ليتك تعرفين الحال؛ ويش هي نواياي

خمسه واربعين

صلو ع نبينا محمد عليه افضل الصلاه والسلام ....

...
الدكتور : يبي لك فتره تستوعب ، خل اتصل على اهلك ابشرهم
نواف : كم صارلي ب الغيبوبه
الدكتور : صار لك شهرين
انصدم نواف من مده الغيبوبه : كيف شهرين !
الدكتور : يبي لك فتره وتستوعب المده ، انا بروح ابلغ اهلك
طلع الدكتور من عند نواف وراح يدق على سلطان بس استغرب ان جوال سلطان كان مقفل اتصل مره ثانيه وكان للحين مقفل
| عند نواف |
بدت الممرضه تركب له معذيه بعد نواف يده : لاتحطينها
الممرضه : صار لك مده م اكلت لازم اعطيك المغذي
نواف وهو ماسك راسه ب الم ، وهو مو مستوعب شيء للحين وقال : قلت لك لاتحطينه !
الممرضه وهو تحاول فيه انها تحط المغذي : يمكن تتالم شوي المغذي بيكون فيه مسكن الم
نواف وهو يرمي البطانيه من عليه والاجهزه يطلعها بغضب ، جاء بيقوم والممرضه يساءت منه وراحت ركض تنادي الدكتور
.....
| في بيت الجد ثنيان | في العزاء
كانو مجد وملك يبكون بحرقه ، وهم كان روحهم طلعت منهم ايفان وهي تبكي وتحاول تهديهم
مجد ببكاء وهي تشهق : قولو لي مقلب تكفوووون قولووى لي مقلب قولو انها بخير تكفون
ايفان وهي تحضن مجد الي بكت بحضن ايفان وانهارت اما ملك كانت مسرحه ولاتتكلم ابداً تبكي وهي مسرحه ، وكانها تشوفه حلم ومو راضيه تقوم من ذا الحلم ، هذا مو حلم هذا كابوس مرعب كابوس حقيقي
قربت ريتاج من ملك وهي تبكي بصمت جلست جنب ملك وحضنتها ، انفرجت ملك بحضن ريتاج وهي تقول : ليتني مت قبلها
كانت الجده منيرا ماسكه طرف شيلتها ، وتبكي كانت ام سلطان بنتها كانت ام سلطان لها حس ثاني ولا يختلف الوضع عن ام فجر وام سلمان وام مهيار الي يبكون بحرقه محد فيهم كان يقدر يهدى
"بطيبه ام سلطان خلت اثر فيهم كلهم ام سلطان الطيبه الحنونه الي م تعرف تقسى ماعمرها اذت احد محبوبه الكل راحت عند الي ارحم منا كلنا "
| عند المقبره |
سلمو عليها اولادها وابوسلطان ، ودفنوها كان سلطان يرمي التراب عليها وهو كانه دفن روحه معاها
محمد وهو يمد يده على سلطان : عنك ي سلطان
ناظره سلطان ومد له الكريك اخذه محمد منه
قام سلطان وهو يشوف فهد الجالس يبكي ويناظر بالقبر ، قرب منه سلطانه وهو يبوس راسه ويجلس جنبه ، حط فهد راسه على كتف سلطان وهو يبكي وكان البكاء يعبر عن شعور داخله شعورر خوووف شعور فقد اقبح شعور
سلطان وهو يقاوم حزنه عشان اخوانه : راحت عند الي احسن منا كلنا
فهد وهو يمسح دموعه بطرف كمه : شلون بنعيش ياسلطان ؟ كيف نعيش بدون امنا ؟
سلطان وهو يحس بغصه وهو حتى م يدري كيف بيعيش شلون يكمل حياته : بنعيش بنعيش يخوي ، بنعيش لين نتقابل معاها في الفردوس الاعلى بنعيش
فهد وهو شعور بداخله بشع : وش نقول ل نواف لصحى من الغيبوبه ؟
سلطان وهو يحس انه انهد وكانه جبل تكسر : اول شيء يتعافى وقتها اكلمه ،لاتفكر في ذا الشيء ياخوي
بعد م دفنو ام سلطان بدو الرجال يمشون لين فضت المقبره ، ماكان فيها غير الجدثنيان وعياله واحفاده ، كان ابوسلطان منهد حيله وصعب عليه فقدها كان اخوانه وابوه يساندونه ، اما فهد م تحرك من عند قبرها وهو وده يدفن نفسه معاه يالله وش كثر يوجع شعور فقد الام ، كان سلطان كلام امه يتردد في راسه وصوتها م يروح من باله
الجدثنيان وهو مكسوور من داخله ويحاول انه يقويهم
......
| عند زايد الكندري |
زايد وهو يكلم ب الجوال : اقولك مات نواف ال ثنيان ليش م تصدقني
: واخيراً سويت عمل زين يازايد
زايد ببتسامه : نواف ال ثنيان راح بح ، وش نصيبي من ذا الشيء ؟
بصوت استهزاء : مالك ولا حاجه ، انا الي طالق النار عليه انت وش سويت ؟
تحولت ملامح زايد من الفرح : عيب عليك وش تقصد
بتغير موضوع : غزل سافرت ؟
زايد : سافرت
: لاشوفها ماسوت خير تسمعني ، لو عرف الرئيس بالي صار كان ذبحك ي زايد بس موت نواف يغفر لك افتكينا من بلاء كبير
زايد كان بيتكلم بس تقفل الجوال بوجهه ناظر الجوال وحطه على مكتبه
| عند فيصل |
كان متجسست على مكتب ابوه ، وبانت الصدمه على وجه من لما سمع بموت نواف ، طلع برا البيت وهو مستعجل بخطواته
رجال زايد : فيصل ابوك مانع انك تروح
فيصل ناظر بنظره وقال : اذا استاذنت منه وقتها يمنعني بعد عن وجهي
رجال زايد: لاتصعبها علينا وادخل
فيصل وهو يده تحكه رفع يده وضرب رجال زايد ، مسكه من ياقته وقال : اذا تجرات مره ثانيه كسرت رجلك
بعد رجال زايد وطلع فيصل من البيت ، راح رجال زايد يبلغ زايد بالي حصل
....
| عند نواف |
كان الدكتور مو قادر يصيطر على نواف الي يبى يطلع من المستشفى
الدكتور : توك صاحي من غيبوبه بس خلني اجري فحوصات
التفت نواف على الدكتور وقال بصوت خشن : بخير انا مثل الحصان
طلع الدكتور من غرفه نواف وهو يدق على سلطان للمره العاشره واخيراً رد سلطان بصوت مبحوح
قال الدكتور : اهلين سلطان واخيراً رديت
سلطان بصوت خوف من اي خبر ثاني صادم : نواف فيه شيء ؟
الدكتور : نواف صحى من غيبوبه
فز سلطان وهو شعور ملخبط جواته وتتردد في اذنه كلمه امه وهي تقول " والله لو اعطيه حياتي واموت لاعطيه بس هو يعيش" وكانها صدق ماتت عشان نواف يعيش
سلطان وهو كان بعزا امه : جايك
طلع سلطان من العزاء وقابل ابوه الي وجه شاهب
ابوسلطان بصوت مبحوح : وين رايح
سلطان ببتسامه ودموع في عينه : نواف صحى
ابوسلطان ببتسامه وهو وده لو يبكي : صدق
سلطان : اي والله يبه اي والله نواف صحى
ابوسلطان وهو يمسك طرف شماغه ويمسح دمعته : روح شوفه وبلغني ، اي وصح يولدي لاتعلمه بشيء خله يرتاح اليوم
سلطان ماسك نفسه : سم سم يبه
طلع سلطان من البيت وركب السياره ، كان يمشي ب السياره وهو يحس بثقل كل مسافه يمشيها ، وش يقول ل نواف من وين يبدا ومن وين ينتهي ، شعور حزن وفرح متلخبطه يبكي ولا يفرح ؟
| عند نواف |
طلع برا الغرفه بدون م يسمع كلام الاطباء وكان الطبيب يصر عليه انه يقعد
الدكتور : اخ نواف ماقدر اخرجك بتكون مسووله علي
نواف وهو راسه يعوره مره : مايصير لك شيء انت م تفهم !
دخل سلطان المستشفى وهو يشوف نواف الي يكلم الدكتور ابتسم وهو يشوفه واقف على رجوله بعد مرور شهرينن كامله تمنى لو امه شافته قبل م تموت ، كان يقاوم دموعه بصعوووبه وكاتم نفسه
التفت نواف وشاف سلطان الي كان واقف
ابتسم سلطان وهو يحضن نواف بفرح : متنا وعشنا
نواف تالم من اول م مسكه سلطان : اهه
بعد سلطان عن نواف : تتالم ؟
نواف ببتسامه : لا ي عضيدي بخير ، طلعنا من المستشفى
الدكتور قاطع نواف : لازم اجري فحوصات ممكن يكون فيه نزيف
سلطان وهو معاد يتحمل احد يصير له شيء : تعال نسوي فحوصاتك
نواف : ماني برايح بطلع من المستشفى
سلطان وهو يعرف عناد نواف : عشاني ي عضيدي انت م شفت وش عشنا الشهرين ذي متنا وعشنا عشانك ، طمني وسو الفحوصات ذي تكفى ي عضيدي
نواف وهو م يقدر يرد سلطان وهو حاس ان سلطان فيه شيء بس سكت وراح يسوي الفحوصات وكان سلطان معاه
بدا الدكتور يسوي فحوصات نواف ونواف عينه م بعدت عن سلطان ، يحس ان فيه شيء صاير ، وسلطان يقاوم ذا الشيء بس مو على نواف
جاء الدكتور ب نتايج التحاليل : الحمدلله بخير بس تقعد عندنا افضل
قام نواف : ماني قاعد " طلع نواف ووراه سلطان وسلطان كان يحاول في نواف انه يقعد ب المستشفى "
سلطان : ي عضيدي اقعد ، خل نتطمن عليك
التفت نواف على سلطان : ترا عشانك سويت الفحوصات بس ماني قاعد ب المستشفى
سلطان ماحب يضغط عليه : تمام نطلع ي عضيدي نطلع
طلعو برا المستشفى تكلم نواف وهو يقول : وش فيك ؟
التفت سلطان : وشفيني غير اني فرحان انك صحيت ي قلب اخوك
نواف التفت على سلطان : علي ي خوي ؟ وش صار طول الشهرين
بلع سلطان ريقه ، والكلام نشب في صدره
نواف : سلطان وش صاير
سلطان وهو معاد يتحمل نزلت دمعه على خده ومسحها بسرعه
نواف حس بالقلق ومسك كتف سلطان وقال وهو مفجوع : سلطانننن بتقول لي !
سلطان ناظره والدموع بعيونه : تعال نجلس بالسياره انت تعبان
مسكه نواف وقال : سلطان احد فيه شيء ؟ لاتقلقني ي عضيدي انا من يوم م صحيت وانا بصدري حاجه ماني قادر افسرحها قول
سلطان ناظر نواف وحضنه وشد على حضنه : الدنيا ماتدري وش يصير فيها ي عضيدي ، وامي راحت عند الي احسن مني ومنك
نواف وهو مو يقادر يستوعب الكلام الي يقوله سلطان من الصدمه تجمد مكانه ، بعد سلطان عن نواف الي كان مفجوع ، جلس على الرصيف وهو الكلام م يستوعبه ، جلس سلطان جنبه وهو متلثم : نواف
نواف وهو يناظر بفراغ وهو يحس قلبه يتقطع مانزلت دموعه وكانها تجمدة دموعه ، مو قادر يستوعب فقد الام ، حس جزء منه ضاع يحس انه جسم بدون روح ، تمنى انه مات بالغيبوبه ولا سمع ذا
سلطان وهو خايف على نواف الي كان طايح مصدوم مفجوووع ودموعه على خده : نواف اصرخ اضرب هاوش ابك لاتقعد كذا
مانزلت من نواف الا دمعه وحده ومسحها بيده بسرعه ، كان حاط راسه بيدينه وهو يبي يذكر وش اخر حوار بينه وبين امه ؟ ، يحس بنار بصدره نار مستحيل تطفي ، نار حرقت صدره حرق وكان عضامه صارت رماد ، تمنى لو قعد بغيبوبه
قال بصوت مبحوح ومووجوع : متى ، كيف
سلطان وهو ضايق والدنيا كانه قفلت بوجهه بدا يقول ل نواف كل شيء وكان نواف وهو يسمع، وده يصارخ وده ينهارر ، وده لو يضرب بس قاوم كان كاتم مشاعره بشكل مرعب
....
| في بيت الجد ثنيان |
كانو الحريم داخلين طالعين يعزون ، وكانو مجد وملك بالغرفه ومقفلين الباب دخلت ايفان عليهم وهي تشوفهم في حاله يرثى لها قربت منهم وجلست جنبهم ، وكان حال ايفان م يختلف عنهم هي جربت فقد الام وكانت تتمنى وتدعي محد يجربه ، مسحت دموعها وهي تحاول تهدي مجد الي حاطه راسها على الجدار وتبكي بألم ووجع
حطت ايفان يدها على فمها تكتم بكاءها م تبي تزيدها على البنات بس هي ينفسها م تقدر
مجد ببكاء : انا شلون اعيش ، كيف اعيش " ضربت راسها على الجدار من وجع صدرها ومسكتها ايفان وحضنتها بكت مجد بحضن ايفان وهي تشهق"
.....
| في المقبره |
جاب سلطان نواف للمقبره عند قبر امه الي ماله الا ساعات قليله من دفنه قربو من قبرها وكان نواف يناظر قبرها بجموود،  وسلطان وده لو يطلعها من قبرها ، قرب نواف من قبرها وجلس على رجوله وهو يتحسس بتراب قبرها ، نزلت دموعه على خده وقال : دفنوك وانا م سلمت عليك ي جنتي ، مشتاق لك مشتاق لك لو اني طول غيبوبتي نايم وكان الي صار كله امس ، طول الطريق في جيتي للمقبره اذكر اخر كلامي معك واتحسف اني م جلست معك اكثر " مسح دموعه بيده وهو كابح مشاعره ويبين القوه "
مسك سلطان كتف نواف وهو يسلم على راسه ويجلس جنب اخوه ابتسم سلطان وسط دموعه : جعل مثواها الجنه يخوي وجعلنا نقابلها هناك
نواف بحرقه : امين امين
قعدو نص ساعه وهم عند قبر امهم ولاودهم يفارقونه سال نواف سلطان وقال : كيف فهد ومجد وملك
سلطان وهو يحس بثقل لسانه : ماش احاول اشيل همهم بس مقدرت ي خوي مقدرت
نواف غمض عيونه بقهرر : وابوي ؟
سلطان : مهما سوى نفسه قوي ، يضل خايف من الايام الي بتجي ، الكل ي نواف كلهم حالتهم يرثى لها
قام نواف من عند قبر امه : مشانا نروح لهم ، ونشوف اخواني
قام سلطان مع نواف وهز راسه ب الايجاب راحو وركبو السياره شغلها سلطان ومشى متوجهين للبيت