خال اصايل |
دخلو الرجال واستغرب خال اصايل من جيتهم
خال اصايل : وش جابكم
ضربه الجد ثنيان ع رجله عشانه كان حاط رجل ع رجل ويبين عدم الاحترام نزل خال اصايل رجله
الجد ثنيان بصوت هيبه : وانت تكلمتي تنزل رجلك
قام خال اصايل وهو يحط وجه بوجه الجد ثنيان بجراءه زايده : تعلمني الاحترام ؟
نواف م تمالك اعصابه ولكمه ع وجه : وانت تكلم جدي عينك تحطها ب الارض
مسكه ابوسلطان : اتركك منه يولدي
ضحك خال اصايل ضحكه استهزاء : م خبرنا البزران تتكلم مع الرجال ولا تضرب بعد!
نواف ضحك من ضحكته : والله ؟
هز خال اصايل راسه ب الايجاب وهو م بتسم حك نواف راسه وهو يمسكه من ياقته ويصك خشمه الي مسكه خال اصايل بتالم وبدا خشمه ينزف
مطلق : حي ذا العين
الجد ثنيان قرب من خال اصايل وهو يحط عكازته من بين عيون خال اصايل : حنا جينا نعطيك العلم ب الاحترام وان كان الاحترام م جاز لك نعرف نتعالم بطريقه ثانيه
بلع ريقه خال اصايل وقال بخوف : خلاص خلاص اجلسو ونتكلم
جلسو الشيبان والعيال
الجد ثنيان : ماني مطول هرج معك ، بيجي المالك وبيملك ولدي مطلق ع اصايل
خال اصايل : نعم ! " وضحك " ولدك الي تقوله يضربني قدام الرجال وتبيني اوافق ع زواجهم ؟
مطلق : وانت م ضربتها ومطلعها كاشفه قدام الرجال
خال اصايل : لانها عار
مطلق عصب مره وانفعل : العار انت واشكالك
الجد ثنيان : مطلق ! ، انا اتفاهم معاه
جلس مطلق : العذر والسموحه ي جدي
خال اصايل : اسمع كلام جدك وانت ساكت
سلمان ناظره وقال : السموحه ي جدي بس شكلي بسوي خرايط بوجهه
ابومهيار : اهدوء ي عيال
الجد ثنيان : اسمع ي مسفر حنا محنا جايين نطلب مواففتك لانك بتوقع طرقاً عن خشمك
خال اصايل : ماني موقع
محمد : غصباً عنك بتوقع
الجد ثنيان قام من الجلسه وقامو كل عياله واحفاده وراه كانت لهم هيبه وقال : كتب الكتاب بكره بتجي ورجلك فوق راسك ولا الشرطه هي الي ببتتلك وانت عارف وش هي التهم واول التهم سرق مال اليتيم ورث اصايل غير التعنيف والضرب والاثار ع البنت والدليل موجود وكل اهل الديره شاهدين
طلع الجد ثنيان ووراه عيال وفز خال اصايل ع صوت الباب من تقفل كان ضربته قويه بدا الخوف ع وجه خال اصايل ودخلت ام اصايل وهي تجلس عنده : وش العلم يخوي ليش جايبن
التفت خال اصايل ع امها وقال : بنتك بنتك بتموت ع يدي
ام اصايل : بعيد الشر وش فيه
....
| في بيت الجد ثنيان |غرفه إيفان |
كانت إيفان في الحمام " وانتم بكرامه " ومقفلته عليها إديم كانت قلقانه عليها وهي تدور ب الغرفه والصدمه للحين فيها ام إيفان ماتت مقتوله ؟؟ من متى طلعت إيفان من الحمام ومسكتها إديم
إيفان : بخير انا
إديم : إيفان م صدقتي كلامها صح ؟ تراها كذابه
التفت إيفان عليها : لا صادقه
إديم استغربت : وش ؟
إيفان والدمعه بعينها وهي بدت تشك بكل شيء : ليش نواف تزوجني ؟ ليش ضربوني عند البقاله وصوروني وجاء نواف ذاك اليوم ؟ ليش انطعنت عند باب الجامعه ؟ ليش نواف كان رايح جاي ع الشرقيه ؟ ومن روحته وجيته صار الي صار
انصدمت إديم : إيفان امك ماتت بسكته قلبيه
جلست إيفان ع الكنبه وهي منهاره : انا معاد صرت اصدق شيء إديم اناااا تعبتتت كل شيء تقوله البنت صدق الادله موجووووده " وقامت ب انفعال زايد " نواف اكيد له يد بمقتل امي ! ليش قالته وليش هي زوجته ونواف عارف بذا الشيء
إديم : إيفان اهدي نتاكد اول
إيفان ببكى : ب ايش نتاكد؟ كل شيءء واضح " زاد بكاءها " امي ماتتتت مقتل
إديم حضتنها وإيفان هدت بحضن إديم لدرجه صارت ساكته وسكوتها يخوف إديم تكره سكوت إيفان لان إيفان بموت امها كانت كذا ساكته عند الي يعزون
إديم : إيفان ؟ ، لاتسكتين تكفين انهاري
بعدت إيفان عن حضن إديم وقامت وهي تمسح دموعها ودق الباب وكانت ام سلطان كانت ناقده إيفان بشكل غريب وقالت : م ودس نتكلم ي بنتي
لفت إيفان على ام سلطان وإديم خافت من هدوءها ورده فعلها م كانت قويه بالنسبه لبنت امها ماتت مقتل
إيفان وهي تناظر ام سلطان والغرفه بدت تدور وطاحت مغمى عليها صاحت إديم وام سلطان وهمه يصحونها ولاكانت تصحى
ام سلطان : جيبيييي ماءء
قامت إديم تجيب ماء وبدو يرشونها بس ماكنت تصحى وتستجيب معاهم وبدا الكل يدخل الغرفه بخوف والبيت كله صياح وخصوصاً ان إيفان م صحت من جو الرجال وهم يسمعون الصراخ والصياح نواف ذكر إيفان وهو م يدري ليش حس ان فيها شيء رفع طرف ثوبه من تحت وهو يركض ل جوه بدون م ينتبه في بنات او لا اول م دخل شاف الجده تصب مويه بيدها وتمسح ع وجه إيفان وتقرا عليها وإيفان مقفله عيونها ، قرب ع طول وهو يحاوطها بيدينه ويشيلها في حضنه وقام وهو خايف عليهااا طلع فيها من البيت وهو يركض وكانت إيفان مو لابسه لا عبايه ولاشيء ومن خوفه عليها م دققو ولا انتبه اي احد طلع وهو يشوف نايف ويصارخ : فككك باب السياره
انخرع نايف وهو يفك باب سياره نواف ونواف يركب إيفان واخذ شماغه من ع راسه وحطه عليها وركب نواف السياره وحرك ومن بعدها بدو العيال يجيبون السيارات ويركبون وطلعت إديم وهي تبكي وتشوف سلطان قالت : تكفى بروح اتطمن عليها
باس سلطان راسها وقال : طيب يعيوني مشانا ان شاءالله م فيها الا كل خير
ركبو ولحقو نواف وكانت قدامهم سياره نايف وفيها محمد والجد ثنيان وابو نايف وابوسلطان وبسياره سلطان ركبت إديم وابومهيار وجاب فهد سيارته واخذ امه وجدته وراح معاه سلمان كانو خايفين عليها بشكل م تتوقعون حتى الي م راحو جالسين ع باب البيت ينتظرون خبر منهم
| في سياره نواف |
كان مسرع وهو يلهث وخايف عمره م كان خايف الحين هو ميتت خوف م يبي يفقدها رغم انها م علمته بحملها بس هو م يبي يفقدها كان خايف مره
فكت إيفان عيونها وهي تناظر هي وين والتفت شافت نواف وبدا كل شيء ينعاد عليها صارخت باعلى صوتهااا : وقفففففف السياااااااره وقفهاااا
نواف التفت عليها : اهدي شوي ونوصل نتطمن عليك
بكت إيفان وهي تصارخ بشكل غريب : وقفهاااا اقولك وقفهااااااا
نواف كان ضعيف عند دموعها وهدى السياره ووقف ع جنب ونزلت إيفان نواف استغرب واصلاً م عليها عبايه نزل ع طول وهو ماخذ شماغه ولفه عليها جت بتطلع إيفان وقال بنبره صوت تخوف : تغطي م تشوفين الرجال
ناظرت فيه إيفان وهي تدفه بس يدها كانت ضعيفه عند نواف الي م كانه اندف منها
نواف : إيفان اركبي السياره بنروح نتطمن عليك
إيفان والدموع م وقفت : تتطمن ؟؟؟؟
نواف غمض عيونه وهو يتنهد وقال بصوت صارم: اعرف انك معصبه ع زواجي بس مالك حق تعاملينييي بذا الطريقه تسمعين؟؟ ، تحملين والكل يعرف بحملك ويجون يباركون لي وانا معرف وش السالفه
قالت إيفان : لان منت كفو تصير ابو ولدي
نواف تمالكه الغضب وقال بصوت يشبه الصراخ : ماني بكفو !!! "مسك يدها وقال" ي بنت عبدالمحسن انتبهي ع كلامك تسمعين
إيفان حاولت تفك يدها من بس كانت يده اقوى منها بدت تبكي وقالت : بعدددد عني اكررررهككك اكررررهكككك
نواف كانت ذا الكلمه جمر ع قلبه كملت إيفان : تزوووجت تزووجتت " م قدرت تنطق الكلمه وهي تحس بيغمى عليها وفعلاً طاحت وتداركتها يدين نواف وهو يشيلها"  وقال : كوني بخير بعدين قولي الي تقولينه
إيفان وهي تتمتت في حال مغمى عليها : ليش
نواف عارف انها تساله بس م تكلم ركبها ب السياره وقفل الباب وركب هو ومشى كانت مغمى عليها وتتمت بكلام مو واضح مره بس نطقت بكلمه استغربها نواف قالت : قاتل " وصل المستشفى ونزلها ودخلوها وكان واقف برا ينتظر ماهي شويات الا واجتمعو الكل وكل شوي يسالون الدكتوره إيفان بخير
الدكتوره: هي بخير بس ننتظر دكتوره الطفل
نواف بصوت خشن: صحت؟
الدكتوره : اي
ابونايف : نقدر نشوفها؟
الدكتوره : الحين لا بتكشف الدكتوره عليهابس يقدر الاب يدخل
ناظرت ام سلطان نواف ع انه بيدخل بس م دخل نواف
ام سلطان : ادخل يولدي
ناظرها نواف و محب يناقش : طيب
فك باب الغرفه ودخل شاف إيفان ع السرير وتناظر ب الجدار ومسرح فيه وكان تحت عيونها سواد خفيف والدكتوره تجهز الادوات ولما شافت نواف قالت : شكل الاب جاء
التفت إيفان عليه وهي تبلع ريقها وتبعد نظرها عنه قربت الدكتوره منها عشان تفحص البيبي وقالت : م قلنا م في حزن وتوتر
إيفان بخوف ع البيبي ونبرتها نبره باكيه ؛ ليش وش فيه البيبي
الدكتوره ؛ اهدي عشان اشوف باذن الله م عليه خوف" التفت ع نواف الي واقف عند الباب ومعقد حواجبه " ي الاب ليش واقف بعيد قرب اذا تبي تشوف البيبي 
قرب نواف وكل خطوه يخطيها كانت تحرق إيفان قرب نواف وهو يحط يدينه وراء ظهره ويناظر بس الدكتوره طولت م قالت شيء وهو شاف الخوف بعيون إيفان وقال : دكتوره فيه شيء ؟
الدكتوره : البيبي كويس بس لازم تبعدين عن الحزن ضروري بيتضرر الطفل كثيرر النبض عنده شوي ضعيف اليوم بتكونين تحت المراقبه عندنا
إيفان بدت دموعها تنزل وقالت : يعني م حافظ ع البيبي " مسكت بطنها ودموعها ع خدها كانها شلالات مسك نواف يدها "وقال : بخير شوفي الدكتوره تقول بتقعدين ب المراقبه عندنا ونشوفه
ناظرته إيفان وهي لو ودها م صار الي صار كان الحين وش شعورها ؟ م بيتضرر الطفل الا من كثره السعاده مو الحزن
الدكتوره : تقومين ب السلامه " وقامت "
كانت يد نواف للحين بيد إيفان بعدت إيفان يدها وقالت : ليش للحين معي
نواف اخذ نفس وقال بصوت شبه عالي : إيفاااان الي ببطنك ولدي مثل مهو ولدك ! ،
إيفان ناظرته وقالت : تجيب ولد من قاتله امي
انصعق نواف وقال : وش تقولين!
إيفان ببكى وبصراخ ؛ تسوووووي نفسك م تعرررف وبريي امي مااااتتت مقتتتتل وابو زوجتك هوووو الي قاتلهااا " بدت تتنفس بصعوبه وماسكه صدرها وتشهق "
نواف بلع ريقه وسكت وقال : تمام بعدين نتكلم انتي خليك بخير
إيفان بضحك هستيري مع بكى : كنت اقول لييت امي معاي عشان تشوفني كيف احب زوجي وكيف سعيده معاه " زاد بكاءها " م دريت ان زوجي متزوج بنت قاتل امي عشان يخفي جريمه امي
انصدم نواف من تهمتها له وشلون تتوقع منه ذا الشيء قرب منها وهي منهاره وتبكي مسكها وهو يسمع كلامها وسبها له بس م رد بولا كلمه كانت تتهمه بتهم تعور كانت تقول له : ابوووي م عرف من يزوجني زوجني واحد صار ضابط عشان مجرررم وعشانه يحببب بنت " انهارت " مسكها نواف وهو يحضنها وهمس بذنها ؛ اهدي عشان الي ببطنك ، ولاتقولين شيء بتندمين عليه ي بنت العم تصدقين الغريب علي ؟
ضربته إيفان ع صدره وهي تقول ؛ اكررررهكككك اكررررهك انقلعع عنييي ، الغريب اصدق منك " قام نواف من عندها وكان بيطلع بس صارخت إيفان لدرجه الي برا سمعها وهي تقول : طلقنيي
نواف شاف دموعها وهي تبكي وكان ضعيففف مره قدام دمعها وقال بصوت فيه غبنه ؛ اطلقك ؟
إيفان ببكى وبنهياررر : اييي طلقنييييي منت برجال اكون ع ذمته
كان كل تهمها وسبها له جمراً ع قلبه صد عنها وقال : جاك ي بنت العم انتي طالق " فك باب الغرفه وهو يسمع امه : نوووواف !!!
الجد ثنيان : وش الحكي يولدي سمعناكم تتهاوشون بس م توصل ل الطلاق بينكممم طفل
دخل ابونايف ع إيفان وهي تحضنه وتبكي بحضنه
الجد ثنيان : لحووول ولا قوه الا بالله يعيال ذي مشاكل زوجيه تصير وانت يولدي تمالك اعصابك
طلع نواف وهو يبي طلع من المستشفى بكبره وقابل نايف بالممرات
نايف : كيف إيفان
نواف بصوت ضيق : بخير
نايف : صار شيء ؟
نواف تنهد : اختك بمانتك من اليوم ي نايف قلبي معاك من اليوم " وطلع "
| عند إيفان |
حطو لها منوم ب المغذي ونامت
ابو سلطان : وش السالفه ؟
الجد ثنيان : والله مدري مهو من اسلوب نواف وراه يطلق زوجته!
الجده منيرا كانت تمسح ع شعر إيفان التعبانه وإديم جنبها وهي تبوس راس إيفان وش كثر عانت ؟ والحين رغم انها تحب نواف طلبت منه الطلاق دخلت الدكتوره عليهم : معليش لازم تفضون الغرفه ترتاح المريضه
الجدثنيان : طيب ، يلا يحريم مشانا ، فهدد شغل السياره
فهد : سم ي جد" وراح يشغل "
محمد ب استغراب وهو يكلم سلمان : علامه نواف ؟
سلمان : والله مدري يخوي
| عند نواف|
لحقه سلطان وهو يمسكه
سلطان : نوووواف منجدك ! شلون تطلق زوجتك مو كنت تحبها
نواف وهو يمسح ع وجه : وانا قلت م احبها؟
سلطان : نواف وش السالفه وشفيكم م توصل عشانك تزوجت تطلقها ليش طلقتها انت!
نواف وهو خلاص بينهار: سلطان تكفى خلك جنبي بس بدون اساله
سلطان تنهد : طيب طيب
من طلعو كلهم من المستشفى كان واضح الزعل ع وجه الجد ثنيان من نواف كان ضيق نواف يكفيه ولا يبي يبرر ركبو سياراتهم ومشو معادا نواف وسلطان
سلطان : مراح تروح ؟
نواف : لا ، خذ زوجتك انت وروحو
سلطان تنهد : تبيني ارجع لك؟
نواف : لايخوي خلك مع زوجتك اكيد الحين خايفه ع بنت عمها انتبه لها
سلطان : طيب اي شيء تبيه دق علي
نواف هز راسه ب الايجاب وراح سلطان وإديم وقعد نواف برا المستشفى وهو يناظره وضيق صدره كانت كاتمته مرت الساعات وهو م تحرك من عندها كان خايف عليها شوي ودخل للمستشفى شاف ممرضه طالعه من غرفتها وقال : كيفها؟ بخير هي
الممرضه : كويسه الحمدلله الجنين كويس
ارتاح نواف وقال : نايمه؟
الممرضه : توها تصحى من المنوم
نواف: يعطيك العافيه
الممرضه : يعافيك " وراحت "
جلس نواف جنب غرفتها وهو يتكي براسه ع الجدار يفكر وكان حاقد ع غزل بشكل محد يتخيله
" مر حوالي ٣ ساعات واذن الفجر "
صحى من صوت سلطان فك عيونه بتعب ورقبته تعوره
سلطان جلس جنبه
نواف وهو ياخذ شماغه الي طايح في اسياب المستشفى التفت ع سلطان : ليش جيت
سلطان : شايف حالك يخوك ؟ القلق ذبحني وادق م ترد ماني بتاركك لحالك
طلع نواف جواله من جيبه وانصدم من لما شاف الساعه ٥ الفجر مسك راسه وكان الصداع مزامنه وقام
سلطان : وين بتروح ؟
نواف : بلحق ع الصلاه
سلطان قام معاه : مشانا
طلعو نواف وسلطان وراحو مصلى في المستشفى توضى وهو يدخل المصلى كبرو وبدو يصلون وفي سجود يقول ؛
اللهمّ إني أعوذ بك من الهمّ والحزن، والعجز والكسل، والبخل والجبن، وضلع الدّيْن، وغلبة الرّجال. ربّ لا تكلني إلى أحد، ولا تحوجني إلى أحد، وغنني عن كلّ أحد، يا من إليه المستند، وعليه المعتمد، وهو الواحد الفرد الصّمد، لا شريك له ولا ولد، خذ بيدي من الضّلال إلى الرّشد، ونجّني من كلّ ضيقٍ ونكد.
رفع راسه وسلم قام بيطلعع
سلطان : نواف
التفت نواف : سم ي العضيد
قرب منه سلطان : وش السالفه يخوي عشانك تزوجت ليه سوت كذا ليش طلقتها ي نواف ؟
نواف بلع ريقه : كسرت فيني ي سلطان نيتي مهو الصد بس هي جبرتني وهي الي طلبت الطلاق ، الحين همي تكون بخير وتطلع من المستشفى شيء ثاني م ابي
سلطان : وش السالفه ؟ ليكون عرفت بمقتل
م كمل سلطان وقال نواف : عرفت عرفت
سلطان : طيب قول لها ينواف كلمها قول لها كل شيء دامها عرفت
نواف ببتسامه غبنه وقهر وجرح بقلبه : م سالتني ي خوي م سالتني " بلع ريقه بقهر " ظنت بي السوء ي سلطان ظنت بي سوء لو سالتني لو بس قالت صدق ي نواف ؟ ليش م قالته ليش ليش
سلطان كان يشوف الضيق ب نواف : غزل ؟ هي الي قالت لها
نواف مسح ع وجه : معرف كيف تكلمها اصلاً بس غزل عندي
سلطان : معروف معاد يمدينا نسجنها ، وش بتسوي فيها؟
نواف : موتهم ع يدي كلهممم كلهممم يخوي ، وقتها بوفي وعدي مع ولد عمي
سلطان : وإيفان ؟
نواف ببتسامه غبنه : يجي ولدنا او بنتنا ب السلامه اهم شيء
سلطان : م راح تعلمها ب الحقيقه وترجعها؟
نواف : تتوقع مني ارجعها ؟ سلطان كيف تبيني ارجعها ؟ انا عايفها خلاص انا وإيفان انتهينا من يوم صدقت فيني وانا الموت جاني
سلطان وهو كانه عارف رد نواف : والله يخوي ؟ عشان كذا نايم ف اسياب المستشفى ؟
نواف تنهد وقال : وش اسوي ان كان القلب يرشدني لها
" وطلع "
وراح وراه سلطان دخل المستشفى وهو يشوف دكتوره إيفان
نواف : لوسمحتي
التفت الدكتوره : تفضل
نواف : متى بتطلع إيفان عبدالمحسن من المستشفى؟
الدكتوره : تقريباً ع سته الصباح كل امورها تمام وتقدر تطلع
نواف : تمام
دخل نايف المستشفى وشاف نواف كان نايف صاد ع نواف ولاحظ نواف وقال : م وفيت الامانه هي من الحين ب مانتك انت
نايف التفت عليه بغضب منه : ليش ؟ ليش كسرت قلبها ؟
نواف سكت وم تكلم
نايف : هي ام طفلك الي بيجي حتى لو قالت لك طلقني تراها تبيك
سلطان حس ان كلهم يتهمون نواف وانقهر عليه وقال ل نايف : اختك تعرف بمقتل امك
بانت ملامح اصدمه ع وجه نايف : وشووو !!! ، كيفف ووش..لوون
نواف : غزل تعلمها بطريقه م ادري شلون وصلت لها
مسك نايف راسه وهو معاد يستوعب وبلع ريقه : وهي صدقت يعني ؟ م سالت ليش م سالت ليش ساكته للحين  ، علمتك انت ؟
نواف: م سالتني ولا علمتني بس عرفت
نايف شاف الضيق ع نواف وقال: انت ليش طلقتها؟
نواف تنهد ولا رد ع نايف م يبي يقول اختك تتهمني
نايف : نواف ليش طلقتها انت م طلقتها الا في سبب حتى لو طلبت الطلاق هي منك كان م طلقتها وش ي نواف في مقتل امي الموضوع؟؟
نواف اخذ نفس وهو يحك لحيته ناظر سلطان نواف الي كان ساكت م تكلم رغم انهم كلهم يتهمون نواف الا انه م برر لهم
نايف حس من سكوت نواف ان في حاجه نواف م يبي يقولها
قاطعتهم الدكتوره وهي تعطيهم اوراق خروج إيفان
نواف : خذها واطلعو بعدين نتكلم
نايف هز راسه ب الايجاب ودخل ع إيفان ب الغرفه
ومشى نواف وسلطان جنبه يمشي ب اسياب المستشفى الي رغم برودتها كانت جمره نواف الي بصدره تحرق جسمه ولايحس ب البروده
......
| في بيت زايد الكندري | غرفه غزل |
كانت متوتره ولا نامت الليل وهي م تعرف وش مصيرها مع ابوها ووش جوابها عند سواله ؟ حست ب القهر الشديدد ، تهز برجلها وتعض في اظافيرها من توترها فزت من فك الباب بغضب وشافت فيصل ارتاحت وهي تروح تحضنه
بعدها فيصل عنه وهو يقول : وش سويتي انتي ؟
غزل : وش سويت ؟
فيصل اخذ نفس وهو وده يخنقها: وش علاقتكم ب سعيد ؟ اخلصي علي
غزل  بصدمه : وانت من فين تعرف سعيد
فيصل شد ع يدها : مهو بشغلك بتنطقين ولا كيف
غزل بتالم من شدت فيصل وتحاول تبعد يده عنها : وجع عورتنييي
فيصل وهو شوي ويدها تنكسر من قوه شده لها : اسمعي زين سكت سنين طويله وانتي تاذين الناس كلام يوصلك ويتعداك ي غزل تسمعين
غزل بعد م فك فيصل يدها مسكتها بتالم : انت وش قصتك هاا؟؟؟؟؟
فيصل : قصتي مالها نهايه تسمعين ، وبعدي عن نواف ال ثنيان لاتنسين
غزل انصدمت شلون يعرف : وش دخلك انت
فيصل : اذا م تبين ابوي يدري انك زوجته بعدي ، والديره حقتهم رجالك سحبتهم من هناك وشرك اطلعه من عينك اذا تشوفيني ساكت طول الوقت مو معناته معرف شيء اكسر عينك الي انحطت ع رجال متزوج وانتي راميه نفسك عليه ب التهديدات كرامتك وين ؟ ابوي م رباك عليها بس امي ؟ م علمتك م اخذتي ولاشيء من طبعها ي  غزل وسعيد رجال كبير ب السن وش مضرك منه !
غزل بلعت ريقها من تهديده وجرحها مره : براي انك م تدخل بشيء م يخصك وانت تحسب اني معرف انك كنت تشرب خمرررر ! مع احمدد ذراع ابوي الي يقوله احمد م قدر يقول لانه شرب معك بس انا اقول ي فصيل
فيصل انقهر من كلمتها عن الخمر وهو تاب عنه معاد يبي طاريه : اعلى م بخيلك اركبيه وكلامي وصلك انا م عندي شيء ب الحياه اخسره تسمعيني ي غزل
" فك باب الغرفه وطلع وقفل الباب بقوه "
جلست غزل ع السرير وهي تبكي
....
| في بيت الجد ثنيان | في الديره |
كانو كلهم جالسين وهم م يدرون وش صار وكانت اسئله كثيره ببالهم
مجد بضيق : صدق طلقها؟
ريتاج : من امس وش يقولون ؟ ايوه طلقها
ملك : وش السبب طيب كانو يحبون بعضهم
إديم تنهدت : بناتت لاتكلمونها عن السبب ان جت
مجد : اكيد م بنكلمها الي فيها كافيها
كانو كلهم قلقانين الحين البيبي فين بروح كان تشتت اسره
| عند الرجال |
الجد ثنيان : مطلق بعد صلاه المغرب بتروح تملك وم راح نسوي عرس بنرجع للرياض بسرعه
مطلق : سم ي جدي , بس ي جد
الجد ثنيان : هلا
مطلق : منت مشاور البنت ؟
الجد تنهد : الا الا بنشاورها قم خل امك تجي
مطلق فز وهو ينادي امه ماهي ب شويات وجت ونادت اصايل وكانت اصايل واقف ورا الباب والجد ورا الباب الثاني ومعاه مطلق وسلمان وابومهيار
الجدثنيان : وش حالك ي بنتي
اصايل كانت ترجف وخايفه مره : بخ..ير
الجد ثنيان: ي بنتي حنا ودنا نزوجك ل مطلق وخالك وافق بس نبي نشاورك انتي تبين ولدنا مطلق ؟
اصايل طولت وهي م ردت وكان فكها يضرب ببعض وشلون تقول لا ؟ م تقدر تقوله قررت في اخر لحظه انها توافق وتصارح مطلق : اي
ابتسم الجد : ع بركت الله ي بنتي ع بركه الله
ابتسم مطلق وطلع مع جده وعمه ابومهيار وسلمان
....
| عند نايف وإيفان | في السياره |
كانت مسرحه في الطريق وتناظر بهدوء يخوف تنحنح نايف وهو يقول : إيفان
التفت عليه إيفان وهي ودها تعلم نايف عن امها جاهله انه يعرف ودها لو تنفجر فيه : هلا
نايف : تبين اكل امر ع المطعم؟
إيفان هزت ب لا وقالت :نايف انا م بتحمل بقول لك
نايف: وشو يعيون اخوك؟
إيفان وهي تحاول م تبكي وهي تعلمه لانه هو يحب نواف ويقدره وتحسب ان اذا قالت نواف له يد في قتل امي بيزعل نايف : انت تعرف ان امي ماتت مقتل ؟
نايف تنحنح وهو م وده يكسرها : إيفان
إيفان والدمعه نزلت : ليش منت مستغرب يعني تعرف
نايف تنهد بضيق : إيفان اعرف بس انا م ودي اضيق خاطرك يعيون اخوك م ابيك تنقهرين ع امي كثر قهري م ابيك تفكرين انها ماتت ضحيه ، عارف اننا غلطنا م علمناك بس كنتي طفله ي إيفان طفله بريئه من ذا كله شلون تبين اعلمك او ابوي يعلمك وقتها ؟
بكت إيفان بقهر وصارخت : ليشششش وش ذنبييي اعرف من الغريب ليش تصدموني كذا ليششش الكل عارف انها ماتت سكته قلبيه الكل يقوله شلووون ماتت مقتل
وقف نايف السياره عشان يهدي اخته المنهاره : إيفااان اسمعيني ، قاتل امي بيدخل السجن صدقيني بيدخل السجن
تذكرت إيفان نواف وقالت وهي ترمي التهم عليه وضحكة ب استهزاء وبقهر ودموعها م فارقتها : يدخل السجننن ؟" صارخت بقهر " شلووون يدخل السجن شلونن يدخل السجن وزوجي متزوج بنته ويحبها ويخفي جريمه امي عشان بنتتتت ، يحبها من قبل م يتزوجني ومخطط مع قاتل امي ويخفي الجريمه
انصدم نايف من كلامها عرف ليش نواف كان متضايق اكيد كرامته م سمحت له وهو م يبي يعلمها مثل م طلب نايف منه ووعده نواف م يقول لها شيء انقهر نايف ع نواف وحس بذنب ان حياته تدمرت والسبه هو وقال : إيفان وشدخل نواف !
إيفان وهي تصراخ : تعرف انه متزوج؟؟؟؟ بنت قاتل امييي لاتبرررر له عشانك تحبه واذا ع الحب كلنا نحبه بس هو وش سوى شارك بجريمه قتل امي " انهارت بكي لدرجه مسكت بطنها من حست بمغص "
نايف ؛ إيفان وش تحسين فيه ؟
إيفان وهي تشهق : بطني
نايف : خلاص خلاص اهتمي بصحك طفلك اول بنروح البيت الحين طيب ، اسندي ظهرك الوراء " وفك الشباك الي عندها عشان يجيها هواء "
وحرك السياره من وصل البيت نزل وهو م شاف سياره نواف تنهد وراح ياخذ إيفان ونزلها ودخلها
الجده منيرا : دخلها الغرفه يولدي خلها ترتاح
وداها الغرفه وحطها ع فراشها وقال : اي شيء تبينه كلميني طيب
إيفان هزت راسها ب الايجاب وطلع نايف ودخلو البنات لها
مجد جلست جنبها وهي تبوس خدها : اشتقنا يخي
ابتسمت إيفان بتعب وضيق
ملك  : اقول طسي بجلس عندها انا
ريتاج : خير انتي وياها اسكتو مهاوشاتكم بعدين
جلست شهد عند رجولها وهي تقول : شفتي كيف اشتقنا لس
إيفان ببتسامه وقالت بتعب : شفت
إديم: هيييييي كلهم م يوصلون شوقي حبيبي
ملك: انتي طسي عند زوجك
فجر : انتي م عندك غير طسي ؟
ملك : ايوه وانتي الثانيه نفسها طسي عند رجلس
ضحكت إيفان بتعب وهي تشوف كيف يحاولون يواسونها
اصايل بضحك من البنات وقالت : الحمدلله ع السلامه إيفان
إيفان : الله يسلمك ي قلبي
....

<< تقديم الوقت >>
ع صلاه المغرب تجهزو الرجال والشيخ وكانو جالسين في مجلس خال اصايل كان الجد يناظره بنظرات مرعبه بالنسبه له والشيخ يتكلم
الشيخ : بسم الله الرحمن الرحيم ، المعرس وولي امر العروس يجون جنبي
قام خال اصايل ومطلق وجلسو جنب الشيخ
الشيخ : انت خالها ؟
الخال : اي
الشيخ : هل يوجد ولي اخر من طرف الاب ؟ ، عم جد
الخال : لا الاب يتيم ومات وانا وليها مالها غيري
الشيخ هز راسه ب الايجاب واردف : بسم الله الرحمن الرحيم ، هل تزوج ابنة اختك ياخ مسفر للمدعو مطلق ولد سالم على سنه الله ورسوله؟
سكت شوي خال اصايل وهو يناظر نظرات الجد ثنيان وقال : ازوج
الشيخ : قل معي زوجتك ابنة اختي اصايل على م يرضي الله ورسوله وعلى مراد الله
خال اصايل: زوجتك ابنة اختي اصايل على م يرضي الله وسنه رسوله وعلى مراد الله
الشيخ : وهل تقبل يا مطلق ولد سالم في اصايل بنت سعود على سنه الله ورسوله زوجه ف السراء والضراء ؟
مطلق : قبلت
الشيخ : قل قبلت
مطلق : قلبت
الشيخ : قل قبلت
مطلق : قبلت
الشيخ : الله بوفقكم ي رب ، وقع هينا
اخذ مطلق الدفتر منه ووقع واخذ خال اصايل ووقع
"طلعو من البيت وتجمعو العيال عند السيارات وشافو حامد وسلمو عليه وسالفو معاه شوي"
حامد : حياكم ي عيال معي ع الاستراحه
محمد : رايح لها انت
حامد:اي بالله كل عيال الديره متجمعين تعرف اجواء شتاء في المخ يولد
فهد : والله مشانا
نواف جاء بيركب السياره
حامد : شاعرنا تعال معانا ، تراني طالبك وفي وجهك م تدرني تجي معانا
نواف تنهد وهو م وده بشيء ولا له نفس بس احرجه حامد ووافق التفت حامد ع مطلق : ومعرسنا بتجي معانا ؟
مطلق وهو يحك راسه : م بشوف عروستي اليوم وبجي معاكم
ضحك مهيار : اثقل يولد
مطلق : مالها داعي الحفله الي بسونها بكره كان دخلت علاها وخلاص
سلمان وهو يضرب ظهره : اثقل وانا اخوك اثقل الثقل زين
التفت نواف ع سلطان الي كان يكلم ومبتعد عنهم شوي
| عند سلطان |
كان يكلم إديم
سلطان : يعني تبين تقعدين ترا ع راحتك يعيوني
إديم رغم انها عروسه جديده بس كانت تبي تقعد عند إيفان ولا تبي تروح واردفت : إيفان مره تعبانه وهي تعدني مثل اختها مقدر اتركها
سلطان : مو مشكله نقعد لين م يرجعون الرياض ونروح انا وياك جده
ابتسمت إديم : تمام حبيبي
سلطان ذاب من كلمتها وقال: وشو ؟
إديم : وش
سلطان ببتسامه : الكلمه الي قلتيها
إديم تذكرت ودق قلبها وتوترت م تدري كيف نطقتها بس استغبت عليه : اي كلمه؟
سلطان: الي قبل شوي
إديم : تمام
سلطان :لا الي بعدها
إديم ببتسامه : م اذكر وش قلت
سلطان : ترا ماني مقفل لين تقولين
إديم ابتسمت : حبيبي
وقفلت في وجه
ابتسم سلطان والتفت ع العيال
مهيار : رايح ي الذيب ؟
سلطان: وين
فهد : ساعه نتكلم وتقول وين
نواف : الاستراحه ب عضيد
سلطان : اذا العضيد بيروح بروح
محمد ؛ بيروح يلا مشانا
نايف ناظر نواف وهو م يدري ليش حس ب الذنب من عائلة نواف تفككت وخاف ان الطفل الي بينهم يتشتت
ركبو وتوجهو للاستراحه دخلو وسلمو ع العيال وجلسو يسولفون مع بعضهم واخذتهم السوالف وكان نواف مسرح وهو م نام ولا ذاق النوم والارهاق ذبحه غير التفكيرر اخذ بكت الدخان وطلع سجاره وبدا يشرب فيها
رائد : نواف م ودك بقصيده تزين ذا الجو ؟
بدو العيال كلهم يقولون اي والله ، ي ليت
ابتسم نواف بضيق وهو يقول :
ليتك تعرفين الحال ويش هي نواياي
وليتك م تركتي لي قلباً ع الهجر مذبوح
..
صديت وانا الصد مهو من نواياي
ولا كنت داري اني بصير منك مجروح

اختلطت اصوات العيال بصح لسانك وكفو
ناظر نايف نواف وعرف مقصد القصيده مين ووش قاصد نواف من قصيدته تنهد بضيق وهو يصب الشاهي ل نواف ويمده له : هاك ي ولد العم
اخذ نواف الشاهي من يد نايف: سلمت
.....
ننهي البارت ل هينا