ليتك تعرفين الحال؛ ويش هي نواياي

واحد وخمسين

صلو ع نبينا محمد عليه افضل الصلاه والسلام ....

...
ابتسمت شيماء وحضنت مي : واخيراً شفتك عروسه يعيوني ، ان وافقتي ع سلمان ولا ع طارق " طارق اخو زوج شيماء " اهم شيء اختاري الي انتي تبينه
مي ابتسمت وهزت راسها ب الايجاب
....
| في بيت الجد ثنيان |
بعد م رجعو العيال كان سطام ومحمد يسولفون ويضحكون
سطام : العرس خلوه بكره ي عيال
ضحك سلمان : خلها توافق اسويه الحين
فهد مات ضحك : الخفيففففففففففففف
سلمان طلع عقاله من راسه : والله لامعطك ب ذا العقال
محمد : وجع يوجعكم كلكم تزوجتو
نايف ببتسامه : قلنا لك تزوج حتى جبنا لك العروسه انت الي رفضت
تنحنح محمد وهو يناظر نايف الي يضحك ويبيه يسكت عشان سطام جنبهم ، نواف وهو يلعب ب السبحه ب يده : والله من الي جبتوها ؟
محمد وهو يضرب ظهر نايف : جايب سندرلا لي الله يحفظه ، اشترها من السوق وجابها يطقطق الله يصلحه
ضحك نايف وهو يشد ع يد محمد : صحيح
سلطان الي جته رساله ع جواله : ماعندكم سالفه " التفت ع نواف" عضيدي تعال شوي ابيك
راح سلطان ونواف مع بعضهم بعيد عن العيال ، فيصل ابتسم وهو يشوف العيال يتحارشون ، دخلو وبقي نايف
فيصل ببتسامه : لحقت عليها
ابتسم نايف : اخذت بنصيحتك
فيصل : فعلت الصحيح والله يوفقك بحياتك ي نايف
" كان فيصل يعامل نايف ب احسن شيء ويستحي من نايف مررررره بسبب موت امه وكان نايف ملاحظ ذا الشيء ويحاول يحسس فيصل ان هو ماله ذنب وماله دخل ب الي صار بس مهما سووا كان فيصل نفسه نفسه ووافق ان ابوه ينسجن بس عشان فيصل ولا الود وده يمسك زايد ويقطعه "
نايف : تبي نروح ناخذ شاهي اعرف لك مكان ع مستوى
فيصل ابتسم : ماقول لا
نايف طلع مفتاحه من جيبه وشغل سيارته : اركب
فك فيصل الباب وركب مع نايف
| عند نواف وسلطان |
نواف ب استغراب : وش بلاك
سلطان وهو يوري نواف رساله ابوسامي  : جتني الرساله ، الرئيس بيقابل زايد في مكان مجهول للحين
نواف وهو يمسح ع شنبه : المكان لازم ينعرف
سلطان هز راسه ب الايجاب ، ماهي الاشويات وجاء سطام : ي عيال ابوسامي طلب مني احدد موقع
نواف : وراك ؟ تقدر !
سطام : افا عليك اقدر بس عطني لابتوب يخوي
نواف ناظر سلطان ، وناظر سطام : ادخلو غرفه محمد وانا بجيب لابتوب واجي
راح نواف من عندهم ، ودخل البيت وتوجه لغرفه خواته دق الباب ودخل عليهم
مجد : نواف تبي شيء ؟
نواف : عندكم لابتوب ؟
مجد : لابتوبي طافي والله
ملك ناظرته ومدت لابتوبها له : هاك لابتوبي
نواف ابتسم واخذه منها : يمكن اتاخر شوي تحتاجينه ؟
ملك هزت راسها ب لا : يفداك
نواف ابتسم وطلع وقفل باب غرفتهم ، وراح لغرفة محمد دخل حصل سلطان وسطام جالسين ينتظرونه
نواف مد لابتبوب ل سطام : سم
سطام اخذه منه : سم الله عدوك
جلس نواف جنب سطام ، فتح سطام الابتوب ودخل العدادات عشان يدخل حسابه ، شاف حسابها مكتوب ملاكي بنت تركي وفيسات ورديه كيوت
سطام تنحنح : اقدر اغير الحساب ؟
نواف : سو الي تبيه
طلع سطام من حسابها ودخل بحسابه ، من بعدها بدا يتتبع الموقع ويدخل ويطلع ويسوي اخذ حوالي اربعين دقيقه ، لين جاب الموقع المجهول ل الرئيس وزايد الكندري ، لف شاشه الابتوب ل نواف : ذا مكانهم
سلطان وهو يحك لحيته : طيب ومكانهم وعرفناه وش بنسوي ي نواف ؟
نواف : تعرف متى بيجون ؟
سطام : ابوسامي قال بكره العصر
هز نواف راسه وقام ، اخذ الابتوب وقال : سطام اخذ احتياطاتنا وبلغ العيال
هز سطام راسه وقام ، طلع نواف وراح ياخذ الابتوب ل ملك
....
| في بيت ام سلمان |
كانو ام سلمان واصايل وشهد وريتاج جالسين مع بعضهم يسولفون ويضحكون ، كانت ريتاج في عالم ثاني عالم خاص لها ، مسرحه ولاهي يم الناس كل تفكيرها نايف حب طفولتها ، م عمر قلبها حب شخص غير نايف ، صحت ع صوت اصايل : رتووج
ريتاج صحت من غيبوبتها : ها هلا وش
ضحكت شهد : وشفيك مفهيه !
ريتاج بلعت ريقها : ولاشيء وش تبون !
شهد ببتسامه : امي صار لها ساعه تكلمك وانتي بعالم موازي
ريتاج التفت ع امها : معليش يمه سهرانه من الجامعه بعدين رحنا خطبنا ل سلمان عشان كذا ، وش كنتي تقولين
ام سلمان : كنت اقول موافقه ع نايف ولا لا وش شورك فيه
ريتاج بان طيف ابتسامه ع وجهها وقالت : قلت بفكر
شهد تنرفزت من ريتاج الي كل م تشوف نايف تتوتر والحين تقول بفكر !!!!!! ، بس سكتت م قالت شيء
ام سلمان : ع هواك يمه خذي راحتك ل التفكير ، بس ولد اخوي م يتفوت
شهد عشان تقهر ريتاج : منجد طول وسامه حلاوه اخلاااق طيبه ، وتبين ترفضينه ! انتي اكبر خبله ب العالم تاخذه وحده غيرك
ضربتها ريتاج ع يدها : اقول عضي ع شحمه
ضحكت اصايل : اتركي البنت
ام سلمان ابتسمت : انا بروح انام يمه وانتي فكري ع راحتس ومالك شغل ب احد
ابتسمت ريتاج وهزت راسها ب الايجاب ، راحت ام سلمان وشهد كانت ماسكه يدها ب الالم : انتي حماره ! كل م نزلت ايفان صوره عنه حفظتيها عندك ، جوالك لو افتحه الاستديو كله نايف وتقولين افكر
ضحكت اصايل وفطست : خفيفه منجدك !
ريتاج انحرجت : ي حيوانه انتي وش عرفك
شهد وهي تلعب بشعرها  : مره لقيت جوالك مفتوح قلت اخذ لفه فيه وليتني م اخذت شوي ويطلع لي نايف من الشاشه
ريتاج مسكت المخده وضربت شهد اكثر من مره : ورعه ورعه ورعه
ضحكت شهد : الحقيقه تعور صح
ريتاج : شهدددددد والله لامسح شعرك ب البلاطه
اصايل ضحكت وهي تحاول تهديهم : طيب اهدو اهدووو ، بعدين انتي صدق دامك تبينه ليش تقولين بفكر
ريتاج ابتسمت وبدت تلعب بشعرها وتتغنج وتقول بدلع : ابي اتغلى عليه
شهد : يعععع وش ذا الحركات
ريتاج ناظرتها ورفعت حاجبها وقالت بدلع : انتي شتبين انتي وش عرفك ب الانوثه والدلع ابعدي ع جنب ب البزر
اصايل ابتسمت وقالت بهمس : انتبهي لايروح من يدك صدق
ضحكت شهد : شفتييييي الحركات الي مالها داعي مالها داعي
ريتاج عدلت نفسها وقربت من اصايل: تهقين اذا طولت ب الرد بيتركني !
اصايل وهي تقلد ريتاج لما تدلع : افكورس حياتي بيسحب عليك
ريتاج ناظرت فيها وحست بغصه : بنات لاتستهبلون معاااي
شهد : م نستهبل حياتي قولي موافقه وانطمي
...
| في بيت مي |
كانت تناظر من الشباك وتبتسم وتفكر وسارحه ب تفكيرها ، توافق ؟ ولا لا ، ووش يعيبه عشان م توافق ، كانت بس تناظر وتفكر قطع تفكيرها العيال لما طلعو من بيت الجد ثنيان كانت تقدر تناظرهم من شباكها ، كانت تبي تشوفه تبي تلمحه ولو لمحه ترضي خاطرها ، وفعلاً قدرت تلمحه وتشوفه بين محمد ومهيار يبتسم ، كان رسمي شوي راز نفسه ويبتسم ويضحك ، ابتسمت لا ارادي ، بعدين ادركت ع نفسها وقامت : وش تسوين ي مي اذلفي ارقدي
قفلت شباك غرفتها ، ودخلت ب سريرها طفت الاضاءه والتفت ع جنبها تبي تنام ، بس كان التفكير ياكلها وهواجيسها م تركتها
...
| عند ايفان في غرفتها |
كانت تلبس روح ملابسها وتبتسم وكل شوي تعطي روح بوسه ، لبستها بجامه ورديه وكان ع البجامه قلوب كيووت ونفس شكل البجامعه لابسه ايفان ومطقمه مع بنتها ، وسوت شعر الطفله الخفيف قرنين
ايفان وهي وهي تبوس خدود روح : اكلك انااا اكلكك ولا شو اسوووي وشش اسوييييييي
بدت روح تمد يدها بلطافه وتبتسم ، باست ايفان يدها : مامييي انااا ماميييي ، قولي قولي مامي
مسكت روح اصبع ايفان وزي اي طفله قفله عليه ، وكان اصبع ايفان بيد روح الناعمه
ايفان : واه واه اموت ع بناتي انا اموتت
شالت ايفان روح وحطتها بين احضانها : يلا يلا وقت النوم
اخذت ايفان حليب روح وحطتها بفمها ، ولفتها ب البطانيه كانت مو مره تعرف تتعامل مع روح بس جدتها حاولت تعلمها وفهمت بعض الشيء بدت تهز روح شوي وشوي وتغني وتقول :
في منزل انثى السنجاب دق دق الباب
دق دق دق من ع الباب آيس كريم آيس كريم نكهته
شهية وتدوم من لا يأكله محروم صوتك خشن انت الثعلب اذهب اذهب يا كذاب مادامت ماما بالخارج لن ندخل ابدا اغراب
دخل نواف عليها وهي تغني وتنوم روح ، قرب منها وطبع بوسه ع خدها فزت منه لانه م درت انه دخل
نواف بهمس ب اذنها : صرتي تغنين لها وانا من زمان م سمعتيني صوتك
التفت ايفان عليه وابتسمت : انا اغني لك العمر كله
ابتسم نواف وجلس جنبها ، وهو يتاملها ويتامل عيونها : وش تسوين فيني انتي
ابتسمت ايفان وقربت منه : وش سويت
قاطعتهم روح وهي تبكي ، اخذها نواف وهو يسلم عليها : بس بس ي بابا ، ي عروق قلبي انتي
ايفان بغيره : صارت عروق قلبك وانا !
ناظرها نواف وقرب منها وحط يد ع خصرها واليد الثانيه ماسك روح فيها ، وقرب من شفايفها وقال : انتي قمر نواف ، وضلوعه وكل م في نواف
قرب اكثر منها وبكت روح ، التفت عليها وابتسم وعطاها بوسه بخدها وهمس ب اذنها : انتي لازم تخربين ي بابا لازم
ايفان الي احمرتتت واحترت ، قربت منه : هاتها بنومها مطوله م نامت
ابتسم نواف وهو يشوف خدود ايفان حمراء ، اعطاءها روح ، طلع من الغرفه نواف وراح ل السطوح طلع سقارته وشغلها وبدا يشفط فيها ويفكر ويناظر ب القمر ، ماهي شويات من الوقت وجت ايفان
التفت عليها نواف : ليش جيتي بيذبحك البرد الحين
ابتسمت ايفان ودخلت مع نواف بفروته وتدفت بحضنه : مو مشكله اتدفاء معاك
نواف وهو يشم ريحه شعرها : انا الود ودي اشق صدري وادفيك فيه
ابتسمت ايفان وهي تلتفت وتشوف الدخان بيده ، اخذت الدخان منه ورمته : ارحم نفسك وفك نفسك من ذا الدخان ليش مدمن ذا السم
ابتسم نواف بدال لايعصب وقرب منها وقال : انا ادماني شيء ثاني وشيء اول قاطعتني روح منه ...
.......
~ اليوم الثاني ~
| عند العيال|
سلطان : يقولون اجلو القاء
نايف : كيف يعني مو اليوم العصر
سلطان : لا مو اليوم العصر
سطام وهو يحك دقنه ويفكر : ليش اجلوه تتوقعون ؟ عرفو عنا
نواف وهو يهز راسه ب لا : لا م عرفو عنا ولاشيء ، يمكن الرئيس انشغل بشيء ثاني
فيصل: الله اعلم ويستر ف وش انشغل
دخل محمد عليهم وهو توه صاحي من النوم ووراه مهيار وفهد الي كانهم مفجوعيننن
سلطان: شبلاكممم
مهيار وهو عين مفتوحه وعين مغمضه : جدي ضربنا ب العصاء
فهدجاء وطاح بين اخوانه : العصاء طابعه ع ظهري
سلطان بضحك : تستاهل تعرف جدي م يحب احد ينام لبعد الظهر مو سكت عنكم ايام زودتوها
محمد وهو يحك ظهره من الالم : غير صحيح كنت صاحي بس مغمض ابي عيوني ترتاح
نواف : حلال من رشك ب الماء وانت راقد انت وياه
مهيار ب انفعال : لاااااا انت لاتصحينا لاشوفك فوبيا صرت
فيصل بضحك : ليش وش السالفه
فهد وهو ياشر ع نواف : ذا مره مطلع قوارير مويه ثلج وحنا نايمين راشها فوقنا
ضحك فيصل : اخو العيال ، فاهم والله
مهيار : فيصلل حنا نشتكي وانت تقول فاهم
سلطان : ذا الحقيقه
مهيار جاء وجلس جنب نايف: والله غلط صار عندي بنت ومتزوج ورجال لحيتي وش طولها يجي جدي بسم الله عليه يخرب الهيبه كل ابوها
ضحك محمد وهو يدف رجل مهيار ويجلس : ابوي هيبه ع اخواني الكبار م تبي يصير هيبه عليك ي بزر
مهيار بهزه راس : صحيح صادق
محمد قام من عندهم : بروح البس ثوبي وبطلع
فهد : ع وين
ناظره محمد : بحاول ادور لي شغله
فهد قام معاها : اجل بروح معاك
محمد : مشانا
سلطان : منتم متغدين معانا؟
محمد هز راسه ب لا : تغدو من دونا حنا بنتغداء برا
دخل فهد ومحمد لبسو ثيابهم وطلعو من البيت ، ركبو سياره محمد ومشو
في الطريق كان محمد يسولف ويطقطق مع فهد كالعاده ، بس م حسب حساب السياره الي جته من جنب وصقعت في سيارته ، نزل محمد من السياره بعصبيه وهو يشوف الصدمه وقال بعصبيه : م تشوووووف انت
فهد نزل وقال : حصل خير ي محمد
محمد ناظر فهد : وين الخير شف الصدمه شف السياره كيف تاذت !
نزلت جيلان من السياره الي صدمت بها محمد : م شفتك اسفه
التفت محمد ع الصوت وسكت شوي
جيلان : بدفع لك ضررها صدقني م شفتك ، اصلاً كويس ان انت الي طلعت بوجهي مو احد ثاني ممكن يدق ع نجم
ناظرها محمد وقال بهدوء : خلاص اركبي سيارتك
جيلان طلعت ورق من السياره ، وكتبت رقمها عليه ومدتها ل محمد : قولي بكم صلحتها وانا ادفع لك
حطت الورقه بيد محمد ومشت ، وركبت سيارتها وراحت وهي كانت متوجهه لبيت الجد ثنيان
فهد ابتسم : كانت الجنون راكبتك نزلت الملائكه الحين
محمد وهو مفهي في مكان سيارتها الي كانت واقفه فيه ، فهد ضحك ودفه : رح اركب انا بسوق
محمد تنحنح وركب جنب فهد وفهد ساق السياره
...
| عند ام سلمان |
قامت تغيطل وفرحتها وصلت البيت كله ، جت شهدد من المطبخ وهي تشرب شاهي : يمه شفيك فرحانه وتغيطلين
ابتسمت ام سلمان : العرب عطونا الموافقه
شهد بصدمه : امانننننه
جاء سلمان الي كان طالع ل شركه ابوه : كيفك يمه
ام سلمان : بخير بخيررر ي عساء ايامك كلها بخير واشوفك عريس ي نظر عيني
ابتسم سلمان : انا بطلع ل الشركه تبغين شيء ؟
ام سلمان ابتسمت ، وقالت شهد وهي تدق كتف سلمان : ميمي وافقت عليك
سلمان وهو تفاعل شوي وبانت ع ملامحه الفرح : بذمتك ، شهد لاتطقطقين ترا مالي خلق نفسيتي ضاربه
شهد بضحك : والله وافقت عليك شفيك
ام سلمان : تو ام مي كلمتني وقالت ان البنت وافقت
سلمان ابتسم وسلم ع راس امه وكان قلبه فراشات وشوي ويطلع مع فمه ، جت ريتاج الي توها صحت من نومها : صباح الخير
ام سلمان : قصدك مساء الخير ! ليش نايمه ل ذا الوقت
ريتاج : يمه م صدقت انه اجازه فليتها ب النومه شوي ، بنروح ل جدي ؟ اليوم خميس صح
ام سلمان : اي بنروح ع العصر
شهد ابتسمت : ميمي وافقت ع سلمان
ريتاج ببتسامه : امانه ، عطوك الموافقه يمه
ام سلمان ابتسمت : اي يمك عطونا اياها
سلمان تنحنح : اجل يمه قولي نبي نستعجل
ضحكت ام سلمان : وراك يمك باقي تتملك وتسوي عرس
سلمان : لا عرس م بنسوي نسيتي ان ام سلطان صار لها شهرين من ماتت م نبي عرس
ضاقت ام سلمان وهي تتذكر ام سلطان كانت تتمنى لو انها موجوده والجمعات بدونها مره : صادق يولدي مو عرس حفله بين العايله
سلمان ناظر ريتاج : ريتاج وش قولك بنايف ؟ ، م عطيتي الموافقه قدام جدي م تبينه ؟
عدلت ريتاج جلستها وتنحنت وهي تتذكرر كلام البنات امس : موافقه
ناظرتها ام سلمان وهي تغيطل من فرحتها : الفرحه صارت فرحتتينننن ي بختييي
| في غرفه مطلق & اصايل |
كانت اصايل غارقه بنومها وحولها كتب الجامعه واوراق كانت سهرانه عليها ، طلع مطلق من الحمام " وانتم بكرامه " وكان ينشف شعره بالمنشفه ، ناظرها وهي نايمه وغارقه بنومتها ابتسم جلس قريب منها وهو يتامل ملامحها وهي نايمه ، ويشوف الكتب حولها اخذ الكتب ورتبها ع جنب ، بدا يمسك خدها بيده الباردده يمسك خدها الي مثل القطن ، فتحت اصايل عيونها بانزعاج وهي تتمتتم ، مطلق قرب منها وسلم ع راسها ويصحيها بصوته : م ودك تصحين ها ، اصولتي
ناظرته اصايل وهي تحك عيونها بكسل وتبتسم تذكرت واجبها وفزت بهلع : الوووواجببب م كملته ، اوففف كان باقي عليه بس خمس ساعات كم الساعه
ابتسم مطلق وجلس جنبها : اهدي
اصايل وهي تاخذ الابتوب : مطلق اقول الواجب تقول اهدي " فكت صفحت واجبها وكانت خايفه تاخذ صفر دخلت وهي متوتره وميته خووووف ، دخلت ع الصفحه بس بدال م تشوف الصفر كانت ماخده العلامه الكامله "
قالت اصايل بصدمه : انا متاكده م كملته شلون اخذت درجه كامله
ابتسم مطلق وهو يدفن وجهه في رقبتها ويبوسها : ممكن يكون زوجك البطل هو الي ارسله
ابتسمت اصايل وناظرته ومن فرحتها حضنته ، وهي قاعده تشوف مطلق يعوضها عن كل شيء كل شيء : مطللق
مطلق : عيونه امريني
اصايل بعدت عنه وابتسمت
...
| في بيت الجد ثنيان| غرفه سلطان & اديم |
سلطان ببتسامه: لاتشيلين شيء ولاتسوين شيء تسمعيني ؟
اديم ببتسامه : فهمت سلطاني عدتها مليونه مره
سلطان مسكها من خصرها : يمكن لاني خايف عايك
اديم ابتسمت وحطت ايدينها من ورا رقبته : بخير انا معليك ، غير كذا م راح اترك المحكمه بروح لها اليوم
سلطان وهو يبعد خصله من شعر اديم : مو بكيفك
اديم بانفعال وبصوت انوثي : بكيفيييي ، سلطانييي جتني قضيه تكفى اول قضيه لي
ابتسم سلطان وهو يذوب اذا قالت له سلطاني : تمام روحي بس انا م اقدر اروح معك مشغول مع نواف بس انتبهي لنفسك وكل دقيقه ب اتصل عليك
اديم عطته بوسه بخده : ابشررر من عيوني
ابتسم سلطان وهو يشوفها تتجهز بحماس
| في غرفه مجد وملك |
فكت ملك لابتوبها وجت بتدخل ، بس م كان حسابها استغربت وراحت للاعدادات تشوف كان مكتوب سطام جتها فكره انها تنبش بحسابه شوي لانها طفشانه وم عندها شيء تسويه ، دخلت وبدت تتصفح في حسابه وتشوف ، طلعت لها صورته قربتها اكثر وشافته
وقالت بصوت شوي مرتفع: والله مملوح 
فجر الي كانت تلبس بنتها الصغيره ناظرتها : تقولين شيء ؟
رفعت ملك راسها ل فجر وقالت بتصريفه : قلت بطلب قهوه تبين
فجر ابتسمت : اطلبي اطلبي
ملك ابتسمت : بطلبك حاره لان البارد م يصلح ل نفاس
فجر : مو مشكله
دق الباب وقالت ملك : بروح اشوف اكيد جيلان لاني قلت لها تجي
فجر : روحي روحي
..

| في المطبخ |
كانت مجد تسوي قهوه ، دخل عليها نواف وقال لها تنظف المجلس عشان العيال ، وقالت له طيب راحت مجد للمجلس ع اساس تنظف نظفته وخلصته ورجعت تركب بخور تبي تبخر المجلس ، اخذ البخور وقت ع بال م استوى الفحم ، حط بخور وراحت للمجلس تبخر ، بس م انتبهت ان كان في ولد في المجلس ابداً وهو من شاف مجد صد ع طول
دخل نواف وشاف مجد وانصدم وقال بعصبيه : وش تسوووين هينا !!!
مجد انربط لسانها وكانت متعرف تتكلم ابداً كان احد قطع لسانها
نواف مسكها مع يدها وطلعها وقفل باب المجلس : فيصل جوه صاحيه انتي ليش جيتي
مجد وهي تحاول تبرر : نظفت المجلس زي م قلت لي ورحت اخذ بخور والله والله ي نواف م انتبهت والله
شد نواف ع سنونه : خلاص ولاكلمه رحي رحي
راحت مجد من عندهم ، ودخل نواف ع فيصل وجلس وهو يصب القهوه
قال فيصل : ترا م شفتها يخوك صديت ، وهي م انتبهت لاتقول شيء ويصير شيء بسببي
ناظره نواف ومد له القهوه: حصل خير ، سم القهوه
اخذ فيصل القهوه من يد نواف : سم الله عدوك
دخل سلطان عليهم وجلس معاهم ، وساله نواف عن سطام
سلطان : راح لابو سامي اكيد بيعطي شيء له
فيصل وهو يحك دقنه : ابوي لو عرف اني هينا ممكن يحرق المكان بكبره ، ف اقول الاحسن اني اروح
نواف : هد يولد ان كان بيحرقه يمشي ع جثتي ب الاول
سلطان : جثثنا كلنا
....
| عند فهد ومحمد |
كانو بدورون ع محل للاستجار عشان يقدر محمد يسوي مشروع فيه ويسترزق الله وفعلاً حصلو لهم مكان ، وكان حلو ووسيع
فهد : والله ع مستوى ي محمد
محمد وهو يمشي بالمحل ويناظر : حلو والله، بس نااقصنا فكره المشروع
فهد : مع الوقت تجي الفكره ، بس نصيحتي المحل م يروح عليك
محمد : شورك وهدايه الله بنستاجره ، خل نرجع الحين اكيد بيتجمعون وابوي بيسال عنا
فهد : مشانا ، وخلني اسوق عشان م تجيك اخت سطام تصدمك
ابتسم محمد وطلعو من المحل ركبو السياره ، وبدا محمد يفكر ويقلب الفكر براسه
محمد : اقولك فهد
ناظره فهد : قول وش عندك
محمد تنحنح : انا اقول يعني
فهد يعرف اذا محمد خبص ب الكلام ان عنده شيء : وشو قول
محمد : ابي اخطب اخت سطام
وقف فهد السياره من الضحك ، وبدا يضحك ويقول : حبيتها يورع
محمد دفه من كتفه : اسكت يولد ترا اقوله صدق
فهد وهو يضحك : محمد الي ضد الزواج بيتزوج الحيننن !
ابتسم محمد : مدري يخي احسها غير ، مو مثل البنات الباقين احسها استثنايه
فهد ابتسم : والله طحت ومحد سمى عليك
محمد وهو يطلع الكاب من راسه ويحطه بحظنه : اقوله ل ابوي ولا انتظر نايف وسلمان
ضحك فهد : لاتنتظر وروح قول بسرررعه
محمد وهو تحمس : والله ، اجل امش امش بسرررعه
فهد وهو يشغل السياره وميت ضحك
...
| في بيت الجد ثنيان|
عرف نايف من ايفان ان ريتاج وافقت عليه وكان فرحان وطاير ، ويبي ذا الوقت يمشي بسرعه يبي يجتمع مع ريتاج ب اسرع م يمكن كان قلبه ينبض بسرعه عجيبه وغريبه ب نفس الوقت ، وقفت سياره سلمان ونزل منها سلمان وخواته وجاء سلمان يسلم ع نايف
سلمان وهو يمد يده ل نايف: ارحب ي نايف كيفك
نايف مسك يد سلمان : بخير عساك بخير
سلمان : بخير يمال الخير
كانت ريتاج وراهم وتناظره من قريب وتشوفه لابس لبس التمريض توه راجع من دوامه وتحس بتموت بتفطس ، جاء نايف يسلم ع عمته ام سلمان
نايف: كيفك ي عمه عساك بخير
ام سلمان : بخير ي نظر عيني بشوفتك
نايف : تسلمينن ......
......
ننهي البارت لين هينا