ليتك تعرفين الحال؛ ويش هي نواياي

ثلاثه وثلاثين

صلو ع نبينا محمد عليه الصلاه والسلام
اسمعوني زين ي حبايبي نزلت البارت بدري عن وقته مرهه بسبب اني مشغوله الاسبوع الجاي وماقدر انزل لكم بارت ف هذا البارت هو حق الخميس الجاي واتمنى احصل الدعم لاني تعبت وانا اكتبه و م حبيت الاسبوع الجاي م انزل لكم ف اتمنى تقدرون ظروفي ووضعي وغير ذالك الدعم يكون كويس وارائكم ف التعليقات💗
الحين ابدو ف البارت وقرائه سعيده لكم

....
اثير : وجع ، اخر تنزيلات الانستا وهمه رايحين الديره
غزل ببفرح : مكتوب اسم المكان الشارع الديره اي زفت؟
اثير : اي مكتوب حتى م تبعد عن الرياض اضن
غزل : ارسليهااا ليييي وبوسااااتتتت لككك
ارسلت لها اثير الصوره
ناظرتها غزل بخبث وهي في بالها فكره
...
| عند نواف | في المركز
دخل مكتب وهو يضرب بالباب بقوه وراه سطام اخذ مفتاح السياره من ع المكتب جاء بيطلع وقفل سطام الباب : نوافففف اهدى العصبيه بتوديك في داهيه يولددز
نواف وهو مكشر حواجبه: سطامممممم بعدد عن الباب
سطام : يرجاال افهممم الساعه ٥ الفجر ويننن بتروح بتروح عند غزل وتدق الباب كذااا بس نوافف يرحم اهلككك لاتسوي شيء بتندم عليه خل نفكر اجلس انت الحين
تنهد نواف وهو يمسك اعصابه بصعوبه وهو اذا عصبه ينسى كلشي مخططط له ويسوي الي براسه : الندم اني م مسكت زايد للحين بعددد عني ي سطاام
تنهد سطام وبعد عن الباب وطلع نواف من المركز ركب السياره وتوجهه لبيت غزل
دخل ابوسامي بعد لحظات من طلوع نواف ودخل ع سطام : وين نواف م اشوف سيارته برا
سطام : راح ل غزل
التفت عليه ابوسامي : ووش تقول ؟ وليششس تسمح له
سطام : حاووولتت بس تعرفه لاعصب من يمسكه عاد
ابوسامي : لحول ولاقوه الا بالله وش الي عصبه ؟
سطام : تعال اسمع الي ف الابتوب
قرب ابو سامي من سطام الي علمه كل شيء وسمعه صوت غزل الي بالتسجيلات
ابو سامي: البنت ذي نيتها مو مساعده ابوها وبس
سطام : كيف ؟
ابوسامي تنهد : البنت تبي نواف وتكره زوجته
سطام وهو توه يستوعب : اي والله صدق
ابوسامي : السوال مو هينااا كيف عرفت ان نواف متزوج
سطام وهو يتذكر لما مرو من جنبها
فلاش باك |
سطام : م شفتك ف المكتب وانصدمت
نواف : كان عندي كم شغله
ضحك سطام وقال : مع ام العيال ؟
ضحك نواف : مهوب شغلك
ضحك سطام ومشى وراه سمعت غزل كلامهم
غزل : ام العيال!!! ع خبري مهو متزوج " وقالت بغيره " حتى لو متزوج اموت ولا اخليك لها "
انتهى الفلاش|
سطام : ذاك اليوم يوم قلت ل نواف ام العيال ناظرتها فيها وشفت ملامحها كشرت
ابوسامي وهو يناظر سطام : الله يهديك يعني م قلته له الا وسط اسياب المركز؟ م عندكم مكتب هينا ؟ المهم الي صار الي صار خل ننتظر نواف نشوف مصيبته الجديده
| عند نواف |
وصل عند غزل شاف م فيه احد من رجال زايد يراقب نزل من السياره ودخل البيت وهو يدق الباب عليهاا بقوه
| عند غزل |
خافت من دق الباب وقامت تشوف من فتحت الباب استغربت وخافت بنفس الوقت انه نواف
نواف من ورا الباب : عارف انك تشوفينييي فكي الباب اطييب لك
غزل فكت الباب وقالت : اهلين كيف عرفت بيتي ؟
نواف وهو يشوفخا للحين تمثل عليه وضحك : انتي تحسبينها بتمشي علي ؟ ي بنت زايد
انصدمت غزل وهي تبلع ريقها خوفاً من نواف
نواف فك الباب بقوه وهو يدخل البيت وغزل تتراجع لورا
نواف : تحسبينك ذكيه ومشيتيها علي في المركز ؟ واوراقك المزوره ؟ من يوم شفتك عارفك تحسبين م اعرف انك مهكره تسجيلات الامن ومحاوله تدخلين عليها بس انا الي هكرت
غزل وهي كل مالها درجع ورا
نواف : وش رايك اخذك للسجن
غزل بضحكه : م تقدر
نواف بضحكه : وليش م اقدر ؟ مو انا الي م اقدر
اخذت غزل جوالها من ع الطاوله وفكت ع مكان الديره وورته الصوره: لاني اعرف وين مخبي زوجتك ومو بس زوجتك اهلك بعد واقدر ارسلها ع بابا وانتم م تقدر تلحق ع اهلك والضرر الي بيجيهم
نواف وهو يناظر بقهررر وشاد ع يده : تحسبيني خايف من ابوك
غزل ببتسامه : اعرف م تخاف بس تخاف ع اهلك بضغطت زر مني تروح وتراها مو بس ف جوالي عند اشخاص لو صار شيء بضغطت بيكون الخطر ع اهلك وامك وخواتك التوام
نواف وهو م يدري من وين جابت المعلومات : تهدديني؟
غزل : اعتبره تهديد وخصوصاً ع زوجتك لاني مخصصتها هي فرد خاص يطالب فيه ابوي اوه بعد عند صوره لها " فكت صوره إيفان بجوالها ولفته ع نواف "
ناظر نواف الصوره بغبنه : تحلميننن تمسكينها انتي ولا ابوك
غزل ضحكت: م بيعرف مكانها لا ابوي ولا غيره بشرط
سكت نواف وهو يحس وده يذبحهاا
غزل : بكيفك م تبي تعرف الشرط ؟ ، وع فكره تراني ارسلت رجال ل زوجتك
نواف ناظرها : الدليل؟
ضحكت غزل : م تمشي الا بدليل مافيه ثقه؟ " دقت ع رقم وفكت السبيكر " وصلتتو للموقع الي ارسلته لكم
الرجال : باقي نص ساعه ونوصل
غزل : حلوينن " وقفلت " اخذت دليلك ؟ اقول شرطي ولا تبي زوجتك جثه
نواف مسكهااا مع يدهاااا وشد عليها: طاريها م تجيبينه ع لسانك
غزل فكت يدهااا منه بالم وهي تحس ع قلبها ناررر : لدرجه ذي تحبهااا ؟؟؟؟
نواف : ذا م يعني لك ورجالك الحيننن ينسحبووون من المكان " جاء بيطلع"
غزل : م بينسحبون لين م تنفذ شرطي
التفت عليها نواف : انتي زدتي ع جرايمك جريمه جديده تهديد ضابط
غزل : مو مشكله ، ولا انت نسيت اني اقدر اسوي كل شيء ؟ ترا م عندي خوف من احد بتنفذ شرطي ولا بكيفك " وهي تاخذ الجوال ع اساس انها تدق "
نواف م كان عنده حيله ثانيه ولاعاد يعرف وش يسوي ولو صار شيء ومسك غزل م كان يمديهم يوصلون ل الديره بوقت قصير :وشهووو شرطك
ناظرته غزل ببتسامه : تتزوجني
سكت نواف وملامح البرود في وجهه مختلطه مع ملامح عصبيه
غزل : سهل شرطي اكون زوجتك الثانيه
نواف : م اتشرف ببنت زايد تكون ع ذمتي
انقهرت غزل من كلمته وقالت وهي مقهوره : باقي ربع ساعه وتشوف زوجتك جثه براي انك تاخد القرار
نواف وهو يمسح ع وجهه بيده ويستغفر
غزل انقهرت اكثررر وهي في قلبها نيران : براحتك اجل " اخذت الجوال عشان تدق "
نواف : خلاص طيب
غزل ناظرته ببتسامه : اليوم العصر نروح نعقد زواجنا ذا شرطي الثاني
نواف وهو م عنده حل ثاني : طيب
" طلع مع الباب وهو يضربه بقوه من عصبيته وصل عند السيار ومن العصبيه م يدري ف وش يطلعها ضرب كبوت السياره بقهررررر "
....
| عند الجدثنيان | بالديره |
كانو يفطرون بالحوووش
الجد ثنيان : الا ي ابو مهيار متى نملك العيال ؟ خل نملكم وبعدين نجهز للعرس بس انه يملك عليها
ابومهيار : م عندي مانع والله اجل العشاء نجيب الشيخ يكتب كتابهم وع بركه الله
مطلق وهو يضرب ظهر سلطان : مبرووك يولد
ابتسم سلطان : يبارك فيك
محمد : ابوي والله كبرو الوراعين
ناظره سلطان بنظره حاده وقال الجد ثنيان وهو يفطر : صدق كبرو وكبرت عقولهم معاهم الا انت كبرت وصغر عقلك
العيال فطسوو ضحك وقال فهد: اييي ي جدي اضرب واقصف ولا تبالي
ابونايف بضحك : كم مره اعلمك ي خوي ي محمد الهباله والهرج الزايد اتركه عنك
محمد وهو يبوس راس الجد ثنيان : الله يسامحك ي الغالي مقبوله منك ع قلبي مثل العسل
نايف ناظر ابوه الي مسك قلبه وقام ع طول من الجلسه ونط عند ابوه : يعورك قلبك ي يبه ؟ وش يعورك تحس بشيء
ابونايف: احس بنغزات بقلبي
ابو سلطان بخوف عليه : اخذت حبوبك ؟
ابونايف : هز راسه ب لا
نايف : الله يهداك يبه
انكتم ابو نايف وقام سلطان بشماغه يهف عليه الهواء
الجد ثنيان : بشويش هف ي سلطان
نظ نايف من الجلسه وهو يركض ودخل ع الحريم بدون لايقول للبنات تغطو ولاشيء وكانت ريتاج واقفه ف نص الصاله وقفت منصدمه
الجده منيرا : يولددي ارجع وراك ارجععع
نايف م رد وقال ل عمته ام فجر وهو يلهث وخايف ع ابوه : وينننن ابره ابوي الي اعطيتك اياها بسرعه ي عمه
ام فجر : حطيتها هناك دقايق اجيبهااا لك وقامت
الجده منيرا وهي تقوم وبخوف : ابوووك وشفيه
نايف وهو م يبي يخوف جدته : م فيه الا كل خير ي جده
ريتاج كانت للحين واقفه وادركت ع نفسها ودخلت المطبخ بسرعه
ام فجر : ي ريتاج دوري الابره معي
قامو ريتاج وام فجر يدورون الابره
ريتاج : شوفيها ي خاله هاك
اخذتها ام فجر وهي تركض ل نايف وقتها طلعت إيفان من الغرفه وشافت ابره ابوها الي اذا صار له شيء لازمم يحقنونه بذا الابره وقالت وهي مفجووعه : ابووووي فيه شيء
ركض نايف وهو يطلع ووراه ام فجر وجده منيرا
إيفان جت بتطلع وهي تعطيها ريتاج طرحه : البسيها واطلعي " اخذتها منها إيفان بسرعه ولبستها وهي تركض وتستعجل بخطواتها "
نايف :يبه خذ نفس طوووويل
اخذ ابونايف نفس طووويل وقتها حقنه نايف بالابره وهو يلصق عليها
جتهم إيفان تركض وهي تبكي : وش فيههه ابووووي
حضنها ابو سلطان : م فيه الا كل خير ي بنتي
بكت إيفان بحضنه وهي خلقه م تدري وش فيها ومزاجهاا متقلب ودخل خوفهاا ع ابوهااا بقلبها
ابتسم ابونايف بتعب: م فيني شيء ي نظر عيني مثل الحصاان
ابتسم نايف ابتسامه خفيفه وهو يشوف ابوه كيف يقاوم ويحاول يكون قوي عشان م يزعلهم
جته إيفان وهي تحضنه : يعورك شيء ؟
ابونايف وهو يبوس راسها : كان الحين كويس
ابتسمت بحنيه له وسط دموعهاا اخذ نايف الحبوب وهو يعطها ابوه ويعطيه ماء: سم يبه اشربها وتعال احطك ع فراشك ترتاح شوي
الجده منيرا وهو خوفها لازال فيها قعدت عند راس ابو نايف وهي تقراء عليه حنيه الام من يوم يولد الطفل لين يشيب راسه م يتغير وتعامل امه م يتغير وخوفها عليه م يتغير ابداً : كيفك الحين وانا امك
ابونايف : بخير ي جنتي
الجد ثنيان : روح مع نايف يولدي وارتاح شوي
اخذه نايف وهو يمشي ابوه جاء سلمان وهو يساعده لين ودوه ع فرشته لبسه نايف البطانيه وجلس عند راسه
ابونايف: بخير انا ي ابوك روح انت
نايف : حشى والله م اقوم
ابتسم ابو نايف ل نايف بحنيه
...
|عند اصايل|
طلعت من البيت وهي تتجول ف الديره وبالصح تدرو ع الي اعطاها الفلوس ب البقاله تبي ترجع الفلوس له تجولت في الديره كلها ولا حصلته
اصايل بتافف: مو بوقتك انت الثاني اطلع من تحت الارض عشان اعطيك فلوسككك " التفت وراء وصكت بواحد وطاحت شنطتها"
ارتخى مطلق ل الشنطه واخذها من ع الارض ومدها لها وقال : شوفي زين مره ثانيه
اصايل وهي تاخذ منه الشنطه: انت الغلطان !
مطلق ضحك : الغلطان انتي وتتهمين بعد!
اصايل : مو انا الي اتهم وم كذبت انت الي غلطت
ابتسم مطلق : خلاص طيب طيب
اصايل عرفت انه نفس الشخص الي دفع عنها بالبقاله وطلعت من شنطتها عشرين : فلوووسك
مطلق : ايوووه انتي نفس البنت الي بالبقاله
اصايل تاففت منه: اخذ فلوسك
مطلق : م ابيها ترا كلها عشرين ريال خليها لك
اصايل وهي تمد الفلوس عليه وهي شوي تنرفزت: لو سمحت خذها ! ذي فلوسك
مطلق م حب يناقشها زياده واخذها منها : ليش متنرفزه ل ذا الدرجه ؟
اصايل : مهو شغلك " ومشت وتركته "
ضحك مطلق وهو يناظرها وهي تروح
...
| في بيت الجد ثنيان |
دخلت الجده منيرا ع إديم والبنات الي كانو جالسين بالغرفه ومعاهم مي
الجده منيرا : كيفك ي بنتي ي مي ؟
ابتسمت مي : بخير ي خاله وانتي كيفك
الجده منيرا : بخير ولله الحمد ، إديم ي بنتي
إديم : لبيه
الجده منيرا : الرجال حددو الملكه اليوم وبيجبون الشيخ
إديم بصدمه : وشووو ؟
الجده منيرا : وشبلاك اي والملكه بتكون بيننا لين نجهز ل الزواج وبتدخلين عليه تجلسين شوي معاه وبس
ام مهيار : اي عادي ي امك تتقهون مع بعضكم وتسولفون شوي وبس
إديم : بس يمه م تجهزتت م عندي شيء
الجده منيرا : عن الدلع والعياره عندكم فساتين خذي واحد والبسي
" طلعو الجده وام مهيار من الغرفه "
إديم : يويلييي بنات وش اسوي
إيفان : مو مشكله انا امكيجك واضبطك
مي : وانا اسوي شعرك عادي ترا الامور سهالات
مجد : وانا والبنات بندور لك فستان
ريتاج : وننسقه لك بعد نكشخك معليك
ملك وهي تسحبها من مكانها : قوومييي يلا يلاااا م فيه وقتتتت
قامت إديم وبدو البنات يجهزون الملابس لهاا وكانت مي تستشور شعر إديم وشهدكانت تسوي اظافيرها
شهد : ماشاءالله اظافيرك تجننن م يحتاج لها شيء كثير وش تبين لون مناكير
إديم : ي بناتتت بختار الفستان عشان احط لون مناكيري مناسب له
جت ملك بفستان وهي تدور به : شرايك فيه
إديم : امم ماششس
دفت ريتاج ملك : اتركيك منها كيففف هذااا
إديم : ي خي اصفر م يصلح لون ثاني
مجد وهي تنط بفستان : ذا حريقههه
إيفان بضحك: بس مو مناسب ل ملكه احسه قصير شوي
إديم بتاففف : ي خي وش البس الحيننن
إيفان وهي تطلع من الدولاب فستان لون بحري كذا هادي : شوفي ذاا حلووو
مي : اي يجننن مناسب
إديم : خلاص تم حطيه هناك طيب الكعب ؟
مي وهي تسوي شعرها ويفي : بكلم اختي شيماء تجيب من بيتنا جبت معاي كعب كثيررر من الرياض وانتي اختاري
...
| في الحوش|
كانو جالسين الحريم والشيبان والعيال
دخلوو مهيار وفجر بشكل مفاجاء
مهياررر : مفاااااجئه
فز محمد وهو انفجع وفرح بنفس الوقت : ارحبببببببب
وراح يحظنه
وقامت ام فجر وهي تحضن بنتهااا
فجر : كيفكك يمه والله وحشتينيي
ام فجر : ي نظر عيني بخير كيفك انتي
فجر : بخيررر الحمدلله
ام فجر وهي تسلم ع مهيار ومهيار سلم ع راسها : شخبارك ي عمه
ام فجر : بخير بخير الحمدلله
راحت فجر تسلم ع جدها وجدتها
الجد ثنيان : الحمدلله ع السلامه
فجر : يسلمك ي جدي
ابومهيار وهو فرحان يوم يشوف ولده كذا راح مهيار يسلم ع ابوه ويسلم ع راسه ومن بعدها امه : شخبارك ي الغالي
ابومهيار : بخير بخير ، فاجتونا ليش م عطيتونا خبر
مهيار ببتسامه : حبينا نفاجئكم
فهد وهو يحضنه : وحشتنييي ي حيوووان
ضحك مهيار : قيمتيييي حافظووو علييي
ومن بعد م سلم مهيار ع فهد سلم ع سلمان
سلمان بضحك : قيمتك م نعرفها الا بغيابك
فجرر ببتسامه وهي تحضن امها : اشتقتتت لكككككك
ضحكت ام فجر : اكثر انااااااا
فجر : وين البنات
ام فجر : اليووم ملكه إديم
فجر بصدمه : امانه م قالو لي انه اليوم قالو بس انخطبت إديم وسلطان
ام فجر : ان جدك وعمك حددو الملكه اليوم وهم محويسيننن جوه
فجر ببتسامه : اجل بفاجئهم واساعدهم
ام فجر ببتسامه : تراهم ب اخر غرفهه
ابتسمت فجر وهي تروح عندهم وفجعتهم يوم دخلت عليهم فجاءه : سبرايززززززززززز
مجددد والي كان في يدها مسكره طاحت من يدها وصارختتت : فجووووووووووريييييييييي " وحضنتها "
ضحكت فجرررر : وحشتينيييي
ملك بعدييي عطينا دوررر بعدت مجد وحضنت ملك فجر : بناخذ من مهيار الوضع كذا م يصلح
ضحكت فجر : م فيه مانع
قامت إيفان وهي تحضنهااا : الشوقق
شهدد : خيررر ي بنات دوري
بعدت إيفان بضحك : تفضلي دورك
وحضنتهااا شهددددد
إديم قامت بعد شهددد وحضنتهااا: انا الوحيده المحظوظه لانك زوجه اخوي
ضحكت فجر : وشكلك انتي بتصيرين زوجه اخوهم
ضحكت إديم : الله وكيلك حووسه توهم يعلموني متى الملكه
ضحكت فجر : معليش شوفيك قربتي تخلصين " التفت ع مي " ميمييييييي
حضنتهااا مي : وحشتيني ي خي
فجر : وقسم مو كثرييي ي بناتتتت
إديم : مييي تعالي كملي شعري يلاا
مي : جيتتت جيتتت خل نتهنى بفجر ي خي
إديم بضحك : لاحقينن ع فجرر بس ماني لاحقه سلطان "بطقطه قالتها "
ملك : العببب ي الغزل الصريحح
إيفان وهي تضرب كتفها : اقوللل لاتلتفتين واجد بسوي مكياجك
إديم : طيبببببب
....
| في المركز |
سطام بصدمه : احلف
نواف : ارسل فريق ع الديره بسرع وقتت
سطام : م يمديننااااا ي نواف حتى لو وصلوو
ابوسامي وهو يضرب بالقلم ع الطاوله بشكل خفيف ويرفعه : تزوجها
نواف التفت ع ابو سامي وسكت م قال شيء
سطام : بس نواف متزوج !
نواف غمض عيونه بقهر يوم تذكر إيفان
ابوسامي : وعشان يحمي زوجته يتزوجها
نواف كان ساكت م تكلم
ابوسامي : متى قالت تجي؟
نواف وهو يمسح ع وجه بيده : الظهر
سطام : يعني بعد ساعه
نواف : اي ، م يمدي الفرق ع قولتك يوصل من هينا ل الديره يبي ثلاث ساعات بسوي الي قالته وبتزوجهاا
صار فيه هدو مفاجئ وكان في ذا الهدوء يبون يفكرون بحل ثاني بس م فيه الوقت يداهمهم وصلت رساله ع جوال نواف فتحها شاف صوره الديره وبينهم خصوصاً في الصور ووقف
ابوسامي قام معاه : وشفيك
نواف : صوره البيت ، ذي تهدددددد " بصراخ"
ابوسامي : طيب وش قالت لك غير الصوره  ؟
سطام وهو يقراء الكلام من جوال نواف : لاتنسى ولاتحاول تدور لك حلول ثانيه انا بنتظرك عند المحكمه ولا ترا بذبح زوجتك ولا فرقت معاي
...
| في بيت اصايل |
دخلت اصايل البيت وكان صوت تلفزون خالها في البيت كله طلعت ام اصايل من المطبخ وفي يدها حب وشاهي بتوديه ل اخوها وشافت اصايل وقالت : شرفتي ي  هانم !
اصايل : شكراً
نط خالها من سمع انها جت وهو يمسك شعرهاا بقوه وقال وهي بالم قالت ؛ اههه
خالها : حتى الي كان بيخطب خطب بنت عمه هج منك انتي تحسبين انك بتقعدين ع قلبي كذا ؟ ي بنت سعود
اصايللل بصراخخ: بنتتت سعوددد اشرف منك هي الي توكلك وانت نايم
ضربها خالها بقوى م عطته يده : اناااااا يبنتتت سعوووود ترفعيننننن صوتكككك علييييي انااااااااا !!!!
اصايل وهي دموعها تنزل وهي تشوف امها تناظر وهي ساكته وكانه تقول ل اخوها كمل عليها : عاجبككك ي يمه ؟
ام اصايل : استحييي ي بنت ذا خالك
اصايل : م اتشرف
مسكها خالها من شعرهااا : م تتشرررفيننننن اجلللل " فك باب البيت وهو يطلع ب اصايل من شعرها وكانت كاشفه قدام خلق ربي كلهم وكانت ام اصايل تحاول توقفه "
خالها باعلى صوت في الديرههه : من يبيييي يتزوجهاااا تراها رخيصه ولاتسوى شيء
اصايل ببكاء من بشاعه الموقف وهي تحاول توقف خالها
جاء رجل كبير ب السن وهو غاض البصر عن اصايل : استح ع وجهك ي مسفر ذي امانه سعوددد لك
بدو الرجال بالنميمه وانها اكيد مسويه شيء ولا كان م سوى كذا خالها لانه يشوفونه رجال اجودي الا الرجال الي كبير بالسن وهو الي كانت تعطيه اصايل يومياً اكل وعارف انها طيبه وبنت حلال
| عند العيال|
كانو فهد ومطلق يمشون في الديره شافو تجمع غريب
فهد : وش عندهم ذول ؟
مطلق : مدري والله
" قربو منهم وشافو البنت وخالها كيف ماسكها بشعرها وهي كاشفه وتبكي وسمعو نميمه الرجال وهم يقولون بنت سعود وانها يتيمه والي شافق عليها والي يقول احسن اكيد مسويه مصيبه "
خالها: من يبييهاااا يتزوجها وانا ادفع له
ركض مطلق بسرعه للبنت بشماغه وغطاها فيه ودف خالها وضربه بوكس ع خشمه ومسكه من ياقته ويقول : لو انك رجال م سويت سواتك ذي
خالها دف مطلق وهو يمسح الدم الي نزل من خشمه : من انتت وووش دخل
مطلق : دخلني وغصباً عليك
الشايب وهو يقول ل خال اصايل: انت تخليها تجيب لقمه عيشك لعندك وماخذه دورك في البيت ذي سوات رجال ؟ تحسب اهل الديره م يعرفون
واحد من الرجال : الا بالله صادق م نشوفك الا في وقت التجمعات ولا الوقات الثانيه م نشوفك تاخذ رزقك م يخذه الا بنت سعود وهذا مهو بسوات رجال يخلي بنت يتيمه تجيب فلوسه ل عنده
فهد : م تستحي انت !!!!!!!
مطلق م تحمل الكلام وشلون يسوي كذا ذا ؟ فيه احد بذا القساوه م تحمل وضربه ع وجها مره ثانيه وطاح فيه ضرب فهد وهو يحاول يبعده : ي مطلق اتركه لا يموتتتت
بعده فهد والرجال بصعوبه عن خالها وقام مطلق وهو ينفض يده التفت عليها شافها جالسه مغطيه وجهها بشماغه وتبكي
مطلق قرب من عندها وقال : تعالي معي
اصايل وهي منزله راسها وتبكي : وينن "قالت وين لانها فعلاً تبي تروح م تتحمل "
مطلق عرف انها نفسها البنت الي الصباح عطته فلوسه ونفسها الي بالبقاله من صوتها قال : عند امي وخواتي م يقصرون معاك ، يلا انا بمشي وانتي وراي
هزت براسها وقامت معاها كان فهد يمشي قدامها ومتعدي مسافات طويله شوي ومطلق وراها وكان تقريباً قريب منها واي واحد يمر وينتقعد عليها كان بنظره يخليه يروح
وصلو للبيت ودخلها مطلق عند الحريم وقال ل امه كل الي صار
ام سلمان : الله لايوفقه قليل الخاتمه
مطلق : البنت منهاره يمه انتم هدوها وخلوها تقعد عندنا
ام سلمان : سم سم يولدي
دخل عند اصايل وعطتها ملك مويه وكانت تبكي
حظنتها إيفان وهي تقراء عليها : بسم الله عليك خلاص
...
طلعو من المحكمه وغزل ماسك يد نواف الي شال يده منها بسرعه
غزل : مبروك علينا ي زوجي
نواف ناظرها بنظره اشتمزاز : شيلي الرجال الي ب الديره
غزل : من عيوني ولاتخاف ع ست الحسن والدلال م همها سوو م تموت
مسكها نواف من يدها بقوه : طاري إيفان لاتجيبينه تسمعيننييي ولالا
غزل وهي تفك يدها منه بقوه وهي غيرانه : ترا مثلي مثلهاا حالياً
نواف : دقي ع الرجال وشيليهم من الديره
غزل : اففف طيب " طلعت جوالها وهي تدق عليهم عشان يتراجعون وفعلاً تراجعو" تراجعو ارتاح
راح نواف وغزل تركض وراه : فينننن رايح
ناظرها نواف : تزوجنا ولا لا ؟ انتهى الشرط
غزل : بتتركيني وبتروح ؟ تونا متزوجين
ضحك نواف وهو معاد يستوعب : انتي شوضعك م كنتي مهددتني قبل شوي ؟؟؟
غزل : انت جبرتني ولا انا احبك ي نواف
نواف : اسمعي زين محد بيدري بزواجنا تسمعيننن ولا لا ؟
غزل : طيب
نواف ركب السياره وهو خلاص الدنيا تدرو فيه دق سطام عليه وقال له كل شيء
نواف : راقبو سعيد لايروح من عينكم ولا يتاذى
سطام تنهد: طيب ، وانت وين بتروح ؟
نواف : اليوم ملكه اخوي سلطان بروح دق علي
سطام: طيب
~ ع صلاه العشاء ~
وصل نواف البيت وكانو مجهزين الشيخ والعقد وكل شيء وجالسين ب المجلس
الشيخ وهو يكلم ابومهيار: قول زوجتك ابنتي
ابومهيار: زوجتك ابنتي
الشيخ : ع م يرضي الله وسنه رسوله
ابوميهار: ع م يرضى الله وسنه رسوله
الشيخ وهو يناظر سلطان : قول قبلت ب إديم بنت عبدالله زوجه لي
سلطان : قبلت ب إديم بنت عبدالله زوجه لي
الشيخ : قول قبلت
سلطان : قبلت
الشيخ : قول قبلت
سلطان: قبلت
الشيخ : مبرووك عليكم " وقام "
مهيار : تفضل ي سلطان ندخل ع اختي
تنحنح سلطان وهو متوتر ومتحمس في نفس الوقت
فك مهيار الباب : ادخل وهي بتجيك يورع
سلطان : من ورع ؟ تراك اصغر مني ي بزر
ضحك مهيار
سلطان : رح ناد لي زوجتي اخلص علي
مهيار : انطق اجلس وهي بتجيك
طلع مهيار ومهي شويتين الا صوت الكعب بالغرفه رفع سلطان راسه وهو يناظرها وانفتن بجمالها بشعرها الحرير الي نازل ل تحت كتفها بشوفي مسويته ويفي وبني فاتحح ومنزله راسهاا
إديم بصوت خافت: السلام عليكم
ابتسم سلطان : عليكم السلام " قرب منها وهو يرفع راسها وكانت إديم متوتره " ارفعي راسك خل اشوف جمالك " لما رفعت راسها مع يد سلطان قال سلطان : امنت بمن خلق ذا الوجه
بانت ثغره ابتسامه إديم مع كلمه سلطان فك مهيار الباب وقال : خلصصص الوقت اطلع برا ، بعدين سلامات لاصق ف اختي
سلطان وهو بسبحته يقول ل مهيار : والله ل مسكتك لادفنك
مهيار بضحك وهو ميت : اطلع اطلعع يلا العشاء بيجي طولتووو
سلطان وهو وده يذبح مهيار لانه م طول قرب من اذن إديم وقال : الايام بيننا باذن الله " وطلع
مسكت إديم قلبهااا الي يدق بقوه ودخلت عند البنات
إيفان جت جنبهاا : عمليننييي وش صاررررر
إديم وهي ماسكه قلبها
فجر: إديممم
إديم بدت تعلمهم
ضحكت شهد : وجههك ي شيخه يشرح كل شيء
مي بضحك وهي تضرب شهد : لاتحرجينهاا
قامو البنات بعد م سالفو وسالو إديم وتعشو
| في غرفه كان فيها إديم وإيفان |
مسكت إيفان فمها وهي تركض للحمام بغثيان مستمر معاها مسكتها إديم: إيفان تراك تعبانه من ايام ووجهك شاهب
إيفان : م ادري ي بنت احس بغثيان ذا الايام
إديم شكت بشيء وقالت : ليكون حامل !
ناظرتها إيفان وهي تمسك بطنها : حامل
إديم : اي عليك اعراض حمل هذا وانتي تدرسين طب
إيفان : م شكيت
إديم وهي تحضنها : اوففف لو تطلعيننن حاملللل " وصرخت " بصيررررر خاله
قامت إيفان بسرعه حطيت يدها ع فم إديم : اسكتي لاتفضحينااا م ندريي حنا للحين ، بكره نروح انا وياك نشتري جهاز الحمل واحلل
إديم ببتسامه وفرح حضنه إيفانن : بصير خاله بصيرر خاله
ضحكت إيفان : اسكتييي
إديم بضحك : تدرين ان خالتي سلمى شكت يوم استفرغتي بس سكتت ولا انا عارفه انها شاكه لاني شكيت وقتها بعد بس قلت يمكن بطنها يوجعها
ضحك إيفان وهي تتنفس بفرح وتمسك بطنها : م اعرف م شكيت مادري من تعبي م شكيت ع نفسي بس لو صدق حامل وبيجيني بنت او ولد من نواف صدق بتكون حياتنا حلوه وبيكون اب كويس
إديم ببتسامه وهي تضربها : وبقول ل عيالك امكم كانت تكره ابوكم وتشوفه عصبي ومتكبر
دفتها إيفان : انقعلي
...
| عند نواف وسلطان |
كان نواف ماسك الدخان ويدخن ويفرزه بهدوء من فمه
سلطان حس بضيق اخوه الي علم سلطان بكل شيء وقال : انت م تزوجتها الا عشان زوجتك
نواف : احس خنتها " واشر ع قلبه " احس خنت ذا بعد خنت الكل
سلطان تنهد بضيق وقال : م خنت شيء انت سويت الي كان المفروض تسويه ، بتقول ل نايف؟
نواف وهو يطفي الدخان : اكيد م بخبي شيء عليه ....
...
ننهي البارت لين هينا
طولت البارت عشان تستمتعون ب احداثه